ပျိုတိုင်းကြိုက် ဒေါ်လာ

ယုံကြည်မှုအားနည်းနေဆဲ ကျပ်ငွေတန်ဖိုးမှာ ယခုနှစ်တွင်လည်း ဆက်လက်ပျော့နေမည်ဖြစ်ပြီး ယမန်နှစ်ကဲ့သို့ ရုတ်ချည်း အတက်အကျကြမ်းသည့် ဖြစ်ရပ်မျိုး မပေါ်ပေါက်ရန် ဗဟိုဘဏ်က စွမ်းဆောင်နိုင်ခြေ ရှိ၊ မရှိ အခြေအနေမှာ ကြီးမားသည့်စိန်ခေါ်မှုတစ်ခုဖြစ်သည်။

ပြီးခဲ့သည့် ၂၀၁၇ ခုနှစ်တွင် အလှုပ်အခတ်နည်းပါးခဲ့သော ဒေါ်လာဈေးမှာ ၂၀၁၈ ခုနှစ်တွင် မထင်မှတ်လောက်အောင် အတက်အကျကြမ်းခဲ့သည်။ ၂၀၁၈ ခုနှစ်အတွင်း ပြည်တွင်းဒေါ်လာငွေလဲနှုန်းမှာ ၂၀ မှ ၂၅ ရာခိုင်နှုန်းကျော် ထိုးတက်သွားရာ တစ်နည်းအားဖြင့် မြန်မာကျပ်ငွေတန်ဖိုးမှာ ကြောက်ခမန်းလိလိ ၂၀ မှ ၂၅ ရာခိုင်နှုန်းကျော် ကျဆင်းသွားခြင်းဖြစ်သည်။ တရားဝင်ငွေကြေးဈေးကွက်နှင့် ပြင်ပဈေးကွက်မှာ လက်ရှိအချိန်ထိ အားပြိုင်နေရဆဲဖြစ်ကာ ၂၀၁၈ ခုနှစ်အတွင်းဖြစ်ခဲ့သည့် ဒေါ်လာဈေးအလှုပ်အခတ်များအရ ပြင်ပဈေးကွက်ကပင် ပိုမိုအားကြီးနေဆဲဖြစ်ကြောင်း တွေ့ရသည်။

ထိုအခြေအနေသည် ငွေကြေးဈေးကွက်တစ်ခုလုံးတည်ငြိမ်ရန် လုပ်ဆောင်ရမည့် ဗဟိုဘဏ်၏ စွမ်းဆောင်ရည်ကို အကန့်အသတ်ဖြစ်စေပြီး ဈေးကွက်အတွင်း ရုတ်ခြည်းအတက်အကျဖြစ်မှုကို ထိရောက်စွာ ကိုင်တွယ်ရန် ခက်ခဲစေသည်။

ယင်းအပြင် ကမ္ဘာ့စီးပွားရေးအခြေအနေနှင့် နိုင်ငံတကာဈေးကွက်များ၏ ရိုက်ခတ်မှုကို ခုခံနိုင်စွမ်းနည်းပါးသည့် မြန်မာ့ငွေကြေး ဈေးကွက်မှာ ထိန်းသိမ်းရခက်သည့်အနေအထားတွင်သာ ရှိနေသည်။

ဖွံ့ဖြိုးစ၊ ပြုပြင်ပြောင်းလဲရေးလုပ်စ မြန်မာနိုင်ငံအတွက် ကုန်သွယ်ရေးလိုငွေ၊ ဘတ်ဂျက်လိုငွေများမှာ ဆက်လက်ရှိနေမည်ဖြစ်ရာ ဒေါ်လာလိုအပ်ချက်လည်း မြင့်တက်နေဦးမည်ဖြစ်သည်။ ဒေါ်လာငွေလဲနှုန်းကို ၂၀၁၂ ခုနှစ် ဧပြီလတွင် ထိန်းချုပ်နှုန်းရှင်အဖြစ် စတင်ခဲ့ပြီး ခြောက်နှစ်အတွင်း ၁၀၀ ရာခိုင်နှုန်း မြင့်တက်ခဲ့သည်။ တစ်နည်းအားဖြင့် ကျပ်ငွေတန်ဖိုး ၁၀၀ ရာခိုင်နှုန်းကျဆင်းခဲ့ပြီးဖြစ်သည်။

