ကျူအာကုတ်ဖြင့် ခရီးသွားခြင်း

photo by wanna zin

တရုတ်ခရီးသွားများ အဝင်များလာပြီးနောက် မန္တလေးတွင် ခရီးသွားများ အန္တရာယ်ကင်းစေရန်အတွက် လမ်းညွှန်မှုများကို ဟိုတယ်/ခရီးက စီစဉ်လိုက်သည်။

ယင်းမှာ QR Code ဟုခေါ်သည့် အဆင့်မြင့်ဒီဂျစ်တယ်စနစ်သုံး လမ်းညွှန်မှုဖြစ်သည်။

မိုဘိုင်းလ်ဖုန်းကို အသုံးပြု၍ မန္တလေးတိုင်းဒေသကြီးအတွင်း သွားလာနိုင်သည့် နေရာများနှင့်အတူ အခြားသော ဆောင်ရန်၊ ရှောင်ရန်များကိုပါ တစ်ပါတည်းသိရှိနိုင်မည်ဖြစ်သည်။

QR Code ဟု အတိုကောက်ခေါ်သည့် Quick Response Code ကို ၁၉၉၄ ခုနှစ်တွင် ဂျပန်နိုင်ငံ တိုယိုတာကားကုမ္ပဏီက စတင်ဖန်တီးအသုံးပြုခဲ့ခြင်းဖြစ်ပြီး အချက်အလက်၊ သတင်း၊ ကြော်ငြာ၊ ဓာတ်ပုံ၊ Website Link ၊ Facebook Link စသည်များကို တစ်နေရာတည်းတွင် စုစည်းပေးထားပြီး အလွယ်တကူဖတ်ရှုနိုင်ခြင်း ဖြစ်သည်။

ဆိုရလျှင် QR Code ဟူသည်က သတင်းအချက်အလက်အလွယ်တကူသိရှိနိုင်စေရန် ဖန်တီးပေးထားခြင်း ဖြစ်သည်။

“ တရုတ်အများဆုံးလာတော့ တရုတ်နိုင်ငံထဲမှာလည်း ဖြန့်နေပြီ။ လေဆိပ်တွေမှာလည်း ဖြန့်နေပါပြီ။ ဟိုတယ်ခရီးရဲ့ Web Portal မှာလည်း ဖြန့်နေပါပြီ” ဟု ဟိုတယ်နှင့် ခရီးသွားညွှန်ကြားမှုဦးစီးဌာန လက်ထောက်ညွှန်ကြားရေးမှူးဦးစန်းယုက ပြောကြားသည်။

ခရီးတစ်ခုသွားလျှင် ထိုဒေသ၏ အခြေအနေကို ကြိုတင်သိရှိထားခြင်းသည် အားသာချက်တစ်ခုဖြစ်သည်။ မြန်မာနိုင်ငံသို့ လာရောက်လည်ပတ်သည့် ခရီးသည်များအတွက် သိသင့်သည့်အချက်များကို အလွယ်တကူသိရှိနိုင်ရန်အတွက် Web Portal များတွင် လွှင့်တင်ခြင်းအပြင် ကျူအာကုတ်များဖြင့်ပါ ပေးပို့လာခြင်း ဖြစ်သည်။

လက်ရှိတွင် တရုတ်ဗားရှင်းနှင့် အင်္ဂလိပ်ဗားရှင်းနှစ်မျိုးကို အသုံးပြုနိုင်ပြီး မကြာမီတွင် ကိုရီးယားဗားရှင်းနှင့် ဂျပန်ဗားရှင်းများကိုပါ ထည့်သွင်းမည်ဟု ဟိုတယ်ခရီးမှ သိရသည်။

“လေဆိပ်မှာတော့ အင်္ဂလိပ်လိုပါ ပါတယ်။ များသောအားဖြင့် တရုတ်(ဧည့်သည်) များတော့ တရုတ်လိုပဲပေါ့” ဟု ဦးစန်းယုက ပြောဆိုသည်။

