အပစ်မရပ်မြေတွင် တိုက်ပွဲလျှော့ချနိုင်မည်လော

ငြိမ်းချမ်းရေးစကားဆိုမှုမှာ အပစ်မရပ်ရသေးသည်ဒေသများတွင် သေနတ်သံများကို ချုပ်ငြိမ်းသွားနိုင်မည့် လမ်းစဖြစ်နိုင်ပါ၏လော။

တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် NCA လက်မှတ် မထိုးရသေးသည့် တိုင်းရင်းသားလက်နက်ကိုင်အဖွဲ့ရှစ်ဖွဲ့နှင့် အစိုးရတို့ မတ်လ ၂၁ ရက်နေ့တွင် နေပြည်တော်၌ တွေ့ဆုံကာ ငြိမ်းချမ်းရေးဆွေးနွေးကြသည်။ အစိုးရက ယင်းလက်နက်ကိုင်အဖွဲ့ ရှစ်ဖွဲ့ကို တစ်စုတစ်ဝေးတည်း တွေ့ဆုံခြင်းမှာ ပထမဆုံးအကြိမ်လည်း ဖြစ်သည်။

ယင်းဆွေးနွေးပွဲတွင် တိုက်ပွဲလျှော့ ချရေးအပါအဝင် အချက်ငါးချက်ကို သဘောတူကာ ဆွေးနွေးပွဲအပြီးတွင် ထုတ်ပြန်ခဲ့ကြသည်။ ထို့ကြောင့် အဆိုပါအဖွဲ့များနှင့် ငြိမ်းချမ်းရေးအတွက် လမ်းစပွင့်လာသည်ဟု မျှော်လင့်သူများရှိပြီး မြေပြင်တွင် တိုက်ပွဲပြင်းထန်နေသည့် ရခိုင်အရေးအတွက်မူ ရင်တမမ ဖြစ်နေကြသည်။

“အပစ်ရပ်ကာလ ကုန်သွားတဲ့အချိန်မှာလည်း တိုက်ပွဲတွေ လျှော့ချနိုင်မယ်ဆိုရင် ငြိမ်းချမ်းရေး ပိုကောင်းနိုင်မယ်လို့ ထင်တယ်။ ကျွန်တော်တို့ ဒီတစ်ပတ်ဆွေးနွေးပွဲမှာ အလေးထားဖို့လိုတာတစ်ချက်ကတော့ တိုက်ပွဲအရှိန်လျှော့ချရေးပါပဲ” ဟု တိုင်းရင်းသားအရေး၊ ပြည်တွင်းငြိမ်းချမ်းရေး လေ့လာသုံးသပ်သူ ဦးမောင်မောင်စိုးက မှတ်ချက်ပေးသည်။

သို့သော်လည်း နေပြည်တော်သို့ လာရောက်ဆွေးနွေးသည့် အဖွဲ့ရှစ်ဖွဲ့အနက် ရခိုင်လက်နက်ကိုင်အဖွဲ့ AA နှင့်ပတ်သက် ၍ မျှော်လင့်နိုင်ခြေနည်းနေသည်။ ငြိမ်းချမ်းရေး ဆွေးနွေးနေစဉ်ပင် မြေပြင်တွင် မြန်မာ့တပ်မတော်နှင့် AA တို့ တိုက်ပွဲပြင်းထန်နေဆဲလည်းဖြစ်သည်။

“AA နဲ့ပတ်သက်တဲ့ တိုက်ပွဲတွေလျှော့ချဖို့က လောလောဆယ်မှာ အလားအလာမရှိဘူးလို့ မြင်ပါတယ်” ဟု ဦးမောင်မောင်စိုးက သုံးသပ်သည်။

ဆွေးနွေးပွဲရလဒ်

မြန်မာ့တပ်မတော်က လေးလကြာ တစ်ဖက်သတ်အပစ်ရပ်ပြီးထားသည်မှာ တစ်လကျော်သာ ကျန်တော့သည့်အချိန်တွင် NCA မထိုးရသေးသည့် အဖွဲ့ရှစ်ဖွဲ့နှင့် ငြိမ်းချမ်းဆွေးနွေးမှု စတင်လိုက်နိုင်ပြီ ဖြစ်သည်။

