“နိုင်ငံခြားပို့ကုန်ကလည်း  ၄၃ ရာခိုင်နှုန်းအထိ တိုးတက်နေပါပြီ”

NLD ပါတီပြောရေးဆိုခွင့်ရှိသူ ဒေါက်တာမျိုးညွန့်နှင့် ဆက်သွယ်မေးမြန်းခြင်း

အမျိုးသားဒီမိုကရေစီအဖွဲ့ချုပ်ဦးဆောင်သည့် အစိုးရသက်တမ်းမှာ ပြီးခဲ့သည့် မတ်လ ၃၁ ရက်တွင် သုံးနှစ်ပြည့်မြောက်ခဲ့ပြီဖြစ်သည်။ နိုင်ငံ့တာဝန်ကို သုံးနှစ်ကြာထမ်းဆောင်ပြီးချိန်တွင် မျှော်မှန်းသည့်အတိုင်း အကောင်အထည်ဖော်နိုင်ခဲ့ပါ၏လော။ ဦးမမော့နိုင်သေးသည့် စီးပွားရေး၊ ယမ်းငွေ့ဝေနေဆဲ ငြိမ်းချမ်းရေးနှင့် ပြည်သူများ၏ နေ့စဉ်လူမှုဘ၀များ၊ ပြဿနာများနှင့်ပတ်သက်၍ သုံးနှစ်တာကာလအတွင်း NLD အစိုးရ၏ ဆောင်ရွက်ချက်များကို ပြန်လည်သုံးသပ်နိုင်ရန် အမျိုးသားဒီမိုကရေစီအဖွဲ့ချုပ် NLD ပါတီပြောရေးဆိုခွင့်ရှိသူ ဒေါက်တာမျိုးညွန့်နှင့် ဆက်သွယ်မေးမြန်းထားခြင်းဖြစ်သည်။

The Voice Journal  – အစိုးရသုံးနှစ်ပြည့်ချိန်မှာ နိုင်ငံအတွင်း ဘာတွေပြောင်းလဲနိုင်ခဲ့တယ်လို့ ယူဆပါလဲ။

Dr.MN – အဓိကတော့ ပြည်သူတွေကို ဖိစီးနေတဲ့ အကြောက်တရားလျော့ပါးသွားတယ်။ နောက်ရုပ်ဝတ္ထုအနေနဲ့က ကျွန်တော်တို့ ကျန်းမာရေးနဲ့ပညာရေးကဏ္ဍမှာ အောက်ခြေကစပြီးတော့ ပြင်ဆင်ပြီး ဘတ်ဂျက်တိုးချဲ့ပြီးတော့ လုပ်ဆောင်နေပါတယ်။ နောက်အခြေခံအဆောက်အဦဖြစ်တဲ့ လမ်း၊ တံတားနဲ့ လျှပ်စစ်မီးရရှိရေးမှာလည်း ထိရောက်တဲ့ တိုးတက်မှုတွေ ရှိခဲ့တယ်လို့ ပြောနိုင်ပါတယ်။ နောက် ကျွန်တော်တို့နိုင်ငံမှာ တစ်ဦးချင်းဝင်ငွေက နှစ်ဆကျော် တိုးတက်လာပါပြီ။ နောက်နိုင်ငံရဲ့ နိုင်ငံခြားပို့ကုန်ကလည်း ၄၃ရာခိုင်နှုန်းအထိ တိုးတက်နေပါပြီ။ နောက်နိုင်ငံ စီးပွားရေး ဖွံ့ဖြိုးတိုးတက်ရေးအတွက် လိုအပ်တဲ့ ရင်းနှီးမြှုပ်နှံမှုဥပဒေ၊ ကုမ္ပဏီဥပဒေ စတာတွေကို ကျွန်တော်တို့ ပြင်ဆင်နိုင်ခဲ့တယ်။ နောက် ကျွန်တော်တို့ မြန်မာနိုင်ငံမှာ ရေရှည်တည်တံ့တဲ့ ဖွံ့ဖြိုးရေးအစီအစဉ်ပေါ့။ မြန်မာနိုင်ငံ၏ ရေရှည်တည်တံ့ခိုင်မြဲပြီးဟန်ချက်ညီသော ဖွံ့ဖြိုးတိုးတက်မှုစီမံကိန်း (MSDP- Myanmar Sustainable Development  Plan) ကိုလည်း ချမှတ်နိုင်ခဲ့တယ်။