ပြည်ပမှ နိုင်ငံခြားငွေလွှဲငွေပို့များ၊ ပြင်ပနိုင်ငံခြားငွေကြေးဈေးကွက်၊ နိုင်ငံခြားရင်းနှီးမြှုပ်နှံမှု ဝင်ရောက်မှုအခြေအနေနှင့် ပြည်တွင်းပို့ကုန်တိုးမြှင့်ရေး စသည့် မျက်နှာစာ တိုင်းတွင် အားနည်းနေဆဲဖြစ်သည်။ နိုင်ငံခြားဘဏ်များကို ပြည်တွင်းလုပ်ငန်းများသို့ ကျပ်၊ ဒေါ်လာနှစ်မျိုးလုံးဖြင့် ချေးငွေခွင့်ပြုလိုက်ခြင်းကြောင့် ဒေါ်လာလိုအပ်ချက်ကို အထိုက်အလျောက် ဖြည့်ဆည်းနိုင်မည်ဖြစ်ပြီး နိုင်ငံခြားဘဏ်များ၏ ကျပ်ငွေလိုအပ်ချက်ကြောင့် ကျပ်-ဒေါ်လာ လဲလှယ်နှုန်းကို အတက်အကျ မကြမ်းစေရန် အသင့်အတင့်ကုစားနိုင်မည် ဖြစ်သည်။

ပြည်တွင်း ငွေကြေးဈေးကွက်တည်ငြိမ်ရေးမှာ နိုင်ငံခြားဘဏ်များ ပြည်တွင်းဈေးကွက်သို့ ကျယ်ပြန့်စွာ ဝင်ရောက်လာရေး၊ ပို့ကုန်ပမာဏနှင့် အမျိုးအစားတိုးတက်လာရေးနှင့် ဗဟိုဘဏ်၏ မြန်ဆန်ထိရောက်သော ငွေကြေးမူဝါဒရေးရာ စီမံဆောင်ရွက်မှုများပေါ် မူတည်နေသည်။

စံချိန်များကို ချိုးဖျက်နေဆဲ မြန်မာ့ရွှေ

တစ်နှစ်ပြီးတစ်နှစ် စံချိန်တင်ဈေးနှုန်းတင်ရမှကျေနပ်သည်မှာ မြန်မာ့ရွှေဈေးဖြစ်သည်။

ရွှေဈေးသမိုင်းတစ်လျှောက် ၂၀၁၈ ခုနှစ်သည် စံချိန်သစ်တင်နိုင်သည့် နောက်ထပ် နှစ်တစ်နှစ်ဖြစ်ခဲ့ပြီး မြန်မာ့ရွှေဈေးမှာ တစ်ကျပ်သားလျှင် ကျပ်ဆယ်သိန်းအထက်သို့ ရောက်သွားသည်။၂၀၁၇ ခုနှစ် ရွှေတစ်ကျပ်သား ကျပ်ကိုးသိန်းခွဲကျော်အထိ အမြင့်ဆုံး စံချိန်တင်ခဲ့ပြီး ယမန်နှစ်က ထိုစံချိန်ကို အသာလေး ကျော်တက်ခဲ့ပြန်သည်။ နိုင်ငံတကာတွင် ရင်းနှီးမြှုပ်နှံမှုနှင့် လက်ဝတ်အဆင်တန်ဆာအဖြစ် ဈေးကွက်သီးသန့် ခွဲခြားနိုင်သော်လည်း မြန်မာနိုင်ငံတွင်မူ ထိုနှစ်ခုမှာ ရောထွေးနေပြီး စီးပွားရေးလန့်သည့်အချိန်တိုင်း ရွှေဈေးပါ ကမောက်ကမ ဖြစ်လေ့ရှိသည်။

မြန်မာ့ရွှေ၏ ထူးခြားချက်မှာ တက်ပြီး လျှင် ပြန်ကျရိုးမရှိဘဲ တောက်လျှောက်ဆက်တက်သွားခြင်းဖြစ်ပြီး ထို့ကြောင့်ပင် တစ်နှစ်ထက် တစ်နှစ် စံချိန်အသစ်တင်နေခြင်း ဖြစ်သည်။