မန္တလေးတိုင်းဒေသကြီးအတွင်းသို့ ၂၀၁၈ ခုနှစ်အတွင်း ပြည်ပခရီးသွားပေါင်း ငါးသိန်းနီးပါး ဝင်ရောက်ခဲ့သည့်အနက် ထက်ဝက်ခန့်မှာ တရုတ်ခရီးသွားများဖြစ်ကြောင်း မန္တလေးတိုင်းဒေသကြီး ဟိုတယ်နှင့် ခရီးသွားညွှန်ကြားမှုဦးစီးဌာနစာရင်းများအရ သိရသည်။

ကျူအာကုတ်များဖြင့် ဖတ်ရှုနိုင်သည့် ဆောင်ရန်၊ ရှောင်ရန်အချက်များသည် ယခင်က အင်္ဂလိပ်ဘာသာဖြင့် လက်စွဲစာအုပ်ပုံနှိပ်ထုတ်ဝေထားပြီးဖြစ်သော်လည်း တရုတ်ခရီးသွားအချို့က လိုက်နာမှုအားနည်းသဖြင့် တရုတ်ဘာသာစကားဖြင့်ပါ ထုတ်ဝေရန်စီစဉ်နေကြောင်း ဟိုတယ်/ခရီးမှ သိရသည်။

မန္တလေးသို့ တရုတ်ခရီးသွားများ ဝင်ရောက်မှုများပြားလာပြီးနောက် လူသိများသည့်ဖြစ်ရပ်တစ်ခုမှာ အမရပူရမြို့နယ် တောင်သမန်အင်းစောင်းရှိ မဟာဂန္ဓာရုံကျောင်းတိုက်မှ အဖြစ်အပျက်ဖြစ်သည်။ သံဃာတော်များ သင်္ကန်းရုံ၍ ဆွမ်းခံခြင်း၊ ဆွမ်းစားခြင်းကို ဓာတ်ပုံအလုအယက်ရိုက်ကြရာမှ အချင်းချင်းခိုက်ရန်ဖြစ်ပွားခဲ့သည့် ဗီဒီယိုဖိုင်က လူမှုကွန်ရက်ပေါ်တွင် ပျံ့နှံ့ခဲ့ပြီးဝေဖန်သံများ ညံစာခဲ့သည်။

မဟာဂန္ဓာရုံကျောင်းတိုက်သည် ပြည်ပခရီးသွားများ လေ့လာနိုင်စေရန်ရည်ရွယ်၍ ဖန်တီးထားသည့် နေရာမဟုတ်သော်လည်း ဗုဒ္ဓသားတော်သံဃာတော်များစွာကို တစ်နေရာတည်းတွင် ဖူးမြင်နိုင်ခြင်း၊ သန့်သန့်ရှင်းရှင်း၊ စည်းစနစ်ကျကျနေထိုင်သည့် စာသင်သားများကို ဖူးမြင်နိုင်ခြင်းအပြင် အပါးရေ ရာချီသည့် ဆွမ်းခံတန်းကို ဓာတ်ပုံရိုက်ကူးခြင်းများပြုလုပ်နိုင်သည့်အတွက် ပြည်တွင်း ပြည်ပဓာတ်ပုံဝါသနာရှင်များနှင့် ခရီးသွားများအကြား ရေပန်းစားသည့် နေရာတစ်ခု ဖြစ်နေသည်။

ဓာတ်ပုံရိုက်ရင်းခိုက်ရန်ဖြစ်ပွားမှုကြောင့် ကျောင်းတိုက်ရှိ ဆရာတော်များ၊ သံဃာတော်များ စိတ်အနှောင့်အယှက်မဖြစ်စေရန်အတွက် ကျောင်းတိုက်အတွင်း လိုက်နာရမည့်စည်းကမ်းချက်များကို ဟိုတယ်/ခရီးဝန်ကြီးဌာနက ဖေဖော်ဝါရီလအတွင်း ထုတ်ပြန်ခဲ့ရသည်။

မန္တလေးသို့ တစ်လလျှင် တရုတ်ခရီးသွားဧည့်သည်နှစ်သောင်းခန့်ဝင်ရောက်မှုရှိသည့်အနက်အားလုံးနီးပါးမှာ မဟာဂန္ဓာရုံကျောင်းတိုက်သို့လာရောက်လေ့လာတတ်သည်။