‘၀’ အဖွဲ့ (UWSA)၊ ကချင်အဖွဲ့ (KIO) ၊ မိုင်းလားအဖွဲ့ (PSC)၊ ရှမ်းအဖွဲ့ (SSPP)၊ ကိုးကန့်အဖွဲ့ (MNTJP)၊ ပလောင်အဖွဲ့ (PSLF) ၊ ကရင်နီအဖွဲ့ (KNPP)၊ ရခိုင်အဖွဲ့ AA တို့ကို အမျိုးသား ပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) သည် ငြိမ်းချမ်းရေးဆွေးနွေးရန် ဖိတ်ခေါ်ခဲ့ခြင်းဖြစ်သည်။

မတ်လ ၂၁ ရက်နေ့က နေပြည်တော်တွင် လေးနာရီခန့်အကြာ ဆွေးနွေးမှုအပြီးတွင် အချက်ငါးချက် ပါဝင်သည့် သဘောတူညီချက်တစ်စောင်ကို ထုတ်ပြန်နိုင်ခဲ့ကြသည်။

လက်ရှိဖြစ်ပွားနေသည့် လက်နက်ကိုင်တိုက်ပွဲများ လျှော့ချနိုင်ရေး ဆက်လက်ညှိနှိုင်းရန်၊ တစ်နိုင်ငံလုံး တည်ငြိမ်အေးချမ်းမှုကို ထိန်းသိမ်းနိုင်ရေးအတွက် ဆက်လက်ညှိနှိုင်းကြိုးပမ်းရန်၊ ဒေသဖွံ့ဖြိုးရေးနှင့် ပြည်သူများအရေး နှစ်ဖက်လုံးက အလေးထားဆောင်ရွက်ရန်၊ နိုင်ငံရေးပြဿနာကို နိုင်ငံရေးနည်းလမ်းဖြင့် ညှိနှိုင်းဖြေရှင်းရန် သဘောတူခဲ့ကြခြင်းဖြစ်သည်။

ယင်းအပြင် နှစ်ဖက်အဆုံးအဖြတ်ပေးနိုင်သည့် ပုဂ္ဂိုလ်များပါဝင်သော တွေ့ဆုံဆွေးနွေးမှုများ မကြာခဏ ဆက်လက်ပြုလုပ်သွားရန်လည်း ပါဝင်ခဲ့သည်။

ယင်းအဖွဲ့ရှစ်ဖွဲ့ကို တစ်စုတစ်ဝေးတည်း တွေ့ဆုံနိုင်ခြင်းမှာ ထူးခြားသည့် ဖြစ်ရပ်ဖြစ်ပြီး နှစ်လလျှင်အနည်းဆုံး တစ်ကြိမ်နှုန်း တွေ့ဆုံကြရန် အစိုးရက အဆိုပြုထားကြောင်း၊ အပစ်ခတ်လျှော့ချရေးအတွက် မြန်မြန်ဆန်ဆန် တွေ့ဆုံဆွေး နွေးကြရန်လိုအပ်ကြောင်း နိုင်ငံတော်သမ္မတရုံး၏ ပြောရေးဆိုခွင့်ရှိသူ ဦးဇော်ဌေး က ပြောဆိုသည်။

ယင်းအဖွဲ့ရှစ်ဖွဲ့နှင့် တွေ့ဆုံပွဲက သိသာထင်းရှားသည့် ရလဒ်ကောင်းများ ရရှိခဲ့ကြောင်း ၎င်းကဆိုသည်။

ငြိမ်းချမ်းရေး မရပ်တန့်ရေး

အဆိုပါငြိမ်းချမ်းရေးဆွေးနွေးပွဲမှာ ငြိမ်းချမ်းရေးလုပ်ငန်းစဉ်များ ဆက်လက်လုပ်ဆောင်သွားနိုင်ရန် ကြိုးပမ်းခြင်းဟု သုံးသပ်ချက်များရှိသည်။

ဦးမောင်မောင်စိုးကမူ လက်နက်ကိုင်အဖွဲ့ရှစ်ဖွဲ့နှင့် နေပြည်တော်တွင် ဆွေးနွေးခဲ့သည့် ငြိမ်းချမ်းရေးဆွေးနွေးပွဲမှာ ငြိမ်းချမ်းရေးလုပ်ငန်းစဉ်အတွက် တိုးတက်မှုရှိသည်ဟု မယူဆကြောင်း ပြောဆိုသည်။

