၂၀၁၉ ခုနှစ် တက္ကသိုလ်ဝင်တန်းစာမေးပွဲ အင်္ဂလိပ်စာဘာသာရပ်ဆိုင်ရာ သိမှတ်ဖွယ်ရာများ

ယခုနှစ် တက္ကသိုလ်ဝင်စာမေးပွဲ အင်္ဂလိပ်စာဘာသာရပ်မေးခွန်းဟာ ကျောင်းသား၊ ကျောင်းသူတွေ ပြဋ္ဌာန်းစာအုပ်ကို အလွတ်ကျက်မှတ်ဖြေဆိုမှု လျော့နည်းစေပြီး စဉ်းစားတွေးခေါ်မှု (Critical Thinking) နဲ့ ပြောဆိုဆက်ဆံနိုင်မှု (Communicative  Skills) ပိုမို ဖွံ့ဖြိုးတိုးတက်လာစေဖို့နဲ့ ခေတ်နှင့်လျော်ညီတဲ့ မေးခွန်းတွေဖြစ်လာစေဖို့ ရည်ရွယ်ပြီး ပြောင်းလဲမှုအနည်းငယ် ပြုလုပ်ထားပါတယ်။ ကျောင်းသားအများစု ဖြေဆိုနိုင်မယ့် လွယ်၊ သင့်၊ ခက် မေးခွန်းတွေ ပါဝင်မှာဖြစ်လို့ သင်ခန်းစာများကို ကျေညက်စွာ လေ့လာထားတဲ့ ကျောင်းသား၊ ကျောင်းသူတွေအတွက် အခက်အခဲရှိမှာ မဟုတ်ပါဘူး။ ယခင်နှစ်များကလိုပဲ မေးခွန်းပုဒ်ရေ စုစုပေါင်းကိုးပုဒ်မေးမှာဖြစ်ပြီး မေးခွန်းအများစုဟာ ပြဋ္ဌာန်းစာအုပ်ပါ အကြောင်းအရာတွေကို အခြေခံပြီးမေးမှာ ဖြစ်ပါတယ်။

မေးခွန်းနံပါတ်(၁) ကတော့ ယခင်နှစ်တွေကအတိုင်း သင်ခန်းစာ ၁၄ ခု ထဲက စာပိုဒ်တစ်ပိုဒ်ကို ပေးထားပြီး အဲဒီစာပိုဒ်မှာပါတဲ့ အကြောင်းအရာတွေကို မေးခွန်းအမျိုးအစားနှစ်မျိုးနဲ့ မေးမှာ ဖြစ်တယ်။

Question No. I (A) က Write the correct word or words to complete each sentence. ဖြစ်ပါတယ်။ ပေးထားတဲ့ စာကြောင်းကို အဓိပ္ပာယ် ပြည့်စုံအောင် ကွက်လပ်ဖြည့်ပေးရမှာ ဖြစ်တယ်။ ဝါကျ ငါးကြောင်း ပေးထားပြီး ပေးထားတဲ့ကွက်လပ်မှာ စာလုံးတစ်လုံး၊ ဒါမှမဟုတ် စကားစုတစ်စုနဲ့ ကွက်လပ်ကို ဖြည့်ရမှာဖြစ်ပါတယ်။ သတိပြုရမှာက ပေးထားတဲ့ဝါကျရဲ့ တည်ဆောက်ပုံပေါ် မူတည်ပြီး သင့်လျော်သလို စကားလုံးတွေကို ပြောင်းရေးပေးဖို့ လိုပါလိမ့်မယ်။ ဥပမာ- စာပိုဒ်ထဲမှာ Noun သို့မဟုတ် Adjective နဲ့ ရေးထားပေမယ့် ဖြည့်ရမယ့် ကွက်လပ်မှာ Verb ပြောင်းပြီး ဖြည့်ချင်ဖြည့်ရပါမယ်။ စာပိုဒ်ထဲမှာ Passive Voice နဲ့ ရေးထားပေမယ့် ဖြည့်ရမယ့်ကွက်လပ်မှာ Active Voice နဲ့ ဖြည့်ချင်ဖြည့်ရပါမယ်။ ဥပမာ – စာပိုဒ်ထဲမှာ Different people have  different  ideas of beauty or  handsomeness. လို့ ပေးထားပေမယ့်မေးခွန်းမှာ Ideas  of beauty and  handsomeness ———- from  person to person. လို့ပေးထားရင် ဒီကွက်လပ်မှာ ဖြည့်ရမယ့် စကားလုံးက Verb ဖြစ်ရပါမယ်။ ဒါကြောင့် Different ဆိုတဲ့ စာပိုဒ်ထဲက စာလုံးကို ဒီအတိုင်း ပြန်ကူးရေးလို့မရပါဘူး။ Different ကို Differ လို့ ပြောင်းပေးမှ အဖြေမှန်မှာ ဖြစ်ပါတယ်။

