အခြေခံဥပဒေပြင်ဆင်ရေး အစီရင်ခံစာနှင့် ဆက်လက်လုပ်ကိုင်မည့်လုပ်ငန်းစဉ်များ ရွှေ့ဆိုင်း

နေပြည်တော်၊ မတ် ၁၅

ဖွဲ့စည်းပုံအခြေခံဥပဒေ ပြင်ဆင်ရေး တွင် အငြင်းပွားနေကြသည့် အစီရင်ခံစာ နှင့် ဆက်လက်လုပ်ဆောင်မည့်ကိစ္စရပ် များကို ပြည်ထောင်စုလွှတ်တော် (၁၂) ကြိမ်မြောက် ပုံမှန်အစည်းအဝေးသို့ ရွှေ့ ဆိုင်းလိုက်ပြီ ဖြစ်သည်။

“ဖွဲ့စည်းပုံအခြေခံဥပဒေ ပြင်ဆင်ရေးအတွက် ကျန်ရှိတဲ့ လုပ်ငန်းစဉ်များကို (၁၂) ကြိမ်မြောက် ပုံမှန်အစည်းအဝေးမှာ ဆက်လက်ဆောင်ရွက်သွားကြရမှာဖြစ်ပါတယ်” ဟု ပြည်ထောင်စုလွှတ်တော် နာယက ဦးတီခွန်မြတ်က (၁၁) ကြိမ်မြောက်လွှတ်တော်အစည်းအဝေးအပြီး နိဂုံးချုပ်စကားပြောဆိုရာတွင် ပြောကြားလိုက်ခြင်းဖြစ်သည်။

ကြံ့ခိုင်ရေးပါတီက လွှတ်တော်ကိုယ်စားလှယ် ဦးသိန်းထွန်းအပါအဝင် လွှတ်တော်ကိုယ်စားလှယ် ၁၄၃ ဦးက တိုင်းနှင့် ပြည်နယ်အစိုးရအဖွဲ့ဝန်ကြီးချုပ်များကို သက်ဆိုင်ရာလွှတ်တော်က ရွေးကောက်တင်မြှောက်နိုင်မည့် ပုဒ်မ ၂၆၁ ကို ပြင်ဆင်ရန် ဥပဒေကြမ်းတင်သွင်းထားခြင်းဖြစ်သည်။

ယင်းဥပဒေကြမ်းအပေါ် ပြည်ထောင်စုလွှတ်တော် ဥပဒေကြမ်းလေ့လာစိစစ်ရေး ပူးပေါင်းကော်မတီက လေ့လာစိစစ်ကာ မတ်လ ၅ ရက်နေ့က လွှတ်တော်သို့ အစီရင်ခံခဲ့ပြီး ပုဒ်မတစ်ခုတည်းကို သီးခြားပြင်မည့်အစား ပြည်ထောင်စုလွှတ်တော်က ဖွဲ့စည်းထားသည့် ပူးပေါင်းကော်မတီ၏ လုပ်ငန်းစဉ်တွင် ထည့်သွင်းသင့်ရန်သာ သဘောထားမှတ်ချက်ပေးခဲ့သည်။

ယင်းအစီရင်ခံစာကို တပ်မတော်၊ ကြံ့ခိုင်ရေးနှင့် တိုင်းရင်းသားပါတီငယ်အချို့က မတ်လ ၁၅ ရက် ကျင်းပသည့် ပြည်ထောင်စုလွှတ်တော်အစည်းအဝေး ပြီးဆုံးသည်အထိ ကန့်ကွက်နေခြင်းဖြစ်ပြီး စုစုပေါင်းကိုယ်စားလှယ် ၆၈ ဦးဆွေးနွေး ပြီးနောက် နာယကက အထက်ပါအတိုင်း ပြောကြားခဲ့ခြင်းဖြစ်သည်။

အခြေခံဥပဒေပြင်ဆင်ရေးအတွက် NLD ပါတီက ပူးပေါင်းကော်မတီဖွဲ့စည်းကာ အားလုံးလွှမ်းခြုံသော စိစစ်ပြင်ဆင်ရန် ရည်ရွယ်ခဲ့သော်လည်း ကြံ့ခိုင်ရေးပါတီက ပုဒ်မ ၂၆၁ တစ်ခုတည်းမှ ပုဒ်မခွဲ (ခ၊ ဂ၊ ဃ၊ င) ကိုသာ ပြင်ဆင်နိုင်ရန် ဥပဒေကြမ်းတစ်ရပ်ရေးဆွဲကာ လွှတ်တော်သို့ တင်ပြထားခြင်း ဖြစ်သည်။

ကြံ့ခိုင်ရေးပါတီက ဦးဆောင်တင်သွင်းသည့် ဥပဒေကြမ်းကို ဥပဒေတစ်ရပ်လုံး စိစစ်လေ့လာပြင်ဆင်မည့် ပူးပေါင်းကော်မတီတွင် ထည့်သွင်းလုပ်ဆောင်ရန် အစီရင်ခံစာ ယင်းတင်ပြချက်သည် ဥပဒေပြင်ဆင်ရေး နည်းလမ်းနှင့် သွေဖည်နေသောကြောင့် တပ်မတော်၊ ကြံ့ခိုင်ရေးပါတီနှင့် တိုင်းရင်းသားပါတီအချို့က ကန့်ကွက်နေကြခြင်းဖြစ်သည်။

သို့သော် အားလုံးလွှမ်းခြုံသော စိစစ်ပြင်ဆင်မှုပြုမည့် ၄၅ ဦးကော်မတီ၏ အစည်းအဝေးများကို လွှတ်တော်ပိတ်ရက်များတွင် လိုအပ်သလို လုပ်ဆောင်သွားမည်ဟု သဘောတူညီမှု ရရှိထားသည်။

(၁၁) ကြိမ်မြောက် အစည်းအဝေးကို ဇန်နဝါရီ ၂၁ ရက်မှ စတင်ကျင်းပခဲ့ခြင်းဖြစ်ပြီး မတ်လ ၁၅ ရက်တွင် ရပ်နားလိုက်ခြင်း ဖြစ်သည်။ (၁၂) ကြိမ်မြောက်အစည်းအဝေးကို သင်္ကြန်ကာလအပြီး မြန်မာနှစ်ဆန်းပိုင်းရက်တွင် ပြန်လည်ကျင်းပမည်ဟု လွှတ်တော်အသိုင်းအဝိုင်းထံမှ သတင်းရရှိသည်။ 

You may also like...

Leave a Reply

Your email address will not be published. Required fields are marked *