ဂျပန်ကုထုံးနှင့် မီးရထားအနာ

ရန်ကုန်ဘူတာကြီး စင်္ကြံအမှတ် (၁) အဝင်တံခါးပေါက်တွင် မီးရထားဝန်ထမ်းနှစ်ဦးက ခရီးသည်များ၏ လက်မှတ်များကို စစ်ဆေးရင်း ခရီးဦးကြိုပြုနေကြသည်။

လက်မှတ်စစ်ဆေးမှုခံယူပြီးသော ခရီးသည်များသည် အသင့်ရပ်ဆိုင်းထားသည့် ရထားပေါ်သို့တက်ရောက်ရန် ဆက်လက်လျှောက်လှမ်းသွားကြသည်။ ရထားပေါ်တက်ရောက်သည့်အခါ ရထားတွဲဆိုင်းတစ်ခုချင်းစီတွင် စောင့်ကြိုနေ သောဝန်ထမ်းနှစ်ဦးက ခရီးသည်များကို ထပ်မံနှုတ်ဆက်ကြသည်။

ရထားပေါ်တက်ရောက်လာသည့် ခရီးသည်များအတွက် ထိုင်ခုံနေရာညွှန် ပြပေးခြင်းတို့ကိုလည်း စိတ်ပါလက်ပါ ပြုလုပ်လျက်ရှိသည်။

နေသားတကျရှိနေပြီဖြစ်သည့် ခရီးသည်များက ၎င်းတို့မိတ်ဆွေများကို လက်ပြနှုတ်ဆက်ကြသည်။ မွန်းလွဲ ၃ နာရီတိတိထိုးသည်နှင့် သံချောင်းခေါက်သံများ ဆူညံစွာထွက်ပေါ်လာပြီး ရထားဥဩသံရှည်တစ်ချက်ဆွဲကာ ရထားစတင် ထွက်ခွာတော့သည်။ ထိုရထားသည် ရန်ကုန်-မန္တလေး မွန်းလွဲ ၃ နာရီ အမြန်ရထားဖြစ်သည်။

ယခင်က ထွက်ခွာချိန်နောက်ကျတတ်သည့် မြန်မာ့မီးရထားသည် အချိန်တိကျလာသည်။ ခရီးသည်များအပေါ် မျက်နှာထားတင်းမာခက်ထန်စွာဆက်ဆံတတ်သည့် ရထားဝန်ထမ်းများ၏ အသွင်သဏ္ဌာန်မှာလည်း ယခုအခါ ပျော့ပြောင်း ချိုသာဟန်ရှိလာသည်။ ယခင်ကတွေ့ရန်ခဲယဉ်းသည့်မြင်ကွင်းကို မီးရထားဝန်ထမ်းတို့က ပြသနေသယောင်ပင်။

ယင်းသည် နှစ်စဉ်အရှုံးပေါ်နေသော မြန်မာ့မီးရထားလုပ်ငန်းကို ပြန်လည် နာလန်ထူလာရန် ဂျပန်နိုင်ငံ၏ အကူအညီဖြင့် ဆောင်ရွက်သည့် လုပ်ငန်းများအနက် အခြေခံအကျဆုံးပြောင်းလဲမှုများ အရာထင်လာခြင်း ဖြစ်သည်။ အခြားပြောင်း လဲမှုများက အဘယ်နည်း။ နိုင်ငံတကာတွင် မြေအောက်ရထားနှင့် ကျည်ဆန်ရထားများ ပြေးဆွဲနေချိန် မြန်မာ့မီးရထားအခြေအနေက မည်သို့နည်း။

