NLD ၏ တပ်လှန့်သံ

ဓာတ်ပုံ - မိုးကျော်လွင်

၂၀၂၀ ရွေးကောက်ပွဲနှင့် နီးကပ်လာသည်နှင့်အမျှ အာဏာရပါတီကလည်း သူ၏ လူများကို တပ်လှန့်လိုက်ပြီ ဖြစ်သည်။

လူထုက ခွင့်မလွှတ်သော သို့မဟုတ် ရွေးကောက်ပွဲအောင်နိုင်ရေးကို ထိခိုက်စေမည်ဖြစ်သော လုပ်ရပ်ကို ရှောင်ရှားရန်သတိပေးလိုက်ခြင်း ဖြစ်သည်။

“နောက်လူတွေ သတိထားပေတော့ဗျ”ဟု အမျိုးသားဒီမိုကရေစီအဖွဲ့ချုပ်  (NLD) ပါတီ၏သတင်းနှင့် ပြန်ကြားရေးအဖွဲ့ဝင် မုံရွာအောင်ရှင်က ပြောဆိုလိုက်သည်။

ယင်းသို့ တပ်လှန့်မှုကို သက်သေပြုစေမည့် ဖြစ်ရပ်ကြီးတစ်ခုကလည်း လောလောလတ်လတ်ပင် ပေါ်ပေါက်ထားသည်။

တနင်္သာရီတိုင်းဒေသကြီးအစိုးရအဖွဲ့ခေါင်းဆောင် ဝန်ကြီးချုပ်ဒေါက်တာလဲ့လဲ့မော်ကို အဂတိလိုက်စားမှု စွဲချက်များဖြင့် မတ်လ ၁၀ ရက်နေ့က ဖမ်းဆီးထိန်းသိမ်းလိုက်သည်။

ယင်းကိစ္စသည် ဒီမိုကရေစီပြုပြင်ပြောင်းလဲမှုဖြစ်စဉ်များ ပေါ်ပေါက်ခဲ့သည့် ၂၀၁၁ ခုနှစ်နောက်ပိုင်း အစိုးရနှစ်ဆက်အတွင်း နိုင်ငံတော်အဆင့် ပုဂ္ဂိုလ်တစ်ဦးကို အဂတိကိစ္စဖြင့် အကြီးဆုံးအရေးယူနိုင်မှု ဖြစ်သည်။

ထားဝယ်လေဆိပ်ခြုံနွယ်များ ရှင်းခြင်း၊ ဒေသလျှစ်စစ်ထုတ်လုပ်ဖြန့်ဖြူးခြင်းကိစ္စများ အပါအဝင် ဝန်ကြီးချုပ်၏ လုပ်ရပ်များတွင် မမျှတမှု၊ ဘက်လိုက်မှုနှင့် ပွင့်လင်းမြင်သာမရှိမှုများရှိနေသည်ဟု ဆိုကာ ဒေသခံလူထုအပါအဝင် သက်ဆိုင်ရာလွှတ်တော်က မကျေမနပ်ဖြစ်နေခဲ့သည်မှာ ပြီးခဲ့သည့် လများအတွင်းကတည်းက ဖြစ်သည်။

ယင်းကိစ္စနှင့် ပတ်သက်၍ ဝန်ကြီးချုပ်ကို နေပြည်တော်သို့ တစ်ကြိမ်မက ခေါ်ယူခဲ့သလို နိုင်ငံတော်၏အတိုင်ပင်ခံပုဂ္ဂိုလ်လည်း ဖြစ်၊ ပါတီဥက္ကဋ္ဌလည်း ဖြစ်သည့် ဒေါ်အောင်ဆန်းစုကြည်ကိုယ်တိုင် တနင်္သာရီတိုင်းဒေသကြီးကိုလည်း သွားရောက် ကွင်းဆင်းကြည့်ရှုခဲ့သည်။