လက်ရှိ ဟိုတယ်/ခရီးမှ လုပ်ဆောင်နေသည့် ကျူအာကုတ်များသည် မဟာဂန္ဓာရုံကျောင်းတိုက်ကိစ္စ ဖြစ်ပွားပြီးနောက်မှဖြစ်ပေါ်လာသော်လည်း ယင်းဖြစ်ရပ်ကို အခြေခံ၍ ပြုလုပ်ခြင်းမဟုတ်ကြောင်း ဦးစန်းယုက ပြောသည်။

“မဟာဂန္ဓာရုံနဲ့တော့ မဆိုင်ဘူး။ တစ်နိုင်ငံလုံးမှာ လိုက်နာရမယ့် အချက်တွေပါတယ်။ ဒေသတစ်ခုတည်းအတွက် ရည်ရွယ်ထားတာ မဟုတ်ပါဘူး” ဟု ၎င်းက ရှင်းပြသည်။

လေဆိပ်၊ ဘူတာကြီးစသည့်နေရာများတွင် Information ဟု အင်္ဂလိပ်၊ တရုတ်နှစ်ဘာသာ ရေးသားထားသည့် စတေကာများပေါ်မှ လေးထောင့်ပုံ QR Code များကို Scan ဖတ်လိုက်လျှင် www.uppermyanmartravelinfo.com ဟူသည့် ဝဘ်ဆိုက်လိပ်စာတစ်ခုကျလာမည်ဖြစ်ပြီး ဆောင်ရန်၊ ရှောင်ရန် အသိပေးထားမှုများကို အင်္ဂလိပ်၊ တရုတ်နှစ်ဘာသာဖြင့် ဖတ်ရှုနိုင်မည်ဖြစ်သည်။ ယင်းအပြင် သွားလာမှုလွယ်ကူစေရန်အတွက် မြေပုံများကိုပါ ထည့်သွင်းပေးထားသည်။

ယင်း ဆောင်ရန်ရှောင်ရန်အသိပေးထားမှုများကို မြေပြင်တွင် သုံးနေရာခန့်သာ ထားပေးသော်လည်း အွန်လိုင်းပလက်ဖောင်းများမှ တစ်ဆင့် အချိန်မရွေးကြည့်ရှုနိုင်ရန်အတွက် စီစဉ်ပေးထားကြောင်း ဟိုတယ်/ခရီးမှ သိရသည်။

“ ခရီးသွားတွေက ဘယ်သူပဲဖြစ်ဖြစ် facebook ဖွင့်၊ wechat ဖွင့် ဆိုတော့၊ အဲဒီကနေတစ်ဆင့်လည်း ကြည့်နိုင်တယ်။ ဝီချက်ဆိုရင် မြန်မာလိုပါ ဖတ်လို့ရတယ်”ဟု ဦးစန်းယုက ရှင်းပြသည်။

မြန်မာ့ခရီးသွားလုပ်ငန်းအတွက် ကျူအာကုတ်များအသုံးပြုခြင်းမှာ ယခုမှမဟုတ်၊ ခရီးသွားအလာများသည့် ပုဂံဒေသရှိတန်ခိုးကြီးဘုရားများ သမိုင်းနှင့်ရှေးဟောင်းသုတေသနပြတိုက်သမိုင်းကြောင်းများကိုပါ ကျူအာကုတ်ဖြင့် အလွယ်တကူဖတ်ရှုနိုင်ရန် ယခင်နှစ်များကတည်းက စီစဉ်ခဲ့သည်။ လက်ရှိတွင်လည်း ဖတ်ရှုနေနိုင်ပြီ ဖြစ်သည်။

သို့သော် တရုတ်ဘာသာဖြင့် အသိပေးမှုသည် ယခုမှဖြစ်သည်။ လက်ရှိတွင် ဆောင်ရန် ရှောင်ရန်အချက်အလက်များကိုသာ ပေးနိုင်ပြီး ရေရှည်အတွက် အခြားသိသင့်သည့် သတင်းအချက်အလက်များကိုပါ ပေးနိုင်ရန်အတွက် လုပ်ဆောင်နေကြောင်း မြန်မာနိုင်ငံခရီးသွားလုပ်ငန်းရှင်များအသင်း(မန္တလေး) ပြန်ကြားရေးတာဝန်ခံဦးဝဏ္ဏဇင်က ပြောသည်။