အချုပ်ဆိုရသော် မြန်မာ့သည်းခြေကြိုက်ရွှေမှာ ဈေးတက်သော်လည်း မရှိ ဝမ်းစာ၊ ရှိတန်ဆာ မြန်မာပြည်သူတို့ကြောင့် ပုံမှန်အတိုင်း အရောင်းအဝယ်လည်ပတ်နေဦးမည်ဖြစ်သလို ပြည်တွင်းဒေါ်လာငွေလဲနှုန်း၊ ကမ္ဘာ့ရွှေဈေး၊ နိုင်ငံတကာဒေါ်လာငွေကြေး ဈေးကွက်များပေါ် တည်မှီနေသည့်အတွက် မည်သည့်ဈေးကွက်တက်သည်ဖြစ်စေ၊ ကျသည်ဖြစ်စေ မြန်မာ့ရွှေဈေးမှာ အတက်သို့ ဆက်သွားနေဦးမည်ဖြစ်သည်။

ပြေးလမ်းပေါ် ရောက်လာသည့် စတော့ဈေးကွက်

စတော့ဈေးကွက် စတင်ခဲ့သည်မှာ သုံးနှစ်အတွင်း ဝင်ရောက်လာပြီဖြစ်သော်လည်း အသိပညာပေးနည်းပါးခြင်းနှင့် ပြည်သူလူထု၏ ငွေရေးကြေးရေးနှင့် ရင်းနှီးမြှုပ်နှံမှုဆိုင်ရာ နားလည်မှုအားနည်းချက်များကြောင့် စတော့ဈေးကွက်မှာ ပြီးခဲ့သည့်ကာလများအတွင်း ရုန်းကန်နေရဆဲဖြစ်သည်။

ယမန်နှစ်တွင် စာရင်းဝင်ကုမ္ပဏီသစ် သုံးခုခန့် ဝင်ရောက်လာရန် မျှော်မှန်းထားသော်လည်း တစ်ခုသာဝင်ရောက်ခဲ့ပြီး လက်ရှိအချိန်ထိ စာရင်းဝင်ကုမ္ပဏီအရေအတွက်မှာ ငါးခုသာရှိသေးသည်။ စတော့ဈေးကွက် ဖွံ့ဖြိုးလာရေးအတွက် ယမန်နှစ်အတွင်း ရှယ်ယာရောင်းဝယ်သည့်အကြိမ်ရေ တိုးမြှင့်ခြင်း၊ အွန်လိုင်းမှတစ်ဆင့် ရောင်းဝယ်နိုင်ခြင်း၊ ကော်မရှင်ခနှုန်းထားများ လျှော့ချခြင်း စသည့် ပြုပြင်ပြောင်းလဲမှု၊ ဖြေလျှော့မှုများကို မြန်မာနိုင်ငံ ငွေချေးသက်သေခံလက်မှတ်လုပ်ငန်း ကြီးကြပ်ရေးကော်မရှင်က ပြုလုပ်ခဲ့သော်လည်း မျှော်မှန်းသလောက် ဈေးကွက်မကောင်းလာသေးပေ။

စတော့ဈေးကွက်စတင်သည့် ၂၀၁၆ ခုနှစ်တွင် အရောင်းအဝယ်ပမာဏ ကျပ်ဘီလီယံ ၇၀၊ ၂၀၁၇ ခုနှစ်တွင် ကျပ် ၂၂ ဘီလီယံနှင့် ယမန်နှစ်တွင် ၁၁ ဒသမ ၅ ဘီလီယံတို့ဖြစ်ရာ လူထု၏ စိတ်ပါဝင်စားမှုနှင့် ရင်းနှီးမြှုပ်နှံမှုအခြေအနေမှာ အကျဘက်သို့သာ ဦးတည်နေသည်။

