ရန်ကုန် ဆိုင်ကယ်ဝိရောဓိ

ဆိုင်ကယ်ဖြင့် မိနစ် ၂၀ အများဆုံးမောင်းရသည့် ခရီးကို ဦးကျော်ဝေ စက်ဘီးဖြင့် တစ်နာရီကျော် သွားလာနေရသည်။

ရန်ကုန်တိုင်းဒဂုံမြို့သစ်(တောင် ပိုင်း) မြို့နယ်တွင် နေထိုင်သည့် ဦးကျော်ဝေ သည် အလုပ်လုပ်ကိုင်သည့် ရွာသာကြီးစက်မှုဇုန်သို့ နေ့စဉ်နှင့်အမျှ စက်ဘီးဖြင့် သွားလာနေရသူ ဖြစ်သည်။ ဆိုင်ကယ်ဖြင့်ဆိုလျှင် လူပင်ပန်းသက်သာကာ အချိန်တိုအတွင်း ခရီးတွင်နိုင်သော်လည်း ဆိုင်ကယ်စီးရန် မဝံ့မရဲဖြစ်နေသည်။

“ဆိုင်ကယ်သုံးသိန်းနဲ့ ဝယ်ထားတာ တစ်လရှိပြီ။ တစ်ခါမှ ထုတ်မစီးရသေးဘူး။ ရဲအဖမ်းခံရမှာ စိုးလို့”ဟု ၎င်းက ပြောဆိုသည်။

ရန်ကုန်စည်ပင်နယ်နိမိတ်တွင် ဆိုင်ကယ်စီးခွင့်မပြုသဖြင့် ရန်ကုန်တွင် ဆိုင်ကယ်စီးလျှင်ပင် ပြစ်မှုမြောက်နေသည်။ ယင်းမှာ အများပြည်သူသယ်ယူပို့ဆောင်ရေးကွန်ရက် ကောင်းမွန်သည့် မြို့တွင်းဧရိယာများတွင်မူ အကျိုးသက်ရောက်မှုမရှိသော်လည်း ဘတ်စ်ကားလိုင်း မရောက်၊ ဆိုင်ကယ်ကိုသာ အားထားရသည့် ရန်ကုန်ဆင်ခြေဖုံးမြို့နယ်တွင် နေသူများအတွက် အဆင်မပြေလှ။

ထို့ကြောင့်ပင် ရန်ကုန်ဆင်ခြေဖုံး မြို့နယ်များတွင် ဆိုင်ကယ်စီးနင်းခွင့်ပြုရေး တောင်းဆိုသံများ ထွက်လာသည်။

ဆိုင်ကယ် မစီးရ

ရန်ကုန်မြို့တွင် မော်တော်ယာဉ်၊ မော်တော်ဆိုင်ကယ်အစီးရေ တစ်စတစ်စများပြားလာသည်နှင့်အတူ ယာဉ်စည်း ကမ်းလမ်းစည်းကမ်းနှင့် အညီ မောင်းနှင်မှုမရှိခြင်းနှင့် ပြိုင်မောင်းခြင်းများကြောင့် ယာဉ်အန္တရာယ်ဖြစ်ပွားမှု တိုးပွားလာခဲ့သည်။

ထိုအခြေအနေကို ကုစားရန် ၁၉၉၉ ခုနှစ် ဧပြီလ ၁ ရက်တွင် YCDC နယ်နိမိတ် အတွင်း မော်တော်ဆိုင်ကယ်များကို တရားဝင်စီးနင်းခွင့် ပိတ်ပင်လိုက်သည်။

အမိန့်ညွှန်ကြားချက်ဖြင့် တားမြစ်ထားသည့်တိုင် အချိန်ကုန်သက်သာခြင်း၊ လောင်စာဆီသက်သာခြင်း စသည့် အားသာချက်များကြောင့် မော်တော်ဆိုင်ကယ်ကို ရန်ကုန်ဆင်ခြေဖုံးမြို့နယ်တွင် ယနေ့ထိတိုင် အသုံးပြုနေရဆဲဖြစ်သည်။ ယင်း၏ အကျိုးဆက်က ရန်ကုန်ဆင်ခြေဖုံးမြို့နယ်များတွင်နေထိုင်သူများကို ဥပဒေပြင်ပသို့ ရောက်ရှိစေခဲ့သလော။

