ငြိမ်းချမ်းရေးသော့ချက် တပ်မတော်

ငြိမ်းချမ်းရေးနှင့် ပတ်သက်သော တပ်မတော်၏ ရပ်တည်ချက်၊ ရည်ရွယ်ချက်၊ ဦးတည်ချက်၊ လက်တွေ့ အကောင်အထည်ဖော် ဆောင်ရွက်မှုများက သေနတ်သံစဲသော သို့မဟုတ် ဆူညံသော ၂၀၁၉ အဖြစ် ပုံပေါ်လာမည်ဖြစ်သည်။

၂၀၁၈ ခုနှစ်မကုန်မီ တပ်မတော်ဘက်က စစ်ဆင်ရေးလုပ်ငန်းများ၊ ပစ်ခတ်တိုက်ခိုက်မှုများ သုံးလကြာ ရပ်စဲထားမည်ဖြစ်ကြောင်း ကြေညာထားခြင်းနှင့်အတူ ၂၀၁၉ နှစ်သစ်ကို ကြိုဆိုခဲ့သည်။ သို့သော် နှစ်ဆန်းကာလတွင် ရခိုင်တိုင်းရင်းသားလက်နက်ကိုင်အဖွဲ့ AA က ဘူးသီးတောင်မြို့နယ်အတွင်းရှိ ရဲကင်းလေးခုကို အလစ်ဝင်ရောက် တိုက်ခိုက်ကာ အရပ်သားသုံ့ပန်းများ ဖမ်းဆီးခေါ်ဆောင်သွားခြင်းကြောင့် တပ်မတော်က တန်ပြန်ထိုးစစ်ဆင်နှိမ်နင်းရန် ပြင်ဆင်လာခြင်းဖြင့် ၂၀၁၉ နှစ်သစ်ကို သေနတ်သံဖြင့် နိဒါန်းပျိုးခဲ့ရသည်။

ထိုအခြေအနေကြောင့်ပင် နိုင်ငံတော်သမ္မတအိမ်တော်တွင် ကာ/လုံခေါ် နိုင်ငံတော် ကာကွယ်ရေးနှင့် လုံခြုံရေးကောင်စီ အရေးပေါ်အစည်းအဝေးသဘောမျိုး ခေါ်ဆိုခဲ့ရပြီး ယင်းတိုက်ခိုက်မှုနောက်ဆက်တွဲ ရခိုင်ပြည်နယ် လုံခြုံရေး၊ ပြည်တွင်း လုံခြုံရေးနှင့် နိုင်ငံတကာဆက်ဆံရေးအခြေအနေများကို ဆွေးနွေးညှိနှိုင်းခဲ့ကြရသည်။

စင်စစ်အားဖြင့် တပ်မတော်သည် ၂၀၁၉ နှစ်သစ်ကို ပစ်ခတ်တိုက်ခိုက်မှုရပ်စဲရေး ကြေညာချက်ဖြင့် ငြိမ်းချမ်းစွာ စတင်ခဲ့ခြင်းသည် အပေါင်းလက္ခဏာအဖြစ် အသိအမှတ်ပြုရမည်ဖြစ်သည်။ သို့သော် တအောန်းခေါ် ပလောင်လက်နက်ကိုင်တပ် TNLA နှင့် တပ်မတော်တို့ တိုက်ပွဲများဖြစ်ပွားနေကြောင်း TNLA သတင်းရင်းမြစ်ကို ကိုးကားဖော်ပြသော သတင်းမီဒီယာများကို တပ်မတော်ဘက်မှ ဆက်သွယ်အတည်ပြုနိုင်သူအမည်နှင့် တယ်လီဖုန်းနံပါတ် မထုတ်ပြန်နိုင်သေးခင် သတိပေးကြေညာချက်ထုတ်ခြင်းမှာမူ အငြင်းပွားစရာဖြစ်နေပေသည်။

မည်သို့ပင်ဖြစ်စေ မြန်မာ့တပ်မတော်သည် ငြိမ်းချမ်းမှုတည်ဆောက်ရေးလုပ်ငန်းများကို လိုလားမှုအရှိဆုံး၊ ပစ်ခတ်တိုက်ခိုက်မှုများ မလုပ်ချင်ဆုံးဖြစ်ကြောင်း လက်တွေ့ပြသသော ကြေညာချက်အဖြစ် အသိအမှတ်ပြုရမည်ဖြစ်သည်။ ထို့အပြင် တပ်မတော်ကာကွယ်ရေးဦးစီးချုပ်ကိုယ်တိုင် လာမည့် ၂၀၂၀ တွင် ငြိမ်းချမ်းမှုတည်ဆောက်ရေး အပြီးသတ်ရရှိရန် ဆောင်ရွက်မည်ဖြစ်ကြောင်း ပြောဆိုထားခြင်းကို ထောက်ရှုလျှင် တပ်မတော်၏ ငြိမ်းချမ်းရေးလိုလားမှု အတိုင်းအတာကို အကြမ်းအားဖြင့် ဆဝါးကြည့်နိုင်သည်။

အခြားတစ်ဖက်တွင်လည်း တပ်မတော်၏ အရေးပါအရာရောက်မှုသည် ပြည်တွင်းစစ်အပေါ်တွင်လည်း တစ်စိတ်တစ်ပိုင်း မူတည်နေကြောင်း ကောက်ချက်ချပြောဆိုမှုများလည်း ရှိနေသည့်အပြင် ရခိုင်ပြဿနာအပေါ်မူတည်ကာ နိုင်ငံတကာ၏ ဖိအားပေးမှုများ အိုင်စီစီခေါ် နိုင်ငံတကာရာဇဝတ်ခုံရုံးက မြန်မာ့တပ်မတော် ခေါင်းဆောင်အချို့အား တရားစွဲဆိုဖမ်းဆီးရန် ဖိအားပေးတောင်းဆိုမှုများ ရှိနေခြင်းကြောင့် ငြိမ်းချမ်းရေးလိုလားကြောင်း သိသာစွာပြသလာခြင်းဖြစ်ကြောင်း သုံးသပ်ဝေဖန်မှုများလည်း ရှိသည်။

