ရန်ကုန်စည်ပင် ရွေးကောက်ပွဲလာပြီ

ဓာတ်ပုံ - မိုးကျော်လွင်

ဒီမိုကရေဆိတ်သုဉ်းခဲ့သော ရန်ကုန်တွင် စည်ပင်ရွေးကောက်ပွဲဖြင့် ပြန်လည်ဝေစည်တော့မည်လော။

အကြောင်းမှာရန်ကုန်မြို့တော်စည်ပင်သာယာရေးကော်မတီ (YCDC) ရွေးကောက်ပွဲကို မတ်လ ၃၁ ရက်နေ့ နံနက်၆ နာရီတွင် ရန်ကုန်တိုင်းအစိုးရက ပြန်လည်ကျင်းပမည်ဖြစ်သည်။

ဒီမိုကရေစီကြွေးကြော်သံဖြင့် တက်လာသော NLD အစိုးရလက်ထက်တွင် ရန်ကုန်သားတို့ စည်ပင်ရွေးကောက်ပွဲအတွက် မဲပေးခွင့်ရလာတော့မည်။ စည်ပင်တွင် ပြည်သူတင်မြှောက်သည့် ကိုယ်စားလှယ်များကို မြင်တွေ့ရန်မျှော်လင့်ခွင့်ရှိလာပြီ ဖြစ်သည်။

၂၀၁၅ ခုနှစ် အထွေထွေရွေးကောက်ပွဲကျင်းပပြီး သုံးနှစ်ကျော်အကြာ သို့မဟုတ် NLD အစိုးရသက်တမ်းသုံးနှစ်ကျော်တွင် ကျင်းပမည့် ရန်ကုန်စည်ပင်ရွေးကောက်ပွဲကစားပွဲ စည်းမျဉ်းစည်းကမ်းများကား အဘယ်နည်း။

အားပေးသူများ

စည်ပင်ရွေးကောက်ပွဲတွင် မြို့နယ်အဆင့်အတွက် စည်ပင်သာယာနယ်နိမိတ် ၃၃ မြို့နယ်တွင် တစ်မြို့နယ်ကို မြို့နယ် စည်ပင်သာယာဥက္ကဋ္ဌ၊ မြို့နယ်စည်ပင်သာယာအဖွဲ့ဝင် ၁ နှင့် မြို့နယ်စည်ပင်သာယာအဖွဲ့ဝင် ၂ ဟူ၍ သုံးဦးဖြင့် စုစုပေါင်း ၉၉ ဦး ရွေးချယ်မည် ဖြစ်သည်။

ရွေးကောက်ပွဲမဲပေးခွင့်မှာမူ တစ်အိမ်ထောင်တစ်ယောက်နှုန်း မဟုတ်ဘဲ အသက် ၁၈ နှစ်ပြည့်သူတိုင်း မဲပေးခွင့်ရှိလာမည် ဖြစ်သည်။ (သမ္မတဦးသိန်းစိန်လက်ထက် ၂၀၁၄ ခုနှစ် ဒီဇင်ဘာလ ၂၇ ရက်နေ့တွင် ကျင်းပခဲ့သည့် စည်ပင်ရွေးကောက်ပွဲတွင်မူ တစ်အိမ်ထောင် တစ်မဲသာလျှင် မဲပေးခဲ့ရခြင်း ဖြစ်သည်။)

မဲပေးခွင့်မရသူများလည်း ရှိသည်။

တပ်မတော်၊ တပ်ရင်းတပ်ဖွဲ့တွင် နေထိုင်သည့်သူ တပ်မတော်သားမိသားစုဝင်များ မပါချေ။ တပ်မြို့စည်ပင်သာယာအဖွဲ့ စီမံကွပ်ကဲသည့် နေရာတွင် နေထိုင်သူများလည်း မဲပေးခွင့်မရှိ။

