၂၀၁၉ အိုင်စီတီကဏ္ဍ

မိုဘိုင်းလ်ဆက်သွယ်ရေး

ပြီးခဲ့သည့် ၂၀၁၈ ခုနှစ်သည် ရှေ့နှစ်များနှင့်နှိုင်းယှဉ်လျှင် ဆက်သွယ်ရေးနှင့် နည်းပညာကဏ္ဍ အတန်ငယ်ငြိမ်သက်ခဲ့သည့် နှစ်တစ်နှစ်ဖြစ်ခဲ့သည်။ မိုဘိုင်းလ်ဆက်သွယ်ရေးကဏ္ဍတွင် စတုတ္ထမြောက် မိုဘိုင်းလ်ဆက်သွယ်ရေးအော်ပရေတာသစ် MyTel ဈေးကွက်အတွင်း စတင်ဝင်ရောက်လာခဲ့သော်လည်း ယခင်အော်ပရေတာများလက်ထက်ကလောက် လှုပ်လှုပ်ရှားရှားအခြေအနေမျိုး ဖြစ်မလာခဲ့ပေ။

ယခု ၂၀၁၉ ခုနှစ်တွင်လည်း ယင်းအခြေအနေသည် ပြောင်းလဲသွားဖွယ်မရှိပေ။ မြန်မာ့မိုဘိုင်းလ်ဆက်သွယ်ရေးကဏ္ဍသည် အရှိန်တစ်ခုပေါ်တွင် လိုက်ပါစီးမျောနေသည့်အနေအထားတွင်ရှိနေပြီး မိုဘိုင်းလ်ဆက်သွယ်ရေး အော်ပရေတာများ၏ ထူးထွေဆန်းပြားသော ဈေးကွက်မြှင့်တင်ရေးအစီအစဉ်များမှလွဲ၍ အခြား သိသိသာသာပြောင်းလဲသွားနိုင်သည့် ကိစ္စမျိုး ၂၀၁၉ ခုနှစ်အတွင်း ပေါ်ထွက်လာရန် မရှိချေ။ ထို့အပြင်ဆင်းမ်ကတ်စနစ်တကျမှတ်ပုံတင်ရေးကို အော်ပရေတာများရော ဝန်ကြီးဌာနကိုယ်တိုင် စိတ်ပါဝင်စားမှု မရှိကြသောကြောင့် ဆင်းမ်ကတ်ဖောင်းပွမှုနှင့် အရှုပ်အထွေး အမှုအခင်းပြဿနာများ ဆက်လက်ဖြစ်ပွားနေဦးမည်ဖြစ်သည်။

ပို့ဆောင်ရေးနှင့် ဆက်သွယ်ရေးဝန်ကြီးဌာနအနေနှင့် ပြည်တွင်းဆက်သွယ်ရေး ကွန်ရက်ကို 5G ကွန်ရက်အဆင့်သို့ ကူးပြောင်းရန် ပြင်ဆင်မှုများပြုလုပ်မည်ဟု ပြီးခဲ့သည့် ဒီဇင်ဘာလအတွင်းက ဆိုထားခဲ့သော်လည်း အဆိုပါအစီအစဉ် ဖြစ်မြောက်လာရန် အချိန်တစ်ခုယူရဦးမည်ဖြစ်ပြီး ယခု ၂၀၁၉ ခုနှစ် အတွင်းတွင် ဖြစ်ပေါ်လာနိုင်ခြေ နည်းပါးနေသေးသည်။ ယခုနှစ်အတွင်း ဆက်သွယ်ရေးအော်ပရေတာများအနေနှင့် 4G ကွန်ရက် ချဲ့ထွင်ခြင်း၊ မိုဘိုင်းလ်ဘဏ်လုပ်ငန်း ဝန်ဆောင်မှုများနှင့် အင်တာနက်ဝန်ဆောင်မှုများကိုသာ အဓိက ဦးစားပေးဆောင်ရွက်ကြဖွယ်ရှိနေသည်။