ဂျုံးဂျုံးကျ မြန်မာ့မီးရထား

မပြေးခင်ကတည်းက ရှုံးနေသည်မှာ မြန်မာ့မီးရထား၏ ပကတိအခြေအနေပင်ဖြစ်သည်။

၂၀၁၇-၂၀၁၈ ဘဏ္ဍာနှစ်တွင် နိုင်ငံပိုင်စီးပွားရေး အဖွဲ့အစည်း ၃၁ ခုအနက် ၁၁ ခုခန့်အရှုံးပေါ်ခဲ့ပြီး မြန်မာ့မီးရထားသည် ဒုတိယအအရှုံးအများဆုံးအဖွဲ့အစည်းဖြစ်ကြောင်း ပြည်ထောင်စုလွှတ်တော် ပြည်သူ့ငွေစာရင်းပူးပေါင်းကော်မတီ၏ အစီရင်ခံစာများတွင် ဖော်ပြထားသည်။

၂၀၁၇-၂၀၁၈ ဘဏ္ဍာနှစ်တွင် လျှပ်စစ်ဓာတ်အား ထုတ်လုပ်ရေးလုပ်ငန်းသည် ကျပ်ဘီလီယံ ၅၀၀ ခန့်ဖြင့် အရှုံးအများဆုံးဖြစ်ပြီး မြန်မာ့မီးရထားသည် ကျပ် ၇၉ ဘီလီယံဖြင့် ဒုတိယအရှုံးအများဆုံးဖြစ်သည်။

မီးရထားနှင့်ပတ်သက်သည့် ယန္တရားများကို ပြည်တွင်း၌ မထုတ်လုပ်နိုင်သဖြင့် ကိုယ်ပိုင်ငွေကြေးနှင့် နိုင်ငံခြားချေးငွေ ရရှိမှသာ ပြည်ပမှဝယ်ယူနိုင်ကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသန့်စင်မောင်က ၂၀၁၈ ခုနှစ် ဒီဇင်ဘာလ ၂၀ ရက် အမျိုးသားလွှတ်တော်အစည်းအဝေးတွင် ပြောဆိုသည်။

မြန်မာ့မီးရထားသည် ၁၉၈၈ ခုနှစ်မတိုင်ခင် ပဲရစ်ကလပ်နိုင်ငံများထံမှချေးယူထားသောချေးငွေ အတိုး/အရင်း ၁၂၆ ဘီလီယံကို ပေးဆပ်ရန်ကျန်ရှိနေကြောင်း ၎င်းကဆိုသည်။

“ရထား(တစ်နှစ်)ဝင်ငွေရဲ့နှစ်ဆရှိပါတယ်။ အဲဒီတော့ နောက်တစ်ခါ ပင်စင်စားတဲ့ (ရထား) ဝန်ထမ်းပေါင်း ၁၈,၀၀၀၊ အဲဒီပင်စင်နဲ့တင် ကျွန်တော်တို့က (အသုံးစရိတ်) ကျပ်တစ်ဘီလီယံကျော်ပါတယ်။ အဲဒီတော့ ကျွန်တော်တို့သည် လောလောဆယ် မပြေးခင်ကနေ ရှုံးနေတဲ့ အဖွဲ့အစည်းဖြစ်တယ်” ဟု ၎င်းကဆိုသည်။

အများပြည်သူသယ်ယူပို့ဆောင်ရေးကဏ္ဍတွင် မော်တော်ကားလမ်းများ ကောင်းမွန်လာမှု၊ ပုဂ္ဂလိက မော်တော်ယာဉ် သယ်ယူပို့ဆောင်ရေးလုပ်ငန်းဖွံ့ဖြိုးလာမှုတို့ကြောင့် ရထားစီးနင်းသူနည်းပါးလာပြီး မြန်မာ့မီးရထား၏ ခရီးသည်ရရှိမှုမှာလည်း လျော့ကျလာခဲ့သည်။

မြန်မာ့မီးရထားသည် ၁၉၉၀ ပြည့်နှစ်တွင် အများပြည်သူသယ်ယူပို့ဆောင်ရေးဈေးကွက်ကြီးတစ်ခုလုံး၏ ၄၄ ရာခိုင်နှုန်းကျော်ပိုင်ဆိုင်ခဲ့ပြီး ၂၀၁၃ ခုနှစ်တွင် ဈေးကွက်၏ ၁၀ ရာခိုင်နှုန်းသာကျန်တော့ကြောင်း ပြည်ထောင်စုဝန်ကြီး ဦးသန့်စင်မောင်က ဆိုသည်။