The Voice Journal  – သုံးနှစ်အတွင်းမှာ  ပြည်ပက မြန်မာပညာတတ်တွေရဲ့ စွမ်းအားကို  NLD အစိုးရ အသုံးချနိုင်ပြီလား။ သူတို့ရဲ့ Resources ကို NLD အစိုးရက အသုံးချနိုင်ပြီလားပေါ့။

Dr.MN – အုပ်ချုပ်ရေးအကြီးအကဲတွေကတော့ ပြင်ပအကူအညီအကြံဉာဏ်တွေကို ယူတာရှိပါတယ်။ စီးပွားရေးနဲ့ ပတ်သက်ရင်ပေါ့။ ကျွန်တော်တို့ ဒီပါတီကတော့ ဗဟိုစီးပွားရေးကော်မတီနဲ့ ပြည်တွင်းက စီးပွားရေးပညာရှင်များရဲ့ အကြံဉာဏ်ကို အဓိကရယူပါတယ်။

The Voice Journal  – လက်ရှိသုံးနှစ်အတွင်းအစိုးရအဖွဲ့မှာ Technocrat တွေ အားနည်းနေတယ် ပြောတယ်။ သူတို့ကို NLD က မသုံးဘူး ပြောနေကြတယ်။ ဘာ့ကြောင့်ပါလဲ။

Dr.MN –  ပညာတတ်တွေရဲ့ အကြံပြုချက်အတိုင်းကို အလေးအနက်ထားစဉ်းစားပါတယ်။ ဒါပေမဲ့ ကျွန်တော်တို့ကတော့ ကျွန်တော်တို့ ဖွဲ့စည်းထားတဲ့ စီးပွားရေးကော်မတီက ပညာရှင်တွေရဲ့ အဖွဲ့လိုက် ဆုံးဖြတ်ချက်ကို နောက်ဆုံးအတည်ယူပါတယ်။

The Voice Journal  – သုံးနှစ်အတွင်းမှာ ပြည်သူတွေ စီးပွားရေးကျပ်တည်းလာတယ် ပြောကြတာရှိတယ်။ လက်ရှိမှာ ADB ရဲ့ ၂၀၁၉ -၂၀၂၀ စီးပွားရေးအလားအလာမှာ မြန်မာကတော့ စီးပွားရေး ပြန်ကောင်းလာမယ်လို့ ဆိုတယ်။ ဘယ်လိုမြင်လဲဗျ။

Dr.MN – ကျွန်တော်တို့ ပြည်သူတွေရဲ့ နေ့စဉ်ဘ၀မှာ သိသာတဲ့ စီးပွားရေးတိုးတက်မှုမရှိဘူးလို့ ပြည်သူတွေ ခံစားရတာကို ကျွန်တော်တို့ သဘောပေါက်ပါတယ်။ နိုင်ငံရဲ့ ရေရှည်စီးပွားရေးစီမံကိန်းတွေမှာတော့ အောင်မြင်မှုရနေတာလည်း စာရင်းဇယားတွေအရ မှန်ကန်ပါတယ်။ အဲဒီတော့ ပြည်သူတွေရဲ့ နေ့စဉ်ဘ၀မှာ တိုးတက်မှုရအောင်လို့ ကျွန်တော်တို့ သမ္မတကြီးကိုယ်တိုင်လည်း ဦးစားပေးလုပ်ငန်းအဖြစ် သတ်မှတ်ထားတဲ့အတွက်ကြောင့် ကျွန်တော်တို့ကိုယ်တိုင်လည်း ကျွန်တော်တို့ ကြိုးစားပြီး လုပ်နေပါတယ်။ အဲဒီတော့ အခြေခံကစပြီးပြင်တဲ့အတွက် အုတ်မြစ်ချနေတုန်းမှာတော့ အပေါ်ပိုင်းမှာ သိသာတဲ့ တုံ့ပြန်မှုမမြင်ရတာမျိုးဖြစ်တယ်လို့ ယူဆလိုပါတယ်။

