ထိုင်းရွေးကောက်ပွဲ ဖြစ်နိုင်ခြေအလားအလာ နှစ်ရပ်

ယခုဆိုလျှင် ရှစ်နှစ်အတွင်း ပထမဆုံးအကြိမ်ကျင်းပမည့် ထိုင်းရွေးကောက်ပွဲမှာ အချိန်တစ်ပတ်ခန့်သာ (ဤဂျာနယ် ထွက်ချိန်တွင် တစ်ရက်ခန့်သာ) ကျန်တော့သော်လည်း ထိုင်းနိုင်ငံရေးတင်းမာမှုမှာမူ ရွေးကောက်ပွဲရလဒ် မည်သို့ထွက်သည်ဖြစ်စေ ဖြေရှင်းနိုင်ဖွယ် မရှိသေးပါ။  ရွေးကောက်ပွဲရလဒ်အပေါ်အခြေခံ၍ နိုင်ငံရေးမတည်ငြိမ်မှုပုံစံ အမျိုးမျိုးရှိလာနိုင်သော်လည်း နိုင်ငံရေးမတည်ငြိမ်မှုဆိုသည်ကိုမူ ဆက်လက်သယ်ဆောင်သွားဖွယ်ရှိပါသည်။

ဖြစ်နိုင်ခြေအလားအလာ (၁)

လက်ရှိအာဏာသိမ်းဝန်ကြီးချုပ် ပရာယွတ်သာဝန်ကြီးချုပ်အဖြစ် ဆက်လက်ရှိနေမည့် ဖြစ်နိုင်ခြေ အလားအလာ။ ရွေးကောက်ပွဲအပြီးတွင် ထိုင်းအောက်လွှတ်တော်၌ ရွေးကောက်ပွဲအနိုင်ရပါတီများနှင့် ညွှန့်ပေါင်းဖွဲ့၍ လည်းကောင်း၊ ထိုင်းစစ်အစိုးရက ရွေးချယ်ပေးခဲ့သည့် စစ်တပ်လိုလားသော အထက်လွှတ်တော် အမတ်များ၏ ထောက်ခံမှုဖြင့် လည်းကောင်း အာဏာသိမ်းဗိုလ်ချုပ်ကြီးဟောင်း ပရာယွတ်ချန်အိုချာမှာ ဝန်ကြီးချုပ်အဖြစ် ဆက်လက်တာဝန်ယူဦးမည်ဖြစ်သည်။ စစ်တပ်ဆန့်ကျင်သော ပါတီဖြစ်သည့် Thai Raksa Chart ပါတီကို ရွေးကောက်ပွဲဝင်နိုင်သည့် အရည်အချင်းပြည့်မီခြင်း မရှိဟု ပိတ်ပင်နိုင်သလို အခြားသောစစ်တပ်ဆန့်ကျင်သည့် ပါတီများကိုလည်း ဖိအားပေးပါလိမ့်မည်။

ပရာယွတ်အတွက် အားသာချက်မှာ အထက်လွှတ်တော်အမတ်များကို (အမတ်နေရာ ၂၅၀) စစ်အစိုးရက ခန့်အပ်ထားသည်ဖြစ်ရာ အထက်လွှတ်တော်၏ ထောက်ခံမှုရရှိပြီးဖြစ်ခြင်းကြောင့် ဝန်ကြီးချုပ်အဖြစ် အရွေးခံရရန် အောက်လွှတ်တော် မဲ ၁၂၆ မဲသာ လိုအပ်မည့် အားသားချက်ပင် ဖြစ်သည်။ ယင်းအားသာချက်ကြောင့်ပင် လက်ရှိ ဝန်ကြီးချုပ်ပရာယွတ်မှာ ဝန်ကြီးချုပ်တာဝန်ဆက်လက်ရယူနိုင်ခြေပိုများနေခြင်းဖြစ်သည်။