အစိုးရပိုင် ရေကြောင်း၊ လေကြောင်း ပို့ဆောင်ရေးကဏ္ဍများ၏ ဈေးကွက်ဝေစုမှာလည်းကျဆင်းခဲ့ပြီး ပုဂ္ဂလိကမော်တော်ယာဉ်ကဏ္ဍက ဈေးကွက်တစ်ခုလုံး၏ ၈၆ ရာခိုင်နှုန်းကျော်ရရှိသွားသည်။

လက်ရှိတွင် မြန်မာ့မီးရထားသည် အရှုံးများလာသောကြောင့် အချို့ခရီးစဉ်များကို ပြေးဆွဲမှုရပ်ဆိုင်းခဲ့ရပြီဖြစ်ကြောင်း မြန်မာ့မီးရထား စီးပွားရေးဌာန (ခရီးသည်/သွားလာရေး) ဒုတိယအထွေထွေမန်နေဂျာ ဦးအောင်သူလတ်က ပြောကြားသည်။

၂၀၁၅ ခုနှစ် ဇူလိုင်လမှစတင်၍ ခရီးသည်စီးနင်းမှုနည်းသော မွေ့လယ်-ကလေး၊ ကလေး-မွေ့လယ် ခရီးတို ပြေးဆွဲသည့် မီးရထားနှစ်စင်းကို စတင်ရပ်ဆိုင်းခဲ့ပြီး ၂၀၁၉ ခုနှစ် ဇန်နဝါရီလတွင် ခရီးစဉ် ၃၆ ခုမှ မီးရထား ၃၆ စင်း ပြေးဆွဲခြင်းကို ဖျက်သိမ်းခဲ့ကြောင်း မြန်မာ့မီးရထားထံမှ သိရသည်။

မြန်မာမီးရထားသည် တိုင်းနယ်မြေ ၁၁ ခုရှိ လမ်းပိုင်းအသီးသီးပေါ်တွင် အမြန်၊ စာပို့၊ လူစီးကုန်တင်၊ ခရီးတို၊ မြို့ပတ်/ဆင်ခြေဖုံးနှင့် အခြားဟူ၍ ရထားအမျိုးအစားခြောက်မျိုး၊ စုစုပေါင်း ရထားအစင်းရေ ၄၃၃ စင်းပြေးဆွဲနေခြင်းဖြစ်သည်။ ခရီးသည် တိုးတက်ရရှိသည့်လမ်းများကို ဦးစားပေးပြုပြင်ခြင်း၊ ခရီးစဉ်များတိုးချဲ့ပြေးဆွဲခြင်းတို့ကို ဆောင်ရွက်လျက်ရှိသည်။

ရထားစီးခရီးသည် စုစုပေါင်း၏ ၄၀ ရာခိုင်နှုန်းသည် ရန်ကုန်မြို့ပတ်ခရီးသည်များဖြစ်ပြီး ၄၈ ရာခိုင်နှုန်းမှာ ရန်ကုန်-မန္တလေးခရီးသည်များဖြစ်သည်။ ကျန်ရှိသည့် ၁၂ ရာခိုင်နှုန်းမှာ အခြားလမ်းပိုင်းများဖြစ်သည်။

“တချို့လမ်းပိုင်းတွေဟာ ဒီဇယ်ဆီဖိုးတောင်မရဘဲ ရှုံးနေတာဖြစ်ပါတယ်။ အရှုံးနည်းအောင်လို့ဆိုပြီး ၃၆ စင်း ရပ်တန့်ဖျက်သိမ်းခဲ့ပြီဖြစ်ပါတယ်။ ဒီနေရာမှာ ဝင်ငွေရတာမရတာထက် အရှုံးနည်းအောင် အဓိကထားတဲ့အနေအထားဖြစ်ပါတယ်” ဟု ၎င်းကဆိုသည်။

