နှစ်သစ်အဓိဋ္ဌာန်

နှစ်သစ်ကူးသည် အခွင့်အရေးသစ်ဟုဆိုလျှင် မြန်မာတို့အတွက် တစ်နှစ်လျှင် နှစ်ကြိမ်အခွင့်အရေးရှိသည်။ မြန်မာ့ရိုးရာနှစ်သစ်ကူးနှင့် နိုင်ငံတကာနှစ်သစ်ကူး။ မြန်မာတို့အတွက် အခွင့်အရေးသစ် မကြာခင် ရတော့မည်။ မြန်မာနှစ်သစ်ကူးတော့မည်။ ဒီဇင်ဘာ၊ ဇန်နဝါရီတုန်းက နှစ်သစ်အတွက် အဓိဋ္ဌာန်များချပြီး အကောင်အထည်မပေါ်သူတွေ ဒုတိယအကြိမ် ကြိုးစားလို့ ရသေးသည်။

ဟုတ်ပါပြီ။ နှစ်သစ်တွင် စိတ်သစ်လူသစ် ဘ၀သစ်ဖြစ်အောင် ဘာတွေ အသစ်လုပ်ကြမည်လဲ။ ဘာအဓိဋ္ဌာန်ချမလဲ။ ဘယ်လိုချမလဲ။

အကြံပေးချင်သည်က

အဓိဋ္ဌာန်တို့ကို ချကောင်းကောင်းနှင့် အများကြီး မချပါနှင့်။ Wish List ဟုခေါ်သော ဖြစ်ချင်တာတွေချည်း၊ စိတ်ကူးယဉ်ချည်းသက်သက် ဖြစ်သွားလိမ့်မည်။ အများအားဖြင့် အဓိဋ္ဌာန်ချအပြီး လပင်မကူး အဓိဋ္ဌာန်ပျက်သွားတတ်သည်။ အောင်မြင်ရန် မလွယ်။

တစ်ခုတည်းသော အဓိဋ္ဌာန်သာချပါ။

ကိုယ်အဖြစ်ချင်ဆုံး၊ အဖြစ်နိုင်ဆုံးနှင့် အဖြစ်သင့်ဆုံး ဒီသုံးခုလုံးကို စဉ်းစားပြီး အဓိဋ္ဌာန်တစ်ခုသာချပါ၊ ဆုံးဖြတ်ပါ။

အဓိဋ္ဌာန်ချသည့်အခါတွင်လည်း စိတ်ထဲတွင် မှတ်သည်ထက် ချရေးလျှင် ပိုထိရောက်သည်။ ‘နှုတ်တစ်ရာ၊ စာတစ်လုံး’။ စာနှင့်ချရေးလျှင် လူ့စိတ်က အလေးအနက်ထားသည်။ နှုတ်ကတိထက် စာသားဖြင့်ချုပ်သော စာချုပ်က ပိုခိုင်မာသည်မဟုတ်လား။ ရှင်းရှင်းလေးဖြစ်သည်။

စာရေးသူ ကိုယ်တွေ့လည်းဖြစ်သည်။ လက်ဖြင့်ချရေးထားသော အဓိဋ္ဌာန်များသည် အောင်မြင်သည်ချည်း။

အဓိဋ္ဌာန်သည် တိုင်းတာ၍ ရရမည်။ တိုင်းတာ၍ မရလျှင် မည်သည့် အခါမ Ss မဖြစ်မြောက်။ တိုင်းတာ၍ရသော အဓိဋ္ဌာန်နမူနာများ ရေးပါမည်။

‘ပေါင်၂၀ ချမယ်။’
‘တစ်ပတ် ၄ ရက် ပြေးမယ်’

ဖော်ပြပါအဓိဋ္ဌာန်နှစ်ခုလုံးသည် တိုင်းတာ၍ရသည်။ ပထမတစ်ခုက ရလဒ်ကို တိုင်းတာသည်။ နည်းလမ်းကို မပြောထား။ ပေါင်၂၀ ကျလျှင် ပြီးရော။ ပြေးမည်၊ အလေးမမည်၊ အစားလျှော့မည်။ ဒုတိယတစ်ခုက နည်းလမ်းပါပါသည့်တိုင်းတာချက်။ ပြေးမည်၊ တစ်ပတ်လျှင် လေးကြိမ်။ ထပ်တိုင်းလျှင် ရသေးသည်။ တစ်ရက်လျှင် နာရီဝက်ပြေးမလား၊ နှစ်မိုင် ပြေးမလား။

ပြီးလျှင် Deadline။ အဓိဋ္ဌာန်တို့တွင် Deadline ဟုခေါ်သည့် ‘ဖြစ်မြောက်ချိန်’ ‘စတင်ချိန်’ ‘ပြီးဆုံးချိန်’ သတ်မှတ်ရသည်။ သို့မဟုတ်လျှင် ‘စီးပွားရေးလုပ်ငန်းရှင် ဖြစ်ချင်တယ်’ ‘ကျန်းမာချင်တယ်’ ‘တစ်နေ့ အာကာသထဲသွားမယ်’ ဟူသော စိတ်ကူးယဉ်အိပ်မက်များသာ ဖြစ်လိမ့်မည်။ မည်သည့်အခါမျှ ဆောင်ရွက်ဖြစ်မည်မဟုတ်။