တစ်ခါတစ်ရံ Active Voice ကို Passive Voice နဲ့ ပြောင်းဖို့ လိုကောင်း လိုပါလိမ့်မယ်။ ဥပမာ – စာပိုဒ်ထဲမှာ Helen   was almost a wild child. No one  could control her. လို့ ပေးထားပေမယ့် မေးထားတဲ့စာကြောင်းက Helen   could not ———- by anyone,    because she was almost a wild  child. လို့ပေးထားမယ်ဆိုရင် ဒီစာကြောင်းမှာ ဖြည့်ရမယ့်စကားလုံးဟာ Passive Voice  ဖြစ်ရပါမယ်။ ဒါကြောင့် control လို့ ဖြေပေးလို့မရပါဘူး။ be controlled လို့ရေးမှ အဖြေမှန်မှာ ဖြစ်ပါတယ်။

Question No. I (B) ကတော့ Answer each question in one  sentence. ဖြစ်ပါတယ်။ စာပိုဒ်ထဲမှာပါတဲ့ အကြောင်းအရာ အချက်အလက်တွေကို မေးတဲ့ မေးခွန်းငါးခုပေးထားပြီး ဒီမေးခွန်းတွေကို ပေးထားတဲ့စာပိုဒ်ထဲက အဖြေရှာပြီး ပြည့်စုံတဲ့ဝါကျတစ်ကြောင်းနဲ့ ဖြေပေးရမှာ ဖြစ်ပါတယ်။ အမှတ်ပြည့်ရရှိဖို့အတွက် မေးခွန်းမှာမေးတဲ့ အချက်အလက် (Fact) ရော၊ သဒ္ဒါ (Grammer) ပါ မှန်မှန်ကန်ကန် ဖြေနိုင်အောင် များများလေ့ကျင့်ထားဖို့ လိုပါတယ်။ ဥပမာ – She became  angry  and violent very easily and  threw things onto the floor or  at other people. လို့ပေးထားပြီး When  Helen became angry and violent, what did she do? လို့ မေးခဲ့ရင် ပေးထားတဲ့စာပိုဒ်ထဲက စာကြောင်း She became angry and violent very  easily and threw things onto  the floor or at other people. ကို ပြန်ကူးချလို့ မရပါဘူး။ မေးထားတဲ့ မေးခွန်းကို ပြန်ကောက်ပြီး When Helen   became angry and violent, she   threw things onto the floor or  at other people. လို့ ပြန်ဖြေပေးရပါမယ်။

ဒါ့အပြင် The beach resorts  at Pattaya and Phuket offer a  wide range of activities from  scuba diving and windsurfing  to golf. လို့ပေးထားပြီး What examples  of water sports are given in the  passage? လို့မေးခဲ့ရင် The examples  of water sports (that are) given  in the passage are scuba diving  and windsurfing လို့ ဖြေမှ မှန်ပါမယ်။ water sports ကို မေးတာဖြစ်လို့ Golf ကို ထည့်ရေးရင် အမှတ်ပြည့်မရနိုင်ပါဘူး။

တစ်ခါတစ်ရံ စာပိုဒ်ထဲက အကြောင်း အရာနဲ့ဆက်စပ်ပြီး မိမိကိုယ်တိုင် ဆုံးဖြတ် ဖြေဆိုရတဲ့ မေးခွန်းမျိုးတွေလည်း မေးနိုင်ပါတယ်။ ဥပမာ Some think that men  who are tall, dark and muscular  are handsome but for some,  those who are fair and slightly  built are cute …  Girls who are  tall usually long to be dainty  and small, and vice versa;  plump girls with rosy round  faces would love to be pale  and  delicate; slender girls with very  white skin hate their pale and  colourless look. ဆိုတဲ့ ဖတ်စာအုပ်ထဲက စာပိုဒ်ပေးထားပြီး What kind of  boy or girl would you like to be? လို့မေးခဲ့ရင် ပေးထားတဲ့စာပိုဒ်ကို ကိုးကားပြီး I would like to be a tall, dark  and muscular boy.(သို့မဟုတ်) I  would like to be a slender girl  လို့ပဲ ဖြေလို့ရပါတယ်။ ဒါမှမဟုတ် I would  like to be a beautiful girl လို့ ရေးလို့ရပါတယ်။ အဓိက ကတော့ ယုတ္တိရှိတဲ့ အဖြေဖြစ်ဖို့နဲ့ သဒ္ဒါမှန်ဖို့ပဲ ဖြစ်ပါတယ်။

