ဒေါ်နယ်ထရမ့်၏ နိုင်ငံတော်အခြေပြမိန့်ခွန်းနှင့် စိတ်ဝင်စားစရာအချက်များ

Newsweek

ဖေဖေါ်ဝါရီလ ၅ ရက် အင်္ဂါနေ့ညက အမေရိကန်သမ္မတဒေါ်နယ်ထရမ့် ကွန်ဂရက်လွှတ်တော်တွင် မိန့်ခွန်းပြောကြားခဲ့သည်။ အမေရိကန်သမ္မတ တစ်ဦး နှစ်စဉ်ပြောကြားလေ့ရှိသော နိုင်ငံတော်အခြေပြ မိန့်ခွန်းဖြစ်သည်။

နှစ်ပါတီအကွဲအပြဲ

သမ္မတ၏မိန့်ခွန်းမတိုင်မီကပင် ၎င်း၏အစိုးရအဖွဲ့တွန်းပို့နေသော အိုင်ဒီယာ တစ်ခုရှိသည်။ ယင်းမှာ သမ္မတထရမ့် ဒီမိုကရက်တစ်ပါတီကို ငြိမ်းချမ်းရေး စကားကမ်းလှမ်းပြီး နှစ်ဖက်အပြန်အလှန် တိုက်ခိုက်နေကြသော ပါတီနှစ်ရပ်စလုံးကို တိုင်းပြည်ကောင်းကျိုးအတွက် အတူတကွ လက်တွဲသွားကြရန် တိုက်တွန်းလိမ့်မည်ဟူသော အိုင်ဒီယာ ဖြစ်သည်။

ယင်းအချက်ကို သမ္မတထရမ့်၏ မိန့်ခွန်းတစ်နေရာတွင် ယခုလိုပြောကြားထားသည်။

“အမေရိကန်နိုင်ငံရေးမှာ အခွင့်အလမ်းအသစ်တစ်ခု ရှိပါတယ်။ ကျွန်တော်တို့သာ အဲဒီအရာကို ဆုပ်ကိုင်ရဲတဲ့ သတ္တိရှိရင်ပေါ့။” ထရမ့်၏ မိန့်ခွန်းအစောပိုင်းတွင်လည်း “အောင်ပွဲဆိုတာ ကိုယ့်ပါတီအနိုင်ရတာကို ဆိုတာ မဟုတ်ဘူး။ အောင်ပွဲဆိုတာ တိုင်းပြည်အနိုင်ရတာကို ဆိုတာပါ”ဟု ပြောကြားခြင်းဖြင့် နှစ်ပါတီရင်ကြားစေ့ရေး ဆော်ဩခဲ့သည်ကို တွေ့ရသည်။

ပြဿနာဖြစ်နေသည်မှာ အားလုံးညီညွတ်ရေးဆိုသည်နှင့် ပတ်သက်ပါက ဒေါ်နယ်ထရမ့်မှာ အလွန်ညံ့ဖျင်းသော သတင်းစကားပါးသူဟု ဆိုရမည့် အပြောအဆိုများကိုလည်း တွေ့ရသည်။

“ကျွန်တော်တို့အနေနဲ့ လက်စားချေနိုင်ငံရေးမျိုး၊ အခုအခံအတားအဆီးပြုနေတဲ့ နိုင်ငံရေးမျိုး၊ အပြစ်ပေးတဲ့ နိုင်ငံရေးမျိုးကို ပစ်ပယ်ရပါလိမ့်မယ်။ နောက်ပြီး ပူးပေါင်းဆောင်ရွက်နိုင်မယ့်၊ စေ့စပ်ညှိနှိုင်းနိုင်မယ့်၊ ဘုံကောင်းကျိုးကို ဖြစ်စေမယ့် အကန့်အသတ်မဲ့ အလားအလာတွေကို ထွေးပိုက်ရပါလိမ့်မယ်”ဟု ထရမ့်က ပြောကြားခဲ့သည်။