ထိုသို့ ကန့်သတ်ရခြင်းမှာ တပ်မြို့ စည်ပင်သာယာအဖွဲ့အုပ်ချုပ်သည့် နေရာများကို YCDC က ဝင်ရောက် မစွက်ဖက်လိုသည့်အတွက်ဖြစ်ကြောင်း စည်ပင်ရွေးကောက်ပွဲကော်မရှင်ဥက္ကဋ္ဌ ဦးအောင်ခိုင်က ဆိုသည်။

“သူတို့က ရွေးကောက်ပွဲအတွက် မဲထည့်ပေးစရာ မလိုတော့ဘူး။ ၂၀၁၄ ရွေးကောက်ပွဲတုန်းကလည်း အဲဒီလိုမျိုး ကန့်သတ်ထားတာ ရှိတယ်” ဟု ၎င်းက ရှင်းပြသည်။

ကစားသမားများ

စည်ပင်ရွေးကောက်ပွဲဝင်ပြိုင်ရန် ကိုယ်စားလှယ်လောင်းများအတွက် အသက် ၂၅ နှစ် ပြည့်ရန်နှင့် ကိုယ်စားပြုယှဉ်ပြိုင်မည့် မြို့နယ်တွင် အနည်းဆုံး တစ်ဆက်တည်း သုံးနှစ်နေထိုင်ရန်ကဲ့သို့ လိုအပ်ချက်များရှိသည်။

ဤလိုအပ်ချက်များမှာ လက်ရှိ စုံစမ်းသိရှိရသည့် အချက်အလက်များသာဖြစ်ပြီး လက်ရှိတွင် တာဝန်ရှိသူများက စိစစ်နေဆဲဖြစ်ကာ အသေးစိတ်များကိုမူ လာမည့် သီတင်းပတ်တွင်မှ အပြည့်အစုံသိရှိနိုင်မည် ဖြစ်သည်။

စည်ပင်ရွေးကောက်ပွဲသို့ ဝင်ရောက်ယှဉ်ပြိုင်လိုသူများသည် ဇန်နဝါရီလ ၁၈ ရက်မှ ၂၈ ရက်အတွင်း ရွေးကောက်ပွဲကော်မရှင်ထံ အမည်စာရင်း ပေးသွင်းရမည် ဖြစ်သည်။

ထိုပြင် ဝင်ရောက်ယှဉ်ပြိုင်ရန် သတ်မှတ်အရည်အချင်းပြည့်မီသူများသည် မြို့တော်ကော်မတီဝင် ရာထူးအတွက် ကျပ်ငါးသိန်း၊ မြို့နယ်အဆင့်ရာထူးအတွက် ကျပ်နှစ်သိန်းကို မြို့တော်ဘဏ်သို့ အာမခံ စပေါ်ငွေ ပေးသွင်းရမည်ဖြစ်ပြီး ရွေးကောက်ပွဲတွင် ရှုံးနိမ့်သူများကို အာမခံငွေ ပြန်လည်ထုတ်ပေးမည်ဖြစ်သည်ဟု စည်ပင်ရွေးကောက်ပွဲကော်မရှင်ဥက္ကဋ္ဌ ဦးအောင်ခိုင်က ဆိုသည်။

မဲဆွယ်ကာလမှာ ဖေဖော်ဝါရီလ ၂၈ ရက်မှ မတ်လ ၂၉ ရက်နေ့အထိ ဖြစ်သည်။ ခွင့်ပြုထားသည့် မဲဆွယ်ကုန်ကျစရိတ်မှာ ကော်မတီအဆင့်တွင် ကျပ်သိန်း ၂၀၀၊ မြို့နယ်အဆင့်အတွက် ကျပ်သိန်း ၁၀၀ ခွင့်ပြုမည်ဖြစ်ကြောင်း စည်ပင်ရွေးကောက်ပွဲ ကော်မရှင်ထံမှ သိရှိရသည်။

