တစ်ကျော့ပြန် စစ်ရေးတင်းမာလာသည့် အိန္ဒိယ-ပါကစ္စတန်

Tenddoliza

ယခုသီတင်းပတ်အတွင်း အိန္ဒိယနှင့် ပါကစ္စတန်တို့အကြား စစ်ရေးတင်းမာမှုများ ထပ်မံဖြစ်ပွားခဲ့သည်။ နျူလက်နက်ပိုင်ရှင်များဖြစ်ကြသည့် အိန္ဒိယနှင့်  ပါကစ္စတန်တို့မှာ စစ်ရေးပဋိပက္ခများဖြင့် နပန်းလုံးနေရသည်မှာ ကာလတာရှည်လှပြီဖြစ်သည်။ လက်ရှိဖြစ်ပွားနေသည့် နှစ်ဖက်စစ်ရေးပဋိပက္ခများနှင့် သမိုင်းကြောင်းဆိုင်ရာ တင်းမာမှုများ ဆက်စပ်နေသလို၊ လတ်တလောခြိမ်းခြောက်နေသည့် အကြမ်းဖက်မှုများနှင့်လည်း ဆက်စပ်နေသည်ကို တွေ့ရသည်။

လတ်တလောအခြေအနေ

ဖေဖော်ဝါရီ ၂၇ ရက်က ပါကစ္စတန် ထိန်းချုပ်ရာ ကက်ရ်ှမီးယားနယ်မြေတွင်းသို့ အိန္ဒိယတိုက်လေယာဉ်များက  ဝင်ရောက်တိုက်ခိုက်ခဲ့ပြန်သည်။ ယင်းသို့ တိုက်ခိုက်ရာတွင် အိန္ဒိယတိုက်လေယာဉ်တစ်စင်း ပျက်ကျသွားခဲ့ပြီး တိုက်လေယာဉ်မှူးကို ပါကစ္စတန်က ဖမ်းဆီးလိုက်သည်။

ယင်းတိုက်ခိုက်မှုမတိုင်မီ တစ်ရက်အလိုကလည်း အိန္ဒိယတိုက်လေယာဉ်များက ပါကစ္စတန်နယ်မြေတွင်းရှိ ဘာလာကော့မြို့အနီး နယ်မြေများကို ဝင်ရောက်တိုက်ခိုက်ခဲ့ပါသေးသည်။ ယင်းတိုက်ခိုက်မှုမှာ  အဆိုပါ နယ်မြေရှိ Jaish-e-Muhammed  အကြမ်းဖက်အဖွဲ့လေ့ကျင့်ရေးစခန်းကို တိုက်ခိုက်ခဲ့သည်ဟု အိန္ဒိယအစိုးရက ဆိုထားသည်။ Jaish-e- Muhammed  အကြမ်းဖက်အဖွဲ့မှာ ဖေဖော်ဝါရီလ ၁၄  ရက်နေ့က အိန္ဒိယထိန်းချုပ်ထားသည့်  ကတ်ရ်ှမီးယားဒေသတွင် ကားဗုံးခွဲတိုက်ခိုက်မှုကြောင့် အိန္ဒိယစစ်ရဲ အနည်းဆုံး  ၄၀ ခန့် သေဆုံးသွားရာတွင် အဓိက  လက်သည်တရားခံလည်း ဖြစ်သည်။ ယင်း အကြမ်းဖက်တိုက်ခိုက်မှုတွင် ပါစ္စတန်အစိုးရ ပါဝင်ပတ်သက်မှုရှိကြောင်း အိန္ဒိယက စွပ်စွဲခဲ့သော်လည်း ပါကစ္စတန်ကမူ ငြင်းဆိုထားသည်။

နှစ်နိုင်ငံအကြား လက်ရှိဖြစ်ပွားနေသော ရန်လိုမှုများအရှိန်မြင့်သွားမည့် အရေးနှင့် ပတ်သက်၍ လက်ရှိအချိန်တွင် စိုးရိမ်မှုများရှိနေသည်။ အိန္ဒိယနှင့် ပါကစ္စတန်တို့မှာ လွန်ခဲ့သည့် နှစ်ပေါင်း ၇၀ ကျော်က  ဗြိတိသျှ အုပ်ချုပ်သည့် အိန္ဒိယနိုင်ငံအဖြစ်မှာ သွေးစွန်းသည့် ဖြစ်ရပ်များဖြင့် နှစ်နိုင်ငံကွဲသွားခဲ့ပြီး မသင့်မမြတ် ယှဉ်တွဲနေထိုင်ခဲ့ကြသည်မှာလည်း ယင်းအချိန်ကတည်းကပင် ဖြစ်သည်။