ပြဋ္ဌာန်းစာအုပ်ပါ စာပိုဒ်များနဲ့ မေးခွန်းတွေကို အလွတ်ကျက်မှတ်တာထက် မေးခွန်းအမျိုးမျိုးကို မှန်မှန်ကန်ကန်ဖြေတတ်အောင် လေ့ကျင့်ထားဖို့လိုပါတယ်။ စာပိုဒ်ထဲက သက်ဆိုင်တယ်ထင်တဲ့ စာကြောင်းတွေကို တိုက်ရိုက်ကူးချပေးလိုက်တာမျိုး မပြုလုပ်ကြဖို့ သတိပေးချင်ပါတယ်။

မေးခွန်းနံပါတ် (၂) ကတော့ Fill  in each numbered blank with  a word from the list given.   There are five extra words.  Write down only the number  of the blank and the word that  fills it. ဖြစ်ပါတယ်။

ပြဋ္ဌာန်းစာအုပ်မှာပါတဲ့ သင်ခန်းစာ ၁၄ ခုထဲက စာပိုဒ်တစ်ပိုဒ်ပေးထားပြီး ရှစ်လုံးမြောက် စကားလုံးတွေမှာ ကွက်လပ်ဖြည့်ပေးရမှာဖြစ်ပါတယ်။ ကွက်လပ်ပေါင်း ၂၀ ရှိပြီး ဒီကွက်လပ်တွေကို ဖြည့်စွက်ဖို့ စကားလုံး ၂၅ လုံးကိုလည်း ပေးထားပါတယ်။ သတိပြုရမယ့်အချက်ကတော့ စာလုံးငါးလုံး ပိုပေးထားတာပါပဲ။ စာပိုဒ်ကြီး တစ်ပိုဒ်လုံးကို ပြန်ကူးရေးဖို့ မလိုပါဘူး။ ကွက်လပ်နံပါတ်နဲ့ အဖြေကိုသာ ရေးရမှာ ဖြစ်ပါတယ်။ ဒီမေးခွန်းဟာ ကျောင်းသား၊ ကျောင်းသူတွေရဲ့ အင်္ဂလိပ် စာတတ်မြောက်မှုကို ခြုံငုံစစ်ဆေးတာ ဖြစ်ပါတယ်။

မေးခွန်းနံပါတ် (၃) ကိုတော့ ယခင်နှစ်များနဲ့မတူဘဲ III (A) နဲ့ III (B) ဆိုပြီး နှစ်ပိုင်းခွဲထားပါမယ်။

III (A) Choose the  appropriate word to complete  the sentences. ဖြစ်ပါတယ်။ ဖတ်စာအုပ်ထဲမှ စကားလုံးများကို ကွက်လပ်ဖြည့် မေးခွန်းအနေနဲ့ ဝါကျအသစ်မှာ ထည့်မေးတာ ဖြစ်ပါတယ်။ ရွေးချယ်ဖို့ စကားလုံး သုံးလုံးပေးထားပြီး မှန်တဲ့စကားလုံးကို ရွေးရမှာဖြစ်ပါတယ်။ ဥပမာ – Space  travel is one of the ———– of  modern science and technology. လို့ ပေးထားပြီး ရွေးချယ်စရာ A.  activities,  B. wonders, C. surprises လို့ ပေးထားပါမယ်။ အဖြေမှန်က B. wonders လို့ မေးခွန်းနံပါတ်နဲ့ အဖြေကို ရေးပေးရပါမယ်။ ပေးထားတဲ့ ဝါကျရဲ့အဓိပ္ပာယ်နဲ့ ရွေးချယ်ဖို့ ပေးထားတဲ့စကားလုံးတွေကို ဘယ်လိုသုံးရတယ်ဆိုတာသိရှိမှ အဖြေမှန်ကို ရွေးချယ်နိုင်မှာ ဖြစ်ပါတယ်။

နောက် ဥပမာတစ်ခုကတော့ Animals can be classified —- different types. ဖြစ်ပြီး ပေးထားတဲ့ စကားလုံးတွေက A. into, B. in,  C. onto ဖြစ်မယ်ဆိုရင် အဖြေမှန်က A. into ဖြစ်ပါတယ်။ မေးထားတဲ့ ဝါကျတစ်ကြောင်းလုံးကို ပြန်ကူးဖို့မလိုပါဘူး။ နံပါတ်တပ်ပြီး အဖြေကိုရေးရင် ရပါတယ်။