ဝန်ကြီးဌာနနေနှင့် အော်ပရေတာများ ၏ ကွန်ရက်အရည်အသွေးများကို စောင့်ကြည့်စစ်ဆေးသွားရန် ပြင်ဆင်နေသည်ဟု ဆိုထားသဖြင့် ဆက်သွယ်ရေးအော်ပရေတာများ၏ ဝန်ဆောင်မှုပိုင်း ပိုမိုကောင်းမွန်လာဖွယ် ရှိသည်။

အင်တာနက်နှင့် လူမှုကွန်ရက် နယ်ပယ်

ယခုနှစ်အတွက် မြန်မာ့အိုင်စီတီကဏ္ဍ ကြီးအတွင်းတွင် ထူးခြားမှုများရှိလာနိုင်သည်က လူမှုကွန်ရက်နယ်ပယ်ဖြစ်လာနိုင်သည်။ အထူးသဖြင့် လာမည့် ၂၀၁၈ ခုနှစ်အတွင်း Facebook ကိုယ်တိုင်ပါဝင်ဆောင်ရွက်ခဲ့သည့် ပြည်တွင်းလူမှုကွန်ရက်အသုံးပြုမှု ထိန်းချုပ်ရေး ဆောင်ရွက်ချက်များသည် အသုံးပြုသူများ၏ ဝေဖန်မှုများနှင့် ရင်ဆိုင်နေရသောကြောင့် အစိုးရဘက်မှ လက်ရှိဖန်တီးရေးဆွဲနေသည့် အင်တာနက်ပေါ်မှ အကြောင်းအရာများကို ထိန်းချုပ်အကဲဖြတ်မှု နည်းဥပဒေ (Content Regulation) ကို စောင့်ကြည့်ရမည့် နှစ်တစ်နှစ်ဖြစ်လေသည်။


Content Regulation အလျင်အမြန် ထုတ်ပြန်နိုင်ခြင်းရှိမရှိနှင့် အမှန်တကယ် ထိရောက်စွာ တုံ့ပြန်နိုင်ခြင်း ရှိ မရှိ တို့သည် မြန်မာ့အင်တာနက်နှင့် လူမှုကွန်ရက်နယ်ပယ်တို့၏ အရေးအပါဆုံးကိစ္စရပ် ဖြစ်လာမည်ဖြစ်သည်။ Content Regulation သည် လက်ရှိ လူမှုကွန်ရက်ကဏ္ဍတွင် ထိန်းချုပ်ရခက်ခဲနေသည့် ဘေးထွက်ဆိုးကျိုးများ၊ လူမှုကွန်ရက်ကို လွဲမှားစွာ အသုံးချခြင်းများ၊ Terrorism ဝါဒဖြန့်ချိမှုများ၊ အမုန်းစကားများ၊ သတင်းတုများ၊ လိင်ပိုင်းဆိုင်ရာ အကြောင်းအရာများနှင့် Cyber Crime  များကို တားဆီးနိုင်မည့် တစ်ခုတည်းသော နည်းလမ်းဖြစ်သောကြောင့် ၂၀၁၉ ခုနှစ်အတွက် စောင့်ကြည့်ချင်စရာ အကောင်းဆုံးကိစ္စတစ်ခု ဖြစ်လာမည်ဖြစ်သည်။

တစ်စ တစ်စ ကြီးထွားလာနေသော အွန်လိုင်းဈေးအရောင်းအဝယ်လုပ်ငန်းများနှင့် အခွန်ကောက်ချင်သူ အာဏာပိုင်များအကြား ရှဥ့်လည်းလျှောက်သာ ပျားလည်းစွဲသာ အခြေအနေမျိုးဖြစ်လာစေမည့် အဖြေရှာမှုများ လိုအပ်နေသော်လည်း ၂၀၁၉ ခုနှစ်ထဲတွင် ယင်းသို့ ဆောင်ရွက်နိုင်ရန်မှာမူ အခွင့်အလမ်း နည်းပါးလှသည်။