“ငြိမ်းချမ်းရေးလုပ်ငန်းစဉ်ကို အလျင်းမပြတ်အောင်တော့ သယ်ဆောင်နိုင်အောင် အသွင်မပျက်အောင်လုပ်တယ်လို့ မြင်ပါတယ်” ဟု ၎င်းက မှတ်ချက်ပေးသည်။ ဆွေးနွေးအပြီး နှစ်ဖက်ထုတ်ပြန်ချက်တွင် ဆက်လက်ဆွေးနွေးရန် သဘော တူညီချက်များကို ထည့်သွင်းထားသည်ကို တွေ့ရသဖြင့် ယင်းသို့ မှတ်ချက်ပြုခြင်း ဖြစ်သည်။

နိုင်ငံရေးအရ၊ စစ်ရေးအရ သဘောတူညီချက် တစ်စုံတစ်ရာရသည်ကို မတွေ့ရသော်လည်း သဘောတူညီချက်တွင် ထူးခြားချက်မှာ စစ်ရေးလျှော့ချရေးအတွက် ကြိုးပမ်းမည်ဆိုသည့်အချက်ဖြစ်ကြောင်း ဦးမောင်မောင်စိုးက ပြောဆိုသည်။

ထို့ကြောင့် တပ်မတော်က တစ်ဖက်သတ် အပစ်ရပ်ထားသည့်ကာလတွင် ယင်းသဘောတူညီချက်ကို ဖော်ဆောင်နိုင်လျှင် ငြိမ်းချမ်းရေးအတွက် အလားအလာ ကောင်းသွားနိုင်ကြောင်း ၎င်းက သုံးသပ်သည်။

ငြိမ်းချမ်းရေးဆွေးနွေးပွဲ တက်ရောက်ခဲ့သည့် ကချင်အဖွဲ့ KIO မှ ဗိုလ်မှူးကြီး ခွန်နောင်ကမူ အဆိုပါဆွေးနွေးပွဲသည် ငြိမ်းချမ်းရေးအတွက် တိုးတက်မှုရှိကြောင်း ပြောဆိုသည်။

“နိုင်ငံရေးကြောင့်ဖြစ်လာတဲ့ ပြဿနာကတော့ ဒီလိုပဲ နိုင်ငံရေးနည်းလမ်းနဲ့ တွေ့ဆုံဆွေးနွေး အဖြေရှာရေးက နည်းလမ်းမှန်တယ်လေ။ ဒီအတိုင်းပဲ ကျွန်တော်တို့ တွေ့ဆုံဆွေးနွေးဖြေရှင်းရေး နည်းလမ်းသာ ဖြေရှင်းဆောင်ရွက်နိုင်တဲ့ နည်းလမ်းဖြစ်ပါတယ်” ဟု ၎င်းက ဆိုသည်။

AA အဖွဲ့က ငြိမ်းချမ်းရေးဆွေးနွေး ပွဲသို့ တက်ရောက်သည့် ဗိုလ်မှူးကြီး ကျော်ဟန်ကမှု စားပွဲဝိုင်းတွင် တွေ့ဆုံစကားပြောဆိုခြင်းမရှိသည့် အခြေအနေမှ စကားပြောဆိုလာသည့် အခြေအနေဖြစ်သဖြင့် တိုးတက်လာသည်ဟု မှတ်ချက်ပေးသည်။

“ထပ်ပြီး ဆွေးနွေးဖို့လည်း အစီအစဉ်ရှိတယ်။ အရင်ထက်တော့ တိုးတက်မှု ရှိပါတယ်”

ရခိုင်မှလွဲ၍

ငြိမ်းချမ်းရေးဆွေးနွေးပွဲမှာ အခြားတိုင်းရင်းသားလက်နက်ကိုင်နယ်မြေများအတွက် ရလဒ်ကောင်းများ ဆောင်ကျဉ်းလာနိုင်ခြေရှိသော်လည်း ရခိုင်ပြည်နယ်အတွက်ကား မသေချာလှ။

ငြိမ်းချမ်းရေးနှင့် လုံခြုံရေးဆိုင်ရာ မြန်မာ့အဖွဲ့အစည်း (MIPS) ၏ အမှုဆောင် ဒါရိုက်တာ ဒေါက်တာ မင်းဇော်ဦးကမူ ရခိုင်ပြည်နယ်မှလွဲလျှင် ကျန်သည့်တိုင်းရင်းသားနယ်မြေများ ငြိမ်းချမ်းရေးအတွက် အလားအလာကောင်းသည်ဟု ယူဆသည်။ ကချင်နှင့် ရှမ်းပြည်နယ်တို့တွင် ကြိုကြားကြိုကြား ထိတွေ့မှုဖြစ်ပွားခြင်းသာရှိပြီး နှစ်ဖက်စစ်ဆင်ရေး ကြီးကြီးမားမား မတွေ့ရတော့ကြောင်း ၎င်းက ဆိုသည်။

