မြန်မာ့ဆန် ကုန်သွယ်ရေးပစ်မှတ်ဖြစ်လာပြီလော

ဓာတ်ပုံ - မိုးကျော်လွင်

အာဖရိက နိုင်ငံတစ်ခုဖြစ်သော အိုင်ဗရီကို့စ်နိုင်ငံတွင် မြန်မာ့ဆန်တန်ချိန် ၁၈,၀၀၀ ကို အန္တရာယ်ရှိသော အစားအသောက်စာရင်းသွင်း၍ ဖျက်ဆီးခံလိုက်ရကြောင်း နိုင်ငံတကာမီဒီယာများက ဖော်ပြခဲ့ကြသည်။

အဆိုပါ သတင်းထွက်ပေါ်ပြီးနောက် အမေ့ခံမြန်မာ့ဆန်လောကဖွံ့ဖြိုးရေးမှာ အများသူငါနှုတ်ဖျားတွင် ပြန်လည်ရေပန်းစားလာပြီဖြစ်သည်။

အွန်လိုင်းပေါ်တွင်ပုံကြီးချဲ့သူများကမူ ဓာတ်ကြွင်းပမာဏ များပြားသောကြောင့် စားသုံးရန်မသင့်ဟုဆိုကာ ဖျက်ဆီးလိုက်ခြင်းဖြစ်ကြောင်း မြန်မာ့ဆန်ကို ပုံဖျက်ကြသည်များပင် ရှိသည်။

တန်ချိန် ၁၈,၀၀၀

အိုင်ဗရီကို့စ် ကျန်းမာရေးအရာရှိများသည် မြန်မာ့ဆန်တန်ချိန် ၁၈,၀၀၀ ကို အရည်အသွေးစစ်ဆေးမှုများ အဆင့်ဆင့်လုပ်ဆောင်ပြီးနောက်တွင် စားသုံးရန်မသင့်ဟု မှတ်ချက်ပြုကာ ဖျက်ဆီးပစ်လိုက်ခြင်းဖြစ်သည်။

အာဖရိကနိုင်ငံများတွင် ဆန်သည် အဓိကစားသောက်ကုန်တစ်ခု ဖြစ်သည်။ အာဖရိကဒေသခံ စိုက်ပျိုးရေးလုပ်ငန်းသည် ဝမ်းစာအတွက် လိုအပ်ချက်နှုန်းထားကို မဖြည့်ဆည်းနိုင်သောကြောင့် လိုအပ်သည့် ဆန်ကို ပြည်ပနိုင်ငံများမှ မှာယူတင်သွင်းနေရခြင်းဖြစ်သည်။ အာဖရိကနိုင်ငံများရှိ ထိပ်တန်းအရာရှိများ၏ အကျင့်ပျက်ခြစားမှုကြောင့် ဆန်တင်သွင်းသည့် ကိစ္စများတွင်လည်း ပြဿနာများစွာ ရှိနေပြန်သည်။

အာဖရိကနိုင်ငံ အိုင်ဗရီကို့စ်တွင် အရည်အသွေးမမီဟုဆိုကာ ဖျက်ဆီးခံ လိုက်ရသည့် မြန်မာ့ဆန်များကို ရွှေဝါရောင်ကုမ္ပဏီ၊ MEC နှင့် ဧရာဟင်္သာကုမ္ပဏီတို့က ရောင်းချခဲ့ခြင်းဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနဒုတိယဝန်ကြီး ဦးအောင်ထူးက ၎င်း၏ Facebook မှတစ်ဆင့် ပြောကြားလိုက်သည်။

ရွှေဝါရောင်ကုမ္ပဏီသည် ဆန်တန်ချိန် ၁၃,၅၀၀၊ MEC ကုမ္ပဏီသည် ဆန်တန်ချိန် ၈၀၀၀ နှင့် ဧရာဟင်္သာကုမ္ပဏီသည် ဆန်တန်ချိန် ၅၀၀ တို့ကို ရန်ကုန်အခြေစိုက်စင်ကာပူ Olam  International ကုမ္ပဏီထံသို့ ရောင်းချခဲ့ခြင်းဖြစ်ပြီး အဆိုပါကုမ္ပဏီက ပြန်လည်တင်ပို့ခဲ့ခြင်းဖြစ်ကြောင်း ဒုဝန်ကြီးက ဆိုသည်။ ထိုကုမ္ပဏီက အာဖရိကနိုင်ငံများသို့ ပြန်လည်တင်ပို့ခဲ့ခြင်း ဖြစ်သည်။