III (B) ကတော့ Write the appropriate words or groups  of words to complete the lines  of verse. ဖြစ်ပြီး ကဗျာခုနစ်ပုဒ်ထဲက ကောက်နုတ်ချက်တွေကို ကွက်လပ်ဖြည့် မေးတာပဲ ဖြစ်ပါတယ်။ ဒီမေးခွန်းဟာ ကျောင်းသား၊ ကျောင်းသူတွေရဲ့ သင်ယူ ထားတဲ့ ကဗျာတွေကို နားလည်မှတ်သားပြီး ပြန်လည်ရေးသားနိုင်မှုကို စစ်ဆေးတာ ဖြစ်ပါတယ်။ တိတိကျကျ ပြန်လည်ဖော်ပြဖို့လိုတဲ့အတွက် စာလုံးပေါင်း မှားယွင်းမှုမရှိအောင် သတိထားကြဖို့ လိုပါတယ်။

မေးခွန်းနံပါတ် (၄) ကတော့ ပြဋ္ဌာန်းစာအုပ်ကို ကျေကျေညက်ညက် လေ့လာထားမှုရှိမရှိ စစ်ဆေးဖို့ မေးခွန်းငါးခု မေးထားပါတယ်။ ယခင်နှစ်များကလို ရွေးချယ်စရာပေးမထားတာကို သတိပြုမိဖို့ လိုပါတယ်။ ကျောင်းသား၊ ကျောင်းသူများဟာ အချက်အလက်ရော သဒ္ဒါပါ မှန်မှန်ကန်ကန်နဲ့ ဖြေကြားရမှာဖြစ်ပါတယ်။

ဥပမာ – What are nightmares and when do they occur? လို့ မေးထားတယ်ဆိုရင်Nightmares are terrifying dreams, a collection of confused thoughts and they occur towards dawn. လို့ ပြန်ဖြေပေးရမှာ ဖြစ်ပါတယ်။

Name two advantages of self-service supermarkets. လို့ မေးခဲ့ရင် Two advantages of self-service supermarkets are that there is no waiting to be served and there is a wide variety of choice. လို့ ပြန်ဖြေပေးရမှာ ဖြစ်ပါတယ်။

နောက်ပုံစံတစ်ခုဖြစ်တဲ့ Who said these words and to whom were they said? What do they  mean?

“She has manners, but she doesn’t have language.” ဆိုတဲ့ပုံစံလည်း မေးနိုင်ပါသေးတယ်။ ဒါဆိုရင် Annie Sullivan said these words  to Mrs. Keller. They mean that  Helen knew how to behave in  her society but she could not  communicate with other people,  using language. လို့ ဖြေပေးရပါမယ်။

ဒီမေးခွန်းတွေကို မှန်မှန်ကန်ကန် ဖြေဆိုနိုင်ဖို့ သင်ခန်းစာ ၁၄ ခုလုံးမှာပါတဲ့ အကြောင်းအရာတွေကို အသေးစိတ်ဖတ်ပြီး မှတ်သားထားဖို့လိုပါတယ်။ ယခု ဖြေပြတဲ့ အဖြေတွေက နမူနာအဖြေများသာ ဖြစ်ပါတယ်။ ဆိုလိုရင်းမှန်ကန်တဲ့ သဒ္ဒါမှန်တဲ့ ဘယ်အဖြေကိုမဆို လက်ခံပါတယ်။

မေးခွန်းနံပါတ် (၄) အပုဒ်ငယ် (၅) ကတော့ ကဗျာတွေထဲက စာကြောင်းနှစ်ကြောင်းလောက်ကို ပေးထားပြီး ဆိုလိုရင်းအဓိပ္ပာယ်ကို ရေးခိုင်းတာဖြစ်ပါတယ်။ What do these lines mean? လို့ မေးမှာဖြစ်ပါတယ်။ ဒီမေးခွန်းကို ဖြေနိုင်ဖို့ကတော့ ပြဋ္ဌာန်းထားတဲ့ ကဗျာတွေရဲ့ အဓိပ္ပာယ်ကို နားလည်သိရှိထားဖို့ လိုပါတယ်။ ကဗျာကို အဓိပ္ပာယ်ဖွင့်ဆိုတဲ့အခါ မှာ ဆိုလိုရင်းအဓိပ္ပာယ်ရော၊ သဒ္ဒါရော မှန်ရပါမယ်။

မေးခွန်းနံပါတ် (၅) ကတော့ ယခင်မေးခွန်းများနဲ့ မတူတော့ပါဘူး။ စာပိုဒ်တစ်ပိုဒ်ပေးထားပြီး မေးခွန်း ငါးခုကို ဖြေပေးရမှာဖြစ်ပေမယ့် ပေးထားတဲ့စာပိုဒ်က ဖတ်စာအုပ်ထဲက စာပိုဒ်မဟုတ်ပါဘူး။ ကျောင်းသား၊ ကျောင်းသူတို့ အသက်အရွယ်နဲ့ကိုက်ညီမယ့် အကြောင်းအရာပိုင်း နဲ့ Language တို့ ပါဝင်တဲ့ စာပိုဒ်မျိုး ဖြစ်ပါမယ်။ ဥပမာ – စာပိုဒ်က