“နှစ်ဖက်လုံးက ဘာပဲပြောပြော ဒီကာလမှာ ထိန်းထိန်းသိမ်းသိမ်းလုပ်တယ်လို့ ပြောလို့ရတယ်။ ကချင်နဲ့ ရှမ်းမြောက်မှာဖြစ်နေတဲ့ တိုက်ပွဲတွေတော့ တော်တော် သိသိသာသာကြီးကို လျော့သွားတယ်ပေါ့။ ရခိုင်ဘက်မှာတော့ တိုက်ပွဲတွေ က တိုးလာတယ်” ဟု ဒေါက်တာ မင်းဇော်ဦး က ထောက်ပြသည်။

ရခိုင်ပြည်နယ်တွင် တိုက်ပွဲများ ပြင်းထန်လာပြီး ယခင်က ရခိုင်နှင့် ချင်းပြည်နယ် နယ်နိမိတ်တွင်သာ တိုက်ပွဲဖြစ်သော်လည်း လက်ရှိတွင် ရခိုင်မြောက်ပိုင်းတစ်ခွင် စစ်ရေးကျယ်ပြန့်လာကြောင်း ၎င်းကဆိုသည်။

အစိုးရ၏ သဘောထားကို သုံးသပ်လျှင်လည်း ရခိုင်ပြည်နယ်တွင် AA ကို အခြေစိုက်မှုကို ပြင်းပြင်းထန်ထန် တုံ့ပြန်မည့် အနေအထားဖြစ်သည်။ တပ်မတော်ကလည်း ရခိုင်ပြည်နယ်တွင် AA အခြေစိုက်မည်ကို လုံးဝလက်မခံပေ။

အဖြူရောင်နယ်မြေဖြစ်သည့် ရခိုင်ပြည်နယ်တွင် လက်နက်ကိုင်အဖွဲ့အစည်းအခြေချရန် ကြိုးပမ်းခြင်းသည် ငြိမ်းချမ်းရေး၊ လုံခြုံရေးတို့ကို ခြိမ်းခြောက်နေခြင်းဖြစ်သောကြောင့် အစိုးရက ထိုက်သင့်သည့် လုံခြုံရေးဆောင်ရွက်ချက်များကို လုပ်ဆောင်နေခြင်းသာဖြစ်ကြောင်း NRPC ၏ ဒုတိယဥက္ကဋ္ဌ ဒေါက်တာ တင်မျိုးဝင်းက ပြောဆိုသည်။ ငြိမ်းချမ်းရေးဆွေးနွေးပွဲ အဖွင့်မိန့်ခွန်းတွင် ယင်းသို့ ထုတ်ဖော်ပြောဆိုခြင်းဖြစ်သည်။

“ရခိုင်ပြည်နယ်ရဲ့ အခြေအနေဟာ လက်နက်ကိုင်ပြီးတော့ အခွင့်အရေးတွေတောင်းဆိုနေမယ့်အစား နိုင်ငံရေးစားပွဲဝိုင်းကို လာရောက်ကြဖို့ ဖိတ်ခေါ်လိုကြောင်း အလေးအနက် ပြောကြားလိုပါတယ်” ဟု ၎င်းကဆိုသည်။

AA ကလည်း ရခိုင်ပြည်နယ်တွင် အခြေချတည်ရှိရေးမှာ ၎င်းတို့၏ အဓိကရည်းမှန်းချက်ဖြစ်ပြီး ရခိုင်ပြည်နယ် လုံခြုံအေးချမ်းရေးအတွက် AA က တာဝန်ယူမည်ဟု ခံယူထားကြောင်း ဗ်ိုလ်မှူးကြီး ကျော်ဟန်က ဆွေးနွေးပွဲအပြီးတွင် ထုတ် ဖော်ပြောဆိုခဲ့သည်။

