ရုပ်လုံးပေါ်လာသည့် ဟန်းဆက်အခွန်

မိုဘိုင်းလ်ဖုန်းဟန်းဆက်နှင့် ဆက်စပ်ပစ္စည်းဈေးကွက်အတွက် အခွန်အပြည့်အဝကောက်ခံမည့် အစီအစဉ်တစ်ရပ်ကို ပြည်တွင်းအခွန်များဦးစီးဌာနက ကြေညာမောင်းခတ်လိုက်ပြီ ဖြစ်သည်။

ဟန်းဆက်နှင့် ဆက်စပ်ပစ္စည်းဝယ်ယူပါက ဝယ်ယူသူသည် အခွန် ၅ ရာခိုင်နှုန်းပေးရမည်ဖြစ်သည်။ ထိုအခွန်ကို ဖုန်းရောင်းချသည့် ဆိုင်များက ကောက် ယူထားမည်။ အခွန်ကောက်ယူကြောင်းကိုလည်း ဝယ်ယူသည့် ပြေစာပေါ်တွင် ကျသင့်သည့် အခွန်တံဆိပ်ခေါင်းကပ်ပေးမည်။ စားသောက်ဆိုင်များတွင် သွားရောက်စားသုံးပြီးနောက် အခွန်ပေးရသည့် ပုံစံပင်ဖြစ်သည်။ ထိုအခွန်ကို ဆိုင်ရှင်က နိုင်ငံတော်သို့ ပြန်သွင်းမည် ဖြစ်သည်။

ဤပုံစံသည် ၂၀၁၉ ခုနှစ် ဇွန်လ ၁ ရက်မှစတင်ပြီး အသက်ဝင်မည်ဖြစ်သည်။

ယခုစနစ်တွင် ပြေစာပေါ်တွင် အခွန်အမှတ်တံဆိပ်ကပ်၍ ကောက်မည်ဖြစ်ရာ ယခင်စနစ်နှင့် မည်သို့ကွာခြား မည်နည်း။ အဓိကမှာ ဟန်းဆက်နှင့် ဆက်စပ်ပစ္စည်းဝယ်ယူသူများအတွက် ဈေးနှုန်းပိုကြီးမြင့်သွားမည်လော။

ရှိနှင့်ပြီးသော ကုန်သွယ်လုပ်ငန်းခွန်

စင်စစ်အားဖြင့် ပြည်သူလူထုအတွက် ကုန်သွယ်လုပ်ငန်းခွန် ၅ ရာခိုင်နှုန်း ပေးဆောင်ရခြင်းမှာ ထူးဆန်းသည့် ကိစ္စရပ်မဟုတ်ပေ။ ကင်းလွတ်ခွင့်ပေး ထားသော ကုန်ပစ္စည်းများနှင့်ဝန်ဆောင် မှုများမှအပ ပြည်သူလူထုသည် အဆိုပါ ကုန်ပစ္စည်း သို့မဟုတ် ဝန်ဆောင်မှုကို ဝယ်ယူပါက ကုန်သွယ်လုပ်ငန်းခွန် ၅ ရာခိုင်နှုန်း ပေးဆောင်နေရသည်။

ယင်းအခွန်ကောက်ခံခြင်းကို စားသောက်ဆိုင်၊ ဟိုတယ်နှင့် တည်းခိုခန်း၊ ရုပ်သံဝန်ဆောင်မှုလုပ်ငန်းများအပေါ်  ၅ ရာခိုင်နှုန်း၊ ရွှေထည်လက်ဝတ်ရတနာ ရောင်းချမှုအပေါ် ၁ ရာခိုင်နှုန်းကောက် လျက်ရှိပြီး ၂၀၁၉ ခုနှစ် ဇွန်လမှ စတင်ကာ ဟန်းဆက်နှင့် ဆက်စပ်အပိုပစ္စည်းများအပေါ်တွင် ၅ ရာခိုင်နှုန်း ကုန်သွယ်လုပ်ငန်းခွန်ကောက်မည် ဖြစ်သည်။