“မြို့သစ်ပြည်သူတွေအတွက်က ရွေးစရာလမ်း မရှိပါဘူး။ လောက်စာဆီဖိုးသက်သာတဲ့ မော်တော်ဆိုင်ကယ်တွေကို သုံးနေရတာဟာ တကယ့်အဖြစ်မှန်ပဲ ဖြစ်ပါတယ်”ဟု ဒဂုံမြို့သစ် (တောင်ပိုင်း)  မဲဆန္ဒနယ် ပြည်သူ့လွှတ်တော်ကိုယ်စားလှယ် ဦးအေးနိုင်က ဆိုသည်။

ဦးအေးနိုင်သည် ပြည်သူ့လွှတ်တော်တွင် YCDC  နယ်နိမိတ်အတွင်းရှိ မြို့နယ် ခြောက်မြို့နယ်တွင် မော်တော်ဆိုင်ကယ်စီးနင်းခွင့်ပြုရန် လွှတ်တော်တွင် အဆိုတင်ခဲ့သူ ဖြစ်သည်။ ရန်ကုန်တိုင်း ဒဂုံမြို့သစ် လေးမြို့နယ်နှင့် လှိုင်သာယာ၊ ရွှေပြည်သာမြို့နယ်တို့တွင် နယ်နိမိတ်နှင့် စည်းကမ်းသတ်မှတ်ချက်များ ချမှတ်ကာ တရားဝင်မှတ်ပုံတင်၍ ဆိုင်ကယ်စီးနင်းခွင့်ပြုရန် ဖေဖော်ဝါရီလ ၄ ရက်တွင် ကျင်းပသည့် ပြည်သူ့လွှတ်တော်အစည်းအဝေးတွင် အဆိုတင်ခဲ့ခြင်း ဖြစ်သည်။

YCDC နယ်နိမိတ်မြို့နယ်များတွင် မော်တော်ဆိုင်ကယ်စီးနင်းခွင့်ကို ကန့်သတ် ထားသော်လည်း ယင်းအမိန့် ထုတ်ပြန်သည့် နေ့မှ ယနေ့အထိ နှစ်ပေါင်း ၂၀ ခန့်အထိ ဆင်ခြေဖုံးမြို့နယ်များတွင် နားလည်မှုယူကာ စီးနင်းနေဆဲဖြစ်ကြောင်း ဦးအေးနိုင်က လွှတ်တော်တွင် တင်ပြသည်။

နားလည်မှုဖြင့် နောက်ကွယ်တွင် ယာဉ်စည်းကမ်း၊ လမ်းစည်းကမ်းများ ချိုးဖောက်သည့်အပြင် တရားဥပဒေစိုးမိုးရေးနှင့် လုံခြုံရေးတို့ကို ထိခိုက်လာစေသည်။ မှတ်ပုံတင်မရှိသည့် မော်တော်ဆိုင်ကယ်များဖြင့် ပစ္စည်းလုယက်ခြင်း၊ ရာဇဝတ်မှုကျူးလွန်ရာတွင် စီးနင်းအသုံးပြုခြင်းများ ရှိလာသည်။

ထိုအခြေအနေများကို ကုစားရန်နှင့် ဆင်ခြေဖုံးမြို့နယ်တွင် မော်တော်ဆိုင်ကယ်ကို တရားဝင်မှတ်ပုံတင်စီးနင်းခွင့်ပြုရန် လွှတ်တော်စားလှယ်အချို့ ကြိုးစားကြသည်။

တရားဝင် မဟုတ်ခြင်း ဆိုးကျိုး

ဦးဇေယျ၏လျှပ်စစ်ဆိုင်ကယ်ရှေ့ တွင်တပ်ထားသည့်ခြင်းအတွင်းမှကျောပိုး အိတ်အလုခံလိုက်ရသည်။

