ကိုရီးယားနှင့် ပူးပေါင်းဖွင့်လှစ်သည့် International Studies ဒီပလိုမာ

ရန်ကုန်တက္ကသိုလ် နိုင်ငံတကာဆက်ဆံရေးပညာဌာနနှင့် ကိုရီးယားအစိုးရတို့ ပူးပေါင်းဖွင့်လှစ်ထားသော Myanmar-Korea Centre for International Studies (KIS) တွင် ဘွဲ့လွန်ဒီပလိုမာတန်းအနေနှင့် Diploma in International Studies သင်တန်းကို ၂၀၁၃ ခုနှစ်မှ စတင်ဖွင့်လှစ်သင်ကြားလာခဲ့ရာ ယခုနှစ်တွင် 7 th Batch အဖြစ် ဖွင့်လှစ်မည်ဖြစ်သည်။ အဆိုပါသင်တန်းနှင့် ပတ်သက်သည်များ၊ တက်ရောက်လိုသူများအတွက် အသုံးဝင်မည့်အကြောင်းအရာများကို နိုင်ငံတကာဆက်ဆံရေးပညာဌာနဌာနမှူး ပါမောက္ခ ဒေါက်တာချာချောစိန်က ဖြေကြားပေးထားပါသည်။

သင်ကြားသောဘာသာရပ်များ

ပြီးခဲ့သည့်ပညာသင်နှစ် ၂၀၁၇-၂၀၁၈(6 th Batch) တွင် သင်ကြားသော ဘာသာရပ်များမှာ Introduction to International Relations, History of International Relations, Theories of International Relations, Foreign Policy Analysis, Principles of Economics, International Political Economy, International Relations in East Asia, International Development or International Law and Organizations တို့ဖြစ်ပြီး ထပ်မံဖွင့်လှစ်မည့် သင်တန်းများတွင်လည်း ပင်မဘာသာရပ် ပြောင်းလဲမှုရှိမည် မဟုတ်ဘဲ လတ်တလော အသစ်ဖြစ်ပေါ် သည့် အကြောင်းအရာများပေါ်တွင် မူတည်သည့် အပြောင်းအလဲသာရှိမည် ဖြစ်သည်။ စီးပွားရေး၊ နိုင်ငံရေး၊ နိုင်ငံတကာဥပဒေ၊ လူ့အခွင့်အရေး စသည်နှင့် ဆက်စပ်သည်တို့ကို အရှေ့၊ အနောက်မော်ဒယ်လ်အမျိုးမျိုးဖြင့် အဓိက သင်ကြားခြင်းဖြစ်သည်။

သင်တန်းဝင်ခွင့်

သင်တန်းဝင်ခွင့်အတွက် ဝင်ခွင့် စာမေးပွဲ ဖြေစရာမလိုဘဲ လူတွေ့စစ်ဆေးမှု ဖြေဆိုရသည်။ အင်္ဂလိပ်ဘာသာစကား ကျွမ်းကျင်မှု၊ ဘာသာရပ်လေ့လာနိုင်စွမ်း အလားအလာပေါ်မူတည်ပြီး ရွေးချယ်သည်။ သင်တန်းကြေးပေးသွင်းရန် မလိုပေ။ မေလတွင် လျှောက်လွှာခေါ်ယူလေ့ရှိပြီး လျှောက်လွှာတွင် Essay ရေးသားတင်ပြရသည်။ သင်တန်းသား ၃၀ ခန့် လက်ခံသင်ကြားသည်။ စာမေးပွဲ ဖြေဆိုမှုပုံစံမှာ Close Book ဖြစ်သည်။

သင်ကြားမှု

အခြားဒီပလိုမာတန်းများထက်ပို၍ စာသင်ချိန်တိုးမြှင့်ထားပြီး သင်တန်းကာလ လေးလသာဖြစ်သည်။ ဘာသာရပ်အချို့ကို ကိုရီးယားသမ္မတနိုင်ငံ Chung- Ang University မှ ပါမောက္ခများက လာရောက်သင်ကြားသည်။ လတ်တလော တွင် ယင်းသို့ ပညာရှင်များ ပိုမိုလာရောက်နိုင်ရေး တောင်းဆိုထားသည်။

တက်ရောက်သူများ

KIS စတင်ဖွင့်လှစ်စဉ်က ဆရာ၊ ဆရာမများ အရည်အသွေး ဖွံ့ဖြိုးတိုးတက်ရေးအတွက် ရည်ရွယ်ကာ တစ်နိုင်ငံလုံးရှိ နိုင်ငံတကာဆက်ဆံရေး ပညာဌာနများမှ ဆရာ၊ ဆရာမများ၊ အစိုးရဌာနဆိုင်ရာ ဝန်ထမ်းများ၊ ရန်ကုန်နိုင်ငံခြားဘာသာတက္ကသိုလ်မှ ဆရာ၊ ဆရာမများကို သင်ကြားပေးခဲ့ကာ စစ်ဘက်ဆိုင်ရာအဖွဲ့အစည်းမှ အရာရှိများလည်း ပါဝင်တက်ရောက်ခဲ့သည်။ နောက်ပိုင်းတွင် အခြားသော စိတ်ဝင်စားသူ သင်တန်းသားများ တက်ရောက်ကြသည်။

စတင်တည်ထောင်ခြင်း

KIS အဖြစ်မဖွင့်လှစ်ခင်က ရန်ကုန်တက္ကသိုလ်၊ ကိုရီးယားသမ္မတနိုင်ငံ Chung-Ang တက္ကသိုလ်နှင့် အမေရိကန် ပြည်ထောင်စု John Hopkins တက္ကသိုလ်တို့ ပူးပေါင်းကာ ICoE (International Center of Excellence) တည်ထောင် ဖွင့်လှစ်ခဲ့ပြီး John Hopkins မပါဝင်တော့ချိန်တွင် KIS အဖြစ် ဖွင့်လှစ်ခဲ့ခြင်းဖြစ်သည်။

အလားအလာရှိ အစီအစဉ်

ယခုသင်တန်းသည်လည်း နိုင်ငံတကာဆက်ဆံရေးပညာ ဒီပလိုမာကဲ့သို့ပင် တစ်ချိန်တွင် နိုင်ငံတကာဆက်ဆံရေးမဟာတန်းသို့ ပေါင်းကူးတက်ရောက်နိုင်သော အလားအလာရှိနေရာ ယခုဒီပလိုမာသင်တန်းတွင် အားစိုက်ကြိုးပမ်းထားရန် လိုအပ်မည် ဖြစ်သည်။ 

ဇင်ဇင်သော်

You may also like...

Leave a Reply

Your email address will not be published. Required fields are marked *