လက်ကိုင်ဖုန်း ဟန်းဆက်နှင့် ဆက်စပ်အပိုပစ္စည်းများဝယ်ယူမှုအပေါ် ကောက်ယူသည့်အခွန်ကို ကုန်သွယ် လုပ်ငန်းခွန်ဟုခေါ်ဆိုကြသည်။ အဆိုပါ ကုန်သွယ်လုပ်ငန်းခွန်သည် ယခုမှ ကောက်ခြင်းမဟုတ်။ ယခင်ကလည်း ကောက်ယူခဲ့သည်ဟု ပြည်တွင်းအခွန်များဦးစီးဌာန ညွှန်ကြားရေးမှူးချုပ် ဦးမင်းထွဋ်က ဆိုသည်။

ယခင်ကမူ ဟန်းဆက်နှင့် ဆက်စပ်ပစ္စည်းဝယ်ယူမှုအတွက် အခွန်ကောက်ခံသည်ဟူ၍ ကျယ်ပြန့်စွာ မသိရှိခဲ့ကြပေ။ ဆိုရလျှင် ဟန်းဆက်အတွက် ပေးရသည့် အခွန်သည် ရုပ်လုံးမပေါ်ခဲ့။

သို့သော်လည်း ကုန်သွယ်လုပ်ငန်းခွန်ကောက်ယူခဲ့သည်။ ကောက်ယူသည့် ပုံစံမှာ ပြည်ပမှ ကုန်ပစ္စည်း တင်သွင်းချိန်တွင် အကောက်အခွန်ဦးစီးဌာနက ကြိုတင်ကောက်ခံပေးခဲ့ခြင်းဖြစ်သည်။

ဖုန်းနှင့်ဆက်စပ်ပစ္စည်းတင်သွင်းလာပါက ဆိပ်ကမ်းအရောက် တန်ဖိုး (CIF) အပေါ်တွင် ကုန်သွယ်လုပ်ငန်းခွန် ၅ ရာခိုင်နှုန်းကို လုပ်ငန်းရှင်က ကြိုတင်ပေးဆောင်ခဲ့ပြီး နှစ်ကုန်မှသာ အပြီးသတ် အခွန်ရှင်းလင်းရခြင်း ဖြစ်သည်။ တစ်နှစ်လျှင် တစ်ကြိမ်အခွန်ရှင်းလင်းသည့် စနစ်မှ လက်ငင်းအခွန် ရှင်းလင်းပေးရမည့်ပုံစံ ဖြစ်ကြောင်း Unique IT & Mobile Center တည်ထောင်သူ ဦးကျော်ဆန်းဦးက ဆိုသည်။

“တစ်နှစ်မှ တစ်ခေါက်ဆိုတော့ လုပ်ရတာလွယ်တယ်ပေါ့။ စာရွက်တွေက လွယ်တယ်။ အခုကတော့ လက်ငင်းစနစ် ဖြစ်သွားတာပေါ့။ လွယ်လွယ်ပြောရရင် ရောင်းတဲ့အပေါ်မှာ တံဆိပ်ခေါင်းကပ်ပေးရမယ်။ တစ်သိန်းသုံးသောင်းကျပ်နဲ့ ရောင်းတဲ့ ဖုန်းကို ၆၅၀၀ ကျပ်တန် တံဆိပ်ခေါင်းကပ်ပေးရမယ်”ဟု ၎င်းက ဆိုသည်။

ထို့ကြောင့် ဖုန်းတစ်လုံးဝယ်ယူပါက ကုန်သွယ်လုပ်ငန်းခွန် ၅ ရာခိုင်နှုန်း အတွက်ပါ လုပ်ငန်းရှင်က ထည့်သွင်း တွက်ချက်၍ ရောင်းချခြင်းဖြစ်သည်။