ယင်းစကားမျိုးမှာ သမ္မတထရမ့် မဟုတ်သည့် အခြားသူတစ်ဦးဦးကသာ ပြောကြားပါက အမှန်တကယ် အလုပ်ဖြစ်နိုင်မည့် စကားများဟု ဆိုချင်ပါသည်။ ဒေါ်နယ်ထရမ့်မှာ  ‘လက်စားချေနိုင်ငံရေး၊ အခုအခံအတားအဆီးပြုသည့် နိုင်ငံရေး၊ အပြစ်ပေးသည့် နိုင်ငံရေး’မျိုးကို အနုပညာတစ်ရပ်အဖြစ် ၂၀၁၆ သမ္မတရွေးကောက်ပွဲ မဲဆွယ်ကာလမှစတင်၍ပြောင်းလဲပစ်ခဲ့သူဖြစ်သည်။ ယခုမိန့်ခွန်းတွင် ကွန်ဂရက်လွှတ်တော်အမတ်များကို လေလုံးထွားတိုက်တိုက်ခိုက်မှုများကို ဘေးဖယ်ထားကြဖို့၊ အပြစ်တင်ပြောဆိုမှုများကို ရှောင်ရှားကြဖို့ ပြောကြားသည်မှာ ‘ငပြူးက ပြဲ’ သည့် အပြောမျိုးဟု ခံစားရပါသည်။

ဒေါ်နယ်ထရမ့်က ယင်းကဲ့သို့ ညီညွတ်ရေးအတွက် တိုက်တွန်းနေသော်ငြား ဒီမိုကရက်များမှာ နယ်စပ်အရေးကိစ္စတွင် မရိုးသားသော တားဆီးပိတ်ပင်ရေးသမားများဟု မကြာခဏသုံးနှုန်း၍ တိုက်ခိုက်လေ့ရှိသူ ဖြစ်ပါသည်။ ထို့ပြင် ၎င်း၏ပါတီဖြစ်သော ရီပတ်ဘလစ်ကန်များက ကိုယ်ဝန်ဖျက်ချသည့် ကိစ္စနှင့် ပတ်သက်၍ ရင့်ရင့်သီးသီးသုံးနှုန်းပြောဆိုခဲ့မှုများကိုလည်း ဒေါ်နယ်ထရမ့်အနေဖြင့် အပြစ်တင်ပြောကြားရန် ပျက်ကွက်ခဲ့သူလည်း ဖြစ်သည်။

နှစ်ပါတီငြိမ်းချမ်းရေးနှင့် ပါတီစွဲဖြင့် စုံစမ်းစစ်ဆေးနေမှုများ

ဒေါ်နယ်ထရမ့်ကို ဝေဖန်သူများမကြာခဏကိုးကားကြသည့် စကားကို မိန့်ခွန်းတစ်နေရာတွင် ယခုလိုပြောကြားထားသည်။ “နှစ်ပါတီကြားငြိမ်းချမ်းရေး ရှိပြီး ဥပဒပြုတွေပြုနိုင်မယ်ဆိုရင်၊ တိုက်ခိုက်တာတွေလည်း ရှိလာမှာ မဟုတ်သလို စုံစမ်းစစ်ဆေးမှုတွေလည်း ရှိလာမှာ မဟုတ်ပါဘူး။ တိုက်ခိုက်တာတွေ စုံစမ်းစစ်ဆေးမှုတွေနဲ့တော့ အလုပ်မဖြစ်နိုင်ဘူး”ဟု ထရမ့်က ဆိုသည်။

ဤစကားကို အဓိပ္ပာယ်ဖွင့်ဆိုရလျှင် ‘ချမ်းသာကြွယ်ဝမှုကို လိုလားပါက၊ သမ္မတကို စုံစမ်းစစ်ဆေးမှုတွေ မလုပ်ပါနှင့်။ ဒီနှစ်ခုက တစ်ခုနဲ့ တစ်ခု ဆန့်ကျင်ဘက်ပါ’ဟူ၍ ဖြစ်သည်။