နှစ်ဖက်လုံးက တပ်နေရာချထားရေးတွင် အငြင်းပွားနေသဖြင့် ရခိုင်ပြည်နယ်က တိုက်ပွဲများရပ်ဆိုင်းရေး အလှမ်းဝေးနေဦးမည်ဟု ကောက်ချက်ချသူများလည်းရှိသည်။ လက်ရှိဆွေးနွေးပွဲမတိုင်ခင်ကလည်း တိုက်ပွဲပြင်းထန်ခဲ့သည်။ ဆွေးနွေးကျင်းပသည့်ညတွင်ပင် ဘူးသီးတောင်မြို့နယ်တွင် ပစ်ခတ်မှုကြောင့် အရပ်သားငါးဦးအသက်ဆုံးရှုံးရပြန်သည်။ သို့သော် ငြိမ်းချမ်းရေးဆွေးနွေးနေစဉ် တိုက်ပွဲများ ပြင်းထန်နေခြင်းမှာ ထူးခြားသည့် ဖြစ်ရပ်တော့မဟုတ်။

“ဘာဖြစ်လို့လဲဆိုရင် သဘောတူညီချက် တစ်စုံတစ်ရာမရလို့။ သဘောတူညီချက်ကလည်း ဆက်လက်ဆွေးနွေးရန် သဘောတူသည်ဆိုတာကလွဲလို့ ကျန်တာက မရှိဘူးဆိုတော့ နည်းနည်းခက်ပါတယ်” ဟု ငြိမ်းချမ်းရေးဆွေးနွေးစဉ် တိုက်ပွဲပြင်းထန်မှုအပေါ် ဦးမောင်မောင်စိုးက မှတ်ချက်ပေးသည်။

ဒေါက်တာ မင်းဇော်ဦးကမူ ငြိမ်းချမ်းရေးဆွေးနွေးနေစဉ် ရခိုင်ပြည်နယ်တွင် တိုက်ပွဲပြင်းထန်ခြင်းမဟုတ်ဘဲ တိုက်ပွဲပြင်းထန်နေစဉ် ငြိမ်းချမ်းရေးဆွေးနွေးကြခြင်းဖြစ်ကြောင်း ပြောဆိုသည်။

AA သည် လူထုနှင့်နီးစပ်သည့် နေရာများမှတစ်ဆင့် စစ်ဆင်ရေးများ လုပ်ဆောင်လာပြီး ကျေးရွာများကို အခြေချနိုင်ရန် ကြိုးပမ်းနေသည်ကို တွေ့ရကြောင်း၊ လက်ရှိတွင် ဘူးသီးတောင်၊ မြောက်ဦး၊ ကျောက်တော်၊ ရသေ့တောင်မြို့နယ်တို့ တွင် တိုက်ပွဲများ ပိုမိုများပြားလာသည်ကို တွေ့ရကြောင်း ၎င်းကဆိုသည်။

တပ်မတော်ကလည်း သောင်းကျန်းသူ နှိမ်နင်းရေး စစ်ဆင်ရေးဆင်နွှဲခွင့်ရထားသဖြင့် ရခိုင်ပြည်နယ်တွင် တိုက်ပွဲများမှာ ၂၀၁၉ ခုနှစ် တစ်နှစ်လုံးတွင် ဖြစ်ပွားလာနိုင်ခြေရှိကြောင်း ၎င်းကပြောဆိုသည်။

“အဓိကကတော့ AA နဲ့ တပ်မတော်ကြားမှာ လိပ်ခဲတည်းလည်းဖြစ်နေတာက ရခိုင်ပြည်နယ်ထဲမှာ AA တပ်တည်ဆောက်တဲ့ကိစ္စပေါ့။ ဒီကိစ္စကို နှစ်ဖက် ကြားထဲမှာ နားလည်မှု တည်ဆောက်လို့ မရဘူးပေါ့။ အဲဒီအခြေခံပေါ်မှာတော့ ရခိုင် ပြည်နယ်ထဲမှာ စစ်ပွဲတွေ ဆက်ဖြစ်လာနိုင်တဲ့ အလားအလာကိုတွေ့ရတယ်” ဟု ဒေါက်တာ မင်းဇော်ဦးက သုံးသပ်သည်။

ရခိုင်အမျိုးသားပါတီ၏ အထွေထွေအတွင်းရေးမှူး ဦးထွန်းအောင်ကျော်ကမူ နှစ်ဖက်လုံးက မိမိအကျိုးစီးပွားအတွက် ရပ်တည်နေကြသည့် ပုံစံတွေ့ရကြောင်း ပြောဆိုသည်။