မြန်မာ့မီးရထား၏ သမိုင်းတစ်လျှောက်တွင် ခရီးသည်အများဆုံးပို့ဆောင်ပေးခဲ့သည့်ကာလမှာ ၂၀၀၇-၂၀၀၈ ဘဏ္ဍာနှစ် ဖြစ်သည်။ ၂၀၀၇ ခုနှစ် ရန်ကုန် -မန္တလေးရထားလမ်း အဆင့်မြှင့်တင်ပြီးချိန်တွင် မီးရထားခရီးစဉ်များ ပိုမိုချောမွေ့လာခြင်းကြောင့် ခရီးသည်စီးနင်းမှု စံချိန်တင်ခဲ့ခြင်းဖြစ်ကြောင်း ဦးအောင်သူလတ်က ဆိုသည်။

၂၀၀၇-၂၀၀၈ ဘဏ္ဍာနှစ်အတွင်း စုစုပေါင်းခရီးသည်ဦးရေ ၇၅ သန်း စီးနင်းခဲ့ပြီး နှစ်စဉ်ကျဆင်းခဲ့ရာ ၂၀၁၇-၂၀၁၈ ခုနှစ်တွင် ၄၆ သန်းသာရှိတော့သည်။ ဆယ်နှစ်အတွင်း ခရီးသည် ၂၉ သန်း လျော့ကျသွားသည်။ မြန်မာ့မီးရထား၏ ဝင်ငွေမှာ တစ်နှစ်ထက်တစ်နှစ် ကျဆင်းလာသည်။ ဝင်ငွေတွက်ချက်ရာတွင် ခရီးသည်၊ ကုန်စည်၊ အထွေထွေသုံးမျိုးအပေါ်မှ ရရှိသည့်ဝင်ငွေများကို တွက်ချက်ခြင်း ဖြစ်သည်။

အစိုးရသစ်လက်ထက် ၂၀၁၅-၂၀၁၆ ခုနှစ်တွင် မြန်မာ့မီးရထား၏ ဝင်ငွေစုစုပေါင်းသည် ကျပ် ၇၀ ဘီလီယံ ကျော်ရှိပြီး တစ်နှစ်ထက်တစ်နှစ် ကျပ် ခြောက်ဘီလီယံခန့်ကျဆင်းလာကြောင်း မြန်မာ့မီးရထားစာရင်းများအရသိရသည်။ ယိုယွင်းလာသောလမ်းပိုင်းများ၊ သက်တမ်းအိုမင်းလာသည့် ရထားတွဲများကြောင့် ရထားစီးခရီးသည်များ လျော့နည်းသွားကြောင်း ဦးအောင်သူလတ်ကဆိုသည်။

မြို့ရွာများ ဖွံ့ဖြိုးလာသည်နှင့် မော်တော်ယာဉ်နှင့် အခြားပို့ဆောင်ရေးယာဉ်များကိုအသုံးပြုနိုင်ခြင်းကြောင့် ရထားခရီးသည်လျော့ကျလာခြင်းဖြစ်သည်။ သို့ဆိုလျှင် ယိုယွင်းလာသော မြန်မာ့မီးရထားပို့ဆောင်ရေးကို မည်သို့ ကုစားနိုင်မည်နည်း။

မီးရထားသည် မော်တော်ယာဉ်ထက်စာလျှင် အားသာချက်များစွာရှိပြီး အချိန်တိကျရန်နှင့် ရထားလမ်းများ အဆင်မြှင့်တင်နိုင်လျှင် စီးနင်းသူများ ပိုမိုအားထားလာဖွယ်ရှိကြောင်း ပဲခူးတိုင်း လက်ပံတန်းမြို့နယ်တွင် နေထိုင်သူ ဦးဇော်မိုးအောင်က ဆိုသည်။ ၎င်းသည် အစိုးရဝန်ထမ်းတစ်ဦးဖြစ်ပြီး တစ်လလျှင် နှစ်ကြိမ်ခန့် မီရထားဖြင့် ခရီးသွားသူလည်းဖြစ်သည်။ ရထားခရီးသည် ကုန်ကျစရိတ်သက်သာပြီး ဘေးကင်းကြောင်း ၎င်းကဆိုသည်။