သို့သော် နေ့ရက်များစွာကြာသည်အထိ ယင်းဝန်ကြီးချုပ်ကိစ္စသည် သို့လော၊ သို့လော မေးခွန်းထုတ်စရာအခြေအနေနှင့် အဖျားရှူးသွားတော့မယောင်ရှိနေခဲ့ပြီး အဂတိကော်မရှင်ကလည်း အသံတိတ်နေခဲ့သည်။

မတ်လ ၁၀ ရက်နေ့ညနေပိုင်းတွင်မူ တပ်မတော်အငြိမ်းစားဗိုလ်ချုပ်ဦးဆောင်သည့် အဂတိလိုက်စားမှုတိုက်ဖျက်ရေးကော်မရှင်က ဝန်ကြီးချုပ်နှင့် ပတ်သက်သည့်အကြောင်းရာတို့ကို အများပြည်သူသို့ ထုတ်ဖော်အစီရင်ခံလိုက်ခြင်းဖြင့် တပ်လှန့်သံကို မြည်ဟိန်းစေခဲ့ခြင်းဖြစ်သည်။

တနင်္သာရီတိုင်းဝန်ကြီးချုပ်နှင့် ပတ်သက်သည့် တိုင်ကြားစာများလက်ခံရရှိပြီးနောက် စုံစမ်းစစ်ဆေးရေးအဖွဲ့ကို ဖွဲ့စည်းကာ နေပြည်တော်၊ ရန်ကုန်နှင့် ထားဝယ်မြို့တို့တွင် တစ်လကြာစုံစမ်းစစ်ဆေးခဲ့ပြီး ဝန်ကြီးချုပ်အနေနှင့် အဂတိလိုက်စားမှုများ ကျူးလွန်ကြောင်းတွေ့ရှိခဲ့ရသည်ဟုဆိုကာ အမှုဖွင့်လိုက်ပြီဖြစ်ကြောင်း ကော်မရှင်၏ ထုတ်ပြန်ချက်တွင် ဖော်ပြထားသည်။

၂၀၁၆ ခုနှစ် ဧပြီလတွင် သင်္ကြန်ပွဲတော်အတွက် ဗဟိုမဏ္ဍပ်တည်ဆောက်ရေးလုပ်ငန်း၊ နိုဝင်ဘာလတွင် ထားဝယ်တက္ကသိုလ်ဝင်းအတွင်း ခြုံနွယ်ရှင်းလင်းခြင်း၊ လေယာဉ်ကွင်းအပြင်ဘက် ခြုံနွယ်ရှင်းလင်းခြင်းတို့အတွက် ဝန်ကြီးချုပ် ဦးဆောင်သည့် အစိုးရအဖွဲ့က ထိုက်သင့်သည့် တန်ဖိုးမပေးဘဲ F-22 Sunny Construction ကုမ္ပဏီသို့ တာဝန်ပေးအပ်ခဲ့ပြီးမှ တင်ဒါခေါ်ယူခဲ့ကာ ယင်းနောက် ထားဝယ်လေယာဉ်ကွင်းအတွင်း ခြုံနွယ်ရှင်းလင်းခြင်းကိစ္စအတွက် အစိုးရအဖွဲ့အစည်းအဝေးတွင် အတည်ပြုဆုံးဖြတ်ခြင်းမရှိဘဲ ကျပ်သိန်းလေးထောင်ဖြင့် ဝန်ကြီးချုပ်ရာထူးကို အလွဲသုံးစားပြုလုပ်၍ အထက်ပါကုမ္ပဏီကို လုပ်ပိုင်ခွင့်တိုက်ရိုက်ချပေးခဲ့ခြင်းတို့ကို ကော်မရှင်ကစစ်ဆေးတွေ့ရှိခဲ့သည်။

