အခြေခံပညာသင်ရိုးသစ် အားနည်းချက်၊ အားသာချက် စစ်တမ်းပြုစုမည်

ရန်ကုန်၊ဖေဖော်ဝါရီ၂၂

သူငယ်တန်း၊ Grade 1 နှင့်  Grade 2 အခြေခံပညာသင်ရိုးသစ်၏ အားနည်းချက်၊ အားသာချက်များကို လေ့လာသုံးသပ်ထားသည့် စစ်တမ်းတစ်စောင်ထွက်နိုင်ရန် စီစဉ်နေကြောင်း ပြည်သူ့လွှတ်တော် ပညာရေးမြှင့်တင်မှုကော်မတီဥက္ကဋ္ဌ ဒေါက်တာတင်အောင်က ပြောကြားသည်။

“စစ်တမ်းတစ်စောင်ထွက်အောင် လုပ်မှာပါ။ အဲဒီစစ်တမ်းက ပညာရေး ဝန်ကြီးဌာနကိုလည်း တွန်းအားပေးလို့ ရမယ်။ ကျွန်တော်တို့လွှတ်တော်မှာလည်း ပြောနိုင်မယ်ပေါ့။ စစ်တမ်းပြုစုနေပါတယ်”ဟု ၎င်းက ပြောဆိုသည်။

အဆိုပါစစ်တမ်းကို ပြည်သူ့လွှတ်တော်ပညာရေးမြှင့်တင်မှုကော်မတီနှင့် ဗြိတိန်နိုင်ငံအခြေစိုက် Westminster Foundation for Democracy (WFD) အဖွဲ့တို့ ပူးပေါင်းကာအကောင်အထည်ဖော်မည် ဖြစ်ကြောင်း ၎င်းက ဆိုသည်။

ယင်းစစ်တမ်းအတွက် မည်သူမဆို သင်ရိုးသစ်ဆိုင်ရာ အကြံပြုချက်များကို ဖေဖော်ဝါရီလ ၂၀ ရက်မှ ဖေဖော်ဝါရီလ ၂၅ ရက်အထိ ပြည်သူ့လွှတ်တော်ပညာရေးမြှင့်တင်မှုကော်မတီသို့ ပေးပို့နိုင်ကြောင်း ဒေါက်တာတင်အောင်က ပြောဆိုသည်။

ဆရာ၊ဆရာမများ၏ သင်ကြားပေးနေမှုများ၊ လုပ်ငန်းပိုင်းဆိုင်ရာ ဖွံ့ဖြိုးတိုးတက်မှု၊ လူမှုဘ၀ဖူလုံရေး၊ သင်ကြားမှုဆိုင်ရာ စိန်ခေါ်မှုအခက်အခဲများနှင့် ကျောင်းများတွင် ပညာသင်ပြီးသူများ၏ လက်ရှိအခြေအနေတို့ကို အကြံပြုပေးပို့နိုင်ကြောင်း ယင်းကော်မတီက ကြေညာထားသည်။

အကြံပြုချက်များကို အွန်လိုင်းမှ တစ်ဆင့် [email protected] သို့ စာပေးပို့နိုင်ပြီး ပြည်သူ့လွှတ်တော်ပညာရေး မြှင့်တင်မှုကော်မတီ၊ ရေးရာဆောင်အမှတ် (I- 13) သို့လည်း စာဖြင့် ပေးပို့နိုင်ကြောင်း ယင်းကော်မတီထံမှ သိရသည်။

You may also like...

Leave a Reply

Your email address will not be published. Required fields are marked *