တနင်္သာရီကိစ္စ တကယ့်တာဝန်ရှိသူ

Photo - Tanintharyi Region

တနင်္သာရီဝန်ကြီးချုပ်အဂတိမှုဖြင့် တရားစွဲအဖမ်းခံလိုက်ရသည်။ သဘော တရားအားဖြင့်တော့ သူလာဘ်စားသည်ဟု စစ်ဆေးတွေ့ရှိမှုဖြင့် တရားစွဲခံလိုက်ရသည်။ အဖမ်းခံလိုက်ရသည်။

သို့သော် အဖြစ်သနစ်ကား ထိုမျှ မရိုးရှင်းလှပါ။ ခုတ်လှဲလိုက်ရသည့် တစ်ပင်တည်းမကြည့်ဘဲ ယင်းအပင်ဖြစ်လာစေသည့် ရေခံမြေခံနှင့် တစ်တောလုံးသဘောကို ကြည့်ရန်လိုပါသည်။

အဂတိလိုက်စားမှုကော်မရှင်၏ ထုတ်ပြန်ချက်အရ ထိုမျှလူသိနတ်ကြားလုပ်ရဲကိုင်ရဲရှိအောင် မည်သည့် အခြေအနေများက ပေးလာခဲ့သနည်း။

အာဏာအလွဲသုံးစားရန်အခါတော်ပေးများ၊ ဘေးမှ မြှောက်ပင့်ပေးမှုများ၊ ယိုယွင်းနေသော သက်ဆိုင်ရာနိုင်ငံရေးပါတီတွင်းစနစ်များ၊ အစိုးရယန္တရားစနစ်များကလည်း ထိုအခြေအနေကို ဖန်တီးပေးနေသလား။

ဒေါက်တာလဲ့လဲ့မော်မှာ အမျိုးသားဒီမိုကရေစီအဖွဲ့ချုပ်ပါတီဝင်အဖြစ် ၂၀၁၂ ခုနှစ်နောက်ပိုင်းကမှ ဝင်ရောက်လာခြင်းဖြစ်ပြီး နိုင်ငံရေးသက်တမ်းများစွာ နုနယ်သေးသူ ဖြစ်သည်။ ထားဝယ်မြို့၏ တောင်ဘက်မိုင် ၂၀ ခန့်အကွာရှိ သရက်ချောင်းမြို့တွင် ဆေးကုအသက်မွေးနေသော သာမန်ဆရာဝန်တစ်ဦးသာ ဖြစ်သည်။ ပါတီဝင်ပြီးနောက် ချက်ချင်းဆိုသလိုပင် တနင်္သာရီတိုင်းဒေသကြီး အလုပ်အမှုဆောင်ကော်မတီဝင် ဖြစ်လာခဲ့သည်။

နိုင်ငံရေး၊ တိုင်းရေးပြည်ရာ၊ အုပ်ချုပ်ရေးရာနှင့် ဒီမိုကရေစီရေးရာများကို အသေအချာ လေ့လာသင်ယူခဲ့ဖူးသူ  မဟုတ်ဘဲ ဆရာဝန်လုပ်ငန်း ပိုအားသန်သူဟု ၎င်းနှင့်အတူ ရက် ၂၀ ကြာ နိုင်ငံရေးဆိုင်ရာသင်တန်း တက်ဖူးသူတစ်ဦးက ပြန်ပြောင်းပြောပြသည်။ သို့သော် သင်ယူရန်လေ့လာအားသန်သူဖြစ်ပြီး အတတ်မြန်သူဖြစ်သည်ဟု ဆိုသည်။

လုပ်ဖော်ကိုင်ဖက်ပါတီဝင်အချို့၏ အဆိုအရ ပါတီဝင်စ ဒေါက်တာလဲ့လဲ့မော်မှာ မာနထောင်လွှားခြင်းမရှိဘဲ ခပ်ရို့ရို့သာ နေထိုင်တတ်ပြီး နာခံတတ်သူဖြစ်သည်။