“လမ်းပိုင်းတွေအဆင့်မြှင့်ဖို့ပေါ့။ သူတို့လည်းလုပ်နေပါတယ်။ ပုဂံဘက်ဆိုရင်လည်း ရထားလမ်းပိုင်းတွေ သေချာကောင်းအောင်လုပ်သင့်တာပေါ့။ နိုင်ငံခြားသားတွေလည်းစီးနေတာဆိုတော့ နိုင်ငံတော်လည်း အကျိုးရှိတာပေါ့” ဟု ၎င်းက အကြံပြုသည်။

မီးရထားအတွက် ဂျပန်သမားတော်

နာတာရှည် မြန်မာ့မီးရထားအတွက် ဂျပန်သမားတော်၏ ကုထုံးဖြင့် နာလန်ထလာရန်ဆောင်ရွက်နေသည်။

သမ္မတဟောင်း ဦးသိန်းစိန်အစိုးရလက်ထက်ကတည်းက ဂျပန်နိုင်ငံသည် နိုင်ငံတော်အဆင့် သယ်ယူပို့ဆောင်ရေး မဟာဗျူဟာစီမံကိန်းအကောင်ထည်ဖော်၍ မြန်မာမီးရထား ပို့ဆောင်ရေးစနစ်ကို အဆင့်မြှင့်တင်ရန်စတင်သည်။ ယင်းစီမံကိန်းအနက် မီးရထားဝန်ထမ်းများ၏ ဝန်ဆောင်မှုအရည်အသွေးမြှင့်တင်ရမည့်အချက်လည်းပါသည်။

ယခင်ကမူ မြန်မာ့မီးရထားသည် ရထားတွဲများကို မပြုပြင်ခြင်း၊ မီးရထားအောက်ခြေဝန်ထမ်းများ မှောင်ခိုလက်မှတ်ရောင်းချခြင်း၊ အထက်တန်းတွဲများတွင် ရိုးရိုးတန်းခရီးသည်များခွင့်ပြုခြင်းတို့ကြောင့် မြန်မာ့မီးရထားပို့ဆောင်ရေးစနစ်ကျဆုံးခဲ့ကြောင်း မွန်ပြည်နယ် မဲဆန္ဒနယ် အမှတ် (၆)မှ အမျိုးသားလွှတ်တော်ကိုယ်စားလှယ် ဦးဖေတင်က ဆိုသည်။

“မြန်မာ့မီးရထားကဏ္ဍကြီးက ကျဆုံးသွားတယ်။ အဲ့ဒီကျတော့ လူထုက ရထားပို့ဆောင်ရေးအပေါ်ယုံကြည်မှု မရှိလာတော့ဘူး။ မရှိတော့ ရထားသက်ဆိုင်ရာပုဂ္ဂိုလ်တွေကလည်း ရထားအပေါ်မှာ ကောင်းအောင်မလုပ်ကြတော့ဘူး။ ဝတ်ကျေ၊ တန်းကျေလုပ်လာတဲ့အခါကျတော့ ကျွန်တော်တို့တိုင်းပြည် စပ်ကူးမတ်ကူးကာလမှာ တော်တော်ကို ပျက်စီးသွားတယ်” ဟု ၎င်းက The Voice Journal သို့ပြောကြားသည်။