ယမန်နှစ်များကတည်းက စာရင်းဝင်ကုမ္ပဏီဖြစ်ရန် ပြင်ဆင်နေသော ဂရိတ်ဟော်ခမ်းကုမ္ပဏီနှင့် မြန်မာအဂရိုအိတ်ချိန်းကုမ္ပဏီတို့ ယခုနှစ်တွင် စာရင်းဝင်ကုမ္ပဏီဖြစ်လာပါက ဈေးကွက်အခြေအနေ အနည်းငယ် ပြန်ကောင်းလာနိုင်သလို ကုမ္ပဏီအမျိုးအစားလည်း ပိုမိုကျယ်ပြန့်လာမည်ဖြစ်သည်။

စတော့ဈေးကွက် စတင်ချိန်က အလုအယက်ဈေးကြီးပေး ရင်းနှီးမြှုပ်ခဲ့ရသည့် ရှယ်ယာဈေးများမှာလည်း တအိအိပြိုဆင်းလာကာ သုံးနှစ်အကြာတွင် အမှန်တကယ် ဝယ်လိုရောင်းလိုသည့် နှုန်းထားတစ်ခုသို့ ချဉ်းကပ်လာသည့်အတွက် ယခုနှစ်သည် အရောင်းအဝယ်ပြန်လည်ကောင်း လာမည့်နှစ်ဟု ယူဆရသည်။

မွေးကင်းစအခြေအနေမှ မတ်တတ်ရပ်လမ်းလျှောက်သည့် အရွယ်ရောက်လာသော စတော့ဈေးကွက်တွင် ရင်းနှီးမြှုပ်နှံသူဦးရေ တိုးတက်လာရေး၊ အာမခံ၊ ရင်းနှီးမြှုပ်နှံမှု အထူးပြုကုမ္ပဏီ စသည့် အဖွဲ့အစည်းများ ပါဝင်ရင်းနှီးမြှုပ်နှံလာရန် ဆွဲဆောင်နိုင်မည်ဆိုပါက ယခုနှစ်သည် စတော့ဈေးကွက် ပြန်လည်ဦးမော့မည့်နှစ် ဖြစ်လာနိုင်သည်။

ထို့အပြင် မြန်မာနိုင်ငံကုမ္ပဏီ ဥပဒေသစ်အရ ပြည်တွင်းလုပ်ငန်းများတွင် နိုင်ငံခြားသားပါဝင်မှုကို ခွင့်ပြုထားပြီးဖြစ်ရာ နိုင်ငံခြားသား တစ်ဦးချင်း ရင်းနှီးမြှုပ်နှံအချို့ ဝင်ရောက်လာပါက နေ့စဉ်ရှယ်ယာရောင်းဝယ်မှုမှာ လက်ရှိအခြေအနေထက် ပိုမိုများပြားလာနိုင်ဖွယ်ရာရှိသည်။

ယမန်နှစ်၏ သုံးသပ်ချက်အရ စတော့ဈေးကွက် ပိုမိုဖွံ့ဖြိုးကျယ်ပြန့်လာရန် ဥပဒေပိုင်းဆိုင်ရာ ဖြေလျှော့မှုလုပ်ရုံနှင့် မလုံလောက်ဘဲ ရင်းနှီးမြှုပ်နှံမှုများ အမှန်တကယ် ဝင်ရောက်လာစေမည့် မက်လုံးများ၊ အသိပညာပေးမှု များအပြင် စာရင်းဝင်ကုမ္ပဏီသစ်များ ပိုမိုဝင်ရောက်လာရန်၊ ရင်းနှီးမြှုပ်နှံမှုဆိုင်ရာ အကြံပေးလုပ်ငန်းများ ထွက်ပေါ်လာရန်နှင့် ၂၀၁၉ ခုနှစ် မြန်မာ့စီးပွားရေးအခြေအနေ အတက်အကျပေါ်တွင် များစွာမှီတည်နေသည်။

အချုပ်အားဖြင့်ဆိုရသော အထက်ပါအချက်များအားလုံး အကျဘက်၊ အဆိုးဘက်တွင် ရှိမနေပါက မြန်မာ့စတော့ဈေးကွက် ပြန်လည်ဦးမော့မည့်နှစ်၊ ပြေးလမ်းပေါ် စတင်မောင်းနှင်နိုင်မည့် နှစ်ဖြစ်သည်။

You may also like...

Leave a Reply

Your email address will not be published. Required fields are marked *