လက်ရှိအချိန်တွင် သမ္မတထရမ့်မှာ အထူးစုံစမ်းစစ်ဆေးရေးမှူး ရောဘတ်မူလာ၏ စုံစမ်းစစ်ဆေးမှုကို ခံနေရသလို ၎င်း၏ ကိုယ်ပိုင်ကုမ္ပဏီမှာလည်း နယူးယောက်တောင်ပိုင်းနယ်မြေတရားရုံးတွင် စုံစမ်းစစ်ဆေးခံနေရသည့် အခြေအနေတွင် ရှိသည်။ ထို့ပြင် ဒီမိုကရက်တစ် လွှတ်တော်အမတ်များကလည်း ထရမ့်၏ အစိုးရအဖွဲ့၊ အခွန်နှင့် ပတ်သက်သော ကိစ္စများ၊ FBI ဒါရိုက်တာဂျိမ်းကိုမီကို အလုပ်မှ ထုတ်ပယ်ခဲ့သည့် ကိစ္စများကို စုံစမ်းစစ်ဆေးရန်ပြင်ဆင်နေကြပြီလည်း ဖြစ်သည်။

ထရမ့်၏ နောက်ထပ်ပြောကြားချက်တွင် “ဒီလိုမျိုး စုံစမ်းစစ်ဆေးမှုတွေကိုရော၊ ဟိုလိုမျိုး စုံစမ်းစစ်ဆေးမှုတွေကိုပါ အချိန်ဆိုတဲ့အရာက အဆုံးသတ်သွားစေမယ်လို့ ကျွန်တော်ယုံကြည်ပါတယ်” ဟု ဆိုခဲ့ရာ ၁၉၇၄ ခုနှစ်က သမ္မတနစ်ဆင် ပြောကြားခဲ့သည့် နိုင်ငံတော်အခြေပြမိန့်ခွန်းနှင့် နှိုင်းယှဉ်စဉ်းစားစရာပင် ဖြစ်သည်။ ဝါးတားဂိတ်အရှုပ်တော်ပုံဖြင့် ၁၉၇၄ ခုနှစ် ဩဂုတ်လတွင် သမ္မတရာထူးမှ အနားယူ သွားခဲ့သည့် နစ်ဆင်သည် ဇန်နဝါရီလ ၃၀ ရက်နေ့တွင် နိုင်ငံတော်အခြေပြမိန့်ခွန်းတွင် ယခုလို ပြောကြားခဲ့သည်။ “တစ်နှစ်တာဝါးတားဂိတ် စုံစမ်းစစ်ဆေးမှုကတော့ တော်လောက်ပါပြီ”ဟူ၏။

CNN

အမျိုးသမီးများလွှမ်းမိုးလာမှု

အောက်လွှတ်တော်ခန်းမအတွင်း အဖြူရောင်အင်္ကျီများ ဝတ်ဆင်ထားကြသည့် ဒီမိုကရက်တစ်အမျိုးသမီး လွှတ်တော်အမတ် အများအပြားထိုင်နေကြသည့်ကိစ္စကိုမူ ရှောင်ကွင်းဖယ်ထုတ်ရန် ခက်ခဲပါသည်။ အမျိုးသမီးများ မဲပေးခွင့်ရရေးတောင်းဆိုခဲ့ကြသည့် Suffragette  Movement လှုပ်ရှားမှုကို ဂုဏ်ပြုသောအားဖြင့် အဖြူရောင်အင်္ကျီများကို ဝတ်ဆင်ထားကြခြင်းဖြစ်သည်။၂၀၁၈ ကြားကာလ လွှတ်တော်ရွေးကောက်ပွဲတွင် ကွန်ဂရက်လွှတ်တော်၌ အမျိုးသမီးလွှတ်တော်အမတ် အရေအတွက် စံချိန်တင်ရွေးကောက်တင်မြှောက်ခံခဲ့ရသည်။

ယင်းညတွင် အဆိုပါဒီမိုကရက်တစ် အမျိုးသမီးလွှတ်တော်အမတ်များမှာ ဒေါ်နယ်ထရမ့်အတွက်သည်ပင်လျှင် အံ့ဩသင့်ဖွယ်ကောင်းလောက်သည့် အခိုက်အတံ့များဖန်တီးခဲ့ကြသူများ ဖြစ်ပါသည်။ ဒေါ်နယ်ထရမ့်က ၎င်း၏ အမေရိကန်စီးပွားရေးအောင်မြင်မှုများနှင့် ပတ်သက်၍ အောက်ပါအတိုင်း ချီးကျူးစကား ပြောကြားခဲ့သေးသည်။

