စည်ပင်ရွေးကောက်ပွဲ ထိရောက်စေချင်

ရန်ကုန်မြို့တော်စည်ပင်ရွေးကောက်ပွဲကို အဆင်းရဲဆုံးနိုင်ငံများ LDC စာရင်းဝင် မြန်မာနိုင်ငံက မရှိမဲ့ရှိမဲ့ မြန်မာငွေကျပ်သန်းနှစ်ထောင်၊ ငွေမာ ဒေါ်လာ တစ်သန်းခွဲခန့် အကုန်ခံပြီး မတ်လ ၃၁ ရက်တွင် ကျင်းပမည်ဖြစ်သည်။

ထိုငွေသည် ရန်ကုန်မြို့အကျိုးရှိမည့် အခြားကိစ္စများ လုပ်ဆောင်၍ ရသော်လည်း ယခုရွေးကောက်ပွဲအတွက် သုံးစွဲလိုက်ခြင်းဖြစ်သည်။ ရန်ကုန်မြို့တွင် လုပ်ဆောင်ရန် ကွက်လပ်များစွာရှိနေသည်ကို ရန်ကုန်မြို့နေသူတိုင်း သိကြပြီးဖြစ်သည်။

ထို့ကြောင့် အခြားကွက်လပ်ကို ဖြည့်နိုင်သည့်ငွေကို ရွေးကောက်ပွဲအတွက် သုံးလိုက်ခြင်းဖြစ်ရာ ပါတီအမျိုးမျိုးမှ ခြေတက်တို့အတွက် ခြေသွေးသောရွေးကောက်ပွဲ၊ နိုင်ပြီးလျှင်လည်း သာမန်အစိုးရတွင်း လုပ်သည့်ကိုင်သည့် အတွေ့အကြုံယူသောပွဲ၊ နယ်ပယ်အသီးသီးမှ ပုဂ္ဂိုလ်များ လူသိများ နာမည်လွယ်လွယ်ရအောင် ဝင်ပြိုင်ကြသော ရွေးကောက်ပွဲထက် ပိုစေချင်သည်။

ရွေးကောက်ပွဲမှ မြို့အကျိုး၊ နိုင်ငံအကျိုး ဆောင်ရွက်နိုင်သော လူကောင်းများ တက်လာစေချင်သည်။ လူကောင်းများတက်လာလျှင် ထိုလူကောင်းများ လုပ်ပိုင်ခွင့်ကောင်းကောင်း ရစေချင်သည်။ ပြည်သူလူထုက ရွေးကောက်ပွဲဝင်များအနက်မှ အပြောနှင့်အလုပ် ညီနိုင်သူများကို သေချာစွာ စိစစ်ရွေးချယ်ပြီး တင်မြှောက်သင့်သလို ရွေးကောက်ခံပြီးလျှင်လည်း သက်ဆိုင်ရာများက လုပ်ပိုင်ခွင့်ပေးရန်လိုသည်။ ထိုသို့ မဲဆန္ဒရှင်များက လူမှန် နေရာမှန် ရွေးချယ်တင်မြှောက်နိုင်ရန် သတင်းမီဒီယာများကလည်း ရွေးကောက်ပွဲဝင်တို့နိုင်လျှင် ဆောင်ရွက်ပေးမည့် မဲဆွယ်စည်းရုံးကတိများကို သူတို့စကားအတိုင်း ဖော်ပြရုံသာမက ထိုကတိများတည်နိုင်ချေရှိ၊ မရှိကိုလည်း တတ်နိုင်သမျှ ဆန်းစစ်သုံးသပ်ဖော်ပြရန်လိုအပ်သည်။

ရန်ကုန်မြို့သည် အနယ်နယ်အရပ်ရပ်မှ ပြောင်းရွှေ့လာသည့် လူဦးရေအများဆုံး မှီတင်းနေထိုင်သည့် စီးပွားရေးမြို့တော်ဖြစ်ပြီး ကုန်သွယ်လမ်းကြောင်း၊ ကုန်ထုတ်လုပ်မှုလမ်းကြောင်း၊ ခရီးသွားလမ်းကြောင်းများ ပေါင်းဆုံရာဖြစ်သည့်အတွက် တစ်နိုင်ငံလုံး၏ လူမှုစီးပွားရေးအတွက် အရေးကြီးသည်။ ထိုရန်ကုန်တွင် လုပ်စရာတွေ အများကြီး၊ ပြင်စရာအများကြီး ရှိသည်။ ရွေးကောက်ပွဲပြီးလျှင် အချိန်လည်း နှစ်နှစ်သာကျန်တော့သည်။

ချို့ငဲ့သောနိုင်ငံမှ ပြည်သူများပိုင်ငွေများ အလဟဿ မပြုန်းတီးစေချင်ပါ။ ကုန်သလောက် ထိရောက်စေချင်သည်။ 

 

အယ်ဒီတာ
၇.၃.၂၀၁၉

You may also like...

Leave a Reply

Your email address will not be published. Required fields are marked *