ယင်းအပြင် ဘဏ္ဍာရေးဆိုင်ရာစည်းမျဉ်းများ၊ ပြည်ထောင်စုအစိုးရ၏ ညွှန်ကြားချက်များနှင့်မညီဘဲ လမ်းဦးစီးဌာနသို့ ကျပ်သန်းနှစ်ထောင်နီးပါးထုတ်ပေးခဲ့မှု၊ ၂၀၁၈ ခုနှစ်အတွင်းက ဝန်ကြီးချုပ်၏ ခင်ပွန်း ဝယ်ယူထားသည့် မြေကွက်နှစ်ကွက်ကို ကျပ်သိန်း ၁၄၀ကျော် ကုန်ကျသည့် အုတ်ခြံစည်းရိုးကာရံစေမှု ကာလ တန်ဖိုးနှင့် ဒေသပေါက်ဈေးကျပ်သိန်း ၃၂၀ ဝန်းကျင်သာရှိသည့် ဝန်ကြီးချုပ် မိသားစုပိုင် နေအိမ်ကို ဒေသတွင်း GGS  ကုမ္ပဏီသို့ ကျပ်သိန်း ၂၀၀၀ ဖြင့် ရောင်းချခဲ့ပြီး ယင်း GGS ကုမ္ပဏီကို ဒေသတွင်း ငါးလေလံဈေး တည်ဆောက်ခြင်း၊ လျှပ်စစ်ဓာတ်အား ထုတ်လုပ်ဖြန့်ဖြူးခြင်း၊ ဆောက်လုပ်ရေးလုပ်ငန်းများနှင့် နေပြည်တော်ရှိ တနင်္သာရီတိုင်းဧည့်ရိပ်သာနှင့် ဝန်ထမ်းအိမ်ရာ ဆောက်လုပ်ခြင်း  လုပ်ငန်းများကို ခွင့်ပြုစေမှုတို့ ပါဝင်သည်။ လျှပ်စစ်ဓာတ်အားထုတ်လုပ်ရောင်းချခွင့် ရရှိခဲ့သည့် GGS ကုမ္ပဏီအနေနှင့် နိုင်ငံတော်သို့ ဓာတ်ငွေ့ဖိုး ကျပ်သန်းရှစ်ထောင်ပေးသွင်းရန် ပျက်ကွက်ခဲ့ရာ အစိုးရက စိုက်ထုတ်ကျခံခဲ့ရသည်။

ဝန်ကြီးချုပ်ကို ထောင်ဒဏ် ၁၅ နှစ်အထိ ချမှတ်နိုင်သည့် ပုဒ်မဖြင့် အမှုဖွင့်လိုက်ပြီး လာဘ်ပေးလာဘ်ယူမှုကိစ္စတွင် ပါဝင်ပတ်သက်ခဲ့သည့် စီးပွားရေးလုပ်ငန်းများဘက်က တာဝန်ရှိသူသုံးဦးကိုလည်း ထောင်ဒဏ် ၁၀ နှစ်တန်ပုဒ်မဖြင့် အမှုဖွင့်ကာ အဆိုပါလေးဦးစလုံးကို ဖမ်းဆီးထိန်းသိမ်းထားသည်။

အဆိုပါဖြစ်ရပ်က ငါးကြီးကြီးကြော်ပြမည်ဟု ကြွေးကြော်ထားသည့် ကော်မရှင်ကို လူထုက လက်ခုတ်ဩဘာတို့ဖြင့် ထောပနာပြုစေခဲ့ပြီး အစိုးရ၏ ဩဇာနှင့် ဂုဏ်သတင်းကိုလည်း တက်စေခဲ့သည်။

အစိုးရအဖွဲ့ဝင်များအနေနှင့် အဂတိ မလိုက်စားကြရန်၊ လိုက်စားပါက ခွင့်လွှတ်မည်မဟုတ်ဘဲ ထောင်ချပစ်မည်ဖြစ်ကြောင်း အစိုးရအဖြစ် စတင်တာဝန်ယူစဉ် ပြီးခဲ့သည့် သုံးနှစ်ကပင် ဒေါ်အောင်ဆန်းစုကြည်က ပြောဆိုသတိပေးခဲ့သည်။ လာဘ်ယူမှုကို ကိုယ့်ဘက်က လူပင်ဖြစ်လင့်ကစား ခွင့်လွှတ်မည်မဟုတ်ဘဲ လုပ်ဖော်ကိုင်ဖက်ဆက်ဆံရေးအရ ထောင်ဝင်စာလာတွေ့ကောင်း တွေ့မည်ဟုလည်း ဒေါ်အောင်ဆန်းစုကြည်က ပြောဆိုခဲ့သည်။