“အားလုံးသော အမေရိကန်တွေ ဂုဏ်ယူနိုင်စရာကိစ္စကတော့ လုပ်ငန်းခွင်မှာ ရှိနေကြတဲ့ အမျိုးသမီးအရေအတွက်ဟာ ယခင်ကနဲ့ လုံးဝမတူအောင် ပိုများလာတယ်ဆိုတဲ့ ကိစ္စပါ။ အတိအကျပြော ရရင် လွန်ခဲ့တဲ့ ရာစုနှစ်တစ်စု အမျိုးသမီးတွေကို မဲပေးခွင့်ပေးခဲ့တဲ့ အခြေခံဥပဒေပြင်ဆင်ချက်ကို ဒီကွန်ကရက် လွှတ်တော်က အတည်ပြုပေးအပြီးကာလကထက် ပိုများလာပါတယ်။ ဒီကွန်ကရက်  လွှတ်တော်မှာလည်း အမျိုးသမီးလွှတ်တော်အမတ်အရေအတွက်ဟာ ယခင်ကာလတွေတုန်းကထက် ပိုပြီးတိုးလာပါတယ်” ဟု ပြောကြားလိုက်ရာ အမျိုးသမီးဒီမိုကရက် လွှတ်တော်အမတ်များ၏ ချီးကျူးသံများဖြင့် ပွဲကျသွားခဲ့သည်။

ယင်းအမျိုးသမီးများ (အများစုမှာ ဒီမိုကရက်တစ်လွှတ်တော်အမတ်များ ဖြစ်သည်) အချင်းချင်း ထောက်ခံလက်ဝါးရိုက်သည့် အပြုအမူများ၊ ၎င်းတို့၏ သမိုင်းဝင်အောင်မြင်မှုများကို ပွဲခံသည့်အနေဖြင့် အချင်းချင်းဖက်လှဲတကင်းပြုလုပ်မှုများကြောင့်လည်း ထရမ့်၏မိန့်ခွန်းမှာ ပြတ်တောင်းတောင်းဖြစ်ခဲ့ရသည် အထိပင်။ ဒေါ်နယ်ထရမ့်ကပင် “ခင်ဗျားတို့ ဒီလို မလုပ်သင့်ဘူးနော်”ဟု ဟာသနှောပြောရသည်အထိ ဒီမိုကရက်တစ်အမျိုးသမီးလွှတ်တော်အမတ်များက ထရမ့်ကို ချီးကျူးထောက်ခံခဲ့ကြလေသည်။

အဆိုပါအမျိုးသမီးများမှာ ၂၀၁၈ လွှတ်တော်ရွေးကောက်ပွဲတွင် ထရမ့်နှင့် ထရမ့်၏ မူဝါဒများကို ဆန့်ကျင်သူများက တွန်းတင်ပေးခြင်းကို ခံခဲ့ရသည့် အမျိုးသမီးအများစုဖြစ်နေခြင်းကြောင့် ထရမ့် အနေဖြင့် ထိုအမျိုးသမီးများ၏ ချီးကျူးမှုတိုင်းကို နှစ်သက်သဘောကျနေသည်မှာ အသေအချာဖြစ်ပါသည်။

နယ်စပ်အရေးနှင့် ပတ်သက်၍  အမျိုးသားအရေးပေါ်အခြေအနေ

အမေရိကန်တောင်ပိုင်းနယ်စပ်တံတိုင်းတည်ဆောက်ရေးကိစ္စနှင့် ပတ်သက်၍ ကွန်ကရက်လွှတ်တော်အနေဖြင့် ဖေဖော်ဝါရီလ ၁၅ ရက်နေ့မတိုင်မီ ကြားအဖြေ မပေးနိုင်ပါက အမျိုးသားလုံခြုံရေးအရေးပေါ် အခြေအနေ ကြေညာမည့်ကိစ္စကို ယခုမိန့်ခွန်းတွင် ထရမ့်ကအလေးထားပြောကြားသွားခြင်း မရှိပေ။ သို့သော် အချိန်အခါ ကျရောက်လာပါက သူ့အနေဖြင့် အာဏာကို သုံး၍ အရေးပေါ်ခြေအနေကြေညာမည့် အခြေခံအကြောင်းအချက်များကိုမူ ပြင်ဆင်ချမှတ်ထားပြီးဖြစ်သည်ကို တွေ့ရသည်။