ဦးဇေယျ၏ နေအိမ်သည် အနီးဆုံး YBS ဘတ်စ်ကားဂိတ်သို့ ရောက်ရှိရန်အတွက် နာရီဝက်ခန့် လမ်းလျှောက်ရသည်။ ကုမ္ပဏီဝန်ထမ်းဖြစ်သဖြင့် နေ့စဉ်ရုံးတက်ရသူအဖို့ YBS ဘတ်စ်ကားဂိတ်သို့ သွားရန်အတွက် ကြားခံယာဉ် လိုအပ်နေသည်။ ထိုအတွက် လျှပ်စစ်မော်တော် ဆိုင်ကယ်တစ်စီးကို ဝယ်ယူကာ နေ့စဉ် ဒဂုံမြို့သစ်အရှေ့ပိုင်း (၁၃) ရပ်ကွက်ရှိ နေအိမ်မှ YBS ဘတ်စ်ကားဂိတ်ရှိသည့် မ.၀.တ လမ်းဆုံသို့ တစ်ဆင့်လာသည်။ ထိုမှ ဘတ်စ်ကားဖြင့် ရုံးတက်သည်။

တစ်နေ့စာ ၂၀၀ ကျပ်ဖြင့် စက်ဘီး၊ ဆိုင်ကယ်အပ်နှံသည့်နေရာတွင် စီးတော်ယာဉ် လျှပ်စစ်ဆိုင်ကယ်အပ်ရန် အသွား မော်တော်ဆိုင်ကယ်စီးနင်းလာသည့် လူငယ်သုံးဦးက ဦးဇေယျ၏ ကျောပိုးအိတ်ကို လုယူသွားခြင်း ဖြစ်သည်။

“မနက် ၁၀ နာရီ။ လူမြင်ကွင်းမှာကွာ။ ဘယ်သူကမှ လုမယ်လို့ မထင်မိဘူး”ဟု ဦးဇေယျက ဆိုသည်။

ကျောပိုးအိတ်နှင့်အတူ လက်ကိုင်ဖုန်း၊ ပိုက်ဆံအိတ်၊ မှတ်ပုံတင်တို့ပါသွားသည့်အတွက် ရဲစခန်းတွင် တိုင်ချက်ဖွင့်ခဲ့သော်လည်း ဆိုင်ကယ်စီးနင်းသူ လူငယ်သုံးဦးကို မမိခဲ့။ လုယူသည့် မော်တော်ဆိုင်ကယ်တွင် ယာဉ်နံပါတ်ပြားတပ်ထားသော်လည်း အစစ် မဟုတ်။ ယင်း၏ အကျိုးဆက်က မော်တော်ယာဉ်များကဲ့သို့ ယာဉ်နံပါတ်စုံစမ်းကာ ဖမ်းဆီးရန် မလွယ်ချေ။ မော်တော်ဆိုင်ကယ်စီးနင်းခွင့် ကန့်သတ်ထားသည့် ရန်ကုန်မြို့တော်စည်ပင်သာယာရေးကော်မတီ (YCDC)  နယ်နိမိတ်အတွင်း၌ ဆိုင်ကယ်စီးနင်းပစ္စည်းလုယူခံရခြင်းက ဦးဇေယျတစ်ဦးတည်းတော့ မဟုတ်။

ရန်ကုန်မြို့အတွင်း လူဦးရေအများဆုံးနေထိုင်သည့် လှိုင်သာယာမြို့နယ်တွင် ဆိုင်ကယ်ဖြင့် ပစ္စည်းလုယက်မှု နေ့စဉ်ဖြစ်ပေါ်နေကြောင်း လှိုင်သာယာမြို့နယ် မဲဆန္ဒနယ် တိုင်းလွှတ်တော်ကိုယ်စားလှယ် ဦးဝင်းမောင်က ရန်ကုန်တိုင်းလွှတ်တော်အစည်းအဝေးတွင် ဆိုင်ကယ်အရေး မေးခွန်းမေးစဉ် ထည့်သွင်းပြောဆိုသည်။ ဆိုင်ကယ်ကြောင့် ယာဉ်မတော်တဆမှုမှာလည်း လှိုင်သာယာတွင် တစ်ရက်လျှင် ငါးမှုခန့် ဖြစ်ပွားလျက်ရှိသည်။

“လှိုင်သာယာမြို့နယ် ယာဉ်အမှုစစ်ရုံးကို သွားပြီး စုံစမ်းတော့ တစ်လကို အမှုပေါင်း ၁၅၀ ကျော် ဖြစ်နေတယ်။ အများဆုံးက လိုင်စင်မဲ့ဆိုင်ကယ်နဲ့ စည်းကမ်းမဲ့မောင်းလို့ ဖြစ်တာ”ဟု ဦးဝင်းမောင်က ဆိုသည်။