ထိုသို့ဖြင့် ၂၀၁၅ ရွေးကောက်ပွဲတွင် အနိုင်ရသော တိုင်းဒေသကြီးလွှတ်တော်ကိုယ်စားလှယ် ဖြစ်လာသည်။ အမျိုးသားဖြစ်သူနှင့်အတူ နေထိုင်သော သရက်ချောင်းမြို့နယ် မဲဆန္ဒနယ်မှ ဝင်ရောက်ယှဉ်ပြိုင်သည်။ တနင်္သာရီတိုင်းဒေသကြီးဝန်ကြီးချုပ် ဖြစ်လာသည်။ သူ့ကို ဝန်ကြီးချုပ်အဖြစ်  ရွေးချယ်လိုက်ခြင်းကို တနင်္သာရီတိုင်းဒေသကြီးရှိ ထိပ်ပိုင်းပါတီတာဝန်ရှိသူအချို့ကပင် အံ့ဩကြသည်။

တနင်္သာရီတိုင်းဒေသကြီး NLD  ပါတီဥက္ကဋ္ဌဦးအောင်စိုး၏ ခယ်မဖြစ်သဖြင့် ဝန်ကြီးချုပ်အဖြစ်တာဝန် ပေးခံခဲ့ရကြောင်း အများက ထင်မြင်ယူဆထားခြင်းခံရသူဖြစ်သည်။ သို့သော်လည်း ထိုသို့ယူဆချက်မှာ မဟုတ်ကြောင်း ဒေါက်တာလဲ့လဲ့မော်က ငြင်းဆိုဖူးသည်။

ဝန်ကြီးချုပ်ဖြစ်လာခါစရေး- ထားဝယ်အဝေးပြေးလမ်းအရည်အသွေးကို ရှောင်တစ်ခင်စစ်ဆေးပြီး အရာရှိအချို့ကို အရေးယူခဲ့ဖူးသည်။ ဆိုင်ကယ်လိုင်စင်များကို ငွေကြေးယူလုပ်ဆောင်မှုရှိသည်ဟု ဆိုကာ ကညနအရာရှိနှင့် ဝန်ထမ်းအချို့ကိုလည်း အရေးယူခဲ့ဖူးသည်။ ထိုစဉ်က လက်ခုပ်သံအတော်ရခဲ့ဖူးသည့်ကိစ္စ ဖြစ်သည်။ ရှင်းရှင်းဘွင်းဘွင်း ပြောတတ်မှုကြောင့်လည်း လူသိများသူဖြစ်သည်။

သို့သော် များမကြာမီလေယာဉ်ကွင်း ခြုံရှင်းကိစ္စမှ မီးခိုးကြွက်လျှောက်စဖြစ်တော့သည်။ ယင်းမှာလည်း ထားဝယ်တက္ကသိုလ်အလောတကြီး ခြုံရှင်းရန် လိုအပ်ခဲ့ရာမှ ဆက်နွှယ်ဖြစ်ပွားလာခြင်း ဖြစ်သည်။ လူသိများအဆိုးဝါးဆုံးမှာ ထားဝယ်ခရိုင်ကို လျှပ်စစ်ဓာတ်အားပေးရန် GGS ကုမ္ပဏီနှင့် ချုပ်ဆိုခဲ့သော စာချုပ် ဖြစ်သည်။

GGS ကို လျှပ်စစ်ဓာတ်အားလုပ်ပိုင်ခွင့်ပေးလိုက်ကြောင်း ရှင်းလင်းပွဲကို ထားဝယ်မြို့တော်ခန်းမတွင် ကျင်းပခဲ့စဉ်က တိုင်းဒေသကြီးအစိုးရအဖွဲ့နှင့် GGS ကုမ္ပဏီတို့ ချုပ်ဆိုထားသောစာချုပ်ကို ထုတ်ဖော်ပြသခဲ့သည်။

ထုတ်ပြန်လိုက်သော ယင်းစာချုပ်တွင်ဖြည့်သွင်းအတည်ပြုရခြင်း မရှိသေးသော ကွက်လပ်များပါဝင်မှုကြောင့် များစွာဝေဖန်စရာဖြစ်ခဲ့သည်။ နောက်ဆုံးထိုကိစ္စကို ကွက်လပ်တိုင်းဌာနီဟု ဝေဖန်ရေးသားခဲ့သော တနင်္သာရီအပတ်စဉ်ဂျာနယ်ကို မဲဆွယ်အပြုံးသရော်စာတစ်ပုဒ်အကြောင်းပြု၍ တရားစွဲဆိုခဲ့သည်။