ဦးဖေတင်သည် မြန်မာ့မီးရထား ပြန်လည်ဦးမော့ရေး အမျိုးသားလွှတ်တော်အစည်းအဝေးတွင် မေးခွန်းမေးမြန်းခဲ့သူလည်းဖြစ်သည်။ ၎င်း၏ မေးခွန်းအပေါ် ပြည်ထောင်စုဝန်ကြီး ဦးသန့်စင်မောင်က ပြန်လည်ဖြေဆိုပြီး ယင်းဖြေဆိုချက်များကို မြန်မာနိုင်ငံပြန်တမ်းနှင့် နိုင်ငံပိုင်သတင်းစာတို့တွင် ဖော်ပြရန်ဆုံးဖြတ်ခဲ့သည်။

သို့ဆိုလျှင် မြန်မာ့မီးရထားပို့ဆောင်ရေးစနစ်ကောင်းမွန်ရန် ဝန်ထမ်းများ၏ စွမ်းဆောင်ရည်မှာလည်း အရေးကြီးကြောင်းပေါ်လွင်သည်။ ယင်းအတွက် ဂျပန်နိုင်ငံသတင်းအချက်အလက်နှင့် ယဉ်ကျေးမှုစင်တာ (JICC) က မီးရထားဝန်ထမ်းများကို လေးနှစ်ကြာသင်တန်းပို့ချပေးနေကြောင်း မြန်မာ့မီးရထားသွားလာပို့ဆောင်ရေးဌာန အထွေထွေမန်နေဂျာ ဦးကျော်ကျော်မျိုးက ပြောကြားသည်။

“မြန်မာ့မီးရထားဝန်ထမ်းတွေ ပြုံးပြတတ်အောင်လို့ဆိုပြီးတော့ ဝါးတူကို ကိုက်ပြီးတော့ ပြုံးတဲ့ပုံစံအထိသင်ပေးတာဖြစ်ပါတယ်” ၎င်းကဆိုသည်။

ရန်ကုန်၊ မန္တလေးနှင့် နေပြည်တော်တို့တွင် သင်တန်းပို့ချခြင်းဖြစ်သကဲ့သို့ ဂျပန်နိုင်ငံသို့ သွားရောက်လေ့လာသည့် ခရီးစဉ်များလည်းပါဝင်သည်။ ယင်းသင်တန်များပေးခြင်းကြောင့် မီးရထားဝန်ထမ်းများ၏ ခရီးသွားများအပေါ် ဝန်ဆောင်မှုမှာ တိုးတက်လာကြောင်း ၎င်းကဆိုသည်။

မီးရထားလမ်းပိုင်းအဆင့်မြှင့်တင်ခြင်းကိုလည်း ဂျပန်အစိုးရက ကူညီနေသည်။ လမ်းပိုင်းအဆင့်မြှင့်တင်ရာတွင် ရန်ကုန်-မန္တလေး လမ်းပိုင်းနှင့် ရန်ကုန်မြို့ပတ်ရထားလမ်း အပိုင်းနှစ်ပိုင်း ခွဲခြားအဆင့်မြှင်တင်ခြင်းဖြစ်သည်။

ရန်ကုန်-မန္တလေးလမ်းသည် ဂျပန်အစိုးရ၏ တရားဝင်ဖွံ့ဖြိုးရေးအကူအညီချေးငွေ ဂျပန်ယန်း ၆၂ ဘီလီယံထဲမှ ထုတ်နုတ်သုံးစွဲမည်ဖြစ်ပြီး မီးရထားလမ်းတစ်လျှောက် အိုဟောင်းနေသော အဆောက်အအုံနှင့် စက်ပစ္စည်းများ အသစ်ပြုပြင်ခြင်း၊ ရထားလမ်းပိုင်းများအဆင့်မြှင့်တင်ခြင်းဆောင်ရွက်မည်ဖြစ်သည်။

ရန်ကုန်-တောင်ငူလမ်းပိုင်းကို စီမံကိန်းအဆင့် (၁)၊ တောင်ငူ-မန္တလေးလမ်းပိုင်းကို စီးမံကိန်းအဆင့် (၂) အဖြစ် ပြုပြင်မည်ဖြစ်ပြီး ၂၀၂၃ ခုနှစ်တွင်ပြီးစီးရန် ရည်မှန်းထားကြောင်း မြန်မာ့မီးရထားထံမှ သိရသည်။