The Voice Journal  – ငြိမ်းချမ်းရေးကရော NLD မျှော်မှန်းသလောက် ထင်တိုင်းပေါက်ခဲ့ရဲ့လား။

Dr.MN  – ကျွန်တော်တို့ ရည်ရွယ်တဲ့ ငြိမ်းချမ်းရေးပန်းတိုင်ကတော့ အလှမ်းဝေးနေဆဲပါပဲ။ ငြိမ်းချမ်းရေးကျတော့ ကျွန်တော်တို့အဖွဲ့ချုပ်တစ်ခုတည်း လုပ်လို့ မရပါဘူး။ တပ်မတော်ရော၊ တိုင်းရင်းသားပြည်သူတွေရော၊ တိုင်းရင်းသားလက်နက်ကိုင်အဖွဲ့အစည်းတွေအားလုံးရဲ့ သဘောတူညီချက်ရမှ လုပ်ဆောင်နိုင်မှာ။ နောက်ပြီး ဒီပြဿနာကလည်း မနေ့တစ်နေ့က ဖြစ်လာတာ မဟုတ်ပါဘူး။ ကျွန်တော်တို့ နှစ်ပေါင်း ၇၀ ကျော် ကြာမြင့်ခဲ့အတွက် နောက်ပြီးဒီလမ်းကြောင်းအတိုင်းတော့ ရှေ့ကို ရွေ့လျားနေတာရှိပါတယ်။ ဖြစ်စဉ်တစ်ခုဆိုတာ ပန်းတိုင်ကို ဦးတည်ချက်မပျောက်ရင် ပြီးတာပဲခင်ဗျ။ ဒီဖြစ်စဉ်က ရှေ့တိုးတဲ့အခါ မြန်တာ ရှိမယ်၊ နှေးတာ ရှိမယ်။ တစ်ခါတစ်ခါ နောက်ကြောင်းပြန်တာတောင် ရှိကောင်းရှိနိုင်ပါတယ်။ နောက်တစ်ခါပန်းတိုင်မပျောက်အောင် မြန်မြန်ကြိုးစားအားထုတ်နေရင် ပန်းတိုင်ကို မဖြစ်မနေ ရောက်မှာပါ။

The Voice Journal  – တိုင်းနဲ့ ပြည်နယ်အစိုးရတွေရဲ့ လုပ်ဆောင်ချက်တွေကို ပြည်သူတွေ အားမရဘူးလို့ ကြားသိရတယ်။ လက်ကျန် ၂ နှစ်မှာ ဒီလူတွေ  မလုပ်၊ မရှုပ်၊ မပြုတ်ပုံစံနဲ့ ဆက်သွားကြမယ်လို့လည်း  လူတွေက ထင်နေကြတယ်။ ဒီပြဿနာကို အစိုးရ ဘယ်လိုကိုင်တွယ်မလဲ။