ပဋိပက္ခ၏ မူလဇာစ်မြစ်

၁၉၄၇ ခုနှစ်တွင် ဗြိတိသျှက  အိန္ဒိယကို လွတ်လပ်ရေးပေးရာတွင် နိုင်ငံ နှစ်ခုခွဲခြားရန် သဘောတူခဲ့ကြသည်။  မွတ်ဆလင် အများစုနေထိုင်သော ပါကစ္စတန်နှင့် ဟိန္ဒူအများစုရှိသော အိန္ဒိယဟူ၍ နှစ်နိုင်ငံခွဲရန် သဘောတူခဲ့ကြသည်။ ( လက်ရှိ ဘင်္ဂလားဒေ့ရ်ှနိုင်ငံမှာ အစပိုင်းတွင် ပါကစ္စတန်နိုင်ငံတွင်း ပါဝင်သော်လည်း ၁၉၇၁ ခုနှစ်တွင် ပါကစ္စတန်မှ ခွဲထွက်၍ သီးခြားနိုင်ငံ ထူထောင်ခဲ့ခြင်းဖြစ်သည်။) အိန္ဒိယ-ပါကစ္စတန်နှစ်နိုင်ငံ  ရုတ်တရက်ခွဲခြားလိုက်ရာ လူပေါင်းသန်းနှင့်ချီ၍ အပြန်အလှန်ရွှေ့ပြောင်းနေထိုင်မှုများ ဖြစ်ပွားခဲ့သည်။ ယင်းကို အကြောင်းပြု၍ ဘာသာရေးအကြမ်းဖက်မှုများ ဖြစ်ပွားခဲ့ပြီး လူပေါင်းသိန်းချီ သေဆုံးခဲ့ရသည်။

အိန္ဒိယ-ပါကစ္စတန်နှစ်နိုင်ငံ ပိုင်းခြားခဲ့ရာတွင် မဆုံးဖြတ်နိုင်ဘဲ ကျန်နေသည့် ကိစ္စမှာ ဂျမူးနှင့် ကက်ရ်ှမီးယားနယ်မြေအရေးပင် ဖြစ်သည်။ ယင်းနယ်မြေမှာ ဟိမဝန္တာဒေသ၌ မွတ်ဆလင်လူဦးရေ  အများဆုံး နေထိုင်သည့် ဒေသဖြစ်ပြီး  ဒေသခံမင်းသားတစ်ပါးအုပ်ချုပ်သည့်  နယ်မြေဖြစ်သည်။ ယင်းနယ်မြေပိုင်ဆိုင်မှု အရေး နှစ်ဖက်တိုက်ခိုက်မှုများ အလျှင်အမြန်ဖြစ်ပွားခဲ့ပြီး နောက်ဆုံးတွင် နှစ်နိုင်ငံစလုံး၏ စစ်တပ်များကို ပို့ဆောင်ခဲ့ရာ  အိန္ဒိယက နယ်မြေသုံးပုံ နှစ်ပုံကို သိမ်းပိုက်နိုင်ခဲ့ပြီး ပါကစ္စတန်က နယ်မြေ သုံးပုံ တစ်ပုံကို သိမ်းပိုက်နိုင်ခဲ့သည်။

