ရေခဲမှတ်နီးနီး အေးစက်လာသော စတော့ဈေးကွက်

စတော့အနှစ်ချုပ် (ဖေဖော်ဝါရီ ၂၁ ရက်နေ့မှ မတ် ၁ ရက်နေ့အထိ)

ယခုသီတင်းပတ်တွင် ရှယ်ယာအစု ၁၅,၅၀၀ ကျော်၊ တန်ဖိုးကျပ် ၉၅ ဒသမ ၅၇ သန်း အရောင်းအဝယ်ဖြစ်ခဲ့ပြီး ယခင်သီတင်းပတ်ထက် အရောင်းအဝယ် ၁၆ ရာခိုင်နှုန်းခန့် ပိုများခဲ့သည်။

စတော့အညွှန်းကိန်းမှာ အမြင့်ဆုံး ၃၇၆ ဒသမ ၃ (ယခင်သီတင်းပတ်တွင် ၃၇၉ ဒသမ ၃၉) နှင့် အနိမ့်ဆုံး ၃၇၅ ဒသမ ၂၅ (ယခင်သီတင်းပတ်တွင် ၃၇၃ ဒသမ  ၂) အတွင်း ရှိခဲ့သည်။

သီတင်းပတ်လေးပတ်ဆက်တိုက် အရောင်းအဝယ်ကျဆင်းမှု ရပ်တန့်သွားသည်။

FMI ရှယ်ယာ

ယခုသီတင်းပတ်တွင် ရှယ်ယာအစု ၆၅၀၀ ကျော်၊ တန်ဖိုးကျပ် ၅၈ ဒသမ ၉၅ သန်းခန့် အရောင်းအဝယ်ဖြစ်ခဲ့ပြီး ယခင်သီတင်းပတ်ထက် အရောင်းအဝယ်ငါးဆနီးပါး ပိုများခဲ့သည်။

ရှယ်ယာဈေးမှာ ဈေးကွက်တစ်ပတ်လုံး ၈၈၀၀ ကျပ်တစ်မျိုးတည်းဖြင့် အရောင်းအဝယ်ဖြစ်ခဲ့ပြီး အနိမ့်ဆုံးဈေး ၈၈၀၀ ကျပ်ဖြင့် ဈေးကွက်ပိတ်သည့် တတိယမြောက်သီတင်းပတ် ဖြစ်သည်။

MTSH ရှယ်ယာ

ယခုသီတင်းပတ်တွင် ရှယ်ယာအစု ၇၈၀၀ ကျော်၊ တန်ဖိုးကျပ် ၂၂ ဒသမ ၇၅ သန်းခန့် အရောင်းအဝယ်ဖြစ်ခဲ့ပြီး ယခင်သီတင်းပတ်ထက် အရောင်းအဝယ် ၄၃ ရာခိုင်နှုန်းခန့် လျော့နည်းသွားသည်။

ရှယ်ယာအဖွင့်ဈေး ၂၉၅၀ ကျပ်၊ အမြင့်ဆုံး ၂၉၅၀ ကျပ်၊ အနိမ့်ဆုံး ၂၈၅၀ ကျပ်နှင့် သောကြာနေ့တွင် ၂၉၀၀ ကျပ်ဖြင့် ဈေးပိတ်ခဲ့သည်။

MCB ရှယ်ယာ

ယခုသီတင်းပတ်တွင် ရှယ်ယာ ၉၄ စု၊ တန်ဖိုးကျပ် ၀ ဒသမ ၆၈ သန်းခန့် အရောင်းအဝယ်ဖြစ်ခဲ့သည်။

ရှယ်ယာအဖွင့်ဈေး ၇၁၀၀ ကျပ်၊ အမြင့်ဆုံး ၇၃၀၀ ကျပ်၊ အနိမ့်ဆုံး ၇၁၀၀ ကျပ်နှင့် သောကြာနေ့တွင် ၇၃၀၀ကျပ် ဖြင့် ဈေးပိတ်ခဲ့သည်။

FPB ရှယ်ယာ

ယခုသီတင်းပတ်တွင် ရှယ်ယာ ၅၉၂ စု၊ တန်ဖိုးကျပ် ၁၂ ဒသမ ၅၆ သန်းအရောင်းအဝယ်ဖြစ်ခဲ့ပြီး ယခင်သီတင်းပတ်ထက် အရောင်းအဝယ် ၆၀ ရာခိုင်နှုန်းခန့် လျော့နည်းသွားသည်။

ရှယ်ယာအဖွင့်ဈေး ၂၁,၅၀၀ ကျပ်၊ အမြင့်ဆုံး ၂၂,၀၀၀ ကျပ်၊ အနိမ့်ဆုံး ၂၁,၀၀၀ ကျပ်နှင့် သောကြာနေ့တွင် ၂၁,၀၀၀ ကျပ်ဖြင့် ဈေးကွက်ပိတ်ခဲ့သည်။

TMH ရှယ်ယာ

ယခုသီတင်းပတ်တွင် ရှယ်ယာ ၂၃၅ စု၊ တန်ဖိုးကျပ် ၀ ဒသမ ၆၃ သန်းခန့် အရောင်းအဝယ်ဖြစ်ခဲ့ပြီး ယခင် သီတင်းပတ်ထက် အရောင်းအဝယ် ၁၇ ရာခိုင်နှုန်းခန့် လျော့နည်းသွားသည်။

ရှယ်ယာအဖွင့်ဈေး ၂၇၀၀ ကျပ်၊ အမြင့်ဆုံး ၂၇၀၀ ကျပ်၊ အနိမ့်ဆုံး ၂၆၅၀ ကျပ်နှင့် သောကြာနေ့တွင် ၂၇၀၀ ကျပ်ဖြင့် ဈေးပိတ်ခဲ့သည်။

သီတင်းပတ် ၄၆ ပတ်အတွင်း အရောင်းအဝယ်အနည်းဆုံးစံချိန် ဖြစ်သည်။

You may also like...

Leave a Reply

Your email address will not be published. Required fields are marked *