အမွေကိစ္စ တရားလွှတ်တော် တရားသူကြီးချုပ်ထံ ဦးအောင်ဆန်းဦး အထူးအယူခံလျှောက်

နေပြည်တော်၊ ဇန်နဝါရီ ၁၁

ဗိုလ်ချုပ်အောင်ဆန်း၏ သားကြီး ဦးအောင်ဆန်းဦးသည် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နေထိုင်သော ရန်ကုန်မြို့ တက္ကသိုလ်ရိပ်သာလမ်း၊ ခြံအမှတ် ၅၄ ကို အမွေခွဲရာတွင် ညီမျှမှုမရှိဟုဆိုကာ ပြည်ထောင်စုတရားလွှတ်တော်ချုပ် တရားသူကြီးထံ အထူးအယူခံ လျှောက်ထားကြောင်း ဦးအောင်ဆန်းဦးက ပြောကြားသည်။

ဦးအောင်ဆန်းဦးတင်သွင်းသည့် အယူခံကို ပြည်ထောင်စုတရားလွှတ်တော်ချုပ်ရုံးသို့ လျှောက်ထားခဲ့ရာပြီးခဲ့သည့် ဒီဇင်ဘာ ၁၂ ရက်က ရုံးတော်မှ ( ပလပ်) ပယ်ချခဲ့ခြင်းကို ကျေနပ်မှုမရှိသောကြောင့် ဥပဒေ၏ နောက်ဆုံးအခွင့်အရေးအရ တရားလွှတ်တော်ချုပ်ထံ ယခုကဲ့သို့ ဦးတိုက်လျှောက်ထားခြင်းဖြစ်ကြောင်း ဦးအောင်ဆန်းဦး၏ ရှေ့နေဖြစ်သူ တရားလွှတ်တော်ရှေ့နေ ဦးအေးလွင်က ရှင်းပြသည်။

“၂၀၁၀ ပြည်ထောင်စု တရားစီရင်ရေးဥပဒေပုဒ်မ ပုဒ်မ ၂၀ အရ အထူးအယူခံဝင်ရောက်ဖို့လျှောက်တာ။ ဒီအဆင့်က ပြည်ထောင်စုတရားသူကြီးချုပ်က ခွင့်ပြဖို့ပဲ လျှောက်တာ။ ခွင့်မပြုရင်တော့ ပြီးပြီ။ ပုဒ်မ ၂၀ အရ ပြည်ထောင်စုတရားသူကြီးချုပ်ထံ ထူးအယူခံဝင်ဖို့အတွက် တိုက်ရိုက်လျှောက်တာ။ ခွင့်တောင်းတဲ့ လျှောက်လွှာကို ဒီနေ့တင်မယ်” ဟု ၎င်းက ဆိုသည်။

ထပ်မံပယ်ချ (ပလပ်) လိုက်ပါက ယခုလျှောက်လဲချက်သည် လမ်းဆုံးပြီ ဖြစ်ကြောင်း ဦးအောင်ဆန်းဦးက ပြောဆိုသည်။ 

You may also like...

Leave a Reply

Your email address will not be published. Required fields are marked *