ဒစ်ဂျစ်တယ် အစိုးရနှင့် အီလက်ထရွန်နစ် လုံခြုံရေး

အစိုးရသစ်၏ e-Government ကဏ္ဍ အဖွင့်စာမျက်နှာဖြစ်ပြီး ၂၀၁၈ ဇန်နဝါရီ တွင် စတင်မိတ်ဆက်မည်ဟု တရားဝင်ကြေညာထားသည့် National Web Portal စနစ်တစ်ခုဖြစ်သည့် Myanmar National  Portal သည် ၂၀၁၈ နှစ်ကုန်ခါနီးမှ ထွက်ပေါ်လာခဲ့သည်။ လူဦးရေသန်း ၆၀ ဝန်းကျင်ရှိပြီး လူဦးရေဦး ထက်ဝက်ခန့် အင်တာနက်အသုံးပြုကြသည့် တိုင်းပြည်တွင် အဆိုပါ Web Portal ကို နေ့စဉ်အသုံးပြုသူ ၃၀၀ ဝန်းကျင်သာရှိပြီး မှတ်ပုံတင်ထားသူ ဦးရေမှာလည်း ၅၈၀ ဦးသာ ရှိနေသေးသည်။

ဒေါ်လာသန်းချီ အကုန်အကျခံတည် ဆောက်ထားသည့် Myanmar National  Portal ၏ ၂၀၁၉ ခုနှစ် ဖြတ်သန်းမှုများမှာ စိတ်ဝင်စားဖွယ်အခြေအနေတစ်ရပ် ဖြစ်လာနေပြီး အဆိုပါ Portal အလုပ် ဖြစ် မဖြစ်သည် လက်ရှိအစိုးရ၏ ဒစ်ဂျစ်တယ်အစိုးရတည် ဆောက်ရေးရည်မှန်းချက် အလုပ် ဖြစ် မဖြစ် နှင့် တိုက်ရိုက်သက်ဆိုင်နေသည်။

အစိုးရအနေနှင့် ၂၀၁၈ ခုနှစ်အတွင်း Cyber Security နယ်ပယ်ကို သိသိသာသာ စိတ်ဝင်စားမှုပြသခဲ့ပြီး ဝန်ကြီးဌာနဦးဆောင်ဖွင့်လှစ်သည့် သင်တန်းများ မကြာခဏ ဖွင့်လှစ်ခဲ့သလို ပြိုင်ပွဲများလည်း ပြုလုပ်ခဲ့သောကြောင့် လက်ရှိ ၂၀၁၉ တွင်လည်း အဆိုပါအရှိန်ကို ဆက်ထိန်းပြီး Cyber Security ပိုင်းကို ဆက်လက်အာရုံစိုက်ထားဦးမည်ဟု ယူဆရပါသည်။

ထို့အပြင် မြန်မာ့နည်းပညာကဏ္ဍ၏ အရေးအပါဆုံး လိုအပ်ချက်ဖြစ်သော်လည်း အစိုးရသက်တမ်း သုံးနှစ်အတွင်း ထူးထူးခြားခြား လှုပ်ရှားမှုလုံးဝမရှိခဲ့သည့် ကွန်ပျူတာသုံး မြန်မာစာစနစ် ပြောင်းလဲရေးကိစ္စသည်လည်း ၂၀၁၉ ခုနှစ်တွင် တိုးတက်မှုတစ်စုံတစ်ရာ ရှိလာမည်လော စောင့်ကြည့်ရမည် ဖြစ်သည်။

e-Sport အားကစား

၂၀၁၇ ခုနှစ်အတွင်း စတင်အရှိန်ရလာသည့် e-Sport အားကစားနည်းမှာ လူငယ်များ၏ စိတ်အားထက်သန်စွာ အားပေးမှုများကြောင့် ၂၀၁၈ တွင် ဆက်လက်ဖွံ့ဖြိုးလာခဲ့ပြီး ၂၀၁၉ တွင် ပိုမိုကျယ်ပြန့် ကြီးထွားလာရန် အကြောင်းဖန်လာသည်။