အသက်ကန့်သတ်ချက်မှာ ၂၅ နှစ် ပြည့်သူဟုဆိုထားခြင်းကြောင့် ဒုတိယမြို့တော်ဝန်သည်ပင် လူငယ်ပိုင်းအတွင်းမှပင် ဖြစ်လာနိုင်ဖွယ်ရှိသည်ကို တွေ့ရမည် ဖြစ်သည်။

“ပြည်သူလူထုရွေးကောက်တဲ့ သူက ဒုတိယမြို့တော်ဝန် ဖြစ်လာမှာတို့၊ ၁၈ နှစ် ပြည့်သူတိုင်းမဲပေးခွင့်ရလာမှာတို့ ဒါတွေကတော့ အန်တီတို့ ကြိုဆိုရမှာပေါ့လို့” ဟု ရန်ကုန်တိုင်းဒေသကြီး လွှတ်တော်ကိုယ်စားလှယ်ဟောင်း ဒေါက်တာညိုညိုသင်းက The Voice Journal သို့ မှတ်ချက်ပြု ပြောကြားထားသည်။

ဒုတိယမြို့တော်ဝန်

ရန်ကုန်စည်ပင်ရွေးကောက်ပွဲတွင် ဒုတိယမြို့တော်ဝန်အဖြစ် ခန့်အပ်ခံရမည့်သူ အပါအဝင် ပြည်သူရွေးချယ်သည့် ကိုယ်စားလှယ်ပေါင်း ၁၀၅ ဦးအထိ ရွေးချယ်သွားမည်ဖြစ်ကြောင်း စည်ပင်ရွေးကောက်ပွဲကော်မရှင်ဥက္ကဋ္ဌ ဦးအောင်ခိုင်က ဆိုသည်။

YCDC နယ်နိမိတ် ၃၃ မြို့နယ်ကို လူဦးရေဖြင့် တွက်ချက်၍ မြို့နယ်စု မဲဆန္ဒနယ်မြေခြောက်ခု သတ်မှတ်ကာ မြို့တော်ကော်မတီဝင် ခြောက်ဦးကို ရွေးချယ်မည် ဖြစ်သည်။

မြို့နယ်စုမဲဆန္ဒနယ်ခြောက်ခုကို လူဦးရေပေါ်မူတည်၍ အကြမ်းဖျင်းသတ်မှတ်မည်ဟု ၎င်းက ဆိုသည်။

မြို့နယ်စုမဲဆန္ဒနယ်ခြောက်ခုမှ ရွေးချယ်ခံရသည့် မြို့တော်ကော်မတီဝင်ခြောက်ဦးနှင့် လက်ရှိအစိုးရ ခန့်အပ်သည့် မြို့တော်ဝန်အပါအဝင် ကော်မတီဝင်ငါးဦး စုစုပေါင်း ၁၁ဦး ဖြင့် YCDC ကို ပြန်လည်ဖွဲ့စည်းမည် ဖြစ်သည်။

ရွေးကောက်ခံကော်မတီဝင်ခြောက်ဦး အနက်မှ တစ်ဦးကို ရန်ကုန်မြို့တော်ကော်မတီဝင် ၁၁ ဦးက လျှို့ဝှက်မဲစနစ်ဖြင့် ရွေးချယ်ကာ ဒုတိယမြို့တော်ဝန် ခန့်အပ်မည်ဖြစ်သည်။

ဒုတိယမြို့တော်ဝန်ကို ပြည်သူဆန္ဒမဲဖြင့် တိုက်ရိုက်မရွေးချယ်နိုင်သော်လည်း ပြည်သူဆန္ဒမဲဖြင့် မြို့တော်ကော်မတီဝင် ဖြစ်လာသူ ခြောက်ဦးထဲမှ ရွေးချယ် မည်ဖြစ်သောကြောင့် ပြည်သူရွေးချယ်သည့် ဒုတိယမြို့တော်ဝန်ဟု ဆိုနိုင်သည်။

