မြန်မာ့နိုင်ငံရေး ရေစီး

၂၀၁၉ နှစ်စပိုင်းတွင် မြင်တွေ့ရသော နိုင်ငံရေးရေစီးကြောင်းကြီး လေးကြောင်းသည် ၂၀၂၀ ရွေးကောက်ပွဲနီးသည် အထိ ဆက်လက်စီးဆင်းမည့် အလားအလာရှိသည်။

ဒေါ်အောင်ဆန်းစုကြည်၏ ခရီးစဉ်များ၊ အခြေခံဥပဒေပြင်ဆင်ရေး၊ မြစ်ဆုံကိစ္စနှင့် တိုင်းရင်းသားနိုင်ငံရေးတို့ ဖြစ်သည်။

ခရီးစဉ်များ

ဒေါ်အောင်ဆန်းစုကြည်သည် တိုင်းရင်းသားဒေသများအပါအဝင် နိုင်ငံအနှံ့အပြားသို့ ဆက်တိုက်ခရီးထွက်သည်။ နေရာတိုင်းလိုလိုတွင် ဒေသခံများနှင့် တိုက်ရိုက်စကားပြော အမေးအဖြေ ပြုလုပ်သည်။ ပြဿနာများ ဖြေရှင်းပေးသည်။ အစိုးရခေါင်းဆောင်ဖြစ်သည့်အတွက် နိုင်ငံဒေသများသို့ လှည့်လည်စစ်ဆေးခြင်း၊ ဒီမိုကရေစီစနစ်ဖြစ်သည့်အတွက် ပြည်သူပြည်သားများနှင့် တိုက်ရိုက်တွေ့ဆုံခြင်း၊ စကားပြောဆိုခြင်းသည်  ပုံမှန်ဟု ဆိုရမည်ဖြစ်သော်လည်း ၂၀၁၉ သည် ၂၀၂၀ ရွေးကောက်ပွဲ  အကြိုကာလ ဖြစ်သည့်အတွက် မဲဆွယ်ခြင်းဟု သုံးသပ်သူများရှိသည်။  အထူးသဖြင့် တိုင်းရင်းသားမဲရအောင်လုပ်နေခြင်းဟု သုံးသပ်သူများ မနည်းပါ။ စာရေးသူအမြင် မည်သည့်နိုင်ငံမဆို ရွေးကောက်ပွဲတွင် လက်ရှိအာဏာရပုဂ္ဂိုလ်က ယေဘုယျအားဖြင့် တစ်ပန်းသာသည်။ သူသည် နိုင်ငံ့ခေါင်းဆောင်အဖြစ် ပြည်သူများ၏ မြင်ကွင်းတွင် ရှိနေပြီးသား။ အခြွေအရံများ၊ လုံခြုံရေးများဖြင့် သွားရောက်သည့်အတွက် ခေါင်းဆောင်ပုံရိပ် ပိုပြီးပင် ပေါ်လွင်သည်။ ထို့ကြောင့် ဒေါ်အောင်ဆန်းစုကြည်သည် မဲဆွယ်ရန် ဆန္ဒရှိသည်ဖြစ်စေ၊ အစိုးရတာဝန် ဖြစ်သည့်အတွက် သွားရောက်သည်ဖြစ်စေ များများသွားလေလေ ရွေးကောက်ပွဲအတွက် အမှတ်ပိုရလေ ဖြစ်သည်။ နောက်တစ်ချက်။ ရွေးကောက်ပွဲရလဒ်သည် အစိုးရ၏  စွမ်းဆောင်ရည်ပေါ် များစွာမူတည်သည်။ ယခုခရီးစဉ်များကြောင့် ပြည်နယ်နှင့် တိုင်းဒေသကြီးအစိုးရများ၊ သက်ဆိုင်ရာဒေသများ၏  အစိုးရများ စွမ်းဆောင်ရည် ပိုကောင်းလာလျှင် ရွေးကောက်ပွဲတွင် မျက်နှာပန်းလှမည်။ ထို့ကြောင့် ဒေါ်အောင်ဆန်းစုကြည်၏ ခရီးစဉ်များ ဆက်မြင်တွေ့ရဦးမည်။

