တပ်မတော်ကြေညာချက်နှင့် စစ်ရေးရက်စွဲ

ဒီဇင်ဘာ ၂၁ ရက်နေ့ကစ၍ ဧပြီလကုန်အထိ စစ်ဆင်ရေးနယ်မြေအလိုက် စစ်ရေးဆိုင်ရာလှုပ်ရှားမှုအားလုံးကို ရပ်ဆိုင်းထားမည်ဟု တပ်မတော် ကြေညာထားသည်။ အဆိုပါကြေညာမှုအပြီး ငြိမ်းချမ်းရေးဆိုင်ရာ လုပ်ငန်းစဉ်များနှင့် တပ်မတော်အပါအဝင် တိုင်းရင်းသားလက်နက်ကိုင်အဖွဲ့များနှင့် ပတ်သက်သည့် စစ်ရေးအခြေအနေများ မည်သို့ဆက်လက်ဖြစ်ပေါ်လာသည်ကို အပတ်စဉ် ကောက်နုတ်ဖော်ပြထားခြင်းဖြစ်သည်။

ဇန်နဝါရီ ၅ – ရှမ်းပြည်နယ်မြောက်ပိုင်း သီပေါမြို့နယ်တွင် ရှမ်းလက်နက်ကိုင်နှစ်ဖွဲ့တိုက်ပွဲကြောင့် စစ်ဘေးရှောင်ရွာသား ၅၀၀ နီးပါး တိမ်းရှောင်လျက်ရှိ။
– ရခိုင်ပြည်နယ်တွင် ရဲကင်းစခန်းများကို ရခိုင်လက်နက်ကိုင်အဖွဲ့ (AA) က အကြမ်းဖက်တိုက်ခိုက်မှုအပေါ် ရှုတ်ချကြောင်း မြန်မာနိုင်ငံဆိုင်ရာ တရုတ်သံရုံး ထုတ်ပြန်။

ဇန်နဝါရီ ၆ – ရခိုင်လက်နက်ကိုင်အဖွဲ့ (AA) က နယ်ခြားစောင့်စခန်းများကို ထပ်မံတိုက်ခိုက်မည်ဟု သတင်းထွက်ပေါ်။

ဇန်နဝါရီ ၇ – ရခိုင်ပြည်နယ်ရှိ လုံခြုံရေးစခန်းလေးခုကို တိုက်ခိုက်မှုကြောင့် ရခိုင်လက်နက်ကိုင်အဖွဲ့ (AA) ကို သောင်းကျန်းသူအဖြစ် သတ်မှတ်ကာ သောင်းကျန်းသူနှိမ်နင်းမှုစစ်ဆင်ရေးကိုလုပ်ဆောင်ရန် နိုင်ငံတော်သမ္မတရုံးက တပ်မတော်ကို ညွှန်ကြားသည်။

ဇန်နဝါရီ ၈ – ကိုးကန့်လက်နက်ကိုင်အဖွဲ့ (MNDAA) နှင့် တအန်း လက်နက်ကိုင်အဖွဲ့(TNLA) တို့သည် ဒေသခံတိုင်းရင်းသားများကို အကြောင်းမဲ့ဖမ်းဆီးနေ၍ ဖမ်းဆီးခံရသူများ ပြန်လည်လွတ်မြောက်ရေး လိုအပ်သလိုဆောင်ရွက်သွားမည်ဟု တပ်မတော်ကာကွယ်ရေးဦးစီးချုပ်ရုံးက ထုတ်ပြန်။
– ရခိုင်ပြည်နယ်အတွင်းဖြစ်ပွားသည့် အကြမ်းဖက်တိုက်ခိုက်မှုကြောင့် အသက်ဆုံးရှုံးသူများအတွက် စိတ်မကောင်းဖြစ်ရကြောင်း ဩစတြေးလျသံရုံး ထုတ်ပြန်။

ဇန်နဝါရီ ၁၀ – ရဲကင်းစခန်းများကို ဝင်တိုက်ခဲ့သည့် ရခိုင်လက်နက်ကိုင်အဖွဲ့ (AA) ၏ လုပ်ရပ်များကိုရှုတ်ချကြောင်း မြန်မာနိုင်ငံဆိုင်ရာဥရောပသမဂ္ဂရုံးက ထုတ်ပြန်။

ဇန်ဝါရီ ၁၁ – အစိုးရဦးဆောင်နေသည့် ငြိမ်းချမ်းရေးလုပ်ငန်းစဉ်များကို ကြိုဆိုထောက်ခံကာ နိုင်ငံရေးပြဿနာများကို နိုင်ငံရေးနည်းလမ်းဖြင့် စုပေါင်းဖြေရှင်းသွားမည်ဟု ရှမ်းပြည်တိုးတက်ရေးပါတီ (SSPP) ဆို။

You may also like...

Leave a Reply

Your email address will not be published. Required fields are marked *