တနင်္သာရီတိုင်းဝန်ကြီးချုပ်ကို ဖမ်းဆီးလိုက်ပြီးနောက် သမ္မတရုံး၏ ပြောရေးဆိုခွင့်ရှိသူညွှန်ကြားရေးမှူးချုပ် ဦးဇော်ဌေးကလည်း အဂတိနှင့် ပတ်သက်သည့် အစိုးရ၏သဘောထားကို မီဒီယာများမှ တစ်ဆင့် ထုတ်ဖော်ပြောဆိုလိုက်သည်။ အစိုးရအနေနှင့် အဂတိကိစ္စကို ဖိဖိစီးစီးဆောင်ရွက်သွားမည်ဟု ၎င်းက ဆိုသည်။

“လုံးဝခွင့်မလွှတ်ဘူးလို့ ပြောထားတယ်။ အခု လူကြီးတော်တော်များများက ကြုံတဲ့နေရာမှာလည်း ပြောပါတယ်။ သမ္မတကြီးခရီးစဉ်၊ အတိုင်ပင်ခံခရီးစဉ်၊ နောက် တခြားနိုင်ငံရေးဆိုင်ရာ မိန့်ခွန်းတွေပေါ့နော်၊ ဒီမိန့်ခွန်းတွေမှာလည်း ပြောပါတယ်”ဟု ၎င်းက ဆိုသည်။

မြန်မာနိုင်ငံအနေနှင့် လာမည့် ၂၀၂၀ ပြည့်နှစ်တွင် အထွေထွေရွေးကောက်ပွဲကျင်းပရန်ရှိနေပြီး အာဏာရ  NLD ပါတီ၏ အစိုးရအဖွဲ့အနေနှင့် အခြားအစိုးရများ နည်းတူလာမည့် ကာလများအတွင်း သူ၏ ဂုဏ်သတင်းမထိခိုက်စေရေး၊ အခြားတစ်ဖက်တွင် သူ၏ ဂုဏ်သတင်းကျော်စောရေးကို အလေးထားလုပ်ဆောင်တော့မည်ဖြစ်ကြောင်းကို ယခုဖြစ်ရပ်က ပြသလိုက်ခြင်းဖြစ်သည်။

တနင်္သာရီတိုင်းဝန်ကြီးချုပ်၏ အဂတိကိစ္စများသည် NLD အာဏာရစကနဦးကာလ ဖြစ်သည့် ၂၀၁၆ ခုနှစ်တွင် စတင်ခဲ့ခြင်းဖြစ်သော်လည်း အရေးယူနိုင်မှုသည် သုံးနှစ်အကြာတွင်မှ ဖြစ်ရာ လာမည့် ရွေးကောက်ပွဲနှင့် နီးကပ်လာမှုသည် အကြောင်းတစ်ချက်အဖြစ် နိုင်ငံ ရေးလေ့လာစောင့်ကြည်သူ အချို့ကလည်း သုံးသပ်ကြသည်။

အဂတိလိုက်စားမှုဖြင့် ဝန်ကြီးချုပ်ကို အရေးယူမှုသည် ပါတီကိစ္စ မဟုတ်သေးဘဲ အစိုးရကိစ္စသာဖြစ်သည်ဟု ပါတီ၏ ပြောရေးဆိုခွင့်လည်း ဖြစ်၊ ဒုတိယဥက္ကဋ္ဌလည်း ဖြစ်သည့် မန္တလေးတိုင်းဝန်ကြီးချုပ် ဒေါက်တာဇော်မြင့်မောင်က ပြောဆိုသည်။