Forests and trees aren’t just pretty to look at. They do an important job making the earth’s environment suitable for life. They clean the air,  store water, preserve soil, and  provide homes for animals.  They also supply food, fuel,  wood products, and paper products for humans. လို့ ပေးထားပြီး What do forests and trees  provide animals and humans?  လို့မေးရင် အဖြေက Forests and  trees provide homes for animals  and food, fuel, wood products,  and paper products for humans. လို့ မှန်မှန်ကန်ကန်ဖြေပေးရပါမယ်။

ဒါ့အပြင် ကျောင်းသား၊ ကျောင်းသူတွေ စာဖတ်ပြီး နားလည်နိုင်စွမ်းကို စစ်ဆေးတဲ့အနေနဲ့ စာပိုဒ်ထဲက အကြောင်းအရာကို တိုက်ရိုက်မမေးဘဲ ဆက်စပ်ပြီးမေးတဲ့ မေးခွန်းမျိုးတွေလည်း မေးနိုင်ပါတယ်။ ဥပမာ – Paper တွေကို Recycle လုပ်နိုင်တဲ့အကြောင်းပါတဲ့ အောက်ပါ စာပိုဒ်ကို ပေးထားပြီး Paper  တွေအပြင် အခြားဘာတွေကို Recycle လုပ်လို့ရလဲလို့ မေးတဲ့မေးခွန်းမျိုးတွေလည်း ဖြေဆိုနိုင်ဖို့ လိုပါတယ်။

How can you use less paper?  One answer is to reduce your  paper use by using both sides  of the paper when you photocopy,  write a letter, or write a paper  for school … A final answer is  to recycle used paper products  instead of throwing them away.  Most schools, offices, and  neighbourhoods have some  kind of recycling centre.

What other materials can we recycle apart from paper? လို့ မေးရင် Apart from paper, we can  recycle plastic, glass, and iron. လို့ ဖြေဆိုနိုင်ပါတယ်။

ဒီလိုမေးခွန်းတွေဟာ open- ended ဖြစ်လို့ အဖြေက တစ်ခုထက်မက ရှိပါတယ်။ အဓိပ္ပာယ်ရှိတဲ့၊ သဒ္ဒါမှန်တဲ့ မည်သည့်အဖြေကိုမဆို အမှတ်ပေးမှာ ဖြစ်ပါတယ်။ ဒီမေးခွန်းတွေက တစ်ပိုဒ်ကို (၂) မှတ်ပေးတဲ့ မေးခွန်းတွေဖြစ်တဲ့အတွက် အဖြေတစ်ဝက်လောက် မှန်ရင်လည်း အမှတ်တစ်ဝက် ရနိုင်ပါတယ်။

မေးခွန်းနံပါတ် (၆) ကတော့ capital, comma, semi-colon,  colon, full stop, question mark,  open and close inverted commas,   exclamation mark, apostrophe စတဲ့ Punctuation တွေကို မှန်မှန်ကန်ကန်သုံးတတ်မှုကို စစ်ဆေးတဲ့ မေးခွန်းတွေဖြစ်ပါတယ်။ Punctuate the  following. လို့ မေးမှာဖြစ်ပါတယ်။

အဓိကကတော့ Punctuation  တွေကို ဘယ်လိုသုံးရမလဲဆိုတာ သိဖို့လိုပါတယ်။ Punctuation  မေးခွန်းအတွက် အလွတ်ကျက်မှတ်ဖို့ မလိုပါဘူး။ လေ့ကျင့်ခန်းများများ လုပ်ပေးဖို့ပဲ လိုပါတယ်။ ဥပမာအားဖြင့် ဝါကျရဲ့အစ စကားလုံးတို့၊ လူနာမည်တို့ကို Capital Letter နဲ့ ရေးဖို့၊ ဝါကျအဆုံးမှာ အဆိုဝါကျဖြစ်ရင် Full Stop သုံးဖို့၊ လူတစ်ဦးတစ်ယောက်ကပြောတဲ့ စကားလုံးတွေကို ပေးထားရင် အဲဒီစကားလုံးတွေရဲ့ အစနဲ့အဆုံးမှာ Inverted Comma တွေသုံးဖို့ သိရပါမယ်။