ရန်ကုန်-မန္တလေးလမ်းသည် ၃၈၆ မိုင်ရှည်လျားပြီး ယခုစီမံကိန်းပြီးစီးပါက ရန်ကုန်-မန္တလေးသို့ ရှစ်နာရီဖြင့် ရောက်ရှိနိုင်ပြီး လက်ရှိပြေးဆွဲနေသောရထားများထက် ခရီးစဉ်ကြာမြင့်ချိန်ထက်ဝက်ခန့်လျှော့ချနိုင်မည်ဖြစ်ကြောင်း မြန်မာ့မီးရထားထံမှ သိရသည်။

ရန်ကုန်မြို့ပတ်ရထားလမ်းကိုလည်း ရန်ကုန်အရှေ့ခြမ်းနှင့် အနောက်ခြမ်း ခွဲခြားပြီး အပိုင်းအလိုက်အဆင့်မြှင့်နေသည်။ မြန်မာ့မီးရထားသည် ရန်ကုန်အရှေ့ခြမ်းကို ရွှေတောင်ကုမ္ပဏီ၊ ရန်ကုန်အနောက်ခြမ်းကို AI ကုမ္ပဏီတို့နှင့် ပူးပေါင်း အဆင့်မြှင့်နေခြင်းဖြစ်ကြောင်း မြန်မာ့မီးရထား တိုင်းအမှတ်(၇) သွားလာပို့ဆောင်ရေးဌာန မန်နေဂျာ ဦးဇော်လွင်က ဆိုသည်။

ယင်းစီမံကိန်းသည် ၂၀၂၀ ပြည့်နှစ် တွင်ပြီးစီးမည်ဖြစ်ပြီး လက်ရှိ ၄၅ မိနစ် တစ်ကြိမ် ရထားပြေးဆွဲနေရာမှ စီမံကိန်းပြီးစီးပါက ၁၂ မိနစ်တစ်ကြိမ် ပြေးဆွဲနိုင်မည်ဖြစ်သည်။ ထို့အတူ နေ့စဉ်ခရီးသည် ရှစ်သောင်းခန့်ပို့ဆောင်ပေးနေရာမှ သုံးဆ ပိုမိုပို့ဆောင်ပေးနိုင်မည်ဖြစ်ကြောင်း မြန်မာ့မီးရထားထံမှ သိရသည်။

မြန်မာ့မီးရထားသည့် ဤကဲ့သို့ ဆယ်မိနစ်၊ ဆယ်ငါးမိနစ်တစ်ကြိမ်ပြေးဆွဲပါက ခရီးသည်များက ရထားကို အလေးထားစီးလာကြလိမ့်မည်ဖြစ်ကြောင်း ရန်ကုန်မြို့ စမ်းချောင်းမြို့နယ်တွင် နေထိုင်သည့် ဦးအောင်တင်က ပြောကြားသည်။

၎င်းသည် ကြည့်မြင့်တိုင်ဘူတာမှ ရန်ကုန်ဘူတာကြီးသို့ နေ့စဉ်မီးရထားဖြင့်သွားလာနေသူဖြစ်သည်။ မီးရထားပို့ဆောင်ရေးစနစ်အဆင့်မြှင့်တင်နေခြင်းနှင့် ခရီးသည်များကလည်း ပူးပေါင်းပါဝင်ရန်လိုကြောင်း ၎င်းက ထပ်လောင်းပြောဆိုသည်။

“တစ်ဦးချင်းအနေနဲ့ အသိတရားရှိဖို့တော့လိုတယ်။ ဒီစနစ်ကြီးတစ်ခုလုံးဘယ်လောက်ကောင်းအောင်လုပ်လုပ် စီးတဲ့သူတွေက စည်းကမ်းတကျစီးဖို့ လိုတယ်။ ရေရှည်ကောင်းဖို့ဆိုရင် စီးတဲ့သူတွေမှာလည်း တာဝန်ရှိတယ်” ဟု ၎င်းကပြောကြားသည်။

