လူမှန်နေရာမှန်

‘လူမှန်နေရာမှန်’ ဆိုသော စကားကို The Voice Journal တွင် မကြာခဏတွေ့နေရမည်ဖြစ်သည့်အတွက် ဖန်တစ်ရာတေ ရိုးအီနေမည်ဖြစ်သော်လည်း မြန်မာနိုင်ငံတွင် လိုအပ်ချက်ကြီးမားဆဲဖြစ်သည့်အတွက် ဆက်လက်ပြောဆိုနေရဦးမည်။

လူမှန်နေရာမှန် ဖြစ်ရေးသည် ထိပ်ပိုင်းနေရာများအတွက် အရေးကြီးဆုံး ဖြစ်သည်။ ထိပ်ကစလွဲလျှင် တောက်လျှောက်သွားမည်ဖြစ်သည့်အတွက် ပြည်ထောင်စုအစိုးရ၊ ပြည်နယ်နှင့်တိုင်းဒေသကြီးအစိုးရတို့ကဲ့သို့ ခေါင်းဆောင်မှုပေးရသည့်နေရာများတွင် လူမှန်နေရာမှန်စေရန် အထူးသတိထားရမည်။

လူမှန်နေရာမှန်ဖြစ်ရေးသည် နိုင်ငံတိုင်းတွင် လိုအပ်သော်လည်း မြန်မာနိုင်ငံကဲ့သို့ ဆင်းရဲမွဲတေပြီး လူသားရင်းမြစ်ချို့တဲ့သည့်နိုင်ငံတွင် ပိုပြီးအရေးကြီးသည်။ မြန်မာနိုင်ငံတွင်ပင် ယခုကဲ့သို့ ပြုပြင်ပြောင်းလဲရေး ဆောင်ရွက်နေချိန်တွင် လူမှားနေရာမှန်၊ လူမှန်နေရာမှား၊ လူမှားနေရာမှားပါက လမ်းကြောင်းတစ်ခုလုံး လွဲသွားနိုင်၊ ပြုပြင်ပြောင်းလဲရေး တုံ့နှေးသွားနိုင်၊ ‘မူ’ မှားနိုင်သည့်အတွက် ပိုပြီးပိုပြီး အရေးကြီးသည်။ ထို့ပြင် လွတ်လပ်ရေးရပြီးနောက်ပိုင်းတွင် ဒီမိုကရေစီကာလသည် ရေပွက်ပမာသာဖြစ်ရာ တိုတောင်းသောအချိန်လေးကို အကျိုးရှိရှိအသုံးချနိုင်ရန်လိုသည်။

လူမှန်နေရာမှန်ဖြစ်ရန် လူရွေးချယ်ရေးစနစ် မှန်ကန်ထိရောက်ရေး နံပါတ်တစ်ဖြစ်သည်။ လူရွေးချယ်ရေးစနစ်ကို ပီပီပြင်ပြင် တည်ဆောက်မထားနိုင်သရွေ့ လူမှားနေရာမှား ဖြစ်နေမည်သာ။

မူကို လူကဆွဲသည်။ နိုင်ငံကို၊ ပြည်နယ်နှင့် တိုင်းဒေသကြီးတို့ကို၊ နယ်ပယ်အသီးသီးတို့ကို လူက ဦးဆောင်ရသည်။ လူမှန်နေရာမှန် မဖြစ်သေးလျှင် မြန်မြန်ဖြစ်စေလိုသည်။ 

 

အယ်ဒီတာ
၁၄.၃.၂၀၁၉

You may also like...

Leave a Reply

Your email address will not be published. Required fields are marked *