“တရုတ်ရဲ့ခရီးသွားတွေ ဝင်ရောက်မှုများတဲ့ နောက်မှာ မမျှော်လင့်တဲ့ အခက်အခဲလေးတွေလည်း ဖြစ်ခဲ့တယ်။ ဒါကို ပြေလည်စေဖို့ပါ” ဟု ၎င်းက ပြောပြသည်။

ခရီးသွားများဝင်ထွက်မှုများသည် ပြည်ပနိုင်ငံများတွင်မူ QR Code ကိုအသုံးပြုမှုသည် ခေတ်စားနေပြီဖြစ်သော်လည်း မြန်မာနိုင်ငံအတွက်မူ ယခုမှ စမ်းသပ်ဆဲဖြစ်သည်။

ကျူအာကုတ်မိတ်ဆက်မှုကို စတင်ခဲ့သည်မှာ မတ်လဆန်းပိုင်းကဖြစ်ပြီး တစ်ပတ်ခန့်အတွင်း ကျူအာကုတ်ဖတ်၍ ဝဘ်ဆိုက်အတွင်းဝင်ရောက်မှုသည် ၆၀၀ ဦးခန့်ရှိကြောင်း မြန်မာနိုင်ငံခရီးသွားလုပ်ငန်းရှင်များအသင်း(မန္တလေး) မှ သိရသည်။

“တရုတ်ကနေ မြန်မာကို သွားမယ်ဆိုကတည်းက တစ်ခါတည်း ကျူအာကုတ်ထည့်ပေးလိုက်တာရှိသလို ဒီရောက်မှ ဧည့်သည်တွေက သိပြီး တောင်းတာလည်းရှိတယ်။ ကျူအာကုတ်သုံးရင် ဘယ်လိုအဆင်ပြေတယ်ဆိုတာ သူတို့ကောင်းကောင်း သိကြတယ်” ဟု ဦးဝဏ္ဏဇင်က ရှင်းပြသည်။

တရုတ်ခရီးသွားများကို ဆိုက်ရောက်ဗီဇာစနစ်ဖြင့် လာရောက်လည်ပတ်ခွင့်ကို ၂၀၁၈ ခုနှစ် အောက်တိုဘာလ ၁ ရက်နေ့က ခွင့်ပြုခဲ့ပြီးနောက် တရုတ်လေကြောင်းလိုင်းများ မြန်မာပြည်သို့ ပျံသန်းမှုတိုးချဲ့လာပြီး လက်ရှိတွင် 9Air ၊  Donghai ၊ Ruili နှင့် စီချွမ်းလေကြောင်းလိုင်းများက ခရီးစဉ်ငါးခုပျံသန်းလျက်ရှိသည်။

ယင်းအနက် 9Air သည် ယခင်က တရုတ်ပြည်တွင်းကိုသာ ပျံသန်းနေသော်လည်း ပထမဆုံး နိုင်ငံတကာခရီးစဉ်အဖြစ် ကွမ်ကျိုး-မန္တလေးခရီးစဉ်ကို ၂၀၁၈ ခုနှစ် အောက်တိုဘာလ ၂ ရက်နေ့က စတင်ခဲ့သည်။ ယင်းအပြင် ၂၀၁၉ ခုနှစ်နှစ်ဆန်းပိုင်းမှစ၍လည်း ကွေ့ရန်း-မန္တလေးခရီးစဉ်သစ်ကို ပျံသန်းပေးနေသည်။

တရုတ်နိုင်ငံမန်စီမြို့မှ မြန်မာနိုင်ငံမန္တလေးမြို့သို့ လေကြောင်းလိုင်းသစ်ကို ဇန်နဝါရီလ ၃၁ ရက်မှ စတင်ခဲ့ပြီး တစ်လအတွင်း ခရီးသည်သုံးထောင့်သုံးရာကျော် ပို့ဆောင်နိုင်သည်ဟု တရုတ်အခြေစိုက် Yunnan Gateway ဝဘ်ဆိုက်တွင် မတ်လဆန်းပိုင်း ဖော်ပြခဲ့သည်။