၂၀၁၈ ခုနှစ် ဇန်နဝါရီလမှ ဒီဇင်ဘာလအထိ မော်တော်ဆိုင်ကယ်ကြောင့် ဖြစ်ပွားသည့် ယာဉ်မတော်တဆမှုပေါင်း ၂၆၈၅ ခု ဖြစ်ပွားခဲ့ကြောင်း ယာဉ်ထိန်း ရဲတပ်ဖွဲ့စာရင်းများအရ သိရှိရသည်။ ယင်းအနက် ဆိုင်ကယ်က လူကို တိုက်မှုအများဆုံးဖြစ်ကာ ၁၅၆ မှုရှိပြီး ဆိုင်ကယ်နှင့် ကားတိုက်မှု ဒုတိယအများဆုံးဖြစ်ကာ ၁၅၃ မှု ရှိသည်။

၂၀၁၉ ခုနှစ် ဇန်နဝါရီတစ်လတည်းတွင်ပင် မော်တော်ဆိုင်ကယ်ကြောင့် ဖြစ်ပွားသည့် ယာဉ်တိုက်မှုပေါင်း ၂၃၁ မှု ရှိသည့် အတွက် တစ်ရက်လျှင် ယာဉ်တိုက်မှု ပျမ်းမျှ ခုနစ်မှုနှုန်း ဖြစ်ပွားနေသည်။ ထို့ကြောင့်ပင် ရန်ကုန်တွင် ဆိုင်ကယ်စီးခွင့်ကို တရားဝင်စနစ်တကျလုပ်ဆောင်သင့်သည်ဟု ထောက်ပြသူများ ရှိလာသည်။

မော်တော်ဆိုင်ကယ်ဖြင့် အလစ်သုတ်သူတို့ကြောင့် ကျောပိုးအိတ်အလုခံခဲ့ရဖူးသည့် ဦးဇေယျကမူ မော်တော်ဆိုင်ကယ်ကို စနစ်တကျ စီးနင်းခွင့်ပြုပေးသင့်ကြောင်း ပြောဆိုသည်။

ဆိုင်ကယ်စီးခွင့် ပြုသင့်လော

တရားဝင်စီးခွင့်မရှိသော်လည်း လိုအပ်ချက်အရ စီးနင်းနေကြရသည်။ ယင်းအပြင် လိုင်စင်မဲ့ဆိုင်ကယ်များ အသုံးပြုကာ ရာဇဝတ်မှုများပါ ကျူးလွန်လာကြသည်။ ထို့ကြောင့်ပင် ဆိုင်ကယ်စီးခွင့် တရားဝင်ခွင့်ပြုသင့် မသင့် ဆွေးနွေးငြင်းခုန်နေကြရသည်။

ရန်ကုန်ဆင်ခြေဖုံးမြို့နယ် ခြောက်မြို့နယ်တွင် နယ်နိမိတ်နှင့်စည်းကမ်းသတ်မှတ်ချက်များ ချမှတ်ကာ တရားဝင်မှတ်ပုံတင်၍ မော်တော်ဆိုင်ကယ်စီးနင်းခွင့်ပြုရန်အဆိုကို အလုံမြို့နယ် မဲဆန္ဒနယ် ပြည်သူ့လွှတ်တော်ကိုယ်စားလှယ် ဦးရဲလွင်က ထောက်ခံဆွေးနွေးသည်။

“ပညာပေးဖို့၊ စည်းကမ်းအတိုင်း အရေးယူဖို့ပဲလိုတယ်”ဟု ၎င်းက ဆိုသည်။

ရန်ကုန်ဆင်ခြေဖုံးမြို့နယ်များတွင် ကြုံတွေ့နေရသည့် ဆိုင်ကယ်ပြဿနာသည် ပြည်ထောင်စုတစ်ခုလုံးနှင့် မသက်ဆိုင်သဖြင့် ရန်ကုန်တိုင်းလွှတ်တော်တွင် တင်ရမည့် အဆိုဟု တွံတေးမြို့နယ် မဲဆန္ဒနယ် ပြည်သူ့လွှတ်တော်ကိုယ်စားလှယ် ဦးမြင့်လွင်က ကန့်ကွက်သည်။ ထို့ကြောင့် မဲခွဲဆုံးဖြတ်ရာ ထောက်ခံမဲ ၅၀၊ ကန့်ကွက်မဲ ၂၆၅ နှင့် ကြားနေမဲသုံးမဲ ရှိ၍ အဆိုကို ဆွေးနွေးခွင့် မပြုခဲ့ပေ။