“တရားဥပဒေမဲ့နေတဲ့ ကျွန်တော်တို့ရဲ့တောင်ပိုင်းနယ်စပ်ဟာ အမေရိကန် အားလုံးရဲ့ လုံခြုံမှု၊ ငွေကြေးဥစ္စာကြွယ်ဝမှုကို ခြိမ်းခြောက်နေပါတယ်”ဟု မိန့်ခွန်းတစ်နေရာတွင် ပြောကြားခဲ့သည်။ ထို့ပြင် နောက်တစ်နေရာတွင်လည်း ‘အလွန် အန္တရာယ်ကြီးတဲ့ တောင်ပိုင်းနယ်စပ်’ ဟု သုံးနှုန်းသွားခဲ့သည်။ ထို့နောက် မက္ကဆီနိုင်ငံရှိ မြို့များတွင် တရားဝင် စာရွက်စာတမ်း အထောက်အထားမပါသော  ရွှေ့ပြောင်းနေထိုင်သူများကို တင်ဆောင်လာသည့် ထရပ်ကားများ၊ ဘတ်စ်ကားများ လုံခြုံမှုကင်းမဲ့ရာ အမေရိကန်နယ်စပ်ကို တင်ဆောင်လာကြပုံကို ထရမ့်က ခြယ်မှုန်းပြောကြားခဲ့သည်။

“အရင်အတိတ်ကာလတုန်းက ဒီခန်းမထဲမှာ ရှိကြတဲ့ လွှတ်တော်အမတ်တွေဟာ တံတိုင်းဆောက်ဖို့ ထောက်ခံမဲ ပေးခဲ့ကြပါတယ်။ ဒါပေမဲ့ တကယ့်တံတိုင်းကိုတော့ ဘယ်တုန်းကမှ မဆောက်ခဲ့ကြဘူး။ ကျွန်တော်ကတော့ ဆောက်ပါမယ်”ဟု ဒေါ်နယ်ထရမ့်က ပြောကြားခဲ့သည်။

ဒေါ်နယ်ထရမ့်၏ ၂၀၁၉ နိုင်ငံတော်အခြေပြမိန့်ခွန်းတွင်ပါသည့် ပြောကြားချက်များနှင့်ပတ်သက်၍ ထိပ်တန်း ဒီမိုကရက်တစ်လွှတ်တော် အမတ်များ ဘဝင်ကျလက်ခံသည့် တုံ့ပြန်မှုများ မရရှိခဲ့ပါ။ ဒီမိုကရက်များအတွက် ယင်းတုံ့ပြန်မှုများမှာ နှစ်သက်ပျော်ရွှင်စရာလှိုင်းလုံးကြီးများကို စတင်ပေးမည့်အရာများဟု ယူဆကြဖွယ် ရှိပါသည်။ ရီပတ်ဘလစ်ကန်များအတွက်မူ အဆိုပါတုံ့ပြန်မှုများမှာ သမ္မတ တစ်ဦးကို သံသယအကျိုး ခံစားခွင့်ပင် ပေးရန်မလိုလားသည့် ပါတီတစ်ရပ်၏ တုံ့ပြန်မှုဟု ရှုမြင်ကြပါလိမ့်မည်။ ကျန် အမေရိကန်ပြည်သူများအတွက်မူ ဤမိန့်ခွန်းကသတိပေးနေသည့်အချက်မှာ ‘မိန့်ခွန်းတစ်ခုထဲဖြင့် ပြည်သူများ၏အမြင်ကို မပြောင်းလဲနိုင်ဆိုသည့်အချက်နှင့် နိုင်ငံတော်အခြေပြမိန့်ခွန်းဆိုသည်မှာ ရုပ်မြင်သံကြား အစီအစဉ်ကြီးတစ်ခု ဖြစ်သည်’ ဆိုသည့် အချက်သာ ဖြစ်ပါတော့သည်။

စာညွှန်း။         ။ 5 key takeaways from Donald Trump’s State of the Union Speech

ဉာဏကျော်

You may also like...

Leave a Reply

Your email address will not be published. Required fields are marked *