သို့သော်လည်း ဗဟိုချုပ်ကိုင်မှုအားကြီးလွန်းသည်ဟု ဝေဖန်သံများထွက်ပေါ်နေသော NLD အစိုးရက တိုက်ရိုက်ခန့်အပ်ထားသော YCDC ကော်မတီဝင်များအကြား ဒုတိယ မြို့တော်ဝန်ခြေစွမ်းခြေစမပေါ်မည်ကို စိုးရိမ်သူများလည်း ရှိသည်။

“လက်တွေ့အကောင်ထည်ဖော်လိုက်တဲ့အခါကျရင် ဒုတိယမြို့တော်ဝန်ရဲ့ လုပ်ငန်းနဲ့ ဝတ္တရားတွေနဲ့ပတ်သက်ပြီး ရုပ်သေးရုပ်ဖြစ်နေမလား”ဟု စည်ပင်ဥပဒေများဆိုင်ရာ အရပ်ဘက်အဖွဲ့အစည်းပူးပေါင်းအဖွဲ့၏ အဖွဲ့ဝင် ဦးမြတ်မင်းဦးက မေးခွန်းထုတ်ထားဖူးသည်။

ကစားသမားသက်တမ်း

ရွေးကောက်ခံကိုယ်စားလှယ်များ၏ သက်တမ်းသည် အစိုးရသက်တမ်းနှင့်အညီ ဖြစ်သည်ဟု ၂၀၁၈ စည်ပင်သာယာဥပဒေတွင် ပြဋ္ဌာန်းထားသည့်အတွက် မဲနိုင်သည့် ကိုယ်စားလှယ်များသည် ၂ နှစ်ဝန်းကျင်သာ တာဝန်ထမ်းဆောင်ရမည်ဖြစ်သည်။

ထိုအချက်က စည်ပင်ရွေးကောက်ပွဲဝင်ရောက်ယှဉ်ပြိုင်ရန် ပြည်သူများ စိတ်ဝင်စားနိုင်ပါမည်လော။

 “ကိုယ်စားလှယ်လောင်း လျှောက်လွှာလက်ခံလာရင်တော့ များရင်တော့ စိတ်ဝင်စားတာ များတယ်။ ကိုယ်စားလှယ်လောင်း လျှောက်လွှာနည်းရင်တော့ စိတ်ဝင်စားတာ နည်းမှာပေါ့။ အဲဒီတော့မှပဲ သိမယ်”ဟု ရွေးကောက်ပွဲအပေါ် ပြည်သူ့စိတ်ဝင်စားမှုနှင့် ပတ်သက်၍ စည်ပင်ရွေးကောက်ပွဲကော်မရှင်ဥက္ကဋ္ဌ ဦးအောင်ခိုင်က မှတ်ချက်ပြုသည်။

ရွေးကောက်ခံကိုယ်စားလှယ်မဲ့လျက်ရှိသည့် ရန်ကုန်စည်ပင်ကိုရွေးကောက်ပွဲကျင်းပရန် ရန်ကုန်တိုင်းလွှတ်တော် ကိုယ်စားလှယ်များက ၂၀၁၆ ခုနှစ်မှစ၍ တိုက်တွန်းခဲ့သော်လည်း ၂ နှစ်ကျော်မှသာ စည်ပင်ရွေးကောက်ပွဲကျင်းပနိုင်ခြင်း ဖြစ်ကြောင်း ကျောက်တံတားမြို့နယ် မဲဆန္ဒနယ်က ရန်ကုန်တိုင်းလွှတ်တော်ကိုယ်စားလှယ် ဒေါ်ကြည်ပြာက ဆိုသည်။

“လိုအပ်လို့ ရွေးကောက်ပွဲလုပ်ဖို့ လိုအပ်လို့ ပြောတာ။ ကြားထဲမှာ ၂ နှစ်လောက်အချိန်တွေ ကုန်သွားတယ်” ဟု စည်ပင်ရွေးကောက်ပွဲလေ့လာစမ်းစစ်မှုအကြံပြုလုပ်ငန်းအဖွဲ့၏ အဖွဲ့ခေါင်းဆောင် ဖြစ်သည့် ၎င်းက ဆက်လက်ပြောကြားသည်။