ပြည်သူ့လွှတ်တော်နည်းတူ ရန်ကုန်မြို့၏ မော်တော်ဆိုင်ကယ်ပြဿနာကို ဖြေရှင်းရန် ရန်ကုန်တိုင်းလွှတ်တော်တွင် လွန်ခဲ့သည့် သုံးနှစ် (၂၀၁၆  ခုနှစ်) က အဆိုတင်ခဲ့ဖူးသည်။

ဒေသန္တရအမိန့်ထုတ်ပြန်ကာ တရားဝင်စီးနင်းခွင့်ပေးရန်နှင့် တရားဝင်စီးနင်းခွင့်ကန့်သတ်ချက်ကို ချိုးဖောက်လျှင် (ဥပမာ – နယ်ကျော်လျှင်) ဥပဒေအရ ထိရောက်စွာအရေးယူပေးရန် တိုက်တွန်းသည့် အဆိုကို ၂၀၁၆ ခုနှစ်တွင် ဒဂုံမြို့နယ် မဲဆန္ဒနယ်တိုင်းလွှတ်တော်ကိုယ်စားလှယ် ဦးကျော်ဇေယျက တင်သွင်းခဲ့သည်။

“အဆိုတင်ပြီးတော့ စည်ပင် နယ်နိမိတ်ဖြစ်တဲ့ ဆိပ်ကြီးခနောင်တိုနဲ့ ဒလမြို့နယ်မှာ စီးခွင့်ပြုလိုက်တယ်။ လပိုင်အတွင်းမှာ လုပ်တယ်။ ကျန်တဲ့မြို့နယ်တွေ ထပ်ပြီးတော့ မတိုးတော့ဘူး။ ရွှေပြည်သာ၊ လှိုင်သာယာ ဘာမှ ပါမလာတော့ဘူး။ ဒီနေ့အထိပဲပေါ့”ဟု ၎င်းက ပြောဆိုသည်။

ထို့ကြောင့် ရန်ကုန်စည်ပင်နယ်နိမိတ် ၃၃ မြို့နယ်ကို မော်တော်ဆိုင်ကယ်စီးနင်းခွင့် ကန့်သတ်ရာမှ ဒလမြို့နယ်နှင့် ဆိပ်ကြီးခနောင်တိုမြို့နယ်နှစ်ခုကို စီးနင်းခွင့်ပေးခဲ့သည်။ ၃၁ မြို့မှာ ယနေ့အထိ မော်တော်ဆိုင်ကယ်စီးနင်းခွင့် ကန့်သတ်ထားဆဲ ဖြစ်သည်။

မော်တော်ဆိုင်ကယ်ပြဿနာကို ဖြေရှင်းရန် ရန်ကုန်တိုင်းလွှတ်တော်အစည်းအဝေးတွင် တိုင်းလွှတ်တော်ကိုယ်စားလှယ်များ မကြာခဏမေးမြန်းသည့် မေးခွန်းလည်း ဖြစ်သည်။

ဆင်ခြေဖုံးမြို့နယ်အချို့တွင် မော်တော်ဆိုင်ကယ်များကို ဥပဒေဖြင့် ညီညွတ်စွာ စီးနင်းခွင့်ပြုသွားရန်ရှိကြောင်း ရန်ကုန်တိုင်းလျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ၂၀၁၆ ခုနှစ် အောင်တိုဘာလ ၆ ရက်တွင် ကျင်းပသည့် ရန်ကုန်တိုင်းလွှတ်တော်အစည်းဝေးတွင် ပြောကြားခဲ့သည်။

“မည်သည့်နယ်နိမိတ်တွင်း စီးနင်းခွင့် မပြုဘူး။ အဲဒီလို နယ်နိမိတ်တွေကို ပြန်လည်သတ်မှတ်နေပါတယ်။ သတ်မှတ်ပြီးလို့ စီးနင်းခွင့်ပြုရင်လည်း ယာဉ်လိုင်စင်၊ လူလိုင်စင် ရှိရပါမယ်။ ဥပဒေနဲ့ ညီညွတ်စွာ အသုံးပြုရပါမယ်။ ဥပဒေကို ချိုးဖောက်ရင်တော့ ထိရောက်စွာ အရေးယူမယ်”ဟု ၎င်းက ပြောဆိုသည်။

