ရခိုင်ပြည်နယ်ရှိ ဘင်္ဂါလီအကျပ်အတည်းနှင့် ပတ်သက်၍ အာဆီယံ၏ ဝင်ရောက်မစွက်ဖက်ရေးမူကို ဝေဖန်

ISEAS - Yusof Ishak Institute

စင်ကာပူ၊ ဇန်နဝါရီ ၆

မြန်မာနိုင်ငံ ရခိုင်ပြည်နယ်ရှိ ဘင်္ဂါလီအကျပ်အတည်းနှင့် ပတ်သက်၍ ဝင်ရောက်မစွက်ဖက်ရေးမူကို ဝေဖန်ခဲ့ပြီး ပိုမိုတက်ကြွသောချဉ်းကပ်မှုများဖြင့် လုပ်ဆောင်သွားသင့်ကြောင့် စင်ကာပူနိုင်ငံအခြေစိုက် အာဆီယံလေ့လာရေးဌာန ISEAS- Yusof Ishak Institute ၏ အွန်လိုင်းသုတေသန စစ်တမ်းကောက်ယူချက်တွင် ဖော်ပြထားသည်။

‘အာဆီနိုယံနိုင်ငံများ၏ အခြေအနေ -၂၀၁၉’ ဟု အမည်ပေးထာသည့် သုတေသနစစ်တမ်းကို အာဆီယံနိုင်ငံများရှိ ဒေသတွင်းဆိုင်ရာ ကျွမ်းကျင်သူများ၊ မူဝါဒရေးရာ၊ သုတေသနရေးရာ၊ စီးပွားရေးလုပ်ငန်းရှင်၊ အရပ်ဖက်အဖွဲ့အစည်းနှင့် မီဒီယာများမှ လူ ၁,၀၀၈ ဦးကို အွန်လိုင်း သုတေသနစစ်တမ်းကောက်ယူခဲ့ခြင်းဖြစ်သည်။

အဆိုပါ သုတေသနစစ်တမ်းတွင် “ မြန်မာနိုင်ငံ ရခိုင်အကျပ်အတည်း (ဘင်္ဂါလီအကျပ်အတည်း) နှင့် ပတ်သက်၍ အာဆီယံအနေဖြင့် မည်သို့ တုံ့ပြန်သင့်သနည်း။” ဆိုသည့် မေးခွန်းကို ဖြေဆိုသူ ၁,၀၀၂ ဦးက ဖြေကြားရာတွင် ‘ အာဆီယံအနေဖြင့် ဘာမျှမလုပ်ဘဲ နေခြင်းထက် ပိုမိုတက်ကြွသော ချဉ်းကပ်မှုများ ပြုလုပ်သင့်ကြောင့် ဖြေဆိုကြသည်ကို တွေ့ရသည်။ “ဘာမျှမလုပ်ဘဲနေခြင်း” ဆိုသည်ကို မြန်မာနိုင်ငံမှာ ဖြေဆိုသူများကပင် နှစ်သက်ခြင်းခြင်းမရှိဘဲ ဖြေဆိုသူအားလုံ၏ ၁၄ ဒသမ ၆ ရာခိုင်နှုန်း( အနိမ့်ဆုံးလည်းဖြစ်) ကသာ လက်ခံသည်ကို တွေ့ရသည်။

ဖြေဆိုသူအားလုံး၏ ၆၅ ရာခိုင်နှုန်းက မြန်မာအစိုးရ၊ နိုင်ငံတကာအသိုင်းအဝိုင်း၊ ရခိုင်နှင့် ဘင်္ဂါလီ (မူရင်း-ရိုဟင်ဂျာ) အသိုင်းအဝိုင်းအကြား အာဆီယံအနေဖြင့်စေ့စပ်ညှိနှိုင်းပေးခြင်းသည် တိုးတက်မှုရရှိရန် အကောင်းဆုံးနည်းလမ်းဖြစ်ကြောင်း ဖြေဆိုကြသည်ကို တွေ့ရသည်။