မေးခွန်းနံပါတ် (၇) မှာ အပိုင်းနှစ်ပိုင်း ပါဝင်ပါတယ်။ ပထမပိုင်း VII.(A) က Stylistic Transformation. Finish each sentence in such  a way that it means exactly the same as the sentence that  is given. လို့ မေးမှာဖြစ်ပါတယ်။ ပေးထားတဲ့ ဝါကျ ၁၀ ကြောင်းကို အဓိပ္ပာယ်မပြောင်းလဲစေဘဲ ပြန်ရေးပေးရမှာဖြစ်တယ်။ ဒီလို အဓိပ္ပာယ်မပြောင်းလဲဘဲ တည်ဆောက်ပုံ မတူတဲ့ဝါကျတွေ န၀မတန်းနဲ့ ဒသမတန်း ပြဋ္ဌာန်းစာအုပ်တွေထဲမှာ ပါပါတယ်။ အဲဒီလေ့ကျင့်ခန်းတွေကို များများလေ့ကျင့်ရင် ဒီအပိုင်းကို ကောင်းကောင်း ဖြေဆိုနိုင်ကြမှာ ဖြစ်ပါတယ်။

ဒုတိယပိုင်း VII.(B) ကတော့ Using the prompts given, write a very short paragraph on: ဆိုပြီး ရွေးစရာ နှစ်ပုဒ်ပေးပါမယ်။ ပေးထားတဲ့ Prompt တွေကိုသုံးပြီး စာပိုဒ်တိုလေးတစ်ပိုဒ်ရေးရမှာ ဖြစ်တယ်။ ကြိုတင်ပြင်ဆင်ရေးသား ကျက်မှတ်ထားတာတွေကို ဘာမှမစဉ်းစားဘဲ ချရေးတာမျိုးမလုပ်ပါနဲ့။ ကိုယ်ပိုင်နိုင်စွာရေးနိုင်မယ့်တစ်ပုဒ်ကို ရွေးပါ။ မလိုတာတွေထည့် မရေးပါနဲ့။ Write a very short paragraph ဆိုတာကို သတိပြုပါ။ ပေးထားတဲ့ Prompt အားလုံးကို ပြန်သုံးပြီး သဒ္ဒါမှန်တဲ့ ဝါကျတွေရေးရမှာမို့လို့ ကိုယ်ပိုင်ဝါကျတွေ တည်ဆောက်တတ်အောင် လေ့ကျင့်ထားကြပါ။

ဥပမာ – The moon: a nice place to visit? အကြောင်းကို ရေးခိုင်းတယ်ဆိုပါစို့။ ပေးထားတဲ့ Prompt တွေက moon – satellite – earth – it-  about 240,000 miles away – our  planet earth ဖြစ်ရင် The moon  is a satellite of the earth, and  it is about 240,000 miles away  from our planet earth. လို့ ဝါကျကို မှန်မှန်ကန်ကန် တည်ဆောက်တတ်အောင် လေ့ကျင့်ထားဖို့ လိုပါတယ်။ ပြဋ္ဌာန်းစာအုပ်ထဲက စာပိုဒ်တွေကို တိုက်ရိုက်မေးမှာ မဟုတ်လို့ အလွတ်ကျက်မှတ်တာထက် မိမိကိုယ်တိုင် ဝါကျတွေကို တည်ဆောက် တတ်အောင် လေ့ကျင့်ထားကြပါ။

မေးခွန်းနံပါတ် (၈) ကတော့ Letter Writing ဖြစ်ပါတယ်။ Choose  a situation given below and  write a letter. Do not write more  than 300 words. လို့ မေးမှာ ဖြစ်ပါတယ်။ ပေးထားတဲ့ မေးခွန်းနှစ်ပုဒ်ထဲက ကြိုက်ရာတစ်ပုဒ်ကိုရွေးပြီး စာလုံးရေ ၃၀၀ ထက်မပိုအောင် ရေးသားဖြေဆိုရပါမယ်။ ဒီမေးခွန်းကို ဖြေဆိုတဲ့အခါ သတိပြုရမယ့်အချက်တွေကတော့ ပေးထားတဲ့ ညွှန်ကြားချက်တွေကို သေသေချာချာဖတ်ဖို့ပဲဖြစ်ပါတယ်။ ဒီနေရာမှာ (၁) စာရေးသူ (Addresser) နဲ့ စာလက်ခံရရှိမဲ့သူ (Addressee) တွေကို သေသေချာချာ သိဖို့လိုပါတယ်။ (၂) ဘာအကြောင်းအရာ ရေးရမလဲဆိုတာ သေသေချာချာဖတ်ပါ။ ရေးခိုင်းတဲ့အကြောင်းအရာ တစ်ချက် လား၊ နှစ်ချက်လားဆိုတာ သေသေချာချာဖတ်ပြီးမှ ရေးဖို့လိုပါတယ်။ အရေးကြီးတဲ့ အချက်တစ်ချက်ကတော့ မေးခွန်းမှာ စာရေးသူ (Addresser) နဲ့ စာလက်ခံရရှိမယ့်သူ (Addressee) တွေရဲ့ နာမည်ကိုပေးထားပြီး ဖြစ်ပါတယ်။ ဒါကြောင့် မိမိနာမည်၊ မိမိကျောင်း၊ မိမိမြို့ စတာတွေကို လုံးဝထည့်မရေးဖို့ အထူးသတိပေးချင်ပါတယ်။ ဥပမာ –