သို့သော်လည်း သုံးနှစ်ကြာသည့်တိုင် ဆင်ခြေဖုံးမြို့နယ်များတွင် တရားဝင် မော်တော်ဆိုင်ကယ်စီးနင်းခွင့် မပြုသေးချေ။ ဝန်ကြီးဒေါ်နီလာကျော်ဥက္ကဋ္ဌအဖြစ် တာဝန်ယူထားသည့် ရန်ကုန်တိုင်း အများပြည်သူသယ်ယူပို့ဆောင်ရေး ကြီးကြပ်ကွပ်ကဲမှုအာဏာပိုင်အဖွဲ့ (YRTA) က ဆင်ခြေဖုံးမြို့နယ်အချို့တွင် လျှပ်စစ်မော်တော်ဆိုင်ကယ်နှင့် သုံးဘီးဆိုင်ကယ်တို့ကို စီးနင်းခွင့်ပေးမည်ဟု သတင်းထုတ်ပြန်ထားသော်လည်း စီးနင်းခွင့်ပေးမည့် နေ့ကိုမူ တိကျစွာထုတ်ပြန်ခြင်း မရှိချေ။

မထသမှ YBS ဘတ်စ်ကားစနစ်သို့ ပြောင်းလဲခဲ့သည့်တိုင် ရန်ကုန်တိုင်းရှိ ဆင်ခြေဖုံးမြို့နယ်အချို့သို့ ဘတ်စ်ကားကွန်ရက် ဖြန့်ကြက်နိုင်ခြင်းမရှိသေးကြောင်း လှိုင်သာယာမြို့နယ် မဲဆန္ဒနယ်တိုင်း လွှတ်တော်ကိုယ်စားလှယ် ဦးမြတ်မင်းသူက ဆိုသည်။

လှိုင်သာယာမြို့နယ်အပါအဝင် ဆင်ဖြေဖုံးမြို့နယ်များနှင့် ယင်းတို့နှင့် ထိစပ်နေသည့် မြို့နယ်အချို့တွင် မော်တော်ဆိုင်ကယ်ကို ဒေသလိုအပ်ချက်အရ အသုံးပြုနေရသည်။ ဒဂုံ (မြို့သစ်) လေးမြို့နယ်နှင့် လှိုင်သာယာ၊ ရွှေပြည်သာမြို့နယ်တို့တွင် မော်တော်ဆိုင်ကယ်အရေအတွက် သောင်းဂဏန်းခန့် ရှိနိုင်ကြောင်း ပြည်သူ့လွှတ်တော်ကိုယ်စားလှယ် ဦးအေးနိုင်က ခန့်မှန်းပြောဆိုသည်။

ဆိုင်ကယ်မှာ သွားလာရေးအတွက် ဖြေရှင်းနည်းတစ်မျိုးဖြစ်နိုင်သည်။ အချို့ အတွက်ဆိုလျှင် ဝမ်းရေးလည်း ဖြစ်နိုင်သည်။ ငွေကျပ်သုံးသိန်းခန့် အရင်းအနှီးပြုကာ ဆိုင်ကယ်ကယ်ရီဆွဲလျှင် တစ်ရက် ကျပ်ရှစ်ထောင်မှ တစ်သောင်းကြား ဝင်ငွေရရှိသည့်အတွက် ယင်းလုပ်ငန်းကို လုပ်ကိုင်သူများလည်း ရှိသည်။

မော်တော်ဆိုင်ကယ်အသုံးပြုကာ လုယက်သူအချို့ကြောင့် ကယ်ရီဆွဲသူများအပေါ် အထင်အမြင်လွဲသူများရှိကြောင်း ဦးဟိန်းဇော်က ဆိုသည်။ ဦးဟိန်းဇော်သည် ဒဂုံမြို့သစ်(တောင်ပိုင်း) ဘုန်းကြီးကျောင်း ကွေ့အနီးရှိ မော်တော်ဆိုင်ကယ်ကယ်ရီဂိတ်တွင် ကယ်ရီဆွဲသူ ဖြစ်သည်။

