ငါးကြီးကြီးဝိုင်းကြော်ပေးရမည့် တရားစီရင်ရေး

ဓာတ်ပုံ - မိုးကျော်လွင်

ပြည်သူလူထု၏ ယုံကြည်ကိုးစားမှုကျဆင်းယိမ်းယိုင်နေသည်မှာ နှစ်များစွာကြာမြင့်နေပြီဖြစ်သော တရားစီရင်ရေးမဏ္ဍိုင်သည် ၂၀၁၉ တွင် အတန်ငယ်တည့်မတ်လိုသည့် အရိပ်အယောင်များ မြင်တွေ့လာရဖွယ်ရှိသည်။

အဂတိလိုက်စားမှုတိုက်ဖျက်ရေးကော်မရှင်၏ ငါးကြီးကြီးဖမ်းပြခြင်းများနှင့်အတူ တရားရုံးများ၏ ဥပဒေနှင့်အညီ အမှုများ လက်ခံ၊ ကြားနာ၊ စစ်ဆေး၊ အရေးယူအပြစ်ပေးခြင်းမှာလည်း ကျွဲကူးရေပါ တွေ့မြင်လာရဖွယ်ရှိသည်။ သို့သော် ယနေ့အချိန်အထိ တရားသူကြီးတစ်ဦးချင်းစီ၏ ဥပဒေ၊ ပုဒ်မများကို အဓိပ္ပာယ်ကောက်ယူမှု၊ ချင့်ချိန်ဆင်ခြင်သုံးသပ်မှုတို့ ကွဲလွဲခြင်းကြောင့်သော်လည်းကောင်း၊ အုပ်ချုပ်ရေးနှင့် တပ်မတော်တို့၏ ဩဇာသက်ရောက်မှုကို မလွန်ဆန်နိုင်သေးခြင်းကြောင့်သော်လည်းကောင်း၊ လာဘ်ပေးလာဘ်ယူမှု အမြစ်တွယ်နေခြင်းကြောင့်သော်လည်းကောင်း ကြီးသည့် အမှုငယ်၊ ငယ်သည့် အမှုပပျောက်ဆိုခြင်းထက် ငယ်သည့် အမှုကြီး၊ ကြီးသည့် အမှုကွယ်ပျောက်ဆိုသည့် ပြောင်းပြန်ဖြစ်စဉ်များလည်း ရှိနေဦးမည်ဖြစ်သည်။

ဓာတ်ပုံ – မိုးကျော်လွင်

မကြာသေးခင်ကပင် စင်ကာပူမှ ပြန်လာသော အိမ်အကူမိန်းကလေးတစ်ဦး အလုပ်ရှင်က ရှင်းပေးလိုက်သည့် ငွေတွင် တစ်သောင်းတန်အတု ပါဝင်လာခြင်းကြောင့် ဖမ်းဆီးခံရသည့်အခါ အာမခံချက်ချင်းမရဘဲ ရဲစခန်းတွင် အချုပ်ခံနေရသော်လည်း သိန်းပေါင်းများစွာ လိမ်လည်လှည့်ဖျားမှုဖြင့် အမှုအဖွင့်ခံရသူ ယောဂီ ဒေါ်နန္ဒမာလာကိုမူ ချက်ချင်းအာမခံပေးလိုက်ခြင်းမှာ အမှုဖြစ်စဉ်နှင့် စွဲဆိုသော ဥပဒေ၊ ပုဒ်မကွဲပြားမှုရှိလင့်ကစား တရားရုံးများ၊ တရားသူကြီးများ၏ အခြေအနေနှင့် အဆင့်အတန်းကို မီးမောင်းထိုးပြသကဲ့သို့ ရှိသည်။

