ဈေးကွက်အတွင်း ရောင်းချမည့် စားသုံးဆီများ စံချိန်စံညွှန်းသတ်မှတ်ချက် ထုတ်ပြန်မည်

ရန်ကုန်၊ မတ် ၁၅

ကျန်းမာရေးနှင့် ညီညွတ်သော စားသုံးဆီများ ဝယ်ယူစားသုံးနိုင်ရန် ဈေးကွက်အတွင်း ရောင်းချမည့်ဆီများကို အရည်အသွေးနှင့် စံချိန်စံညွှန်းသတ်မှတ်ချက်များထုတ်ပြန်နိုင်ရန် ဒုတိယသမ္မတ (၁) ဦးမြင့်ဆွေ ဦးဆောင်သည့် ပုဂ္ဂလိကကဏ္ဍဖွံ့ဖြိုးတိုးတက်ရေးကော်မတီသို့ တင်ပြထားကြောင်း မြန်မာနိုင်ငံဆီစက်ပိုင်ရှင်များ အသင်းဒုတိယ ဥက္ကဋ္ဌ (၁) ဦးထွန်းထွန်းဦးက ပြောကြားသည်။

ပြည်တွင်းဆီလုပ်ငန်းရှင်များ စုပေါင်းကာ စားသုံးဆီအရည်အသွေးနှင့် စံသတ်မှတ်ချက်နှင့် ပတ်သက်သည့် အလုပ်ရုံဆွေးနွေးပွဲပြုလုပ်ခဲ့ပြီး ယင်းဆွေးနွေးပွဲမှ ရရှိသည့် အချက်များစုစည်း၍ ပြည်ထောင်စုမြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များအသင်း ချုပ် (UMFCCI) မှတစ်ဆင့် ဒုတိယသမ္မတသို့ တင်ပြခြင်းဖြစ်ကြောင်း ၎င်းက ဆိုသည်။

အဓိကအားဖြင့် စားသုံးဆီများအတွင်း ဓာတုဗေဒနည်းဖြင့် ပြုလုပ်ထားသည့် အနံ့များ ထည့်သွင်းမရောင်းချရန်၊ ရောနှောဆီများတွင် ရောနှောသည့် အမျိုး အစားနှင့် အချိုးအစားကို ဖော်ပြ၍ ရောနှောဆီအဖြစ်သာ မှတ်ပုံတင်ရောင်းချကြရန်နှင့် ရောင်းချသူများသည် သက်ဆိုင်ရာဌာနများ၏ စားသုံးဆီရောင်းချခွင့် လက်မှတ်ရရှိမှသာ ရောင်းချရန် စသည့် အချက်များပါဝင်ကြောင်း ၎င်းက ဆိုသည်။

“ဒါတွေ မထုတ်ပြန်နိုင်တဲ့အတွက် ဓာတုအနံ့သုံးပြီး မမှန်မကန်ရောင်းနေတာတွေ၊ လိမ်ရောင်းနေတာတွေက ကြီးစိုးပြီးတော့ ဈေးကွက်ရဲ့ ၇၀ ရာခိုင်နှုန်း၊ ၈၀ ရာခိုင်နှုန်းက ဒီဟာတွေ(ဓာတုအနံ့ အသုံးပြုရောနှောဆီ) ဖြစ်သွားတယ်။ ဒီအတွက် မှန်မှန်ကန်ကန်ထုတ်လုပ်သူတွေလည်း မရပ်တည်နိုင်ဘူး။ စားသုံးသူတွေလည်း လိမ်ညာခံနေရတယ်။ ရောဂါဘယတွေနဲ့ ဆိုးကျိုးတွေကြုံရတဲ့ သဘော ရှိတယ်”ဟု ၎င်းက ဆိုသည်။

မြန်မာနိုင်ငံဆီစက်ပိုင်ရှင်များအသင်းက တင်ပြသည့်အချက်များကို အစိုးရက စိစစ်အတည်ပြုမည်ဖြစ်ပြီး ယင်း အတည်ပြုချက်ပါ သတ်မှတ်စံချိန်စံညွှန်းအတိုင်း စားသုံးဆီရောင်းချရမည်ဖြစ်ကြောင်း ၎င်းက ဆိုသည်။

မြန်မာနိုင်ငံတွင် တစ်ဦးချင်းဝင်ငွေနိမ့်ကျမှုကြောင့် ပဲဆီ၊ နှမ်းဆီများ အစားပြည်ပမှ အဓိကတင်သွင်းသည့် စားသုံးဆီကို အဓိကစားသုံးကြပြီး ဟင်းသီးဟင်းရွက်ဆီ (Vegetable Oil)၊ ချက်ပြုတ်ရန် ဆီ (Cooking Oil) ဟုဆိုကာ ရောင်းချသည့် ရောနှောဆီများကိုလည်း စားသုံးမှုတွင်ကျယ်နေကြောင်း ဈေးကွက်အတွင်းမှ သိရသည်။     

You may also like...

Leave a Reply

Your email address will not be published. Required fields are marked *