အခြေခံဥပဒေပြင်ဆင်ရေး

အခြေခံဥပဒေပြင်ဆင်ရေးလွှတ်တော်တွင် စတင်ခဲ့ပြီး အတော်လေး ပွဲဆူသွားသည်။ အခြေခံဥပဒေပြင်ဆင်ရေး ကြွေးကြော်သံဖြင့် ရွေးကောက်ပွဲဝင်ခဲ့သည့်အတွက် ယခုကဲ့သို့ အခြေခံဥပဒေပြင်ဆင်ရန် ကြိုးစားသည်မှာ  အဆန်းမဟုတ်သော်လည်း ‘အချိန်ကာလ’ Timing မှာ ဆန်းနေသည်။  ရွေးကောက်ပွဲ မဲရရေးအတွက် လူကြိုက်များမည့် ကိစ္စကို ရှေ့တင်လာခြင်းဟု ဝေဖန်သုံးသပ်သူများက ထောက်ပြကြသည်။ အခြေခံဥပဒေပြင်ရေးတွင် အဆုံးအဖြတ်ပေးနိုင်သည့် အာဏာကို အခြေခံဥပဒေအရ ရရှိထားသည့် တပ်မတော်နှင့် ပြင်လိုသည့် အာဏာရပါတီတို့ သဘောထားချင်းတိုက်ဆိုင်မှသာ ပြင်လိုရမည်ဖြစ်ရာ သူတို့ အချင်းချင်း ညှိထားပြီးပြီလား၊  မညှိရသေးဘဲ ပြင်ရန်ကြိုးစားသည်လား။ မညှိရသေးဘဲ ပြင်ရန်  ကြိုးစားလျှင် နှစ်မျိုး ရှိနိုင်သည်။ နှုတ်ရေးပြိုင်သည့်သဘော လုပ်နေကြလျှင် လွှတ်တော်တွင်းတွင် လက်ဝှေ့ရေး ပြသည်နှင့်သာ တူပြီး ၂၀၂၀  ရွေးကောက်ပွဲမဲရရေး ကြိုးစားမှုနှင့် တူပေလိမ့်မည်။ နှုတ်ရေးပြိုင်သည့် မဟုတ်ဘဲ တစ်ဖက်နှင့်တစ်ဖက် သဘောညီသည့်နေရာ common  position ကို လေးလေးစားစား ရှာကြံခြင်းဖြစ်လျှင် အပေါ်ပိုင်းတွင် သဘောတူမထားလျှင်ပင် တဖြည်းဖြည်း အဆင်ပြေသွားနိုင်သည် bottom-up ။ အောက်မှ အပေါ်သို့ တက်ခြင်း။ နဂိုတည်းက အပေါ်ပိုင်းတွင် ညှိပြီးသားဖြစ်လျှင်မူ အထူးပြောစရာမရှိ။ ပြင်လိုသည့်အချိန်တွင်  ပြင်နိုင်အောင် အခြေခံဥပဒေ အစိတ်အပိုင်းအလိုက် ကြိုပြီး ညှိထားခြင်းဖြစ်မည် top-down ။ မည်သို့ပင်ဖြစ်စေ အခြေခံဥပဒေပြင်ဆင်ရေးတွင် နှုတ်ရေးပင်ပြိုင်ပြိုင်၊ တိတ်တိတ်ဆိတ်ဆိတ်ပင် ဆွေးနွေး ဆွေးနွေး  NLD ၏ ကတိကဝတ်ကို ဖြည့်ဆည်းခြင်းဖြစ်ရာ ၂၀၂၀ အတွက် အခြေအနေကောင်းမည်။ နှုတ်ရေးပြိုင်လျှင်မူ ပွဲပိုဆူပြီး NLD ဘက်သို့ပင်  အလေးသာမည်။ တပ်မတော်သားကိုယ်စားလှယ်များ၏ ဆွေးနွေးသည့် ပုံစံပေါ်မူတည်ပြီး ပွဲဆူမည်။ ရင်ကြားစေ့ရေးပါ ထိနိုင်သည်။ အခြေခံ ဥပဒေပြင်ဆင်ရေးတွင် ဆွေးနွေးစရာများ များစွာရှိပြီး ပုဒ်ထီး ပုဒ်မပေါင်းများစွာရှိသည့်အတွက် ၂၀၂၀ ရွေးကောက်ပွဲဝင်ခါနီးချိန်အထိ ရောက်သွားနိုင်သည်။ လွှတ်တော်သည် NLD ၏ လက်ထဲတွင်ရှိရာ အရှိန် အတင်အချသည် NLD ၏ သဘောအတိုင်းသာ ဖြစ်သည်။