တရားစွဲဆိုရာတွင် မဲဆွယ်အပြုံးအမည်ရ သရော်စာကို စွဲဆိုခဲ့သော်လည်း ယင်းမတိုင်မီ ကွက်လပ်တိုင်းဌာနီဟူသော ဆောင်းပါးသရော်စာတစ်ပုဒ် ပုံနှိပ်ဖော်ပြဖူးသည်။

ယင်းသရော်စာမှာ GGS နှင့်ချုပ်ဆိုထားသော စာချုပ်အကြောင်း သရော်ရေးသားထားသော ဆောင်းပါးဖြစ်သည်။ တရားစွဲဆိုရာတွင် မဲဆွယ်အပြုံးသရော်စာကို အခြေခံ အမှုတည်ဆောက်စွဲဆိုခဲ့သော်လည်း ကွက်လပ်တိုင်းဌာနီသရော်စာသည် ဝန်ကြီးချုပ်မကျေနပ်မှု အရင်းခံလာခဲ့သော သရော်စာဖြစ်ပုံရသည်။

GGS ကုမ္ပဏီနှင့် တိုင်းအစိုးရအဖွဲ့တို့ ချုပ်ဆိုထားသော ကွက်လပ်စာချုပ်တစ်ခုလုံးမှာ မီဒီယာမှတစ်ဆင့် အများပြည်သူသို့ ပျံ့နှံ့သွားခဲ့ပြီးများစွာ ဝေဖန်စရာဖြစ်ခဲ့သော်လည်း တိုင်းဒေသကြီး အစိုးရအဖွဲ့မှာ ဝေဖန်ထောက်ပြသောမီဒီယာကိုတရားစွဲခဲ့သည်။

နိုင်ငံရေးဝါနုပြီးပါတီတွင်လည်း စီနီယာကျခြင်း မရှိသူ၊ မူလက ခပ်ရိုးရိုးအေးအေးနာခံတတ်သူတစ်ဦးမှာ ထိုသို့သော ကွက်လပ်စာချုပ်ချုပ်ဆိုရဲခြင်း၊ ဝေဖန်သူများကို မျက်ကွယ်ပြုကာ နောက်ဆုံးဝန်ကြီးချုပ်ဖြစ်လာပြီး ၂နှစ် မပြည့်မီတွင်ပင် မီဒီယာကို တရားစွဲဆိုရဲခြင်းတို့မှာ မသိနားမလည်မှုကြောင့်လည်း ဖြစ်နိုင်သည်။ ယင်းအပြင် ထိုသို့ပြုမူဆုံးဖြတ်ရန် မီးစိမ်းပြသူ၊ မြှောက်ပေးသူအချို့ကြောင့်လည်း ဖြစ်နိုင်သည်။

ဝန်ကြီးချုပ်အမှားလုပ်သည်ရှိပါက စောစောစီးစီးသတိပေးထိန်းသိမ်းရမည့် အစား မြှောက်ပင့်ပေးသူအချို့ကြောင့် ဖြစ်နိုင်သည်။ မည်သူတို့က ကြိုးကိုင်မြှောက်ပေးခဲ့ကြသနည်း။

မြန်မာနိုင်ငံရှိ နာမည်ကြီးဘဏ်လုပ်ငန်းရှင်တစ်ဦးအပါအဝင် GGS နှင့်ပတ်သက်ဆက်နွှယ်သော ကုမ္ပဏီအချို့ တနင်္သာရီတိုင်းဒေသကြီးသို့ ရောက်လာပြီး စီးပွားရေးလုပ်ငန်းများ လာရောက်ကြည့်ရှုကွင်းဆင်းခဲ့သေးသည်။

အချို့ကွင်းဆင်းခရီးစဉ်များကို ဝန်ကြီးချုပ်ကိုယ်တိုင် လိုက်ပါခဲ့သည်။

ယင်းကိစ္စများကို သတင်းမီဒီယာအပါအဝင် လူထုက လူမှုကွန်ရက်မီဒီယာတို့မှ တစ်ဆင့် ဝေဖန်ပြောဆိုကြသော်လည်း နားမထောင်သည့်အပြင် အခြေအနေမှာ ပိုဆိုးလာခဲ့သည်။