တနင်္သာရီကိစ္စနှင့် ပတ်သက်၍ ပါတီထံ တိုင်ကြားခဲ့သော်လည်း ယင်း တိုင်ကြားမှုကို အဂတိကော်မရှင်ထံ လွှဲပြောင်းပေးခဲ့သည်ဟု ၎င်းက ဆိုသည်။

လောလောဆယ်တွင် ဒေါက်တာလဲ့လဲ့မော်အနေနှင့် တရားရုံးတွင် အမှုရင်ဆိုင်ရမည်ဖြစ်ပြီး ၎င်းဘက်ကလည်း ခုခံချေပပိုင်ခွင့် ရှိနေသေးရာ ပါတီက စောင့်ကြည့်မည်ဖြစ်ကာ ယင်းနောက်ပါတီက သီးခြားဆုံးဖြတ်ချက်ပေးမည့် အနေအထားတွင် ရှိသည်။

“အဲဒါပြီးတော့မှ၊ တရားရုံးအမိန့်ချမှတ်ပြီးပြီဆိုတော့မှ ပါတီက စဉ်းစားမှာ”ဟု ဒေါက်တာဇော်မြင့်မောင်က ဆိုသည်။

အဂတိလိုက်စားမှုသည် မြန်မာနိုင်ငံတွင် စနစ်တစ်ခုသဖွယ် ထွန်းကားလျက် ရှိနေပြီး ပြီးခဲ့သည့် အစိုးရများက အားသွန်ခွန်စိုက် မလုပ်ဆောင်နိုင်ခဲ့ပေ။

ပြည်သူလူထုအနေနှင့်လည်း ယင်းပြဿနာကို ငြီးငွေ့လျက်ရှိနေကြပြီး နိုင်ငံကို နိုင်ငံတကာတန်းဝင်သည့် အရွေ့တစ်ခုသို့ ရွှေ့ရန်မှာ အဂတိလိုက်စားမှုများကို မချေမှုန်းဘဲ မရနိုင်ကြောင်းကို သဘောပေါက်ထားပြီး ဖြစ်သည်။

“အုပ်ချုပ်ခဲ့တဲ့ အစိုးရအဆက်ဆက်ကို မြန်မာပြည်သူတွေရဲ့ မကျေနပ်မှုအသံတွေထဲမှာ အဓိကအကျဆုံးက အဂတိလိုက်စားမှု ဖြစ်ခဲ့တာကိုး။ လူထုအများစု ဆင်းရဲနေတဲ့အချိန်မှာ အခွင့်အရေးကို အသုံးချပြီး မိမိကြွယ်ဝမှုအတွက် လုပ်ခဲ့ကြတာကို လူထုက မကျေနပ်ဆုံးပဲ။ ထောင်ချခဲ့တာတွေကိုလည်း ခွင့်လွှတ်ချင် ခွင့်လွှတ်မယ်၊ အာဏာရှင်ဆန်ခဲ့တာကိုလည်း မေ့ချင်မေ့လိမ့်မယ်၊ ဒါပေမဲ့ အဂတိလိုက်စားမှုနဲ့ ပတ်သက်လာရင် လူထုက ခွင့်မလွှတ်ချင်တာတော့ အမှန်ပဲ”ဟု မြန်မာ့ငြိမ်းချမ်းရေးနှင့် လုံခြုံရေးဆိုင်ရာ အဖွဲ့အစည်း (MIPS) ၏ အမှုဆောင် ဒါရိုက်တာဒေါက်တာမင်းဇော်ဦးက တနင်္သာရီဖြစ်ရပ်နှင့် ပတ်သက်၍ လူမှုကွန်ရက်တွင် သူ၏ သဘောထားအမြင်ကို ရေးသားခဲ့သည်။