မြစ်ဆုံ

မြစ်ဆုံစီမံကိန်းသည် အစိုးရတိုင်းအတွက် ဗြဟ္မာ့ဦးခေါင်းသဖွယ် ရေထဲချလည်းမရ၊ မြေပေါ်ချလည်း မဖြစ်နိုင်ရာ NLD အစိုးရလည်း  ခေါင်းခဲနေရသည်။ နဂိုကတည်းက ခေါင်းခဲနေသည်တွင် ရွေးကောက်ပွဲ အကြိုကာလ ၂၀၁၉ နှင့် တိုက်ဆိုင်ပြီး တရုတ်ဘက်က ဖိအားပေးလာရာ ပိုပြီး စဉ်းစားရကျပ်သွားရသည်။ NLD နှင့် ဒေါ်အောင်ဆန်းစုကြည်ကို  ထောက်ထားသည့်အနေနှင့် မြစ်ဆုံကိစ္စ ပြည်သူကန့်ကွက်မှုသည် ဦးသိန်းစိန် လက်ထက်ကလောက် မကြီးမားသော်လည်း မသေးလှပါ။ ထိုအချက်ကို  NLD ကလည်း သိသည့်အတွက် ဆုံးဖြတ်ချက်ချရမည်ကို တွန့်နေပုံရသည်။ တွန့်နေပုံရခြင်းသည် အားနည်းချက်ပင်ဖြစ်ရာ ထိုအားနည်းချက်ကို   မြင်ပြီး ဖိနင်းမည်ကိုလည်း စိုးရိမ်ရသည်။ သက်ဆိုင်ရာတာဝန်ရှိသူတို့၏ စကားများအရ မြစ်ဆုံစီမံကိန်းကို လက်ရှိပုံစံဖြင့်မူမဟုတ်ဘဲ အရွယ်အစား နေရာပြောင်းချင်ပုံရသည်။ ထိုသို့ပြောင်းလျှင် နောက်ထပ် လေ့လာရကောင်း လေ့လာရ၊ ငြင်းရခုန်ရမည်ဖြစ်ရာ တစ်နှစ်ခွဲ၊ ၂ နှစ် အသာလေးကုန်ပြီး ၂၀၂၀ ရွေးကောက်ပွဲကျော်ပြီး နောက်ထပ်အစိုးရသက်တမ်းရောက်သွားနိုင်သည်။ ထိုသို့လေ့လာနေစဉ် မြစ်ဆုံကိစ္စသည် စီမံကိန်းတစ်ခုအဖြစ် သာမကဘဲ နိုင်ငံရေးရေစီးကြီးတစ်ရပ်အဖြစ် ရှိနေနိုင်သည်။

တိုင်းရင်းသား နိုင်ငံရေး

ဒီမိုကရေစီ ပြုပြင်ပြောင်းလဲရေးနောက်ပိုင်းတွင် ethnonationalism ခေါ် လူမျိုးအခြေပြု အမျိုးသားရေး အားကောင်းလာသည်ကို တွေ့ကြရပြီး ဖြစ်သည်။ လူမျိုးအခြေပြုနိုင်ငံရေးနှင့် ငြိမ်းချမ်းရေးဖြစ်စဉ်တို့သည်  ဒွေးရောယှက်တင် သွားနေကြသည်။ တပ်မတော်က တစ်ဖက်သတ်အပစ်အခတ်ရပ်စဲရေး ကြေညာခြင်း၊ AA တပ်ဖွဲ့ ရခိုင်ပြည်နယ်အတွင်း ရဲကင်းများကို တိုက်ခြင်း၊ အလွတ်သဘောငြိမ်းချမ်းရေးဆွေးနွေးပွဲများ  ခပ်စိပ်စိပ် လုပ်လာခြင်းတို့သည် ၂၀၁၉ နိုင်ငံရေး ရေစီးကြောင်းတစ်ရပ် ဖြစ်သည်။ လက်နက်ကိုင်မဟုတ်သော တိုင်းရင်းသားနိုင်ငံရေး ပါတီများသည်လည်း ၂၀၂၀ တွင် ယင်းတို့၏နေရာနှင့် အခန်းကဏ္ဍကို ၂၀၁၉ တည်းက စပြင်နေကြပြီ။ ၂၀၁၉ တွင် တိုင်းရင်းသားအချင်းချင်း ဆက်ဆံရေးကို သတိကြီးစွာထားထိန်းသိမ်းရမည်ဖြစ်ပြီး သက်ဆိုင်ရာပုဂ္ဂိုလ်များ အကိုင်အတွယ်မတတ်လျှင် ရပြီးသားအခြေအနေများ နောက်ပြန်လျှောမည်။

လောလောဆယ်တွေ့ရသည့် နိုင်ငံရေးရေစီးကြောင်းကြီး လေးကြောင်းဖြစ်သည်။

ဇေယျသူ

You may also like...

Leave a Reply

Your email address will not be published. Required fields are marked *