နောက်ဆုံး GGS ကုမ္ပဏီ၏ သဘာဝဓာတ်ငွေ့ဖိုးအကြွေးကိစ္စ ဖြစ်လာသည်။ ဒေသတွင်းသတင်းမီဒီယာများက ဦးစွာဝေဖန်ထောက်ပြခဲ့သည်။ နောက်ဆုံး တနင်္သာရီတိုင်းဒေသကြီးအမျိုးသားလွှတ်တော် ကိုယ်စားလှယ်တစ်ဦးက လွှတ်တော်တွင် မေးမြန်းသည့်အချိန်တွင် တိုင်းသိပြည်သိဖြစ်သွားသည်။

ယင်းအချိန်ထိဝန်ကြီးချုပ်နှင့်  GGS တာဝန်ရှိသူများမှာ သပွတ်အူကို ဖြည်ထုတ်ရန် မကြိုးစားခဲ့ကြပါ။

ယခု တရားစွဲဖမ်းဆီးခံရထားရသော GGS ၏ ဒါရိုက်တာဦးအောင်မြတ်က ထားဝယ်မြို့တော်ခန်းမတွင် ပြုလုပ်သော GGS အကြွေးကိစ္စလူထုရှင်းလင်းပွဲတွင် ပြည်ထောင်စုအစိုးရအဖွဲ့ကိုပင် လျှပ်စစ်မီတာခ လာညှိပေးရန် စိန်ခေါ်သည့် စကားပြောခဲ့သည်။ ထားဝယ်ဒေသတွင် လက်ရှိကောက်ခံနေသော တစ်ယူနစ် ၂၀၀ ကျပ်ကျသင့်သည့် လျှပ်စစ်မီတာခဖြင့် ကုမ္ပဏီလည်ပတ်ရန်မကိုက်ဟုဆိုကာ ထိုသို့ ပြောဆိုခဲ့ခြင်းဖြစ်သည်။ အကြွေးကိစ္စ မေးခွန်းထုတ်ခဲ့သည့် အမျိုးသားလွှတ်တော်ကိုယ်စားလှယ်ကိုလည်း ကိုယ်နှုတ်မယဉ်ကျေးစွာ တုံ့ပြန်ဝေဖန်ပြောဆိုခဲ့သည်။

ထိုမျှအထိ အတင့်ရဲလုပ်ဆောင်လာခဲ့ခြင်းမှာ ဝန်ကြီးချုပ်ဒေါက်တာလဲ့လဲ့မော်တစ်ကိုယ်တည်းနှင့် နီးစပ်မှု အရှိန်သက်သက်ဖြင့် မဟုတ်တန်ရာခဲ့ပါ။

ထို့ကြောင့် ပါတီတွင်းအထက်အောက်ဆက်ဆံရေးကိစ္စအပေါ် များစွာမေးခွန်းထုတ်စရာ ဖြစ်သည်။ ဝန်ကြီးချုပ်ထင်တိုင်းကြဲနေသည့်ကိစ္စကို ပြန်ထိန်းနိုင်သည့် ပါတီတွင်းယန္တရားမရှိသည်ကိုလည်း ရှင်းရှင်းလင်းလင်း တွေ့ရသည်။

သာ၍ဆိုးသည်မှာ ဝန်ကြီးချုပ်နှင့် GGS ကုမ္ပဏီသည် တနင်္သာရီတိုင်းဒေသကြီးလွှတ်တော်၏ အခန်းကဏ္ဍ မျက်ကွယ်ပြုပြီး ထင်ရာလုပ်ခွင့်ရှိခဲ့ခြင်း ဖြစ်သည်။

GGS ကုမ္ပဏီကို လုပ်ပိုင်ခွင့်ချပေးပြီးနောက် တိုင်းဒေသကြီးလွှတ်တော်က ကြားနာပွဲပြုလုပ်ခဲ့သော်လည်း ယခုဖမ်းဆီးခံထားရသော ကုမ္ပဏီအဓိကတာဝန်ရှိသူများ မတက်ရောက်ခဲ့ပေ။ GGS  ကုမ္ပဏီတာဝန်ခံဟု လက်မှတ်ထိုးသူများသာ တက်ရောက်ခဲ့ပြီး ယင်းတာဝန်ခံများအနက်တစ်ဦးမှာ တနင်္သာရီတိုင်းဒေသကြီး NLD ပါတီ ဥက္ကဋ္ဌ၏ သမက်ဖြစ်သူဖြစ်သည်။ ဆိုလိုရင်းမှာ တိုင်းဒေသကြီးပါတီဥက္ကဋ္ဌ၏ သမက်ဖြစ်သူမှာ GGS  ကုမ္ပဏီတွင် ဝင်ရောက်လုပ်ကိုင်နေခြင်း ဖြစ်သည်။