ထို့အပြင် ရခိုင်ပြဿနာကို အကြောင်းပြုကာ နိုင်ငံတကာအသိုင်းအဝိုင်းက လိုသည်ထက်ပို၍ ဖိအားပေး၊ အကျပ်ကိုင်၊ ခြိမ်းခြောက်သည့်သဘော ဆက်ဆံနေခြင်းကို ကြံ့ကြံ့ခံ ရင်ဆိုင်နေသော နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဦးဆောင်သော NLD အစိုးရနှင့် ဗိုလ်ချုပ်မှူးကြီး မင်းအောင်လှိုင် ဦးဆောင်သော မြန်မာ့တပ်မတော်တို့အကြား မတူညီသော ခံယူချက်၊ သဘောထားများကို ဘေးဖယ်ကာ အတူတကွ တက်ညီလက်ညီ ပူးပေါင်းအဖြေရှာရမည်ကို နားလည်သဘော ပေါက်ရမည့်အချိန်ဟုလည်း ဆိုနိုင်သည်။

မည်သို့ပင်ဖြစ်စေ ၂၀၁၉ သည် မြန်မာ့တပ်မတော်အတွက် ငြိမ်းချမ်းမှုတည်ဆောက်ရေးကို အားသွန်ခွန်စိုက်၊ စိတ်ပါ လက်ပါ ပါဝင်ဆောင်ရွက်မည့်နှစ်ဖြစ်မည်။ ထိုအတွက် တပ်မတော်က တစ်လျှောက်လုံး ကိုင်စွဲလာခဲ့သော အပစ်အခတ်ရပ်စဲရေးဆိုင်ရာ ရပ်တည်ချက် သဘောထားအချို့ကိုပင် လိုအပ်ပါက ပြုပြင်ပြောင်းလဲပေးခြင်း၊ လျှော့ပေါ့ပေးခြင်းများ တွေ့မြင်ရဖွယ်ရှိမည်။ အခြားတစ်ဖက်တွင်လည်း နိုင်ငံတကာအသိုင်းအဝိုင်း၏ တပ်မတော်ခေါင်းဆောင်အချို့အပေါ် သီးခြားကန့်ကွက်၊ တားမြစ်ပိတ်ပင်မှု၊ အိုင်စီစီဖြင့် အကျပ်ကိုင်၊ ခြိမ်းခြောက်မှုတို့ကိုလည်း အရှိန်မပျက် ဆက်လက်ရင်ဆိုင်ရဦးမည်ဖြစ်သည်။

လက်ရှိ မြန်မာ့တပ်မတော်အနေနှင့် ၁၉၈၈ ခုနှစ်နောက်ပိုင်း တပ်မတော်ခေါင်းဆောင်များ စီမံခန့်ခွဲခဲ့ခြင်း၏ အကျိုးဆက်အနေနှင့် ဆိုးမွေ၊ ကောင်းမွေများကို လက်ဆင့်ကမ်းခံယူနေရသည်ဖြစ်ရာ ဒဏ်ရာဒဏ်ချက်များ အကင်းမသေတတ်သေးသော ပြည်သူလူထု၏ မုန်းတီး၊ နာကြည်းမှုများ ၂၀၁၉ ခုနှစ်တွင်လည်း ဆက်လက်ရင်ဆိုင်နေရဦးမည်ဖြစ်သည်။ ထို့ကြောင့် တပ်မတော်က မည်မျှသဘောရိုးဖြင့် ဆောင်ရွက်သော အမှုကိစ္စဖြစ်နေစေကာမူ စိတ်ဒဏ်ရာသင့် ပြည်သူများထံမှ အပေါင်းလက္ခဏာ တုံ့ပြန်မှုများစွာ မရှိနိုင်သည်ကို မျှော်လင့်ထားရမည်ဖြစ်သလို အနုတ်လက္ခဏာသဘော တုံ့ပြန်မှုများကိုလည်း စိတ်ရှည်သည်းခံမှု၊ သဘောထားကြီးမှုတို့ဖြင့် လူကြီးလူကောင်းဆန်စွာ ခံယူရမည်ဖြစ်သည်။ သို့မဟုတ်ပါဘဲ ယခင်နှစ်များနည်းတူ ပါဝါအမာကို အားကိုးကာ အကဲဆတ်ဆတ်၊ တင်းတင်းမာမာ တုံ့ပြန်နေမည်ဆိုပါက ပြည်သူလူထုနှင့် အခြားအင်အားစုများ၏ ချစ်ခင်၊ ထောက်ခံ၊ အားပေးမှုနှင့် ဝေးကွာနေဦးမည် ဖြစ်သည်။

ထိုအတွက် တပ်မတော်အတွင်း သို့မဟုတ် တပ်မတော်ပြင်ပ၊ နောက်ကွယ်ရှိ သဘောထားတင်းမာသူများနှင့် သဘောထား ပျော့ပျောင်းသူများအကြား အမျိုးသားပြန်လည်သင့်မြတ်ရေး၊ ငြိမ်းချမ်းမှုတည်ဆောက်ရေးအလို့ငှာ အချေအတင် ဆွေးနွေးညှိနှိုင်းရမှုများလည်း ရှိနေမည်ဖြစ်သည်။

You may also like...

Leave a Reply

Your email address will not be published. Required fields are marked *