လုယက်သူများနှင့် ကွဲပြားစေရန် ဂိတ်ရှိ ဆိုင်ကယ်မောင်းသူအားလုံးသည် အစိမ်းရောင်ဂျာစီအင်္ကျီဆင်တူ ဝတ်ဆင်ကြကြောင်း ၎င်းက ဆိုသည်။ ဆိုင်ကယ်နှင့်ပစ္စည်းလုယက်သူများရှိသကဲ့သို့ ဆိုင်ကယ်ကယ်ရီငှားစီးသူ ဟန်ဆောင်ကာ ဆိုင်ကယ်လုယူသည့်အပြင် ကယ်ရီသမားကို ဓားဖြင့် ထိုးသည့်ကိစ္စများလည်းရှိကြောင်း ၎င်းက ပြောဆိုသည်။

တရားဝင်စီးနင်းခွင့်ပြုထားခြင်းမရှိသည့်အတွက် မကြာခဏအဖမ်းအဆီးခြင်းခံရကာ လိုင်စင်ရှိသည့် မော်တော်ဆိုင်ကယ်ဆိုလျှင် နယ်ကျော်ဒဏ်ကြေး ကျပ်ခြောက်သောင်းကျော်အထိ ပေးဆောင်ရကြောင်း ဦးဟိန်းဇော်က ရှင်းပြသည်။

ယင်းအခြေအနေများကို ဖြေရှင်းပေးနိုင်ရန် ဆိုင်ကယ်များကို စည်းကမ်းသတ်မှတ်ကာ စီးနင်းခွင့်ပြုစေလိုကြောင်း ၎င်းက ဆိုသည်။ ဦးဟိန်းဇော်၊ ဦးကျော်ဝေတို့ကဲ့သို့ ပြည်သူများ၏ ဆန္ဒကို ဖြည့်ဆည်းပေးနိုင်မည်လော။

ဆင်ခြေဖုံးမြို့နယ်အချို့တွင် မော်တော်ဆိုင်ကယ်စီးနင်းခွင့်ပြုရေးသည် ပြည်သူ့ လွှတ်တော်တွင် ဆွေးနွေးခွင့်ပင် မရ။ ရန်ကုန်တိုင်းအစိုးရကမူ လောင်စာဆီ သက်သာကာ အရှိန်ထိန်းချုပ်နိုင်သည့် လျှပ်စစ်ဆိုင်ကယ်ဘက် အလေးသာနေဟန်ရှိသည်။

မော်တော်ဆိုင်ကယ်က အရှိန်ထိန်းရခက်ခဲပြီး လျှပ်စစ်ဆိုင်ကယ်များသည်  Air Pollution (လေထုညစ်ညမ်းမှု) မရှိသဖြင့် လျှပ်စစ်ဆိုင်ကယ်သာ စီးနင်းခွင့်ပြုရန်စီစဉ်နေကြောင်း YRTA အတွင်းရေးမှူး ဒေါက်တာမောင်အောင်က ပြောဆိုထားသည်။

ရန်ကုန်တွင် ဆိုင်ကယ်စီးခွင့်ပြုရန် ဆန္ဒပြတောင်းဆိုမှုများလည်း ရှိခဲ့သည်။ လွှတ်တော်တွင်လည်း ဆွေးနွေးနေရသည့်ကိစ္စ ဖြစ်လာသည်။ သို့သော်လည်း ယနေ့ အချိန်အထိ တိကျသည့်အဖြေ မထွက်သေးပေ။ ဘတ်စ်ကားမရှိဘဲ ခြေလျင်သွားလာရန်လည်း ဝေးလံသဖြင့် ဆင်ခြေဖုံးမြို့နယ်များတွင် ဆိုင်ကယ်တရားဝင်စီးနင်းခွင့်ပြုရန် မျှော်လင့်သူများ ရှိနေသည်။

ဒဂုံမြို့သစ် (တောင်ပိုင်း) မြို့နယ်တွင် နေထိုင်ပြီး စက်မှုဇုန်ထဲသို့ နေ့စဉ်နှင့် အမျှ အလုပ်သွားရောက်လုပ်ကိုင်နေရသည့် ဦးကျော်ဝေကမူ ဆင်ခြေဖုံးတွင် ဆိုင်ကယ်စီးနင်းခွင့်ရရှိရေး အရေးကြီးကြောင်း အောက်ပါအတိုင်း ပြောဆိုသည်။

“စက်မှုဇုန်ထဲကို လိုင်းကား မရှိဘူးလေ”

ပို့ပို့

You may also like...

Leave a Reply

Your email address will not be published. Required fields are marked *