သို့သော် အုပ်ချုပ်မှုစနစ်ပြဿနာ၊ ခေါင်းဆောင်မှုအားနည်းချက်၊ ယဉ်ကျေးမှု ကိစ္စ၊ ဆင်းရဲမွဲတေမှု၊ လက်နက်ကိုင်ပဋိပက္ခနှင့် နိုင်ငံရေးပြုပြင်ပြောင်းလဲမှုများ ရှိနေသည့် လက်ရှိ မြန်မာနိုင်ငံအနေနှင့် အဂတိပြဿနာသည် အဂတိလိုက်စား သူတို့၏ ပြဿနာသက်သက်မျှမဟုတ်ဘဲ နိုင်ငံ၏ရေခံ၊ မြေခံများကို ထည့်သွင်းစဉ်းစားရမည်ဟု ၎င်းက ဆိုသည်။

“အဂတိလိုက်စားမှုပြဿနာကို လူကြိုက်မများခြင်းဆိုတာထက် ကျော်ပြီး ကြည့်ဖို့ လိုလိမ့်မယ်”ဟု ဒေါက်တာမင်းဇော်ဦးက ဆိုသည်။

NLD ပါတီကမူ ၂၀၂၀ မတိုင်မီတွင် ပါတီတွင်းကြပ်ကြပ်မတ်မတ်ဆောင်ရွက်သွားရန် စီစဉ်လျက်ရှိပြီး မကြာမီပြုလုပ်မည့် အလုပ်အမှုဆောင်အစည်းအဝေးတွင်လည်း စည်းကမ်းဖောက်ဖျက်မှုများနှင့် ပတ်သက်၍ ဆွေးနွေးအရေးယူမှုများ လုပ်ဆောင်ရန် ရှိနေသည်။ ယခုတနင်္သာရီကိစ္စနှင့် ပတ်သက်၍ မည်သို့ အရေးယူမည် ဆိုသည်ကိုလည်း အဆိုပါ အစည်းအဝေးတွင် ဆုံးဖြတ်ရန်ရှိနေသည်။

ပါတီ သို့မဟုတ် အစိုးရအဖွဲ့နှင့် ပတ်သက်သည့် မကျေနပ်မှုများစွာသည် လူထုအတွင်းရှိနေခဲ့ပြီး နိုင်ငံတော်သမ္မတနှင့် ဒေါ်အောင်ဆန်းစုကြည်တို့၏ နယ် လှည့်ခရီးစဉ်များတွင် တိုင်ကြားစာပေါင်း အမြောက်အမြားရရှိခဲ့သည်ကိုလည်း  NLD က ထည့်သွင်းစဉ်းစားလာပြီ ဖြစ်သည်။

NLD သည် ၂၀၁၅ ခုနှစ် ရွေးကောက်ပွဲတွင် ကြွေးကြော်သံသုံးရပ်ဖြင့် မဲဆွယ်စည်းရုံးခဲ့သည်။ တစ်ခုမှာ တရားဥပဒေစိုးမိုးရေးဖြစ်ပြီး အဂတိလိုက်စားမှုကိစ္စသည် တရားဥပဒေစိုးမိုးရေးတွင် အဓိကကျသည့် ပြဿနာဖြစ်ရာ ရွေးကောက်ပွဲကတိတည်စေရေးအတွက် လာမည့်ကာလများတွင် ဖိစီးဆောင်ရွက်မည့်ပုံကို ပြသလိုက်ပြီဖြစ်သည်။

အထက်ပါဖြစ်ရပ်နှင့် အခြေအနေများသည် ပါတီပုံရိပ်ကို ထိခိုက်စေပြီး ပါတီဘက်ကလည်း တာဝန်ယူဖြေရှင်းရလိမ့်မည်ဟု မုံရွာအောင်ရှင်က ဆိုသည်။ တစ်ဆက်တည်းမှာပင် ကျန်လူများအနေနှင့် ရှေ့ဖြစ်ရပ်တို့အပေါ် နမူနာယူ၊ သင်ခန်းစာယူကြရန် ၎င်းက ဆော်ဩလိုက်သည်။

“နောက်လူတွေ သတိထားပေတော့ဗျ”ဟု ၎င်းက ဆိုသည်။

အောင်မျိုးထက်

You may also like...

Leave a Reply

Your email address will not be published. Required fields are marked *