လယ်ယာမြေရှင်းလင်းပွဲ ပြုလုပ်မည်

မန္တလေး၊ ဇန်နဝါရီ ၁၈

မန္တလေးတိုင်းဒေသကြီး ပြင်ဦးလွင်မြို့နယ်တွင်ပြုလုပ်မည့် လယ်ယာမြေသီးသန့် သတင်းစာရှင်းလင်းပွဲကို မြို့နယ်အထွေထွေအုပ်ချုပ်ရေးဦးစီးဌာနက တားမြစ်သော်လည်း လုပ်ဆောင်မည်ဖြစ်ကြောင်း ယင်းသတင်းစာရှင်းလင်းပွဲဖြစ်မြောက်ရေးကော်မတီထံမှ သိရသည်။

ပြင်ဦးလွင်မြို့နယ် ထုံးဘိုကျေးရွာအုပ်စု နောင်လုံးကျေးရွာရှိ ဒေါ်တင်မေပိုင်ဆိုင်သော မြေခြောက်ဧကခွဲကို သိမ်းဆည်းခံရခြင်းအပါအဝင် အခြားသော ဒေသခံတောင်သူများက လယ်ယာမြေကိစ္စများကို သတင်းစာရှင်းလင်းမည်ဟု ယင်းကော်မတီက ဆိုသည်။

လယ်မြေများကို ကျူးကျော်ဝင်ရောက်စိုက်ပျိုးခြင်း၊ တရားစွဲဆိုခြင်း၊ ၎င်းတို့ပိုင်ဆိုင်ကြောင်း ဆိုင်းဘုတ်များထောင်ခြင်းတို့ ပြုလုပ်ခဲ့ကြောင်း ယင်းကော်မတီတာဝန်ရှိသူတစ်ဦးက ပြောသည်။

သတင်းစာရှင်းလင်းပွဲကျင်းပခြင်းသည် နယ်မြေအခြေအနေအရ ထူးခြားမှုရှိသည့်အတွက် လျှောက်လွှာ၊ လျှောက်ထားသူ၏ ဝန်ခံချက်၊ ရပ်ကျေးအုပ်စု အုပ်ချုပ်ရေးမှူး ထောက်ခံချက်၊ ရဲစခန်းထောက်ခံချက်၊ သတင်းစာရှင်းလင်းပွဲ ပြုလုပ်မည့်အကြောင်းအရာ၊ ရှင်းလင်းပွဲပြုလုပ်မည့်သူ၏ ကိုယ်ရေးအကျဉ်း၊ အခမ်းအနားအစီအစဉ်၊ တက်ရောက်မည့်အင်အား၊ သက်ဆိုင်ရာဌာနထောက်ခံချက် စသည်တို့ဖြင့် တင်ပြရမည်ဖြစ်ပြီး ခွင့်ပြုချက်ရရှိမှသာ ဆောင်ရွက်ရန် ပြင်ဦးလွင်မြို့နယ် အထွေထွေအုပ်ချုပ်ရေးဦးစီးဌာနက အကြောင်းကြားစာ ပေးပို့ခဲ့ခြင်းဖြစ်ကြောင်း ဖြစ်မြောက်ရေးကော်မတီထံမှ သိရသည်။

ယင်းသို့ တောင်းခံခြင်းသည် လိုအပ်သည်ထက် ပိုနေပြီး သတင်းစာရှင်းလင်းပွဲမဖြစ်စေရန် ပိတ်ပင်တားဆီးသည့်သဘောဖြစ်ကြောင်း တောင်သူများအရေးဆောင်ရွက်ပေးနေသည့် မကွေးကျောင်းဆရာတော် ဦးပါမောက္ခက မိန့်ကြားသည်။

You may also like...

Leave a Reply

Your email address will not be published. Required fields are marked *