ယခုမူထိုသို့မဟုတ်တော့ပေ။ ဝယ် ပြီးပြီးချင်းရရှိသည့် ငွေရှင်းပြေစာပေါ်တွင် ဆိုင်က ကျသင့် အခွန်တံဆိပ်ခေါင်းကပ် ပေးမည်။ ဝယ်ယူသူက ထိုအခွန်ကိုပေး ဆောင်ရမည်ဖြစ်သည်။ ဟန်းဆက်အခွန် ရုပ်လုံးပေါ်လာခြင်းပင်ဖြစ်သည်။

“ဇွန်လ ၁ ရက်နေ့စမယ်။ ဘာကြောင့် ဒီလိုလုပ်တာလဲဆိုရင် အခွန် ပြည့်ပြည့်၀၀ရချင်လို့ လုပ်တာပါ” ဟု ပြည်တွင်းအခွန်များဦးစီးဌာန ညွှန်ကြားရေးမှူးချုပ် ဦးမင်းထွဋ်က ဆိုသည်။

“အခုမှထပြီး ဥပဒေထုတ်ပြီး တိုးကောက်တာမဟုတ်ဘူး။ ဥပဒေရှိပြီးသားပဲ။ နိုင်ငံတော်က ပြည်သူတွေ ပေးထားတဲ့အခွန်ကို ရသင့်ရထိုက်တာတွေ အပြည့်အဝရအောင်လို့ပါ” ဟု ၎င်းက ထပ်မံ ရှင်းပြသည်။

ပြင်ညီကွင်းတွင် မျှတစွာယှဉ်ပြိုင်နိုင်ရေး

ဈေးကွက်အတွင်းရှိ ဟန်းဆက်နှင့် ဆက်စပ်ပစ္စည်းများအားလုံးသည် အစိုးရကို တရားဝင်အခွန်ဆောင်၍ တင်သွင်းလာခြင်းမဟုတ်။ အခွန်မဆောင်ဘဲတင် သွင်းလာသည့် တရားမဝင်တင်သွင်းလာမှုများလည်း ရှိနေပြန်သည်။

Alpha Info-Tech ကုမ္ပဏီ လီမိတက်၏ အုပ်ချုပ်မှုဒါရိုက်တာ ဦးရဲမြတ်သူ၏ အဆိုအရဆိုလျှင် တရားဝင် တင်သွင်းမှုသည် လက်ရှိဈေးကွက်အတွင်းရှိ ဟန်းဆက်စုစုပေါင်း၏ ၁၀ ရာခိုင်နှုန်းပင် မရှိပေ။ ဆိုလိုသည်မှာ ဟန်းဆက် စုစုပေါင်းတင်သွင်းမှု၏ ၉၀ ရာခိုင်နှုန်းသည် တရားမဝင်ဟန်းဆက်များဖြစ်သည်ဟု ဆိုလိုခြင်းပင်။

ဈေးကွက်အတွင်းရှိ ဟန်းဆက်နှင့် ဆက်စပ်ပစ္စည်းအရောင်းဆိုင်များသည် တရားဝင်အခွန်ပေးဆောင်၍ တင်သွင်းလာသည့် ပစ္စည်းကို ပြန်လည်ရောင်းချသကဲ့သို့ တရားမဝင်တင်သွင်းလာသော ကုန်ပစ္စည်းများကို ရောင်းချမှုများရှိနေသည်ဟု ဈေးကွက်အတွင်းမှ စုံစမ်းသိရှိရသည်။

တရားဝင်သွင်းကုန်များအပေါ် အခွန်ကောက်ခံနိုင်သော်လည်း တရားမဝင်တင်သွင်းလာသည့် ဖုန်းနှင့် ဆက်စပ်ပစ္စည်းများအပေါ်တွင် နိုင်ငံတော်က ကုန်သွယ်လုပ်ငန်းခွန် မကောက်ခံနိုင်ကြောင်း ဦးမင်းထွဋ်က ဆိုသည်။