သေချာပေါက်ပြောနိုင်သည်မှာ ရွေးကောက်ပွဲတွင် ပရာယွတ်အနိုင်ရဖို့မှာမူ မည်သည့်နည်းလမ်းနှင့်မျှ မဖြစ်နိုင်ပါချေ။ ပရာယွတ်မှာ ထိုင်းနိုင်ငံတစ်ခွင်လှည့်လည်၍ ဖိနှိပ်သော၊ သည်ခံနိုင်စွမ်းမရှိသော ဝန်ကြီးချုပ်ဟူသည့် ပုံရိပ်ကို လျော့ကျစေရန် ကြိုးပမ်းလျက်ရှိသည်ကို တွေ့ရသည်။ သို့သော် သူ၏ ‘အမာပုံရိပ်’လျော့ကျရေးမဟာဗျူဟာမှာ လက်တွေ့အလုပ်ဖြစ်သည့် အထောက်အထား မတွေ့ရသလို၊ သူ၏ ပါတီပါလန်းပရာချတ်ပါတီကိုလည်း အကြီးအကျယ်ထောက်ခံသည့် အထောက်အထားများ မတွေ့ရပါပေ။

သို့သော် ပါလန်းပရာချတ်ပါတီနှင့် ညွန့်ပေါင်းဖွဲ့ရန် အလားအလာရှိသည့် မဟာမိတ်ပါတီများမှာလည်း ပရာယွတ်ကို ဝန်ကြီးချုပ်အဖြစ် တင်မြှောက်ရန်အခြေအနေလည်း ရှိနေပါသေးသည်။ ဤနေရာတွင် မေးရန်ရှိသည်မှာ ပရာယွတ်သည် ဝန်ကြီးချုပ်အဖြစ် အရပ်သားအစိုးရလက်ထက်တွင် ထိရောက်အောင်စွမ်းဆောင်နိုင်ဖွယ်ရှိပါမည်လောဆိုသည့် မေးခွန်းဖြစ်သည်။

အဖြေမှာ စွမ်းဆောင်နိုင်ဖွယ်မရှိဟုသာ ပြောရပါလိမ့်မည်။ စစ်တပ်အုပ်ချုပ်သည့် ငါးနှစ်တာကာလအတွင်း ပရာယွတ်မှာ အစိုးရဆန့်ကျင်သူများ၊ ဝေဖန်သူများကို သည်းခံနိုင်စွမ်းမရှိသူအဖြစ်သာ တွေ့ခဲ့ရသည်။ ထို့ပြင် ထိုင်းဒေသတစ်ခုနှင့် တစ်ခု စီးပွားရေးဖွံ့ဖြိုးမှုကွာဟမှုကို တံတားထိုးပေးနိုင်မည့် အိုင်ဒီယာအနည်းငယ်သာရှိသူ၊ ထိုင်းစစ်တပ်ကို မြှင့်တင်ခြင်းနှင့် ထိုင်းနိုင်ငံတွင် ဝင်ငွေမညီမျှမှုတိုးမြင့်လာခြင်းကို အထောက်အကူပြုမည့် မူဝါဒများနှင့် ပတ်သက်၍ အိုင်ဒီယာအနည်းငယ်သာရှိသူ အဖြစ်သာ တွေ့မြင့်ခဲ့ရသည်။