Dr.MN – ကျွန်တော်တို့ တိုင်းနဲ့ ပြည်နယ်မှာရှိတဲ့ အုပ်ချုပ်ရေးတာဝန်ခံ၊ အုပ်ချုပ်ရေးတာဝန်ယူတဲ့သူတွေကို နိုင်ငံတော်အတိုင်ပင်ခံပုဂ္ဂိုလ်နဲ့ နိုင်ငံတော် သမ္မတကြီးတို့က လစဉ်တွေ့ဆုံပြီးတော့ အကြံဉာဏ်တွေ၊ လမ်းညွှန်ချက်တွေ ပေးနေပါတယ်။ နောက်ပြီးတော့ ပါတီကလည်း အခါအားလျော်စွာတွေ့ဆုံပြီးတော့ ပြည်သူတွေရဲ့ တင်ပြချက်တွေကို တစ်ဆင့်ပြန်လည်တင်ပြခြင်းအားဖြင့် ထိန်းညှိတာတွေ ဆောင်ရွက်နေပါတယ်ခင်ဗျ။

The Voice Journal  – ပညာရေးကို အန်တီက အလေးထားတယ်ဆိုတော့ ဒီနှစ်တွေအတွင်း ပညာရေးဘက်က တိုးတက်မှုကို ပြပါဆိုရင် ဘာဖြစ်မလဲ။

Dr.MN – ပညာရေးတိုးတက်မှုကို ရုပ်ဝထ္တုအားဖြင့် ပြောရမယ်ဆိုရင် စာသင်ကျောင်းအမြောက်အမြားကို ကျွန်တော်တို့ တိုးချဲ့နိုင်ခဲ့ပါတယ်။ ကျောင်းဆရာအမြောက်အမြားကို ခန့်ထားတယ်။ နောက်ပညာသင်ကြားတဲ့အခါမှာ အခြေခံက စပြီးတော့ စဉ်းစား တွေးခေါ်တတ်တဲ့ ပုံစံမျိုးဖြစ်အောင်၊ တရားသေအလွတ်ကျက်ပြီး ဖြေတဲ့စနစ်မျိုးမဖြစ်အောင် ကျွန်တော်တို့အခုကစပြီး တဖြည်းဖြည်းဆောင်ရွက်နေတာ တွေ့မြင်ရပါတယ်။

The Voice Journal  – လက်ရှိအစိုးရလုပ်နေတဲ့  အဂတိလိုက်စားမှုတိုက်ဖျက်ရေးဥပဒေနဲ့ အရေးယူလာတာတဲ့အပေါ်မှာရော ငါးကြီးကြီးတွေမိပြီလို့ ထင်လား။ ဘယ်လိုလူမျိုးတွေ ကျန်နေသေးလဲ။

Dr.MN – အဲဒါက ပြောလို့မရဘူးခင်ဗျ။ ပါတီ စည်းကမ်းထိန်းသိမ်းရေးဆိုတာ စဉ်ဆက်မပြတ် လုပ်နေရတဲ့ကိစ္စပါ။ လူဆိုတာ မှားတတ်ပါတယ်။ အဲဒီတော့ ကျွန်တော်တို့က အမြဲစောင့်ကြည့်ထိန်းသိမ်းတဲ့ လုပ်ငန်းကို အမြဲတမ်းလုပ်နေရမှာပါ။

The Voice Journal  – NLD နဲ့ တိုင်းရင်းသားတွေရဲ့ ဆက်ဆံရေးက အဟပိုကြီးသွားတယ်လို့ သုံးသပ်နေကြတာရှိတယ်။ ဥပမာ – ဗိုလ်ချုပ်ကြေးရုပ်လို၊ ချောင်းဆုံလို ကိစ္စမျိုးတွေကြောင့်ပေါ့။ အဲဒါ ဟုတ်ပါသလား။