အခွန်ပေးဆောင်၍ တင်သွင်းလာသော ဟန်းဆက်တစ်လုံးသည် တင်သွင်းချိန်က ကျပ်တစ်သိန်းကျသင့်ပါက ၅ ရာခိုင်နှုန်းဖြစ်သည့် ၅၀၀၀ ကျပ်ကို အကောက်ခွန်ဦးစီးဌာနက ကိုယ်စားကောက်ခံထားလိုက်ခြင်းဖြစ်သည်။ နှစ်ကုန်၍ အရောင်းဆိုင်များက အပြီးသတ်အခွန်ရှင်းလင်းသည့်အခါ ကုန်သွယ်လုပ်ငန်းခွန် ၅ ရာခိုင်နှုန်းကို ခုနှိမ်ခွင့်ပေးထားသည်။

“အခွန်ပေးဆောင်ပြီးသား ဟန်းဆက်တွေကို ဝယ်ပြီးရောင်းတယ်ဆိုရင် Value Added လေးအပေါ်မှာပဲ ထပ်ပြီး ပေးရတော့တယ်။ ဆိုလိုတဲ့သဘောက ဥပမာ တစ်သိန်းပေါ်မှာ ငါးထောင် အခွန် ဆောင်ထားတယ်။ ပြန်ရောင်းတဲ့အချိန်မှာ တစ်သိန်းတစ်သောင်းဆိုရင် တစ်သောင်း အပေါ်ထပ်ပေးရတယ်။ တစ်သိန်းအပေါ် ၅ ရာခိုင်နှုန်းဆောင်ပြီးသား။ ခုနှိမ်ခွင့် ပေးထားတယ်” ဟု ၎င်းကရှင်းပြသည်။

ကုန်ပစ္စည်းတန်ဖိုးနှင့်အတူ ပြေစာတွင် အခွန်တံဆိပ်ကပ်နှိပ်ပါက တရားမဝင်တင်သွင်းရောင်းချသည့် ဟန်းဆက်နှင့် ဆက်စပ်ပစ္စည်းများကိုပါ အခွန်စည်းကြပ်နိုင်မည်ဖြစ်သည်။ တရားဝင်တင်သွင်းလာသည့် ကုန်ပစ္စည်းဖြစ်သော်ငြား အခွန်တံဆိပ်ခေါင်းမကပ်ပါက ရောင်းဈေးအမှန်ကို မသိနိုင်ခြင်းကြောင့် အခွန်ကို လျော့နည်းစည်းကြပ်နိုင်ကြောင်း ၎င်းက ဆိုသည်။

တံဆိပ်ခေါင်းကပ်ကောက်ခံပါက ပိုမိုတိကျစွာကောက်ခံနိုင်မည်ဖြစ်ကြောင်း ၎င်းကဆိုသည်။ ရောင်းချသူသည် အခွန်တံဆိပ်များကို အခွန်ဦးစီးဌာနမှူးရုံးများထံမှ ကြိုတင်ဝယ်ထားရမည်ဖြစ်ပြီး ရောင်းချသည့်တန်ဖိုးအလိုက် ၅ ရာခိုင်နှုန်းနှင့်ညီမျှသည့် အခွန်တံဆိပ်ခေါင်းကပ်နှိပ်ပေးမည်ဖြစ်သဖြင့် ပိုမိုတိကျစွာ ကောက်ခံနိုင်မည့်သဘော ဖြစ်သည်။

လက်ရှိတွင်လည်း တည်ဆဲဥပဒေအရ ကုန်သွယ်လုပ်ငန်းခွန်ကောက်ခံနေပြီး အခွန်တံဆိပ်ခေါင်းမကပ်သဖြင့် အခွန်ငွေကို လုပ်ငန်းရှင်များက ရရှိသွားနိုင်ကြောင်း ဦးမင်းထွဋ်ကဆိုသည်။ ထို့ကြောင့် စားသုံးသူပေးထားသည့် အခွန်ကို အပြည့်အဝရရှိရန် ယင်းကဲ့သို့ ဆောင်ရွက်ခြင်းဖြစ်ကြောင်း ၎င်းက ဆိုသည်။