ယင်းအပြင် GGS ကုမ္ပဏီက ဆောင်ရွက်နေသည့် သရက်ချောင်းငါး လေလံဈေးတည်ဆောက်မှု အစီရင်ခံစာတင်ပြရန် လွှတ်တော်ကဆုံးဖြတ်ခဲ့သော်လည်း တိုင်းဒေသကြီးအစိုးရက မလိုက်နာခဲ့ပေ။

ထိုကြောင့်ထင်ရှားသည်မှာ တိုင်းဒေသကြီးလွှတ်တော်၏ အထိန်းအကျောင်းကိုလည်း လက်သင့်မခံခဲ့ဘဲ တနင်္သာရီတိုင်းဒေသကြီးအစိုးရက မထီမဲ့မြင်ပြုခဲ့သည်။

အာဏာရပါတီအနေနှင့် ဒီမိုကရေစီစနစ်ကိုသာ အမှန်တကယ်ယုံကြည်ပါက ဥပဒေပြုရေးမဏ္ဍိုင်နှင့် အုပ်ချုပ်ရေးမဏ္ဍိုင်ဖြစ်သော အစိုးရတို့အပြန်အလှန် ထိန်းကျောင်းမှုကို အားပေးထိန်းသိမ်းရမည်ဖြစ်သည်။ သို့သော် တိုင်းအစိုးရက လွှတ်တော်၏အထိန်းအကျောင်းကို လက်သင့်မခံဘဲ ပေယျာလကန်ပြုခဲ့သည်။

ပို၍အံ့ဩဖွယ်ကောင်းသည်မှာ ပါတီတာဝန်ရှိခေါင်းဆောင်အချို့ကလည်း ယင်းသို့ဖြစ်ပျက်နေသည်ကို မသိချင်ဟန်ဆောင်ခဲ့ကြသည်။

အကယ်၍ထိုကိစ္စကို အမှန်တကယ်မသိခဲ့ပါဆိုပါက ပါတီ၏ ပြည်သူ့ဆက်သွယ်ရေးလမ်းကြောင်းပုံစံကို မေးခွန်းထုတ်ဖွယ်ရာပင် ဖြစ်သည်။ မည်သို့သော သူများထံမှ စကားများကို မည်သို့နားထောင်နေသနည်း၊ လူထုအသံကို နားထောင်ရန် မည်သို့သော စနစ်ချထားသနည်းဟု မေးခွန်းထုတ်ရတော့မည်ဖြစ်သည်။

တနင်္သာရီတိုင်းဒေသကြီးလွှတ်တော်တာဝန်ရှိသူများမှာ နောက်ဆုံးတွင် သမ္မတထံအစီရင်ခံစာတင် တိုင်တန်းရသည့် အနေအထား ဖြစ်သွားခဲ့သည်။ ယင်းမှာ တိုင်းဒေသကြီးလွှတ်တော်မှာ ပြည်ထောင်စုအစိုးရအဖွဲ့၏ လက်အောက်တွင် ရှိနေသကဲ့သို့ဖြစ်သွားခဲ့ပြီး ဒီမိုကရေစီနှင့် ပြည်ထောင်စုစနစ်၏ အလေ့အထကို ပျက်ယွင်းသွားစေခဲ့သည်။

၂ နှစ်ကျော်ကာလအတွင်း အောက်ခြေတွင် မြင်မကောင်း၊ ရှုမကောင်းကိစ္စများ ဖြစ်ပျက်နေသော်လည်း ပါတီဗဟိုက ထိန်းကျောင်းနိုင်ခြင်းမရှိသည့်အပြင် ပို၍ဆိုးလာသည်။

