ဒဏ်ရာများစွာနှင့် မူဝါဒ

မြန်မာနိုင်ငံ၏ ရခိုင်ပြည်နယ်အရေး၊ ငြိမ်းချမ်းရေးစသော လက်ရှိပြဿနာကြီးများတွင် မြေပြင်အချက်အလက်များ မည်သို့ပင်ရှိစေကာမူ ပါဝင်ပတ်သက်သူများ၊ ဘေးမှရပ်ကြည့်သူများသည် ကိုယ့်အစွဲနှင့် ကိုယ် ယုံချင်ရာ ယုံကြသည်ကို အလွယ်တကူ အကဲခတ်နိုင်သည်။

ရုတ်တရက်ကြည့်လျှင် မူဝါဒချမှတ်သူများ၊ အကောင်အထည်ဖော်သူများအတွက် စိတ်ပျက်အားလျော့စရာဖြစ်သော်လည်း မြန်မာတို့သည် လူသားများသာဖြစ်ပြီး စက်ရုပ်များမဟုတ်သည့်အတွက် အစွဲများ ရှိကြသည်သာ။

ပညာအားနည်း၊ ဗဟုသုတအားနည်းသည့်အပြင် ခေတ်အဆက်ဆက် အမွေဆိုးများရခဲ့ကာ မကျက်သေးသည့်ဒဏ်ရာနှင့် ဒဏ်ရာသစ်များလည်း ရှိနေသည့်အတွက် မြန်မာတို့သည် ပိုအစွဲကြီးသည်၊ ယုံချင်ရာ ပိုယုံလွယ်သည် ဟုဆိုရမည်။

မူဝါဒချမှတ်သူများ၊ ဖော်ဆောင်သူများအနေနှင့် မြန်မာနိုင်ငံသားတို့သည် လူသားများ၊ လူသားများတွင်မှ ဒဏ်ရာများသူများဖြစ်ကြောင်း သဘောပေါက်ပြီး မူဝါဒများ ရေးဆွဲအကောင်အထည်ဖော်ရာတွင် ထိုအကြောင်းကို ထည့်သွင်းစဉ်းစားနိုင်မှသာ မူဝါဒများထိရောက်ပြီး နိုင်ငံ့ပြဿနာကြီးများကို ဖြေရှင်းနိုင်မည်။

အစွဲကြီးခြင်းသည် ပြဿနာဖြစ်သော်လည်း အစွဲကြီးခြင်းကို မူဝါဒတွင်ထည့်သွင်းမစဉ်းစားနိုင်သည့် ပြဿနာက ပိုကြီးသည်။ 

 

အယ်ဒီတာ
၂၁.၃.၂၀၁၉

You may also like...

Leave a Reply

Your email address will not be published. Required fields are marked *