ထို့အတူ ယနေ့အချိန်အထိ ဦးကိုနီလုပ်ကြံမှုတွင် ပါဝင်ခဲ့သူများကို ရုံးတင်စစ်ဆေး၍ မပြီးနိုင်မစီးနိုင်ဖြစ်နေခြင်း၊ ဦးဝီရသူနှင့် ကိုဆွေဝင်းအမှုတွင် တရားလိုဖြစ်သူများ တရားရုံးသို့ လာရောက်ရန် အကြိမ်ကြိမ် ပျက်ကွက်နေသည်ကို ထိရောက်စွာ မကိုင်တွယ်နိုင်ခြင်းတို့မှာလည်း တရားရုံးများ၏ စွမ်းဆောင်ရည်ကို ညွှန်ပြလျက်ရှိသည်။

ထို့အပြင် မူးယစ်ဆေးဝါးလက်ဝယ်တွေ့ရှိမှုဖြင့် ထောင်ဒဏ် ၁၇ နှစ် အပြစ်ပေးခံရသူ သရုပ်ဆောင် မိုးအောင်ရင်နှင့် ထောင်ဒဏ် ၁၁ နှစ် ပြစ်ဒဏ်ချမှတ်ခံရသူ တေးသံရှင်ရသတို့ အမှုတွင်လည်း တည်ဆဲမူးယစ်ဆေးဝါးနှင့် စိတ်ကို ပြောင်းလဲစေနိုင်သော ဥပဒေ၏ အားနည်းချက်၊ တရားသူကြီးများ၏ ဆင်ခြင်တုံတရားအပေါ် လူအများစုက ပြစ်တင်ဝေဖန်လျက်ရှိသည်။

ဓာတ်ပုံ – မိုးကျော်လွင်

လူသိများထင်ရှားသူများဖြစ်သောကြောင့် သတင်းမီဒီယာစာမျက်နှာများမှ တစ်ဆင့် အများပြည်သူ သိရှိနိုင်သော အမှုများတွင်ပင် ဤသို့ အခြေအနေရှိလျှင် အခြား လူမသိ၊ သူမသိ အမှုပေါင်း မည်ရွေ့၊မည်မျှ တရားရုံးများတွင် ကြန့်ကြာနေနိုင်ဖွယ်ရှိကြောင်း၊ ပြစ်မှုနှင့် ပြစ်ဒဏ်မမျှ မတခံစားနေကြရဖွယ်ရှိကြောင်း ခန့်မှန်းနိုင်သည်။

ရခိုင်ပြဿနာကြောင့် နိုင်ငံတကာက အထူးအာရုံစိုက်ခံထားရသည့် ရိုက်တာသတင်းထောက်နှစ်ဦးအမှုသည်လည်း နောက်ကွယ်တွင် ပြည်ထဲရေး၊ တပ်မတော်နှင့် အစိုးရတို့ ကိုယ်တိုင်ပါဝင်ပတ်သက်နေပေရာ တရားရုံးများသည် ပြည်သူလူထုက ယုံကြည်အားကိုးထိုက်သည့် လွတ်လပ်သော တရားစီရင်ရေးမဏ္ဍိုင်ကို ကိုယ်စားပြု မပြု မှတ်ကျောက်တင်မည့် အခြေအနေရှိနေသည်။ လာမည့် ၂၀၁၉ သည် ထိုအမှုကြောင့် တရားရုံးနှင့် တရားသူကြီးများကို တစ်ကမ္ဘာလုံးက စောင့်ကြည့်နေကြမည်ဖြစ်သည်။ ထိုအမှုသည် ရခိုင်ပြည်နယ်တွင် တပ်မတော်၏ လုပ်ရပ်များကို ဖော်ထုတ်ခြင်းကြောင့် တပ်မတော်၏ ကြီးစွာအမျက်ထွက်မှုနှင့်အတူ ပေါ်ပေါက်လာသော အမှု ဖြစ်သောကြောင့် မြန်မာနိုင်ငံသားသတင်းထောက်နှစ်ဦးကို ဥပဒေနှင့်အညီ စစ်ဆေး၊ ကြားနာကာ ဥပဒေနှင့်အညီ စီရင်ဆုံးဖြတ်နိုင်ခြေမှာ များစွာနည်းပါးလှသည်။