၂၀၁၇ ခုနှစ်တွင် စည်ပင်သာယာဥပဒေဟောင်းကို ပြင်ရန် ရန်ကုန်တိုင်းဒေသကြီး ဥပဒေကြမ်းကော်မတီက လွှတ်တော်တင်ကာ ဆွေးနွေးမှုများစွာပြုလုပ်ခဲ့သော်လည်း လွှတ်တော်သို့ တင်ခွင့်မရှိဘဲ ၂၀၁၈ ခုနှစ်စည်ပင်သာယာဥပဒေကို ရေးဆွဲခဲ့ကြောင်း ရန်ကုန်တိုင်းလွှတ်တော်ကိုယ်စားလှယ်များထံမှ သိရှိ ရသည်။

ရန်ကုန်စည်ပင်ဥပဒေသစ်ရေးဆွဲနေသောကြောင့် ရန်ကုန်စည်ပင်ရွေးကောက်ပွဲကျင်းပရန် နောက်ကျနေခြင်းဖြစ်ကြောင်း ရန်ကုန်မြို့တော်ဝန်ဦးမောင်မောင်စိုးက ရန်ကုန်တိုင်း လွှတ်တော်တွင် ဖြေဆိုထားသည်။

ပြည်သူနှင့် စည်ပင်

လူဦးရေခုနစ်သန်းနီးပါးကျော် နေထိုင်သည့် ရန်ကုန်တွင် လမ်းဘေးခွေး ထိန်းချုပ်ခြင်း၊ ကြွက်ဖမ်း၊ ကျီးဖမ်းခြင်းမှသည် လမ်းခင်း၊ အမှိုက်ရှင်းကိစ္စအားလုံး စည်ပင်က တာဝန်ယူသည်။

ရန်ကုန်နေ လူတစ်ဦးအတွက် ရေခွန် မြေခွန်မှသည် နာရေးကိစ္စအထိ မကျန် ရန်ကုန်သူ၊ ရန်ကုန်သားများ စည်ပင်နှင့် ပတ်သက်နေရသည်။

ထို့ကြောင့်လည်း လူတစ်ဦး မွေးဖွားသည်မှ သေဆုံးသည်အထိ ဝန်ဆောင်မှုပေးသော အဖွဲ့အစည်းမှာ ရန်ကုန်မြို့တော် စည်ပင်သာယာရေးကော်မတီ (YCDC) ဟု စည်ပင်သာယာတာဝန်ရှိသူများက ဝံ့ကြွားကြသည်။

သို့သော်လည်း ရန်ကုန်သူ၊ ရန်ကုန်သားများသည် အပျံစားဝန်ဆောင်မှုများကို ရရှိခြင်းတော့ မဟုတ်ပေ။ မိုးတွင်း၌ လမ်းပေါ်တွင် ရေလျှံခြင်း၊ အမှိုက်များ အထင်ကရလမ်းပေါ်တွင် တောင်ပုံ ယာပုံ ရှိနေခြင်းမှသည် အမျိုးစုံသော ပွဲစားများ ခြေရှုပ်နေသည့် ရန်ကုန်စည်ပင်နှင့် ပတ်သက်၍ စိတ်ညစ်ညူးရသည့် ကိစ္စများစွာက ယင်းသို့ ဝန်ဆောင်မှုကောင်းများ မရှိကြောင်း သက်သေခံလျက် ရှိသည်။

ယခုအခါ အဆိုပါ ရန်ကုန်စည်ပင်အတွက် ရွေးကောက်ခံများကို ပြည်သူက ရွေးချယ်ရတော့မည်ဖြစ်သည်။