မန်စီ-မန္တလေးလေကြောင်းလိုင်းသည် တရုတ်နှင့် မြန်မာအကြားအကွာအဝေးအနီးဆုံး နိုင်ငံတကာလေကြောင်းလိုင်းတစ်ခုဖြစ်ပြီး နှစ်နိုင်ငံခရီးသွားများအတွက် အချိန်များစွာသက်သာစေကြောင်း ပြောဆိုထားသည်။

အဆိုပါ လေကြောင်းလိုင်းမဖွင့်မီက တက်ဟုန်းပြည်နယ်ခွဲ၏ ပြည်ပခရီးသွားလမ်းကြောင်းသည် တရုတ်-မြန်မာနယ်စပ်ဒေသ နေ့ချင်းပြန်ခရီးစဉ်သာဖြစ်ပြီး လေကြောင်းလိုင်းဖွင့်လှစ်ပြီးနောက် ဒေသခံခရီးသွားကုမ္ပဏီများသည် မန္တလေး၊ ပုဂံနှင့် ရန်ကုန်ရှစ်ရက်ကြာခရီးစဉ်များကို စီစဉ်လာကြောင်း တက်ဟုန်းပြည်နယ်ခွဲ ခရီးသွားလာရေးဖွံဖြိုးမှုကော်မတီတာဝန်ရှိသူ ကျိုးယိယွင်က ပြောဆိုသည်ဟု အဆိုပါဝက်ဘ်ဆိုက်တွင် ဖော်ပြထားသည်။

ဆိုရလျှင် မြန်မာပြည်တွင်းသို့ တရုတ်ခရီးသွားများသည် အခြားနိုင်ငံများထက်ပိုမို၍ ဝင်ရောက်လာနေပြီဖြစ်သည်။ တရုတ်-မြန်မာစီးပွားရေးစင်္ကြံစီမံကိန်းကိုလည်း နှစ်နိုင်ငံဆောင်ရွက်လျက်ရှိခြင်းကြောင့် အပျော်ခရီးသွားလာသူများအပြင် စီးပွားရေးလုပ်ငန်းရှင်များကပါ ဝင်ရောက်မှုများရှိနေသည်။

“နောက်ထပ်ကျူအာကုတ်စတေကာတွေ ထပ်ရိုက်နေတယ်။ စားသောက်ဆိုင်ကြီးတွေမှာ လိုက်ကပ်ဖို့ရှိတယ်” ဟု ဦးဝဏ္ဏဇင်က ပြောသည်။

လက်ရှိတွင် တရုတ်ခရီးသွားများ အဝင်များနေသဖြင့် ခရီးသွားများအဆင်ပြေစေရန် ဆောင်ရွက်ပေးနေမှုများသည် တရုတ်ကို ဦးစားပေးလုပ်ဆောင်နေရသည်ဟု ၎င်းက ဆိုသည်။

အင်္ဂလိပ်ဘာသာဧည့်လမ်းညွှန်တစ်ဦးဖြစ်သည့် ကိုအောင်ကျော်မြင့်ကမူ ယခုကဲ့သို့ ကျူအာကုတ်များ အသုံးပြု၍ ခရီးသွားများကို ဆွဲဆောင်ခြင်းကို ကြိုဆိုကြောင်း ပြောသည်။

သို့သော် တရုတ်ကို အထူးပြုလုပ်ဆောင်ခြင်းဖြစ်၍ တရုတ်ဘာသာဖြင့် ရေးသားထားသည့် စည်းကမ်းချက်ဆိုင်းဘုတ်များကို ခရီးသွားအလာများသည့် နေရာများတွင် လုပ်ဆောင်လျှင် အကောင်းဆုံးဟု အကြံပြုပြောဆိုလေသည်။

မြတ်(ကလေး)

You may also like...

Leave a Reply

Your email address will not be published. Required fields are marked *