ဆုကြေးငွေ မြင့်မားစွာချီးမြှင့်မည့် ပြည်တွင်းဖိတ်ခေါ် e-Sport ပြိုင်ပွဲများနှင့် နောက်ထပ် အဆင့်မြင့် e-Sport Center ကြီးများ ထပ်မံမြင်တွေ့ရဖွယ်ရှိနေသည့်အပြင် လာမည့် နိုဝင်ဘာလကုန်တွင် စတင်ကျင်းပတော့မည့် ဖိလစ်ပိုင် ဆီးဂိမ်းပြိုင်ပွဲတွင်လည်း e-Sport ကစားနည်းများထည့်သွင်းလိုက်ပြီ ဖြစ်သောကြောင့် အစိုးရ၏ ဗီဒီယိုဂိမ်းများအပေါ် သဘောထားသည်လည်း ၂၀၁၉ တွင် ပြောင်းလဲလာမည်ဟု ယူဆရသည်။

မိုဘိုင်းလ်ဘဏ်ဝန်ဆောင်မှုများ

၂၀၁၉ တွင် ကျေးလက်ဒေသများတွင်သာမက မြို့ပေါ်ဒေသများတွင်ပါ အောင်မြင်လာနေသည့် မိုဘိုင်းလ်ငွေကြေး ဝန်ဆောင်မှုလုပ်ငန်းများ ဆက်လက်တိုးတက်နေဦးမည်ဖြစ်ပြီး လူထုအပေါ် လွှမ်းခြုံနိုင်စွမ်းနည်းပါးသည့် ပြည်တွင်းဘဏ်လုပ်ငန်းများ၏ ကွက်လပ်များကို ကောင်းစွာ ဖြည့်တင်းပေးနေဦးမည်ဖြစ်သည်။ ဆက်သွယ်ရေးအော်ပရေတာများနှင့် ပုဂ္ဂလိကဘဏ်များ အပြိုင်အဆိုင် ဝန်ဆောင်မှုပေးကြမည်ဖြစ်သောကြောင့် ငွေပေးချေမှုဆောင်ရွက်ရာတွင် ပိုမိုအဆင်ပြေ ချောမွေ့လာမည်ဟု ယူဆရသည့် အခြေအနေ ဖြစ်သည်။

နိဂုံး

အိုင်စီတီကဏ္ဍတစ်ခုလုံးစာအနေနှင့် ခြုံငုံသုံးသပ်ရမည်ဆိုလျှင် လာမည့် ၂၀၁၉ ခုနှစ်တွင် အကြီးမားဆုံးအပြောင်းအလဲဖြစ်လာနိုင်သည့် နယ်ပယ်နှစ်ရပ်မှာ လူမှုကွန်ရက်နယ်ပယ်နှင့် e-Sport နယ်ပယ်တို့ဖြစ်သည်။ လူမှုကွန်ရက်နယ်ပယ်တွင် Facebook ကိုယ်တိုင်ပါဝင်ပတ်သက်မှုနှင့် အစိုးရ၏ Content Regulation တို့၏အစွမ်း မည်မျှခရီးပေါက်မည်ကို စောင့်ကြည့်ရမည်ဖြစ်ပြီး လာမည့် ဆီးဂိမ်းပြိုင်ပွဲတွင် မြန်မာ e-Sport အားကစားသမားများ နိုင်ငံကိုယ်စားပြု ဝင်ရောက်ယှဉ်ပြိုင်ခွင့် ရ မရလည်း စောင့်ကြည့်ရမည်ဖြစ်သည်။

လက်ရှိကာလသည် အိုင်စီတီနယ်ပယ် အရှိန်အဟုန်ဖြင့် တိုးတက်လာနေသည့်ကာလ ဖြစ်သည့်အားလျော်စွာ ထိန်းချုပ်နိုင်ရန်လည်း ခက်ခက်ခဲခဲ ကြိုးပမ်းရမည့်ကာလဖြစ်နေပြန်သည်။ ထို့ကြောင့် လက်ရှိအစိုးရအနေနှင့် နည်းပညာကဏ္ဍကို ကျင်ကျင်လည်လည် ထိန်းချုပ်နိုင်စွမ်းရှိရန် ပိုမိုလိုအပ်နေပြီး ဆက်သွယ်ရေးကဏ္ဍ တိုးတက်မှုအတွက် ယခုထက်ပို၍ အမြင်ကျယ်ကျယ်ထားကာ ဆောင်ရွက်သွားရန်လည်း လိုအပ်မည်ဖြစ်သည်။

You may also like...

Leave a Reply

Your email address will not be published. Required fields are marked *