နိုင်ငံတကာတွင် ဘဏ်ဝန်ဆောင်မှု၊ အသက်အာမခံနှင့် ပညာရေးဝန်ဆောင်မှု စသည့် ဝန်ဆောင်မှုများကိုသာ ကုန်သွယ်လုပ်ငန်းခွန်ကင်းလွတ်ခွင့်ပေးလေ့ရှိပြီး ကျန်ဝန်ဆောင်မှုနှင့် ကုန်ပစ္စည်းအားလုံးကို အဆိုပါ အခွန်ကောက်ခံလေ့ ရှိသည်။  မြန်မာနိုင်ငံတွင် ကင်းလွတ်ခွင့်ပေးထားသည့် ကုန်ပစ္စည် ၈၀ မျိုးနှင့် ဝန်ဆောင်မှု ၃၀ ခန့်ရှိကြောင်း ပြည်တွင်းအခွန်များ ဦးစီးဌာနထံမှ သိရသည်။

ဟန်းဆက်နှင့် ဆက်စပ်ပစ္စည်းများကို ကုန်သွယ်လုပ်ငန်းခွန်ကင်းလွတ်ခွင့်မပြုထားပေ။

လက်ရှိတွင် အခွန်တံဆိပ်ခေါင်းကပ်၍ ကောက်ခံမည်ဖြစ်ခြင်းသည် တရားဝင်တင်သွင်းရောင်းချသည့် ကုမ္ပဏီများ၊ အရောင်းဆိုင်များအတွက် အခွန်ကောက်ခံပုံ၊ ကောက်ခံနည်းစနစ်သာ ပြောင်းလဲသွားနိုင်ပြီး အခြားပြောင်းလဲမှုမရှိကြောင်း Unique IT & Mobile Center တည်ထောင်သူ ဦးကျော်ဆန်းဦးက ဆိုသည်။

သို့သော်လည်း အခြားသော အခက်အခဲများလည်း ရှိသေးသည်။

ဈေးကွက်အတွင်း တရားဝင်ရောင်းချသည့် လုပ်ငန်းရှင်များနှင့် တရားမဝင်ရောင်းချသော လုပ်ငန်းရှင်များကြား ဈေးကွက်ပြိုင်ဆိုင်မှုမျှတရန် အစိုးရက ထိန်းကျောင်းသင့်သည်ဟု ဦးကျော်ဆန်းဦးက ဆိုသည်။

ဆိုလိုသည်မှာ Apple အမှတ်တံဆိပ် i-Phone တစ်လုံးအတွက် ကျပ် သိန်းနှစ်ဆယ်ဖြင့် ရောင်းချမည်ဆိုပါက တရားဝင်တင်သွင်း၊ ရောင်းချသည့်ဖုန်းအရောင်းဆိုင်များသည် ကုန်သွယ်လုပ်ငန်း ခွန် ၅ ရာခိုင်နှုန်းအတွက် ကျပ်တစ်သိန်းတန်တံဆိပ်ခေါင်းကပ်၍ ကောက်ခံထားမည်ဖြစ်သည်။ ထို့ကြောင့် ကျပ် ၂၁ သိန်း ကျမည်။

သို့သော်လည်း တရားမဝင်တင်သွင်းသည့် အဆိုပါဖုန်းများကို ပြန်လည်ရောင်းချသူသည် အခွန်တံဆိပ်ခေါင်း မကပ်ဘဲ လျှော့ဈေးဖြင့် ရောင်းချမည်ဆိုပါက ကျပ်သိန်း ၂၀ သာကျသင့်မည် ဖြစ်သည်။

ထိုအခါ တရားမဝင်ရောင်းချသည့် ဆိုင်များတွင် အရောင်းအဝယ်ပိုဖြစ်ပြီး အခွန်ဆောင်သည့် လုပ်ငန်းရှင်များ နစ်နာနိုင်ကြောင်း ဟန်းဆက်များ တရားဝင်ဖြန့်ဖြူးရောင်းချသည့် လုပ်ငန်းရှင်များက ဆိုသည်။

