ဒုတိယနှစ်အုပ်ချုပ်ရေး

ဓာတ်ပုံ - မိုးကျော်လွင်

၂၀၁၉သည် သမ္မတဦးဝင်းမြင့်၏ ဒုတိယနှစ် ဖြစ်သည်။

သမ္မတဦးထင်ကျော်နေရာတွင် ၂၀၁၈ မတ်လကုန်ပိုင်းတွင် ဦးဝင်းမြင့် ရောက်လာခြင်းသည် လက်ရှိအစိုးရ၏ ပြုပြင်ပြောင်းလဲရေး ဒုတိယအဆင့် ဖြစ်သည်။ ဦးဝင်းမြင့်သည် သမ္မတဦးထင်ကျော်ထက် တာဝန်နှင့် လုပ်ပိုင်ခွင့်များရပြီး ၂၀၀၈ အခြေခံဥပဒေပါ သမ္မတတစ်ယောက်နှင့် ပိုပြီးတူလာသည်။ အုပ်ချုပ်ရေးယန္တရား ပြုပြင်ပြောင်းလဲရေးနှင့် စွမ်းဆောင်ရည်ပိုကောင်းရေးသည် ဦးဝင်းမြင့်၏ တာဝန်ဝတ္တရားများတွင် ပါဝင်ရာ သူ အတွေ့အကြုံပြည့်ဝလာသည့် ဒုတိယနှစ် ၂၀၁၉ တွင် အုပ်ချုပ်ရေးယန္တရား ပိုအားကောင်းလာဖွယ်ရှိသည်။

မြန်မာ့အုပ်ချုပ်ရေး၏ ကျောရိုးသဖွယ်ဖြစ်သည့် အထွေထွေအုပ်ချုပ်ရေးဦးစီးဌာနကို အရပ်သားထိန်းချုပ်မှုအောက်ရှိ ပြည်ထောင်စုရုံးဝန်ကြီးဌာနသို့ ရွှေ့ပြောင်းလိုက်သည့် ရလဒ်များကို စတင်ခံစားရမည်။ ဦးစီးဌာနနှင့် ဝန်ကြီးဌာနတို့ မြန်မြန်အသားကျသွားလျှင် မြန်မာ့အုပ်ချုပ်ရေး၊ အထူးသဖြင့် တိုင်းဒေသကြီးနှင့် ပြည်နယ်အုပ်ချုပ်ရေးသည် မြန်ဆန်သွက်လက်လာဖွယ်ရှိသည်။ အထွေထွေအုပ်ချုပ်ရေးဦးစီးဌာန၏ ညွှန်ကြားရေးမှုးချုပ်နှင့် ပြည်ထဲရေးဝန်ကြီးဌာန၏ အမြဲတမ်းအတွင်းဝန် ဖြစ်သူကို ဒုတိယဝန်ကြီးအဖြစ် ခန့်အပ်လိုက်သည့် အတွက် အရွှေ့အပြောင်းကိစ္စ မြန်မြန်အသားကျမည်။

ဓာတ်ပုံ – မိုးကျော်လွင်

အဂတိလိုက်စားမှုတိုက်ဖျက်ရေးကော်မရှင်သည် အုပ်ချုပ်ရေးယန္တရားကောင်းမွန်စွာ လည်ပတ်ရေးတွင် အရေးပါသည့် အဖွဲ့အစည်း ဖြစ်လာသည်။ ၂၀၁၇ ခုနှစ်ကုန်ပိုင်းတွင် အသစ်ဖွဲ့စည်းတာဝန်ပေးခဲ့သည့် ထိုကော်မရှင်သည် မူလရည်ရွယ်ရင်း တာဝန်များကို ဖြည့်ဆည်းရန် များစွာအားထုတ်ရဦးမည်ဖြစ်သော်လည်း ၂၀၁၈ တစ်နှစ်အတွင်းတွင် အတွေ့အကြုံအချို့ ရရှိခဲ့ပြီး နာမည်ကြီးအမှုအချို့ကို အရေးယူခဲ့သဖြင့် လူအများအာရုံစိုက်ခဲ့ရသည်။ ဒုတိယနှစ်သက်တမ်းတွင် အဂတိလိုက်စားမှုများကို ပိုပြီး တိုက်ဖျက်နိုင်မည်၊ ‘ငါးကြီးကြီးများကို ပိုကြော်’ နိုင်မည်။