ယင်းနယ်မြေကို အုပ်ချုပ်သည့်  ဒေသခံမင်းသားက ဂျမူး၊ ကက်ရ်ှမီးယားဒေသကို အိန္ဒိယလက်အောက်ခံနယ်မြေအဖြစ် သဘောတူလက်မှတ်ရေးထိုးခဲ့သည်။ သို့သော် နောက်ပိုင်းတွင် ကုလသမဂ္ဂက ယင်းကိစ္စနှင့်ပတ်သက်၍ ပြည်သူလူထုက ဆုံးဖြတ်သည့် ရွေးကောက်ပွဲကျင်းပရန် အကြံပြုခဲ့သည်။ သို့သော် ရွေးကောက်ပွဲမှာဘယ်တုန်းကမျှ ဖြစ်မလာခဲ့ပေ။ နှစ်နိုင်ငံစလုံးကလည်း နယ်မြေ အားလုံးပိုင်ရေး မျှော်လင့်ချက်ဖြင့် ၎င်းတို့  သိမ်းပိုက်ထားသည့် နယ်မြေကို ဆက်လက်  စိုးမိုးအုပ်ချုပ်ထားခဲ့ကြသည်။ နှစ်နိုင်ငံ ထိန်းချုပ်ရာနယ်မြေကို ပိုင်းခြားထားသည့်၊ ထိန်းချုပ်မျဉ်းဧရိယာ၊ တစ်ဖက်တစ်ချက်တွင် တပ်စွဲထားသည့် စစ်တပ်များက ပုံမှန်ပစ်ခတ်တိုက်ခိုက်မှုများ ဖြစ်ပွားခဲ့သည်။ မွတ်ဆလင်စစ်သွေးကြွများက  အိန္ဒိယတပ်ဖွဲ့များကို ယင်းနယ်မြေမှ မောင်းထုတ်ရန် အကြမ်းဖက်တိုက်ခိုက်မှုများ မကြာခဏပြုလုပ်ခဲ့သည်။ ယင်းစစ်သွေးကြွ အတော်များများကိုလည်း ပါကစ္စတန် အစိုးရက ကျောထောက်နောက်ခံပေးထားသည်။ ထို့ပြင် အိန္ဒိယနိုင်ငံတွင် ဝင်ရောက်တိုက်ခိုက်လေ့ရှိသည့် အကြမ်းဖက်သမားများကိုလည်း ပါကစ္စတန်က ထောက်ပံ့ပေးထားသည်။ အကြမ်းဖက်သမားများ၏ အရက်စက်ဆုံးအကြမ်းဖက်တိုက်ခိုက်မှုမှာ  ၂၀၀၈ ခုနှစ်က မွမ်ဘိုင်းမြို့တွင် လေးရက်တာ  အကြမ်းဖက်တိုက်ခိုက်မှုဖြစ်ပြီး လူ ၁၆၀  ကျော် သေဆုံးခဲ့သည်။

လတ်တလောအကြောင်းရင်း

ကက်ရ်ှမီးယားအရေးနှင့် ပတ်သက်၍ အိန္ဒိယနှင့် ပါကစ္စတန်အကြား လက်ရှိတင်းမာမှုတွင် လတ်တလော အကြောင်းရင်းမှာ ဖေဖော်ဝါရီလ ၁၄ ရက်နေ့က ကက်ရ်ှမီးယားတောင်ပိုင်း၌ အိန္ဒိယစစ်ရဲများ စီးနင်းလာသည့် ယာဉ်တန်းကို အစ္စလာမ်မစ်စစ်သွေးကြွအဖွဲ့တစ်ဖွဲ့က ကားဗုံးခွဲ တိုက်ခိုက်မှုကြောင့်ဖြစ်သည်။  ယင်း တိုက်ခိုက်မှုသည့် ကက်ရ်ှမီးယားဒေသတွင် နှစ်ပေါင်း ၃၀ အတွင်း လူအသေအပျောက်အများဆုံးဖြစ်ပြီး အိန္ဒိယစစ်ရဲ  ၄၀ ခန့် သေဆုံးခဲ့သည်။

ယင်းတိုက်ခိုက်မှု၏ နောက်တွင် ပိုမိုကျယ်ပြန့်သော နိုင်ငံရေးအင်အား များရှိနေသည်။ လာမည့် မေလတွင်း  ကျင်းပမည့် ရွေးကောက်ပွဲတွင် ပြန်လည်အနိုင်ရလိုသည့် လက်ရှိ အိန္ဒိယဝန်ကြီးချုပ်  မိုဒီက ဝမ်းနည်းဖွယ်ရာ ကြုံတွေ့ခံစားရမှုကို ပြန်လည်လက်စားချေရန် စိတ်ဆန္ဒပြင်းပြနေသည်။

ပါကစ္စတန်အတွက်မူ ယမန်နှစ်က ရွေးကောက်ပွဲတွင် စစ်တပ်ကျောထောက်နောက်ခံဖြင့် အနိုင်ရလာသည့် ဝန်ကြီးချုပ်အီမာခန်က စီးပွားရေးအင်အားချည့်နဲ့လျက်ရှိသည့် ပါကစ္စတန်မှာ အစိုးရက ငွေကြေးစိုက်ထုတ် သုံးစွဲရေးအတွက် တရုတ်နှင့် ဆော်ဒီအာရေဗီးယားကို အကူအညီ တောင်းခံနေရသော်လည်း အိန္ဒိယနှင့် ပတ်သက်ပါက မားမားမတ်မတ်ရပ်တည်နိုင်ကြောင်း ပြသရန် ဆန္ဒရှိနေသူ ဖြစ်သည်။