ထို့ကြောင့် အခွန်ဆောင်၍ တရားဝင်တင်သွင်းရောင်းချသည့်လုပ်ငန်းရှင်များကို အကာအကွယ်ပေးရန်၊ အခွန်ကောက်ခံမှုကို စနစ်တကျထိထိရောက်ရောက်ကောက်ခံနိုင်ရန်လိုအပ်ကြောင်း Alpha Info-Tech ကုမ္ပဏီလီမိတက်၏ အုပ်ချုပ်မှုဒါရိုက်တာ ဦးရဲမြတ်သူကဆိုသည်။

“တရားဝင်လုပ်တဲ့သူတွေကို မကာနိုင်ဘူးဆိုရင် တရားဝင်လုပ်တဲ့သူတွေက တရားမဝင်ဘက်ပြောင်းသွားရင် အခွန်တောင် ရမှာမဟုတ်တော့ဘူး။ လူတွေတောင် အကျင့်ပျက်သွားလိမ့်မယ်။ ကောင်းတာကတော့ ဒါတွေကို စနစ်တကျနဲ့ ဘယ်လိုထိထိရောက်ရောက်လုပ်မလဲဆိုတာ သူတို့ရဲ့စိန်ခေါ်ချက်ဖြစ်တယ်”ဟု ၎င်းက ဆိုသည်။

တရားမဝင်နယ်စပ်ဝင်ထွက်ပေါက်များစွာရှိနေခြင်း၊ တိုင်းရင်းသားလက်နက်ကိုင်များထိန်းချုပ်နယ်မြေများတွင် ကုန်သွယ်မှုအတွက်မစစ်ဆေးနိုင်ခြင်းတို့ ကြောင့် တရားမဝင်ကုန်သွယ်မှုများ အမြစ်တွယ်နေပြီး ယင်းဆိုးကျိုးမှာ ကုန်စည်တင်ပို့တင်သွင်းခြင်း၊ ရောင်းဝယ်ဖောက်ကားခြင်းအထိ မီးခိုးကြွက်လျှောက် ပြဿနာတက်လျက်ရှိသည်။

ဖြေလျှော့ရမည့် လုပ်ထုံးလုပ်နည်းများ

ထိုအခါ မေးခွန်းတစ်ခုရှိလာသည်။ ဖုန်းနှင့်ဆက်စပ်ပစ္စည်းများ တရားဝင်တင်သွင်းလိုသူများအတွက် အစိုးရက စနစ်ကျသော လုပ်ငန်းအစီအစဉ်များရှိပါ၏လော။

မြန်မာနိုင်ငံတွင် အစိုးရကသတ်မှတ်ထားသည့် လုပ်ထုံးလုပ်နည်းအတိုင်း ဟန်းဆက်တင်သွင်းခွင့်လိုင်စင် လျှောက်ပါက ထောက်ခံချက်အဆင့်ဆင့်တင်ပြရခြင်းကြောင့် အချိန်ကြန့်ကြာခြင်းသဖြင့် တရားမဝင်လမ်းမှ အများဆုံးတင်သွင်းကြကြောင်း နည်းပညာလုပ်ငန်းရှင်များထံမှ သိရသည်။

ဖုန်းနှင့်ဆက်စပ်ပစ္စည်းများတင်သွင်းမှုအတွက် ပို့ဆောင်ရေးနှင့် ဆက်သွယ်ရေးဝန်ကြီးဌာနထံမှ ထောက်ခံချက် ယူရသည်။ ထို့ပြင် စီးပွားကူးသန်းဝန်ကြီးဌာနထံမှ တင်သွင်းခွင့်လိုင်စင်လျှောက်ထားရသည်။ အဆိုပါ အဆင့်များကို ဖြတ်ကျော်ပြီးမှသာ ဖုန်းနှင့်ဆက်စပ်ပစ္စည်းများကို တရားဝင်တင်သွင်းနိုင်မည်ဖြစ်သည်။