ဝန်ကြီးချုပ်ပရာယွတ်၏ စစ်အစိုးရသက်တမ်းငါးနှစ်အတွင်း ထိုင်းအခြေခံ အဆောက်အဦများကို အဆင့်မြှင့်တင်ခြင်း၊ ထိုင်းပညာရေးစနစ်တွင် ကြုံတွေ့နေရသည့် စိန်ခေါ်မှုကြီးများကို ကိုင်တွယ်ခြင်း၊ ထိုင်းတောင်ပိုင်းထကြွမှုများကို ဖြေရှင်းခြင်း၊ ကာလအတန်ကြာကြာမြင့်နေပြီဖြစ်သော နိုင်ငံရေးကသောင်းကနင်းဖြစ်မှုများ အဆုံးသတ်ရေးအတွက် အနည်းငယ်သာ တိုးတက်မှုရှိသည်။ သို့သော် ယင်းဖြစ်ရပ်များမှာ စစ်အစိုးရကာလဖြစ်သည့် ဖိနှပ်သည့်အခြေအနေတွင်သာ ဖြစ်ပွားခဲ့ခြင်းဖြစ်သည်ဟု ဆိုချင်က ဆိုနိုင်ပါလိမ့်မည်။ယခုရွေးကောက်ပွဲ အပြီးတွင်မူ ပရာယွတ်မှာ ယခင်ကထက် ပိုမိုလွတ်လပ်သော အခြေအနေအောက်တွင် ဦးဆောင်ခွင့်ရမည်ဖြစ်သည်။ ရွေးကောက်ပွဲအပြီးတွင် အတိုက်အခံနိုင်ငံရေးသမားများ၊ ပိုမိုလွတ်လပ်သော မီဒီယာများရှိလာမည်ဖြစ်သလို ပြည်သူလူထု၏ ဆန္ဒပြမှုများမှာလည်း ပိုများလာဖွယ်ရှိသည်။ သို့သော် ဝန်ကြီးချုပ်ပရာယွတ်အနေနှင့် အပြင်းအထန်ယှဉ်ပြိုင်ရသည့် နိုင်ငံရေးဝန်ကျင်တွင် ထိရောက်သော စွမ်းဆောင်ရည်ရှိသည့် ခေါင်းဆောင်အဖြစ် ပြသနိုင်ဖွယ်ရှိကြောင်း ယုံကြည်ရလောက်သည့် အကြောင်းအချက် မရှိပါပေ။ ထို့ပြင် ထိုင်းနိုင်ငံတွင် အကွဲအပြဲ နက်ရှိုင်းစွာရှိနေသော ရေရှည်စိန်ခေါ်ချက်ကြီး ဖြစ်သည့် ဘန်ကောက်မြို့တော်အပေါ် ပို၍ အာရုံစိုက်နိုင်စွမ်းရှိမည်ဆိုသည့် ယုံကြည်ရလောက်သော အကြောင်းအချက်လည်း မရှိပါပေ။

ဖြစ်နိုင်ခြေအလားအလာ ၂

ထိုင်းရွေးကောက်ပွဲအပြီး ဒုတိယဖြစ်နိုင်ခြေမှာ စစ်တပ်ဆန့်ကျင့်သည့် ပါတီများညွန့်ပေါင်းဖွဲ့၍ အစိုးရဖွဲ့နိုင်သည့် အောက်လွှတ်တော်အမတ်နေရာ ၃၇၆ နေရာ (လွှတ်တော်နှစ်ရပ်ပေါင်း အမတ်နေရာ ထက်ဝက်ကျော်) ရရှိသွားသည့်  အခြေအနေဖြစ်သည်။ (ထိုင်းအောက်လွှတ်တော်တွင် အမတ်နေရာ ၅၀၀၊ အထက် လွှတ်တော်တွင် အမတ်နေရာ ၂၅၀ စုစု ပေါင်း ၇၅၀ က ဝန်ကြီးချုပ်ကို ရွေးချယ်ခြင်းဖြစ်ပါသည်။) သို့သော် ရွေးကောက်ပွဲကျင်းပသည့် နေ့အထိ ဖိနှိပ်မှုများ ရင်ဆိုင်ကြုံတွေ့နေရသလို၊ လုပ်ထုံးလုပ်နည်းအရလည်းကောင်း အခြေခံဥပဒေအရလည်းကောင်း အတားအဆီးများရှိနေသည့် စစ်တပ်ဆန့်ကျင်သော ညွန့်ပေါင်းအဖွဲ့မှာ အမတ်နေရာ ၃၆၇ နေရာအနိုင်ရရန် ဖြစ်နိုင်ခြေနည်းသည်ဟု ဆိုနိုင်သော်လည်း လုံးဝမဖြစ်နိုင်ဟု မဆိုနိုင်ပါပေ။ ဤအတိုင်းသာ ဖြစ်လာပါက ဖေ့ထိုင်းပါတီ၊ Future Forward ပါတီနှင့် ဖေ့ထိုင်း၏ အဓိကပြိုင်ဘက် ဒီမိုကရက်ပါတီတို့မှာ (ဒီမိုကရက်တစ်ပါတီက ယင်းသို့သော ညွန့်ပေါင်းဖွဲ့ခြင်းကို ငြင်းဆိုထားခြင်း မရှိ) ညွန့်ပေါင်းဖွဲ့၍ ဝန်ကြီးချုပ်နေရာကို ရွေးချယ်နိုင်လောက်သည့် ( ဖြစ်နိုင်ခြေနည်း) အမတ်နေရာအရေအတွက်ကို အနိုင်ရဖွယ်ရှိသည့် အခြေအနေ ဖြစ်သည်။