Dr.MN – ကျွန်တော်တို့ ငြိမ်းချမ်းရေးဖြစ်စဉ်တိုးတက်မှုနှေးကွေးတဲ့အတွက် တိုင်းရင်းသားတွေ ကြားထဲမှာ အားမလိုအားမရ ဖြစ်တယ်ဆိုတာကတော့ ကျွန်တော်တို့ဝန်ခံပါတယ်။ သို့သော် ကျွန်တော်တို့ အမျိုးသားဒီမိုကရေစီအဖွဲ့ချုပ်နဲ့ တိုင်းရင်းသားပါတီကြားထဲမှာတော့ ကွာဟမှုပိုမိုလာတယ်လို့ ကျွန်တော်တို့ မမြင်ပါဘူးခင်ဗျ။ ဗိုလ်ချုပ်ကြေးရုပ်ကိစ္စလိုကိစ္စ ဒီအဖြစ်အပျက်မျိုးမှာ တချို့တချို့သောအဖွဲ့အစည်းတွေက နိုင်ငံရေးအကျိုးအမြတ်အတွက်လုပ်သလားလို့ ကျွန်တော်တို့ သံသယရှိပါတယ်။

The Voice Journal  – သုံးနှစ်အတွင်းမှာ ဘယ်လိုပြုပြင်ပြောင်းလဲမှုကို NLD အနေနဲ့ အကျေ နပ်ဆုံးဖြစ်မလဲ။ ဘယ်ကိစ္စကရော စိတ်တိုင်းမကျ ဖြစ်ခဲ့ရလဲ။

Dr.MN – ကျွန်တော် ခုနပြောခဲ့သလိုပါပဲ အခြေခံ အဆောက်အဦတွေ၊ နောက်အခြေခံလူထုစီးပွားတိုး တက်ဖို့အတွက် အခြေခံဖြစ်တဲ့ ပညာရေး၊ ကျန်းမာရေးတွေမှာ ကျွန်တော်တို့ ပေးထားတဲ့ ဆောင်ရွက်ချက်တွေ ကျွန်တော်တို့ လုပ်နိုင်ခဲ့ပါတယ်။ အဓိကကတော့ ငြိမ်းချမ်းရေးနဲ့ပတ်သက်လို့တော့ လောလေဆယ်အားမရပါဘူး။ ဒါပေမဲ့ ဒီကိစ္စအားလုံးရဲ့ ဇာစ်မြစ်ဟာ၂၀၀၈ ဖွဲ့စည်းချုပ်အုပ်ပုံအခြေခံဥပဒေမှာ အခြေခံတယ်လို့ ယူဆပါတယ်။ ၂၀၀၈ ဖွဲ့စည်းပုံအခြေခံဥပဒေကို ပြင်ဆင်နိုင်တာနဲ့အမျှ စီပွားရေး၊ ပညာရေး၊ နောက်ပြည်တွင်းငြိမ်းချမ်းရေးနည်းလမ်းအကုန်လုံးဟာ ပြေလည်သွားမယ်လို့ မျှော်လင့်ပါတယ်။ အခု ၂၀၀၈ အခြေခံဥပဒေပြင်ဆင်ရေးကို ပြည်သူအားလုံးထောက်ခံမှုနဲ့ လွှတ်တော်လမ်းကြောင်းက ပြင်ဆင်ဖို့ ကျွန်တော်တို့ ဆောင်ရွက်နေတာ ဖြစ်ပါတယ်ခင်ဗျ။

The Voice Journal  – သုံးနှစ်အတွင်းမှာ အစိုးရလျှောက်နေတဲ့ လမ်းကြောင်းက ဘယ်ကိုဦးတည်နေခဲ့တာလဲ။ လက်ရှိရော ဘယ်ကိုဦးတည်နေတာလဲ။

Dr.MN – ကျွန်တော်တို့က အခုရော၊ နောင်ရော ပြည်သူတွေရဲ့ ရှေရည်အကျိုးစီးပွားအတွက်ကို ဘက်ပေါင်းစုံက စဉ်းစားပြီးတော့ ဦးတည်ဆောင်ရွက်သွားမှာပါ။ တစ်ခုတည်းကို တရားသေ သတ်မှတ်ထားတာမျိုး မရှိပါဘူးခင်ဗျ။

The Voice Journal  – ကျေးဇူးတင်ပါတယ်။

ဥမ္မာလွင်

You may also like...

Leave a Reply

Your email address will not be published. Required fields are marked *