နိုင်ငံတစ်နိုင်ငံချင်းအလိုက် အဆိုပါအမြင်ကို ထောက်ခံသူ ရာခိုင်နှုန်းမှာ မြန်မာနိုင်ငံမှ ဖြေဆိုသူ ၅၉ ဒသမ ၂ ရာခိုင်နှုန်း၊ အင်ဒိုနီးရှားမှ ဖြေဆိုသူ ၇၉ ဒသမ ၁ ရာခိုင်နှုန်းထိရှိသည်။

ရခိုင်အကျပ်အတည်းနှင့်ပတ်သက်၍ ဒုတိယ အနှစ်သက်ဆုံးအဖြေမှာ မြန်မာနိုင်ငံပြင်ပရှိ ဘင်္ဂါလီဒုက္ခသည်စခန်း( မူရင်း-ရိုဟင်ဂျာ) များကို လူသားချင်းစာနာမှုဆိုင်ရာ အကူအညီအထောက်အပံ့များ ပိုပေးရးဖြစ်ပြီး ယင်းမြင်ကို ထောက်ခံသူ ၅၀ ဒသမ ၉ ရာခိုင်နှုန်းရှိသည်။ မြန်မာအပေါ် သံတမန်ရေးဖိအားပေးရန်ဖြေဆိုသူများမှာ ၃၈ ရာခိုင်နှုန်းထိရှိကြောင်း အဆိုပါ စစ်တမ်းအရသိရသည်။

လူသားချင်းစာနာမှုဆိုင်ရာ အထောက်အပံ့ပေးရေးကို ဘရူနိုင်း(၇၇ ဒသမ၈ ရာခိုင်နှုန်း)၊ ဖိလစ်ပိုင် ( ၇၁ ဒသမ ၂ရာခိုင်နှုန်းနှင့် စင်ကာပူ (၆၆ ဒသမ ၁ ရာခိုင်နှုန်း) တို့က အခြေခံတုံ့ပြန်မှုအဖြစ်ရွေးချယ်ကြသည်။

အတိုင်းအတာတစ်ခုအထိ ကြားဝင်နှောက်ယှက်မှုကို ဖြစ်စေသော ကြားဝင်စေ့စပ်ရေးလုပ်ငန်းကို ထိပ်တန်းဦးစားပေးအဖြစ် ရွေးချယ်ကြသည့် နိုင်ငံများမှာ အင်ဒိုနီးရှား ( ၇၉ ဒသမ ၁ ရာခိုင်နှုန်း)၊ လာအို (၅၁ ဒသမ ၇ ရာခိုင်နှုန်း)၊ မလေးရှား( ၇၂ ဒသမ ၄ ရာခိုင်နှုန်း)၊ ထိုင်း ( ၆၆ ဒသမ ၁ ရာခိုင်နှုန်း)၊ ဗီယက်နမ် (၆၇ ဒသမ ၂ ရာခိုင်နှုန်း)၊ မြန်မာ (၅၉ ဒသမ၂ ရာခိုင်နှုန်း) ထိရှိကြောင်း အဆိုပါ စစ်တမ်းတွင်ဖော်ပြထားသည်။

ကမ္ဘောဒီးယားနိုင်ငံမှ ဖြေဆိုသူများကမူ လူသားခြင်းစာနာမှုဆိုင်ရာအထောက်အပံ့ပေးခြင်းနှင့် ကြားဝင်စေ့စပ်မှု နှစ်ခုစလုံးကို ထိပ်တန်းဦးစားပေးအဖြစ် ရွေးချယ်ကြပြီး ( ၆၂ ဒသမ ၅ ရာခိုင်နှုန်း) အထိ ရှိသည်။

You may also like...

Leave a Reply

Your email address will not be published. Required fields are marked *