သို့သော် ယင်းပါတီများကနဦး အောင်ပွဲနောက်တွင် အဓိကကျသော နိုင်ငံရေးအတားအဆီးများ စောင့်ကြိုနေပါတော့သည်။ ထိုင်းစစ်တပ်အနေနှင့် စစ်တပ်ဆန့်ကျင်သော ပါတီညွန့်ပေါင်းအဖွဲ့အာဏာရခြင်းကို လက်ခံခွင့်ပြုဖွယ် မရှိပါ။ စစ်တပ်ဆန့်ကျင်သည့် အရပ်ဘက်ပါတီညွန့်ပေါင်းအဖွဲ့သာ အာဏာရယူခဲ့ပါက ထိုင်းစစ်တပ်ပြုပြင်ပြောင်းလဲမှုများပြုလုပ်ခြင်း၊ ထိုင်းစစ်တပ်ဘတ်ဂျက်များကို လျှော့ချခြင်းနှင့် အရပ်ဘက်ထိန်းချုပ်မှုကို တိုးမြှင့်တည်ဆောက်မှုများ ပြုလုပ်မည်ကို ထိုင်းစစ်တပ်အနေနှင့် ခွင့်ပြုဖွယ် မရှိပါ။

ထိုင်းရွေးကောက်ပွဲကော်မရှင်ကလည်း စစ်တပ်ဆန့်ကျင်သည့် ညွှန့်ပေါင်းအဖွဲ့မှ ကိုယ်စားလှယ်များကို အရည်အချင်း မပြည့်မီကြောင်း သတ်မှတ်ကြေညာမှုများ ပြုလုပ်လာဖွယ်ရှိသည်။ သို့ဖြင့် အချို့သော မဲဆန္ဒနယ်များကို ရွေးကောက်ပွဲပြန်လည်ပြုလုပ်၍ စစ်တပ်ဆန့်ကျင်သည့် ညွန့်ပေါင်းပါတီများအောက် လွှတ်တော်ကို ထိန်းချုပ်နိုင်ခြင်းမရှိအောင် ကြိုးပမ်းဖွယ်ရှိသည်။ ထိုင်းတရားရုံးကလည်း Future Forward ပါတီကို ဖျက်သိမ်းကောင်းဖျက်သိမ်းပစ်နိုင်ဖွယ်ရှိသည်။

ထိုင်းစစ်တပ်နှင့် လွှတ်တော်တွင်းရှိ ထိုင်းစစ်တပ်မဟာမိတ်များက ဖေ့ထိုင်းပါတီ၏ ပြိုင်ဘက်ဒီမိုကရက်တစ်ပါတီကို ပရာယွတ်၏ ပါတီဖြစ်သော ပါလန်းပရာချတ်ပါတီနှင့် ညွန့်ပေါင်းဖွဲ့ရန် ဖိအားပေးဖွယ်ရှိသည်။ ဤအတိုင်းသာဖြစ်ခဲ့ပါက နိုင်ငံရေး မတည်မငြိမ်ဖြစ်မှုများအပြီး နောက်ဆုံးတွင် ပရာယွတ်၏ ပါလန်းပရာချတ်ပါတီ ဦးဆောင်သော ညွန့်ပေါင်းအဖွဲ့က အာဏာရယူသွားဖွယ်ရှိသည်။ စစ်တပ်ဆန့်ကျင်သည့် ညွန့်ပေါင်းပါတီများကို ထောက်ခံခဲ့သည့် မဲဆန္ဒရှင်များအတွက် အကြီးအကျယ်ဒေါသထွက်စရာဖြစ်ဖွယ် ရှိသည်။

နိဂုံးချုပ်ဆိုရပါက ရွေးကောက်ပွဲအပြီး ထိုင်းနိုင်ငံတွင် မည်သို့သောဖြစ်နိုင်ခြေမျိုး ဖြစ်လာသည်ဖြစ်စေ အနာဂတ် အလားအလာမှာမူ အကောင်းမြင်၍မရဟုသာ ဆိုချင်ပါတော့သည်။

စာညွှန်း။       ။ Potential Scenarios in Thailand’s Election

ဉာဏကျော်

You may also like...

Leave a Reply

Your email address will not be published. Required fields are marked *