‘ခြောက်လအတွင်း အင်္ဂလိပ်လို ဖတ်နိုင်ရမယ်’ ဆိုလျှင် ပိုတိကျသော Deadline ပါသော အဓိဋ္ဌာန်ဖြစ်လိမ့်မည်။ အပေါ်တွင် နမူနာပြခဲ့သော အဓိဋ္ဌာန်နှစ်ခုကို Deadline များထည့်လျှင် ပိုခိုင်မာသော အဓိဋ္ဌာန်များဖြစ်သွားလိမ့်မည်။ ‘လေးလအတွင်း ပေါင်၂၀ ချမယ်’ ‘နောက်နှစ်မှာ တစ်ပတ် လေးရက်ပြေးမယ်’။

မမြင့်လွန်း၊ မနိမ့်လွန်း။ ကိုယ်လက်ရှိလုပ်နိုင်သည်နှင့် အလွန်ကွာဟလျှင် အဓိဋ္ဌာန် ပြည့်မည့်အစား ခဏလောက်နှင့် ကိုယ့်အခြေအနေ သဘောပေါက်ကာ စိတ်ဓာတ်ကျသွားတတ်သည်။ သဘောပြောရလျှင်၊ ကိုယ်က ဘာမျှကိုယ်လက်လှုပ်ရှားမလုပ်သည်မှာ ၁၀ နှစ်၊ ၁၅ နှစ် လောက်ရှိပြီး တစ်လအတွင်း ခါကာဘိုရာဇီတောင်တက်မည် ဆိုသလိုမျိုး။ ကိုယ်လက်ရှိလုပ်နိုင်သည်နှင့် သိပ်မကွာလျှင်လည်း စိတ်က လုပ်ချင်စိတ် သိပ်မရှိ၊ မတက်ကြွ။ ကိုယ်က တစ်ပတ်လေးကြိမ် အားကစားရုံ သွားနေလျှင် တစ်ပတ်ငါးကြိမ်လုပ်မည်ဆိုသော အဓိဋ္ဌာန်သည် ကိုယ့်ကို စိတ်တက်ကြွစေမည်မဟုတ်။

အဓိဋ္ဌာန်ဖြစ်မြောက်စေချင်လျှင် အရေးကြီးသည့်တစ်ချက်ရှိသေးသည်။ ကိုယ်က တောင်တက်ချင်လျှင် တောင်တက်အသင်းဝင်၊ အဘိဓမ္မာလေ့လာချင်လျှင် အဘိဓမ္မာသမားများနှင့် ပေါင်း။ ‘တူရာ တူရာစု’ ဟူသော စကားရှိသည်။ ပေါင်းသောသူက ကိုယ့်ကို လွှမ်းမိုးသည်။ အားကစားသမားနှင့်ပေါင်းလျှင် အားကစားလုပ်ဖြစ်မည်။ ရှင်းသည်။ ကိုယ့်အဖော်က ကိုယ်အဓိဋ္ဌာန်ချသည့်လိုင်းမှဖြစ်လျှင် ကိုယ့်အဓိဋ္ဌာန်ဖြစ်မည်။

‘အဓိဋ္ဌာန်ရဲ’ ခန့်အပ်ရမည်။ ကိုယ့်အဓိဋ္ဌာန် ပြည့် မပြည့် စောင့်ကြည့်ရန် သူငယ်ချင်းမိတ်ဆွေ ဆရာ ဆရာမတို့ထဲမှ လေးစားရသောသူ၊ ကိုယ့်ကို ကူညီလိုသောသူကိုရွေးပါ။ အဓိဋ္ဌာန်ပြည့်မပြည့် အလောင်းအစား သို့မဟုတ် ဒဏ်ကြေးပါ တစ်ခါတည်းသတ်မှတ်လျှင်လည်း ရသည်။ ဒဏ်ကြေးသည် မှတ်လောက်သားလောက် ဖြစ်ရန်လိုသည်။ ဥပမာ- ကိုယ့်လစာ၏ ထက်ဝက်ကို ဘဏ်တွင် ‘အဓိဋ္ဌာန်ရဲနှင့် ကိုယ်’ စာရင်းဖွင့်ပြီး လစဉ်အပ်၊ သုံးလအတွင်း ပေါင်၂၀ မကျလျှင် အဆုံးဟု စာချုပ်ချုပ်။ အဓိဋ္ဌာန်ရဲ မသုံးချင်လျှင် သို့မဟုတ် ရှာမရလျှင် အဓိဋ္ဌာန်ကို လူသိရှင်ကြား ကြေညာထားပါ။ သို့မှသာ အရှက်ကွဲမည်စိုးပြီး အဓိဋ္ဌာန်ကို မပြည့်ပြည့်အောင် ဖြည့်လိမ့်မည်။

မြန်မာ့နှစ်သစ်ကူးတွင် လူသစ် ဘ၀သစ်ဖြစ်အောင် အဓိဋ္ဌာန်ဖြည့်နိုင်ပါစေ။ 

ဇေယျသူ

You may also like...

Leave a Reply

Your email address will not be published. Required fields are marked *