ကမ္ဘာ့အင်အားကြီးနိုင်ငံများနှင့်  တင်းမာမှုလျှော့ချရေး

လက်ရှိနှစ်ဖက်တင်းမာနေမှုကို မြင့်တက်စေသည့် အပြုအမူများကို နှစ်နိုင်ငံခေါင်းဆောင်များ ရှောင်ရှားကြရန် ဖေဖော်ဝါရီလ ၂၆ ရက်တွင် အမေရိကန်နိုင်ငံခြားရေးဝန်ကြီး မိုက်ပွန်ပယ်ယိုက တိုက်တွန်းသွားခဲ့သည်။ ထို့ပြင် ပါကစ္စတန်အနေဖြင့် ၎င်း၏ နယ်မြေပိုင်နက်အတွင်း ကျက်စားနေသည့် အကြမ်းဖက်အုပ်စုများကို တိုက်ဖျက်သည့် အဓိပ္ပာယ်ရှိသော လုပ်ရပ်များ လုပ်ဆောင်သွားရမည်ဟု မိုက်ပွန်ပယ်ယိုက ပြောကြားသည်။

သမ္မတဒေါ်နယ်ထရမ့်လက်ထက်တွင် အမေရိကန်နိုင်ငံခြားရေးမူဝါဒမှာ ပါကစ္စတန်နိုင်ငံမှ အိန္ဒိယသို့ ရွှေ့သွားခဲ့သည်။ အမေရိကသည် ယခင်က ပါကစ္စတန်၏ ကာလရှည်အထောက်အပံ့ခံနိုင်ငံ ဖြစ်သည်။ သို့သော် အမေရိကက အာရှဒေသတွင်း အင်အားကြီးလာသည့် တရုတ်ကို တန်ပြန်နိုင်မည့် နိုင်ငံမှာ အိန္ဒိယအဖြစ် ရှုမြင်ခြင်းကြောင့် ယခုကဲ့သို့ နိုင်ငံခြားရေးမူဝါဒကို ရွှေ့သွားခဲ့ခြင်း ဖြစ်သည်။

လက်ရှိအချိန်တွင် တရုတ်မှာ ပါကစ္စတန်၏ အနီးကပ်မဟာမိတ်ဖြစ်လာသကဲ့သို့ ငွေကြေးထောက်ပံ့သူလည်း ဖြစ်လာခဲ့သည်။ အိန္ဒိယက ပါကစ္စတန်လေ ပိုင်နက်အတွင်း ဝင်ရောက်တိုက်ခိုက်မှုများ ပြုလုပ်ခဲ့အပြီး နှစ်နိုင်ငံစလုံး ထိန်းထိန်းသိမ်းသိမ်းလုပ်ဆောင်ကြရန် တရုတ်က တိုက်တွန်းထားသည်ကိုလည်း တွေ့ရသည်။

အိန္ဒိယ- ပါကစ္စတန်ဆက်ဆံရေးမှာ ယခုတစ်ပတ်အတွင်း ဖြစ်ပွားနေသည့် အငြင်းပွားဖွယ် နိုင်ငံခြားရေးမူဝါဒ ပြဿနာတစ်ခု၏ နောက်တန်းနေရာတွင် နေရာယူထားသည်။ အမေရိကန်သမ္မတဒေါ်နယ် ထရမ့်နှင့် မြောက်ကိုရီးယားခေါင်းဆောင်ကင်ဂျုံအွန်းတို့အကြား နျူကလီးယား လက်နက်ဖျက်သိမ်းရေးနှင့် ကိုရီးယား  ကျွန်းဆွယ်ငြိမ်းချမ်းမှုရရှိသောအတွက် ပြုလုပ်ကြသည့် ထိပ်သီးဆွေးနွေးပွဲကိုပင် ဖြစ်သည်။