နေပြည်တော်မှ တာဝန်ရှိသူအချို့ကလည်း အောက်ခြေတွင် အမှန်တကယ်ဖြစ်ပျက်နေသည်များကို တိတိကျကျသိရှိပုံ မရပေ။ အောက်ခြေတွင် ဖြစ်ပျက်နေသည်များကိုလည်း အချိန်မနှောင်းမီသိရှိနိုင်သည့် ဆက်ဆံရေးလမ်းကြောင်းများ ဖွင့်ထားပုံမရပေ။ သတင်းမီဒီယာများ၏ အသံ၊ လူထု၏ အသံကို မည်သို့နားထောင်ခဲ့သည်ကိုလည်း မေးခွန်းထုတ်စရာပင်ဖြစ်သည်။

နောက်ဆုံးတွင် ဖုံးမရ၊ ဖိမရ အကုန်ပေါ်တော့မှ အရေးမယူ၍ မရသည့် အခြေအနေဖြစ်သွားခဲ့ပုံရသည်။

နိုင်ငံရေးသက်တမ်းခပ်နုနုဆရာဝန်တစ်ဦး တစ်မုဟုတ်ချင်း ဝန်ကြီးချုပ် ဖြစ်လာသည်။ ထို့နောက်နှစ်ပိုင်းအတွင်း စည်းဘောင်လွတ်လုပ်ရဲကိုင်ရဲရှိလာအောင် မည်သူတို့က မည်ကဲ့သို့မွမ်းမံသွန်သင်အခါတော်ပေးခဲ့သည်၊ မည်သည့်အတွင်းဝန်းကျင်စနစ်ဆိုးက ဖျက်ဆီးခဲ့သည်ဆိုသည်မှာ စိတ်ဝင်စားဖွယ်ရာဖြစ်သည်။

အချို့ကတော့ တနင်္သာရီဝန်ကြီးချုပ်ကိစ္စမှာ ခုတ်ပစ်လိုက်ရသည့် အပင် တစ်ပင်ကိစ္စဟု ပြောကြလိမ့်မည်။ သို့သော် ထိုအပင်ကို ထိုမျှကြီးမားခိုင်မာလာပြီး လူသိထင်ရှားဖြစ်လာသည်အထိ ဖြစ်လာစေခဲ့သော ရေခံမြေခံစနစ်၊ ဘေးပန်းအခြေအနေတို့ကိုလည်း ကြည့်ရန်လိုသည်။

စနစ်ဆိုးသည်လူကောင်းကိုပင် ဖျက်ဆီးတတ်သည် မဟုတ်ပါ၏လော။

ရှင်းရှင်းဆိုရသော် တနင်္သာရီဝန်ကြီးချုပ်ကိစ္စသည် လူတစ်ဦးချင်းမကောင်းမှု ပြဿနာမဟုတ်ပါ။ သူတစ်ဦးတည်း မကောင်းမှုပြဿနာလည်း မဟုတ်ပါ။ စနစ်ပြဿနာ ဖြစ်သည်။

ပါတီတွင်းစနစ် ပြဿနာလည်း ဖြစ်သလို၊ နေပြည်တော်နှင့် ပြည်နယ်/တိုင်းဒေသကြီးအစိုးရတို့အကြား တည်ဆောက်ထားသော စနစ်ပြဿနာ၊ ဆက်ဆံရေးလမ်းကြောင်း ပြဿနာလည်း ဖြစ်သည်။

အခါမလပ်ကြီးကြပ်ထိန်းကြောင်းရမည့် စနစ်တည်ဆောက်ခြင်းကို လျစ်လျူရှုပြီး လူ-လူချင်းဆက်ဆံရေးစနစ်ကို ဦးတည်ထားလွန်းသော ပြဿနာ ဖြစ်သည်။

ယင်းကိစ္စအတွက် စနစ်ဆောက်ရန် တာဝန်ရှိသူများ အားလုံးတာဝန်ယူရပါလိမ့်မည်။ သို့သော် နေပြည်တော်မှ အမျက်တော်ရှအပြစ်ပေးခံရသူမှာတော့ လေးပစ်သူ ဘုရားကျွန်တော်မျိုးမတစ်ဦးတည်း ဖြစ်လေသည်။

ခွန်းသု

You may also like...

Leave a Reply

Your email address will not be published. Required fields are marked *