ကုန်သွယ်ရေးဆိုင်ရာ အတားအဆီးများကို လျှော့ချနိုင်မှသာ တရားမဝင်တင်သွင်းသူများသည် တရားဝင်လမ်းကြောင်းပေါ်သို့ ရောက်ရှိလာမည်ဖြစ်ကြောင်း လုပ်ငန်းရှင်များကလည်း ထောက်ပြကြသည်။

လက်ရှိအခွန်တံဆိပ်ခေါင်းကပ်၍ ကောက်မည့်စနစ်ကြောင့် တရားမဝင်တင်းသွင်းရောင်းချသူများသည်ပင် အခွန်တံဆိပ်ခေါင်းကပ်၍ အခွန်ဆောင်ရမည် ဖြစ်သဖြင့် တရားဝင်လမ်းကြောင်းပေါ် ရောက်လာနိုင်ကြောင်း ပြည်တွင်းအခွန်များဦးစီးဌာန ညွှန်ကြားရေးမှူးချုပ်ဦးမင်းထွဋ်က ဆိုသည်။

လက်ရှိတွင် ပြည်တွင်းအခွန်များဦးစီးဌာနသည် အခွန်တံဆိပ်ခေါင်းကပ်ရန် ပျက်ကွက်မှုအတွက် ဒဏ်ငွေရိုက် အရေးယူလျက်ရှိသည်ဟု ၎င်းက ဆိုသည်။ အခွန်တံဆိပ်မကပ်နှိပ်လျင် အခွန်ကျသင့်ပမာဏ၏ ၁၀၀ ရာခိုင်နှုန်းဒဏ်ရိုက်မည် ဖြစ်ကြောင်း အဆိုပါဌာနထံမှ သိရသည်။

ထို့အပြင်ဘဏ္ဍာရေးနှစ် တစ်နှစ်အတွင်း ပျက်ကွက်မှုအကြိမ်အလိုက် ဒဏ်ငွေ ကျပ်နှစ်သိန်း၊ ကျပ်ငါးသိန်း၊  ကျပ်ခုနှစ်သိန်း၊ ကျပ်ဆယ်သိန်းအသီသီး ဒဏ်ငွေပေးဆောင်ရမည်ဖြစ်ကြောင်း ယင်းဌာနထံမှ သိရသည်။

အခွန်တံဆိပ်မကပ်သောလုပ်ငန်းများကိုလည်း မြို့နယ်အခွန်ဦးစီးဌာနသို့ သတင်းပို့တိုင်ကြားနိုင်ပြီး သတင်းပေး တိုင်ကြားသူများကိုလည်း ဒဏ်ငွေ၏ ၁၀ ရာခိုင်နှုန်းချီးမြှင့်မည်ဖြစ်ကြောင်း ယင်းဌာနက ထုတ်ပြန်ထားသည်။

ယခုကဲ့သို့ ပုံစံပြောင်း၍ အခွန်ကောက်သော်လည်း တရားဝင်အခွန်ဆောင်၍တင်သွင်းလာသည့် ဟန်းဆက်နှင့် ဆက်စပ်ပစ္စည်းများမှာမူ ဈေးမတက်နိုင်ကြောင်း ဦးကျော်ဆန်းဦးကဆိုသည်။ လက်ရှိတွင် ဖုန်းဝယ်ယူသူက ကုန်သွယ်လုပ်ငန်းခွန်ကို ပေးဆောင်နေခြင်းကြောင့် ဈေးနှုန်းပိုမိုမကျသင့်သည့် သဘော ဖြစ်သည်။ ပြောင်းလဲသွားသည့်အချက်မှာ ပြေစာတွင် အခွန်တံဆိပ်များကပ်၍ ကုန်သွယ်လုပ်ငန်းခွန် ပေးဆောင်ရသည့် စနစ်ဖြစ်သည်။ ထိုကြောင့် နိုင်ငံတော်က အခွန်ရမည်။ နိုင်ငံတော်အခွန်ရကြောင်းလည်း ဝယ်ယူသူကိုယ်တိုင် သိရှိသွားမည် ဖြစ်သည်။