မည်သို့ဆိုစေ တစ်ခုတည်းသော အစိုးရပိုင် မြန်မာ့မီးရထားလုပ်ငန်းသည် စီးပွားရေးအရ နှစ်စဉ် ကျပ်ဘီလီယံချီ၍ ရှုံးခဲ့သည်။ ရှုံးနေဆဲလည်းဖြစ်သည်။

သို့သော် အရှုံးနွံထဲမှ ရုန်းထရန် ပြင်နေပြီဖြစ်သည်။ ဂျပန်တို့၏ အကူအညီကိုရယူသည်။ ထိုခရီးကား မည်မျှဝေးမည်နည်း။

မြန်မာ့မီးရထားလုပ်ငန်းပြန်လည် ဦးမော့လာမည့်လမ်းကြောင်းကို ဂျပန်နိုင်ငံ၏ မီးရထားအဆင့်မြှင့်တင်ခြင်းနှင့် ဥပမာပြုနိုင်သည်။

ယခင်ကမူ ဂျပန်မီးရထားလုပ်ငန်းသည် ဂျပန်အစိုးရပိုင် Japan National Railways (JNR) တစ်ခုတည်းက တစ်ဦးတည်းပိုင်အဖြစ်လုပ်ကိုင်ခဲ့ပြီး ယင်းဖြစ်ရပ်သည် မြန်မာမီးရထားနှင့် အလားသဏ္ဌာန်တူခဲ့ကြောင်း မြန်မာ့မီးရထား သွားလာပို့ဆောင်ရေးဌာန အထွေထွေမန်နေဂျာ ဦးကျော်ကျော်မျိုးကဆိုသည်။

ယနေ့နာမည်ကျော်နေသော ဂျပန်မီးရထားလုပ်ငန်းသည် ထိုစဉ်ကမူ အချိန်မမှန်ခြင်း၊ ဝန်ဆောင်မှုမကောင်းခြင်းတို့ကြောင့် ခရီးသွားများနှစ်ခြိုက်မှုမရှိခဲ့ပေ။ သို့သော်လည်း ဂျပန်တို့က JNR ကို အုပ်စုခြောက်ခုခွဲကာ တာဝန်ယူလုပ်ကိုင် စေသည်။ ဝန်ဆောင်မှုအရည်အသွေးများကို မြှင့်တင်သည်။ ထိုအခါ ယနေ့ဂျပန်မီးရထားလုပ်ငန်းများဖြစ်လာသည်။

ဤသို့ နာမည်ကျော် ဂျပန်မီးရထားလုပ်ငန်းဖြစ်လာရေး၊ ပြည်သူများကို ဝန်ဆောင်မှုကောင်းများပေးနိုင်ရေး ဂျပန်တို့ ၁၀ နှစ်ခန့် အချိန်ယူခဲ့ရသည်။

မြန်မာ့မီးရထားအတွက်ကား အချိန်မည်မျှ လိုပါသနည်း။

မြန်မာ့မီးရထားစီးပွားရေးအရ ရပ်တည်ရန်နှင့် ပြန်လည်ဦးမော့လာရေးအတွက် ဂျပန်တို့ထက် အချိန်နှစ်ဆခန့် ကြာနိုင်ကြောင်း အာရှဖွံ့ဖြိုးရေးဘဏ် (ဩစတြေးလျ) အကြံပေး Dickbullock က ဟောကိန်းထုတ်ထားလေသည်။

မြန်မာ့မီးရထား ပြန်လည်ဦးမော့လာရေးအတွက် နှစ်ပေါင်း ၂၀ ခန့် စိတ်ရှည်ရှည်စောင့်ရပေဦးမည်။ 

 

 

နိုင်လင်းအောင်

You may also like...

Leave a Reply

Your email address will not be published. Required fields are marked *