ထိုအတွက် ပေးဆပ်ရသည့် တန်ဖိုးက မနည်းလှ။ စည်ပင်ရွေးကောက်ပွဲ ကော်မရှင်ဥက္ကဋ္ဌ ဦးအောင်ခိုင်ကမူ အဆိုပါ ရွေးကောက်ပွဲကုန်ကျစရိတ်သည် ခန့်မှန်း ကျပ် ၂ ဘီလီယံခန့် ကုန်ကျမည်ဟု The Voice Journal သို့ ပြောကြားသည်။ (သမ္မတဦးသိန်းစိန်လက်ထက်က ၂၀၁၄ ခုနှစ်က ကျင်းပသည့် ရန်ကုန်စည်ပင် ရွေးကောက်ပွဲသည် ကျပ်သိန်း ၄၀၀၀ ကုန်ကျခဲ့သည်။)

ရန်ကုန်စည်ပင်ရွေးကောက်ပွဲတွင် ရွေးကောက်ခံစည်ပင်ကိုယ်စားလှယ် ၁၀၅ ဦးရွေးချယ်မည်ဖြစ်သည်။

ရွေးကောက်ပွဲကုန်ကျစရိတ်သည် ကျပ် ၂ ဘီလီယံ ကုန်ကျမည်ဆိုပါက ရွေးကောက်ခံတစ်ဦးအတွက် ပြည်သူ့ငွေ ကျပ် ၁၉ သန်းကျော် သုံးစွဲရခြင်းဖြစ်သည်။

ပြည်သူလွှတ်တော်တွင် ပညာရေးဝန်ကြီးဌာနက အခြေခံပညာကျောင်း အဆောက်အအုံများ ဆောက်လုပ်သည့် နေရာတွင် ပေ ၆၀ ထ ပေ ၃၀ အဆောက်အအုံတစ်လုံးကို ကျပ် ၃၆ သန်း တွက်ချက်တောင်းခံရာ စည်ပင်ရွေးကောက်ပွဲ ကုန်ကျစရိတ်သည် ကျောင်းပေါင်း ၅၅ ကျောင်းကျော် တည်ဆောက်နိုင်မည်ဖြစ်သည်။

ထိုရွေးကောက်ခံများ၏ သက်တမ်းမှာလည်း ၂ နှစ် ဝန်းကျင်သာ ဖြစ်သည်။

ထို့ကြောင့်ပြည်သူ့ဘဏ္ဍာကျပ် ဘီလီယံချီကုန်ကျမည့် NLD အစိုးရလက်ထက် ရန်ကုန်ရွေးကောက်ပွဲအတွက် ထိုက်တန်သည့် ဝန်ဆောင်မှုများ ပြန်လည်ရရှိရန်လည်း လိုအပ်မည်ဖြစ်သည်။

ရွေးကောက်ခံစည်ပင်ကိုယ်စားလှယ်များ စည်ပင်တွင် ရှိလာပါက စည်ပင် သာယာလုပ်ငန်းများ လက်ရှိထက် ပိုမိုဝန်ဆောင်မှု ပေးနိုင်မည်ဟု ယူဆနိုင် သ်ာလည်း ကုန်ကျခဲ့သည့် ပြည်သူ့ဘဏ္ဍာငွေဖြင့် ထိုက်တန်မှုရှိရန်လိုသည်။

အမှန်တကယ်အလုပ်လုပ်နိုင်မည့် ကိုယ်စားလှယ်လောင်းများကို ရွေးချယ်ရန်လိုအပ်ကြောင်း ကျောက်တံတားမြို့နယ် မဲဆန္ဒနယ် ရန်ကုန်တိုင်းလွှတ်တော် ကိုယ်စားလှယ် ဒေါ်ကြည်ပြာက ဆိုသည်။

“အဓိကအားဖြင့် အဂတိလိုက်စားမှုမရှိဘဲ လုပ်ပေးနိုင်မယ့်သူကိုသာ ရွေးချယ်နိုင်မယ်ဆိုရင်တော့ အကျိုးရှိမှာပါ” ဟု ၎င်းက ဆိုသည်။

ပို့ပို့

You may also like...

Leave a Reply

Your email address will not be published. Required fields are marked *