You are Thida and you  live at No.7, Insein Road,  Yangon. Write to your aunt,  who has been teaching high  school students for nearly twenty years. Tell her how much you fear the matriculation examination and request her to give you some advice to  overcome your fear. ဆိုတဲ့မေးခွန်းကိုကြည့်ရင် အကြောင်းအရာနှစ်ချက် ပါပါတယ်။ ပထမအချက်က how much you fear the matriculation examination နဲ့ ဒုတိယအချက်က request her to  give you some advice to  overcome your fear ဖြစ်ပါတယ်။ မိမိစာမေးပွဲကို ဘယ်လိုကြောက်ကြောင်း၊ ဒီလိုကြောက်ရွံ့မှုကို ကျော်လွှားနိုင်ဖို့ အဒေါ်ထံက အကြံဉာဏ်တောင်းလိုကြောင်းနဲ့ အဒေါ်ဖြစ်သူက အထက်တန်းကျောင်းသားတွေကို နှစ် ၂၀ နီးပါး သင်ကြားနေတဲ့ ဆရာမဖြစ်လို့ မိမိကို အကြံဉာဏ်ကောင်းတွေ ပေးနိုင်မယ်လို့မျှော်လင့်ကြောင်း စသည်ဖြင့် အချက်နှစ်ချက်လုံးကို တိတိကျကျ ဆီလျော်မှုရှိအောင်ရေးမှ အမှတ်ကောင်းကောင်းရမှာ ဖြစ်ပါတယ်။ မေးခွန်းမှာ မေးထားတဲ့ အကြောင်းအရာကို သေသေချာချာ မဖတ်ဘဲ အလွတ်ကျက်ထားသမျှ အားလုံးချရေးတာမျိုးဟာ မေးထားတာနဲ့ မဆီလျော်လို့ အမှတ်ကောင်းကောင်းမရနိုင်ပါဘူး။

မေးခွန်းနံပါတ် (၉) ကတော့ Write an essay of three paragraphs on ONE of the following. Do not write more than 500 words. ဖြစ်ပါတယ်။ ပေးထားတဲ့ ခေါင်းစဉ်သုံးခုထဲက မိမိအပိုင်နိုင်ဆုံး ခေါင်းစဉ်တစ်ခုကို ရွေးပြီးရေးရမှာဖြစ်ပါတယ်။ ဥပမာ – Places of recreation  in Myanmar ကို ကိုယ်ကျက်ထားတာက Toursit Attractions in Myanmar ဖြစ်ခဲ့ရင် အနည်းငယ်တူညီတယ် ထင်ရပေမယ့် တကယ်တော့ ကွာခြားချက်တွေ အများကြီးရှိနေပါတယ်။ ကိုယ်ဖော်ပြတဲ့နေရာတွေက Recreation အတွင်း သွားလို့ရတဲ့နေရာ၊ ကိုယ့်ကို ပျော်ရွှင်စရာတွေပေးနိုင်တဲ့ အပန်းဖြေလို့ရတဲ့နေရာတွေ ဖြစ်ရပါမယ်။ ဘုရားအကြောင်းတွေ၊ သမိုင်းဝင်နေရာဖြစ်ကြောင်းတွေ ရေးသားမယ်ဆိုရင်တော့ မဆီလျော်နိုင်ပါဘူး။ ဒါ့ကြောင့် သေသေချာချာ စဉ်းစားတွေးတောပြီးမှ ရေးဖို့လိုပါတယ်။