အခြားတစ်ဖက်တွင်လည်း ရခိုင်ပြဿနာကြောင့် နိုင်ငံတကာအသိုင်းအဝိုင်း၏ ဖိအား အဆက်မပြတ်ပေးမှုများ ရှိနေချိန်တွင် ထိုသတင်းထောက်နှစ်ဦးကို အငြင်းပွားဖွယ်အကြောင်းပြချက်များဖြင့် ဖမ်းဆီးအမှုဆင်လိုက်ခြင်းသည် ဖိအားများပိုတိုးလာစေရန် မီးထိုးပေးလိုက်သကဲ့သို့ ဖြစ်သွားခြင်းကို အစိုးရနှင့် တပ်မတော်တို့ သဘောပေါက်စပြုနေပြီ ဖြစ်သည်။ အထူးသဖြင့် ဥရောပသမဂ္ဂက မြန်မာနိုင်ငံနှင့် ပူးပေါင်းဆောင်ရွက်မည့် အစီအစဉ်များ ဆိုင်းငံ့ထားလိုက်ခြင်း၊ အခွန်ကင်းလွတ်ခွင့် အထူးအခွင့်အရေးများ ရုပ်သိမ်းဖွယ်ရှိနေခြင်းတို့သည် နိုင်ငံ၏ တုံ့ဆိုင်းနေသော စီးပွားရေးကို ထပ်မံ၍ အကြီးအကျယ် ထိုးနှက်လိုက်ဖွယ် ရှိနေသည်။ ထို့ကြောင့် လာမည့် ၂၀၁၉ တွင် ရိုက်တာသတင်းထောက်နှစ်ဦးကို တရားစွဲဆိုသူများလည်း ထွေးပြီးသား တံတွေးပြန်မျိုချသကဲ့သို့ မဖြစ်စေရန် အခြားနည်းလမ်းတစ်ခုဖြင့် ဖြေရှင်းဖွယ် အလားအလာ ရှိနေသည်။

၂၀၁၉ သည် လာမည့် ၂၀၂၀ ရွေးကောက်ပွဲအတွက် လက်ရှိအာဏာရ NLD ပါတီက မဲဆွယ်လှုပ်ရှားမှုများ သို့မဟုတ် မဲဆန္ဒရှင်များကို ဆွဲဆောင်နိုင်မည့် လုပ်ဆောင်မှုများ ထင်ထင်ရှားရှား ပြသရမည့် နှစ် ဖြစ်သောကြောင့် ပြည်သူအများစု စိတ်ပျက်နေသော တရားစီရင်ရေးမဏ္ဍိုင်မှတစ်ဆင့် ငါးကြီးကြီးများကို ကြော်ပြနိုင်ခြေ ရှိပေသည်။ သို့သော် မိမိပိုင်ကန်အတွင်းမှ ငါး ဖြစ်မည်လော၊ အခြားကန်များမှ ငါး ဖြစ်မည်လော ပြောရခက်လှသည်။ သေချာသည်မှာ ကြော်ပြရန် ဖမ်းမည့် ငါးသည် ကုန်ဆုံးသွားခဲ့သည့် သုံးနှစ်နီးပါးကာလအတွင်း အစိုးရ၏ စွမ်းဆောင်ရည်ကို အားမလိုအားမရဖြစ်နေသူ မဲဆန္ဒရှင်ပြည်သူများ၏ စိတ်ကို ဖြေသိမ့်၊ ဆွဲဆောင်နိုင်စေရန် ငါးရွေးချယ်သူများ၏ အရည်အချင်းနှင့် အမျှော်အမြင်အပေါ်တွင် မူတည်နေကြောင်းပင် ဖြစ်သည်။

You may also like...

Leave a Reply

Your email address will not be published. Required fields are marked *