ရှေ့ဖြစ်အလားအလာ

ယခုဖြစ်ရပ်မှာ ၂၀၁၆ ခုနှစ်က ဖြစ်ပွားခဲ့သည့် ဖြစ်ရပ်နှင့် အလားသဏ္ဌာန်   တူပါသည်။ ယင်းအချိန်က ပါကစ္စတန်စစ်သွေးကြွအုပ်စုတစ်စုက ကက်ရ်ှမီးယားအူရီရှိ အိန္ဒိယစစ်အခြေစိုက်စခန်းတစ်ခုကို ဝင်ရောက်တိုက်ခိုက်ခဲ့ရာ အိန္ဒိယက ပါကစ္စတန်ထိန်းချုပ်ထားသည့် ကက်ရ်ှမီးယားဒေသတွင်းသို့ ဝင်ရောက်၍ ‘ပစ်မှတ်ထားတိုက်ခိုက်မှု (Surgical Strike)’  ဆိုသည့် စစ်သွေးကြွစခန်းများကို တိုက်ခိုက်မှုပြုလုပ်ခဲ့သည်။ ပါကစ္စတန် ဘက်ကမူ စစ်သွေးကြွများ အိန္ဒိယစစ်စခန်းကို တိုက်ခိုက်ခဲ့ခြင်းမရှိဟု ဆိုသည်။

အူရီအိန္ဒိယစစ်စခန်း တိုက်ခိုက်ခံ ရမှုအပြီး အိန္ဒိယက ပြန်လည်တိုက်ခိုက်တဲ့  ကိစ္စက အဓိပ္ပာယ်ရှိခဲ့ပါတယ်။ အဲဒီအချိန်တုန်းက အိန္ဒိယအစိုးရအနေနဲ့ ကမ္ဘာ့နိုင်ငံတွေရဲ့ကရုဏာသက်မှုကို ရရှိခဲ့ပါတယ်။ ဒါပေမဲ့ အခုတစ်ကြိမ်မှာတော့ အိန္ဒိယတိုက်လေယာဉ်ပစ်ချခံခဲ့ရပြီး လေယာဉ်မှူး ဖမ်းဆီးခံထားရတယ်ဆိုတော့ အခြေအနေက မြန်မြန်ကြီးအရှိန်မြင့်လာဖို့ရှိပါတယ်။ ဒီတော့ လက်တုံ့ပြန်တိုက်ခိုက်တာမျိုး မလုပ်ဘဲ ဒီလိုအခြေအနေမျိုးကနေ ပြီးသွားဖို့ မဖြစ်နိုင်ပါဘူး”ဟု အိန္ဒိယ-ပါကစ္စတန် ဆက်ဆံရေးနှင့် ပတ်သက်၍ စာအုပ် နှစ်အုပ် ရေးသားထုတ်ဝေခဲ့ဖူးသည့် ဂျာနယ်လစ်ဟောင်းတစ်ဦးဖြစ်သူ မာရာမက်ဒေါ်နယ်က ပြောကြားသည်။

သို့သော် လက်ရှိဖြစ်ပွားနေသည့် စစ်ရေးတင်းမာမှုမှာ မကြာခင်အရှိန်လျော့သွားဖွယ်ရှိကြောင်း အိန္ဒိယန်ိုင်ငံ နယူးဒေလီမြို့တော်ပြင်ပတွင် တည်ရှိသော Jindal Global တက္ကသိုလ်နိုင်ငံတကာ လေ့လာရေးဌာနမှူး ဆာရမ်ချူလီယာက ပြောကြားသည်။ သို့သော် ၎င်း စိတ်ပူသည့် အချက်မှာ ပါကစ္စတန်အခြေစိုက် စစ်သွေးကြွများ အိန္ဒိယတွင် အကြမ်းဖက်တိုက်ခိုက်မှုများ ပြုလုပ်လာမည့် အရေး ဖြစ်သည်။

ပါကစ္စတန်သမ္မတအီမာခန်းကမူ ယခုပြဿနာကို ဆွေးနွေးညှိနှိုင်းခြင်းဖြင့် အဖြေရှာရန်တိုက်တွန်းထားသည်။ “စစ်ပွဲကြီးတွေက မှားယွင်းတွက်ချက်မှုတွေကြောင့် ဖြစ်ရတာပါ။ ကျွန်တော် အိန္ဒိယကို မေးချင်တဲ့မေးခွန်းက ကျွန်တော်တို့မှာ ရှိနေတဲ့ လက်နက်တွေ (နျူကလီးယား လက်နက်)က အဲဒီလို မှားယွင်းတွက်ချက်လို့ ရပါ့မလားဆိုတာပါပဲ”ဟု ရုပ်မြင်သံကြားမိန့်ခွန်းတွင် ပါကစ္စတန်သမ္မတအီမာခန်က ပြောကြားသွားလေသည်။

စာညွှန်း။       ။ Why do India and Pakistan keep fighting over Kashmir?

ဉာဏကျော်

You may also like...

Leave a Reply

Your email address will not be published. Required fields are marked *