တက္ကသိုလ်ဝင်စာမေးပွဲမှာ စာစီစာကုံးနဲ့ ပေးစာတွေကို ကောင်းကောင်း ရေးနိုင်ဖို့ (၁) Organization – အကြောင်းအရာ အချက်အလက်တွေကို နိဒါန်း၊ စာကိုယ်၊ နိဂုံး စသဖြင့် အစီအစဉ်ကျကျ ရေးနိုင်ရပါမယ်။ (၂) Relevancy- မိမိရေးရမယ့်အကြောင်းအရာနဲ့ ဆီလျော် တာကိုပဲ ရေးရမှာဖြစ်ပါတယ်။ လုံးဝသက်ဆိုင်မှုမရှိတဲ့ အကြောင်းအရာတွေကိုရေးခဲ့ရင် ဆီလျော်မှုမရှိလို့ အမှတ်မရနိုင်ပါဘူး။ (၃) Content – ရေးရမယ့်အကြောင်းအရာနဲ့ စပ်လျဉ်းတဲ့အချက်အလက်နဲ့ ဥပမာတွေကို စိတ်ကူးစိတ်သန်းကောင်းကောင်းနဲ့ ဖန်တီးနိုင်ဖို့လိုပါမယ်။(၄) Language – သုံးတဲ့စကားလုံး ဝေါဟာရတွေမှန်ခြင်း၊ ကောင်းခြင်း၊ လှခြင်း၊ ကြွယ်ဝခြင်းနဲ့ သဒ္ဒါမှန်ခြင်း၊ ဝါကျဖွဲ့စည်းပုံ မှန်မှန်နဲ့ ဝါကျအမျိုးမျိုးကို ရေးတတ်ရပါမယ်။ (၅) Presentation – ရေးတဲ့ အကြောင်းအရာကို စာဖတ်သူ စိတ်ဝင်စားအောင် ဖွဲ့နွဲ့တင်ပြနိုင်စွမ်းရှိရပါမယ်။

ဒီနေရာမှာ ထပ်မံသတိပေးလိုတာကတော့ ပေးစာရေးရာမှာဖြစ်ဖြစ်၊ စာစီစာကုံးရေးရာမှာပဲဖြစ်ဖြစ် စာလုံးရေ ကန့်သတ်ထားတာကို သတိရှိပါ။ ဆီလျော်မှုရှိတဲ့ ပေးစာတွေ၊ စာစီစာကုံးတွေကို ကျစ်ကျစ်လျစ်လျစ် ထိထိမိမိ၊ သဒ္ဒါမှန်မှန်နဲ့ရေးဖို့ အရေးကြီးပါတယ်။ နှစ်တိုင်းလိုလို စာစစ်ရာမှာ တွေ့ကြုံရတဲ့ အခက်အခဲကတော့ ပေးစာတွေ၊ စာစီစာကုံးတွေကို အရှည်ကြီးရေးသားပြီး ဆီလျော်တာရော၊ မဆီလျော်တာတွေရောကို စုပြုံရေးသားခြင်းပဲ ဖြစ်ပါတယ်။ စာလုံးရေကန့်သတ်လိုက်တဲ့အတွက် မဆီလျော်တာတွေပါနေရင် ဆီလျော်တာတွေ ကျန်ခဲ့မှာ ဖြစ်ပါတယ်။ ဒါ့ကြောင့် စာမရေးခင်မှာ မိမိရေးသားမယ့် အကြောင်းအရာကို သေသေချာချာ အစီအစဉ်ချပြီးမှ ရေးသင့်ပါတယ်။ ဒါမှသာ မေးထားတဲ့အချက်တွေ အားလုံးကို ထည့်သွင်းရေးသားနိုင်ပြီး အမှတ်ကောင်းကောင်းရမှာ ဖြစ်ပါတယ်။

တက္ကသိုလ်ဝင်စာမေးပွဲကို ဖြေဆိုကြမယ့် ကျောင်းသား၊ ကျောင်းသူတွေကို အထူးမှာချင်တာကတော့ ပြဋ္ဌာန်းစာအုပ်မှာပါတဲ့ သင်ခန်းစာ ၁၄ ခုလုံးက စာပိုဒ်တွေအားလုံးကို သေသေချာချာ လေ့လာမှတ်သားဖို့၊ စကားလုံးတွေရဲ့ ဝေါဟာရတွေအပြင် သူတို့ကို ဘယ်လို အသုံးပြုတယ်ဆိုတာကိုပါ သိရှိအောင် လေ့လာဖို့၊ ပေးထားတဲ့ လေ့ကျင့်ခန်းတွေကို များများလေ့ကျင့်ဖို့၊ ကဗျာတွေကိုလည်း ရွတ်ဆိုနိုင်ရုံသာမက အဓိပ္ပာယ်ဖွင့်ဆိုတတ်အောင် ကြိုးစားဖို့လိုပါတယ်။

ကျောင်းသား၊ ကျောင်းသူများအားလုံး ၂၀၁၉ ခုနှစ် တက္ကသိုလ်ဝင် စာမေးပွဲ အင်္ဂလိပ်စာဘာသာရပ်ကို အခက်အခဲမရှိ ထူးထူးချွန်ချွန်နဲ့ ဖြေဆိုအောင် မြင်နိုင်ကြပါစေလို့ ဆုမွန်ကောင်းတောင်း လိုက်ပါတယ်။ 

 

ဒေါက်တာ ပိုးပိုး
ပါမောက္ခ၊ ဌာနမှူး၊ အင်္ဂလိပ်စာဌာန၊ ရန်ကုန်တက္ကသိုလ်

You may also like...

Leave a Reply

Your email address will not be published. Required fields are marked *