‘အထ’ နှေးနေဦးမည့်၂၀၁၉ အိမ်၊ ခြံ၊ မြေဈေးကွက်

လေးလံထိုင်းမှိုင်းနေသော အိမ်၊ ခြံ၊ မြေ ဈေးကွက်ကို ၂၀၁၉ ခုနှစ်တွင် အားသစ်ထောက် လှုပ်နှိုးနိုင်မည်ဟု အကောင်းမျှော်လင့်စရာများရှိသော်လည်း ‘အထ’ နှေးပြီး အားယူရဦးမည်ဖြစ်သည်။

NLD အစိုးရ တာဝန်ယူချိန်မှစတင်ပြီး ရန်ကုန်မြို့တော်ရှိ အထပ်မြင့်တိုက်များ ဆောက်လုပ်မှုကို ယာယီရပ်ဆိုင်းသည့်အချိန်မှစကာ ရန်ကုန် အိမ်၊ ခြံ၊ မြေဈေးကွက် ကျဆင်းလာရာ အစိုးရသက်တမ်း တစ်ဝက်ကျော်ချိန်ထိ ပြန်လည်နာလန်မထူနိုင်သေးပေ။ သို့သော် အိမ်၊ ခြံ၊ မြေဈေးကွက်ကို လှုပ်နှိုးနိုင်မည့် စုပေါင်းပိုင်အဆောက်အအုံနည်းဥပဒေ ပြဋ္ဌာန်းခြင်း၊ အိမ်၊ ခြံ၊ မြေတံဆိပ်ခေါင်း အခွန်နှုန်းထား လျှော့ချလိုက်ခြင်းကြောင့် ထိုင်းမှိုင်းသော ဈေးကွက်အဆိုးဂယက်တွင် အသက်ရှူချောင်ခဲ့သည်။

အဆောက်အအုံတစ်ခု၏ အခန်းပေါင်း ၄၀ ရာခိုင်နှုန်းကို နိုင်ငံခြားသားသို့ ရောင်းနိုင်မည့် စုပေါင်းပိုင်အဆောက်အအုံနည်းဥပဒေသည် ၂၀၁၉ ခုနှစ်အတွင်း ထဲထဲဝင်ဝင်လှုပ်ရှား အသက်ဝင်လာမည်ဆိုပါက ကွန်ဒိုတိုက်ခန်း အရောင်းဝယ် ကောင်းမွန်လာဖွယ်ရှိသည်။ ကွန်ဒိုတိုက်ခန်းများသည် အိမ်၊ ခြံ၊ မြေကဏ္ဍ၏ အရေးပါသော အစိတ်အပိုင်းတစ်ခုဖြစ်ပြီး ယင်းကွန်ဒိုတိုက်ခန်း အရောင်းအဝယ် ကောင်းမွန်လျှင် ခြံနှင့် မြေ အရောင်းအဝယ် တစ်နွယ်ငင် တစ်စင်ပါ တိုးတက်မည်။ အမေရိကန် ဒေါ်လာငွေကြေးလဲလှယ်နှုန်း မတည်ငြိမ်ခြင်းကြောင့် အိမ်၊ ခြံ၊ မြေဈေးကွက်တွင် ရင်းနှီးမြှုပ်နှံရန် မျက်စေ့ကျနိုင်သည်။

၂၀၁၈ နှစ်ကုန်ပိုင်းတွင် ဖြစ်ပေါ်တိုးတက်ခဲ့သည့်အခြေအနေများသည် ၂၀၁၉ ခုနှစ် အိမ်၊ ခြံ၊ မြေ ဈေးကွက်ကို အကောင်းမြင် ပုံဖော်နိုင်သည်။ တိုးတက်လာမည့်အခြေအနေကို အဖျက်အမှောင့်ပြုမည့် မမျှော်မှန်းနိုင်သော စိန်ခေါ်မှုများစွာလည်းရှိသည်။ အိမ်၊ ခြံ၊ မြေဈေးကွက်သည် တိုင်းပြည်စီးပွားရေးတိုးတက်မှု၊ နိုင်ငံခြားတိုက်ရိုက်ရင်းနှီး မြှုပ်နှံမှု (FDI) စီးဝင်မှုနှင့် တိုက်ရိုက်ဆက်နွှယ်ပြီး ရခိုင်ပြည်နယ်အရေးဖိအား၊ မြန်မာ့စီးပွားရေးတိုးတက်နှုန်း နှေးကွေးနိုင်သော ခန့်မှန်းချက်များကြောင့် အိမ်၊ ခြံ၊ မြေ ဈေးကွက်တိုးတက်နှုန်းလည်း နှေးနိုင်သည်။