“တစ်ဖက်ကိုတစ်ဖက် အပြစ်တင်နေကြရင်၊ အလျှော့မပေးကြရင်၊ မညှိနှိုင်းကြရင် ငြိမ်းချမ်းရေးရလဒ် အဖြေက ထွက်လာမှာ မဟုတ်ပါဘူး” ဟု ၎င်းက မှတ်ချက်ပေးသည်။

အစိုးရနှင့် တပ်မတော်က ရခိုင် ပြည်နယ်သည် အဖြူရောင်နယ်မြေဖြစ်ပြီး လက်နက်ကိုင်အဖွဲ့ဝင်လာသည်ကို လက်မခံ။ AA ကလည်း ရခိုင်တပ် ရခိုင်တွင်ရှိရမည်ဟု ခံယူထားသည်။ ယင်းကွာဟချက်ကို ညှိနှိုင်းမရလျှင် ရခိုင်ပြည်နယ်က တိုက်ပွဲပြဿနာများကို ဖြေရှင်းနိုင်မည်မဟုတ်ကြောင်း ဦးထွန်းအောင်ကျော်က ဆိုသည်။

ငြိမ်းချမ်းရေးဆွေးနွေးပွဲ ရလဒ်အရဆိုလျှင် တပ်မတော်က အပစ်အခတ်ရပ်စဲသည့်ကာလ ကုန်ဆုံးသွားပါက ရခိုင်ပြည်နယ်မှလွဲ၍ အခြားတိုင်းရင်းသားလက်နက်ကိုင်နယ်မြေများတွင် အခြေအနေကောင်းနိုင်သည့် အလားအလာ ရှိသည်။

“တပ်မတော်လုပ်ထားတဲ့ Cease Fire သက်တမ်းကုန်သွားရင်တောင် အခု ပုံမှန်အတိုင်းနှစ်ဖက်လုံးက ထိန်းသိမ်းထားမယ်ဆိုရင် တိုက်ပွဲအကြီးအကျယ်ဖြစ်နိုင်ခြေတော့ မရှိဘူးဗျ” ဟု ဒေါက်တာ မင်းဇော်ဦးက မှတ်ချက်ပေးသည်။

အခြေအနေ ဆိုးမသွားစေရန် နိုင်ငံရေးဆွေးနွေးပွဲများကို အမြန်ဆုံးလုပ်ဆောင်လုပ်ဆောင်ကာ ညှိနှိုင်းအဖြေရှာကြရန်လည်း ထောက်ပြသူများရှိသည်။ နေပြည်တော်တွင် မတ်လ ၂၁ ရက်နေ့က ကျင်းပသည့် ငြိမ်းချမ်းရေးဆွေးနွေးပွဲတွင် ဆက်လက် ကြိုးပမ်းမည်ဆိုသည်မှအပ နိုင်ငံရေးအရ၊ စစ်ရေးအရ သဘောတူညီချက် တစ်စုံတစ်ရာ မရခဲ့ပေ။ သို့သော်လည်း ငြိမ်းချမ်းရေးတွင် တစ်ဆို့နေသည့်အခြေအနေများကို ဖြေရှင်းရန် မကြာခဏ တွေ့ဆုံညှိနှိုင်းရေးကိုမူ သဘောတူနိုင်ခဲ့ကြသည်။ ထို့အချက်ကြောင့်ပင် အပစ်မရပ်ရသေးသည့် လက်နက်ကိုင်အဖွဲ့များ၏ နယ်မြေတွင် သေနတ်သံချုပ်ငြိမ်းရေးအတွက် မျှော်လင့်ချက်ရှိလာသည်။

ငြိမ်းချမ်းရေးဆွေးနွေးပွဲနှင့် ပတ်သက်၍ တိုင်းရင်းသားအရေး၊ ပြည်တွင်းငြိမ်းချမ်းရေး လေ့လာသုံးသပ်သူ ဦးမောင်မောင်စိုးက အောက်ပါအတိုင်း မှတ်ချက်ပေးသည်။

“လောလောဆယ် တိုက်ပွဲရပ်ဖို့ဆိုတာက သဘောတူညီချက်တစ်စုံတစ်ရာရမှ ရပ်နိုင်မှာပါ။ ဘာပဲဖြစ်ဖြစ် ဆက်လက်ဆွေးနွေးဖို့ သဘောတူတယ်ဆိုရင်တော့ လမ်းစလေးကျန်သေးတယ်လို့ပဲ ပြောရမှာပါ” 

အေအမ်တီ၊ ဇင်လင်းထက်

You may also like...

Leave a Reply

Your email address will not be published. Required fields are marked *