ဒီမိုကရေစီနိုင်ငံတိုင်းသည် နိုင်ငံသားများထံမှကောက်ခံသော အခွန်ရငွေ အပေါ်တွင် ရပ်တည်ကြရသည်။ နိုင်ငံသားတိုင်းသည်လည်း ဥပဒေအရ ပေးဆောင်ရမည့် အခွန်အကောက်များကိုပေးရန် တာဝန်ရှိသည်။ ယင်းအခွန်ရရှိမှသာ နိုင်ငံဖွံ့ဖြိုးရေး လုပ်ငန်းများနှင့် ပြည်သူ့ဝန်ဆောင်မှုလုပ်ငန်းများကို အကောင်အထည်ဖော်နိုင်မည်ဖြစ်သည်။

မည်သို့ဆိုစေ ဟန်းဆက်နှင့် ဆက်စပ်ပစ္စည်းများအတွက် ကုန်သွယ်လုပ်ငန်းခွန်ကို ထိထိရောက်ရောက် ကောက်ခံမည့် ခြေလှမ်းကို ပြည်တွင်းအခွန်များဦးစီးဌာန စတင်တော့မည်။

အခွန်ပေးဆောင်ရခြင်းကြောင့် ဈေးကွက်ရှိ ဟန်းဆက်နှင့် ဆက်စပ်ပစ္စည်းများ ဈေးနှုန်းအနည်းငယ် ကြီးမြင့်နိုင်သော်လည်း အခွန်ဆောင်ရမည်သာဖြစ်ကြောင်း ဂျပန်စားသောက်ဆိုင်ကုမ္ပဏီတွင် အလုပ်လုပ်ကိုင်နေသည့် ဦးခွန်တင်အောင်က ဆိုသည်။

“ပေးရမှာဘဲလေ။ ဒါကနိုင်ငံတော်ဆီပဲ ရောက်တာမဟုတ်လား။ ကိုယ်တစ်ယောက်တည်းကောက်တာမှ မဟုတ်တာ။ နောက်ပြီး ဒီအခွန်ရငွေက ပြည်လူထုကို ပြန်ပြီးတော့ အကျိုးပြုမှာပဲလေ” ဟု ၎င်းက ဆိုသည်။

ဦးကျော်ဆန်းဦးကဲ့သို့ လုပ်ငန်းရှင်အတွက်မူ အခွန်ပေးရခြင်းက ပြဿနာမဟုတ်။ အခွန်နှင့် ထိုက်တန်သော အစိုးရ၏ ဝန်ဆောင်မှုရရှိရန်က အဓိကဖြစ်သည်။ ထိုပြင်လည်း ပြည်တွင်း၌ တရားဝင်ရပ်တည်နေသော လုပ်ငန်းများ ဈေးကွက်ယှဉ်ပြိုင်နိုင်စွမ်းမြင့်ရေး အစိုးရက ထိန်းကျောင်းပေးစေလိုသည်ဟု ၎င်းက ယခုကဲ့သို့ ဆိုသည်။

“အခုက ပြည်တွင်းအခွန်များဦးစီးဌာနက တံဆိပ်ခေါင်းကပ်ရမယ်ပြောတယ်။ အကောက်ခွန်ဦးစီးဌာနက အစကတည်းက ဖမ်းဆီးပါလား။ အဲဒီကိစ္စတွေကို ကိုင်တွယ်နိုင်ဖို့လိုတယ်။ မဟုတ်ရင် အခွန်ဆောင်တဲ့သူတွေ နစ်နာပြီးတော့ အခွန်မဆောင်တဲ့သူတွေက အလုပ်ဖြစ်သွားမယ်”

နိုင်လင်းအောင်

You may also like...

Leave a Reply

Your email address will not be published. Required fields are marked *