စီးပွားရေးမြို့တော် ရန်ကုန်နှင့် အခြား အချက်အချာကျသည့် မြို့ကြီးများတွင် အစိုးရနှင့် ပုဂ္ဂလိကတို့က အကောင်အထည်ဖော်သည့် တန်ဖိုးနည်းအိမ်ရာစီမံကိန်းများကြောင့် အိမ်ရာတိုက်ခန်းများ ဖော်ထုတ်မှု အားကောင်းလာနိုင်သည်။ နိုင်ငံခြားဘဏ်များကို ပြည်တွင်း၌ လုပ်ကိုင်ခွင့် ပိုမိုပေးလိုက်ခြင်းကြောင့် ဆောက်လုပ်ရေးလုပ်ငန်းတွင် လိုအပ်သည့် ငွေကြေးအရင်းအနှီးကို အထောက်အပံ့ရနိုင်ပြီး အိမ်ရာ၊ တိုက်ခန်းဖော်ထုတ်မှုကိုလည်း အထောက်အကူဖြစ်စေသည်။ ထို့အပြင် ၂၀၁၉ ခုနှစ်အတွင်း စတင်မည့် ရန်ကုန်-ဒလ မြစ်ကူးတံတားစီမံကိန်း၊ ရန်ကုန်မြို့သစ်စီမံကိန်းနှင့် အမေရိကန်ဒေါ်လာ ဘီလီယံပေါင်းများစွာ ရင်းနှီးမြှုပ်နှံမည့် ရခိုင်ပြည်နယ်ရှိ ကျောက်ဖြူရေနက်ဆိပ်ကမ်းနှင့် ဆက်စပ်သည့် ခြံ၊ မြေ ဈေးများ အရောင်းအဝယ်ပိုဖြစ်နိုင်သည်။

အိမ်၊ ခြံ၊ မြေဈေးနှုန်းများ လက်ရှိဖြစ်ပေါ်နေသည့်ဈေးနှုန်းများအောက် ဆက်လက်ကျဆင်းသွားဖွယ်မရှိကြောင်း အကျိုးဆောင်များက ခန့်မှန်းသော်ငြား နိုင်ငံ၏ စီးပွားရေး တုံ့နှေးသည့်ကာလအတိုင်း ဈေးထပ်အေးနိုင်ဖွယ် အရိပ်အယောင်များလည်း ရှိနေသည်။ လက်ရှိဈေးနှုန်းများသည် အိမ်၊ ခြံ၊ မြေရွှေခေတ်ဟု သတ်မှတ်ရမည့် ၂၀၁၃ ခုနှစ် ဈေးနှုန်းများနှင့် နှိုင်းယှဉ်လျှင် ၂၀ ရာခိုင်နှုန်းမှ ၃၀ ရာခိုင်နှုန်း လျော့ကျလျက်ရှိသည်။

ရွှေ့ပြောင်းအခြေချမှုအများဆုံး ရန်ကုန်မြို့နှင့် အခြားမြို့ကြီးများတွင် နေထိုင်သည့် အခြေခံလူတန်းစားများ အိမ်ရာတိုက်ခန်းပိုင်ဆိုင်ခွင့်အိပ်မက် ယခင်ထက်စာလျှင် နီးလာသယောင်ရှိသော်လည်း အချိန်ကာလတစ်ခု စောင့်ဆိုင်းရဦးမည်။ အလွှာအတန်းစားပေါင်းစုံ လက်လှမ်းမီ အဆင်ပြေမည့် နှစ်ရှည်ဘဏ်ချေးငွေစနစ် အကောင်အထည်ဖော်မှုအပေါ်မူတည်ကာ အိမ်၊ ခြံ၊ မြေဈေးကွက် အပြောင်းအလဲ ရှိလာနိုင်သည်။

You may also like...

Leave a Reply

Your email address will not be published. Required fields are marked *