မြန်မာ့ဖွံဖြိုးတိုးတက်ရေးရေရှည်စီမံကိန်း Myanmar Sustainable Development Plan MSDP ကို စတင်အကောင်အထည်ဖော်သည့်အခါတွင် အကောင်အထည်ဖော်မည့် ဝန်ကြီးဌာနများ၏ အားနည်းချက်ကို မြင်ရမည်။ အထူးသဖြင့် ဝန်ကြီးဌာနအချင်းချင်းအကြား ပူးပေါင်းဆောင်ရွက်မှုအားနည်းခြင်းသည် ထင်ရှားလာမည်။ MSDP ကို အောင်မြင်အောင် အကောင်အထည်ဖော်ရင်း အုပ်ချုပ်ရေးယန္တရားသည် ကျွဲကူးရေပါတိုးတက်လာမည်။ အုပ်ချုပ်ရေးယန္တရားစွမ်းဆောင်ရည် မတိုးတက်လျှင် MSDP သည် မှန်းသလောက် အောင်မြင်မည်မဟုတ်။

ပြည်နယ်နှင့် တိုင်းဒေသကြီးအစိုးရများသည် အလေ့အကျင့်ရလာသည်နှင့် အမျှ လွန်ခဲ့သော ငါးနှစ်ခြောက်နှစ်အတွင်းတွင် စွမ်းရည်ပိုတက်လာသည်။ ပြည်နယ်နှင့် တိုင်းဒေသကြီးအစိုးရများ၏ အင်ဂျင်သဖွယ်ဖြစ်သည့် အထွေထွေအုပ်ချုပ်ရေးဦးစီးဌာန ရွှေ့ပြောင်းလိုက်သည့် ၂၀၁၉ တွင် ပြည်နယ်နှင့် တိုင်းဒေသကြီးအစိုးရများ ပိုသွက်လာမည်။ ဦးဆောင်သည့် ဝန်ကြီးချုပ်ပေါ်မူတည်ပြီး ပြည်နယ်နှင့် တိုင်းဒေသကြီးအလိုက် စွမ်းဆောင်မှုမှာမူ ကွာဟနေဦးမည်။

ပဋိပက္ခများ ဖြစ်ပွားသည့် ပြည်နယ်များတွင် အုပ်ချုပ်ရေးယန္တရားသည် လက်နက်ကိုင်တပ်ဖွဲ့များနှင့် ခွဲဝေအုပ်ချုပ်ရသည့်အတွက် တစ်ပြည်နယ်အတွင်း အစိုးရ နှစ်မျိုး အခြေအနေနှင့် ရင်ဆိုင်ရမည်။ မတည်ငြိမ်သည့်အတွက် အုပ်ချုပ်ရေးအားနည်းမည်။ ၂၀၁၉ သည် ရွေးကောက်ပွဲအကြိုနှစ် ဖြစ်သည့်အတွက် လက်နက်ကိုင်အဖွဲ့များ လှုပ်ရှားမှုပိုများပြီး ထိုပြည်နယ်များတွင် အုပ်ချုပ်ရပိုခက်မည်။

Facebook အစိုးရဟု နောက်ပြောင်တင်စားသည့် Facebook ပေါ်မှ အများပြည်သူအသံကြောင့် အုပ်ချုပ်ရေးပိုင်းတွင် လိုက်ပါပြုပြင်သည်များ ပိုပြီးပင် အရှိန်ရလာနိုင်သည်။ Facebook ပေါ်တွင် ပြောမှ လိုက်လုပ်ခြင်းကို အားမရဖြစ်ကြသော်လည်း ပြော၍ လိုက်လုပ်သည်ပင် ပြောင်းလဲချင်စိတ်ရှိသည်ဟု ဆိုနိုင်သည်။ Facebook အစိုးရ ၂၀၁၉ တွင် ဆက်အားကောင်းမည်။

You may also like...

Leave a Reply

Your email address will not be published. Required fields are marked *