ရွှေဝါရောင်ကုမ္ပဏီသည် နာမည်ကြီး ဆန်လုပ်ငန်းရှင်ဦးလူမော်မြင့်မောင်၏ ကုမ္ပဏီဖြစ်ပြီး ဧရာဟင်္သာကုမ္ပဏီကမူ နာမည်ကြီး စီးပွားရေးလုပ်ငန်းရှင်ဦးဇော်ဝင်းရှိန်၏ ကုမ္ပဏီဖြစ်သည်။  MEC ကမူ အများသိသည့် မြန်မာ့စီးပွားရေးကော်ပိုရေးရှင်းပင် ဖြစ်သည်။

အဆိုပါ ဆန်များတင်ပို့ရန်အတွက် MV Ocean Princess သင်္ဘောသည် ၂၀၁၈ ခုနှစ် ဩဂုတ်လကုန်တွင် ရန်ကုန်ဆိပ်ကမ်းသို့ ရောက်ရှိခဲ့ပြီး မိုးတွင်းကာလဖြစ်သောကြောင့် သင်္ဘောပေါ်သို့ ဆန်တင်ချိန်မှာ တစ်လကျော်ကြာမြင့်ခဲ့ကာ အောက်တိုဘာလ ၁၅ ရက်တွင် ဆိပ်ကမ်းမှ ထွက်ခွာသွားခဲ့ကြောင်း ဒုတိယဝန်ကြီးဦးအောင်ထူးက ဆိုသည်။

၂၀၁၈ ခုနှစ် အောက်တိုဘာလတွင် မြန်မာ့ဆိပ်ကမ်းမှထွက်ခွာသွားသော MV Ocean Princess သင်္ဘောသည် အိန္ဒိယတွင် ဆန်တန်ချိန် ၁၄,၀၀၀ ထပ်မံတင်ဆောင်ခဲ့ပြီး ၂၀၁၈ ခုနှစ် နိုဝင်ဘာလ ကျမှသာ ဆိပ်ကမ်းမှ ထွက်ခွာနိုင်ခဲ့သည်။ ၂၀၁၈ ခုနှစ် ဒီဇင်ဘာလကုန်တွင် ဂီနီနိုင်ငံ  Conakry ဆိပ်ကမ်းသို့ ရောက်ရှိချိန်တွင် မြန်မာ့ဆန်များသည် အရည်အသွေးမပြည့်သည့် ပြဿနာပေါ်ပေါက်ခဲ့ကာ အခြားသော အာဖရိကနိုင်ငံများဖြစ်သည့် တိုဂို၊ ကုတ်ဒီဗွားနိုင်ငံတို့ကလည်း လက်မခံခဲ့ကြောင်း ဒုတိယဝန်ကြီးက ရှင်းပြသည်။

မရောင်းရသည့် ဆန်များကို ပြန်လည်သယ်ယူရန်အတွက် Olam International ကုမ္ပဏီတာဝန်ရှိသူများသည် စီးပွား/ကူးသန်းဝန်ကြီးဌာနထံ ၂၀၁၉ ခုနှစ် ဖေဖော်ဝါရီလ ၁၉ ရက်တွင် လာရောက်တွေ့ဆုံခဲ့ပြီး Repair and return စနစ်ဖြင့် သွင်းကုန်ပါမစ်များကို ချထားပေးခဲ့သည်ဟု ဒုဝန်ကြီးက ရှင်းပြသည်။

သို့သော်လည်း သင်္ဘောမှာ ပြန်လှည့်မလာဘဲ အိုင်ဗရီကို့စ်တွင် မြန်မာ့ဆန်များဖျက်ဆီးခံရသည်ကို မကြာမီက သိရှိရကြောင်း၊ ဆန်များသည် သင်္ဘောပေါ်တွင် ရှစ်လခန့်ကြာမြင့်ခဲ့သည်ဖြစ်ရာ သင်္ဘောတင်ချိန်နှင့် ယင်း ကြာမြင့်ချိန်တွင် ရေငွေ့ဝင်ခဲ့သည်ဟု ယူဆရကြောင်း ၎င်းက ဆိုသည်။

သင်္ဘောပေါ်သို့ ဆန်တင်သည့် ဩဂုတ်လသည် မြန်မာနိုင်ငံတွင် မိုးများချိန်ဖြစ်ပြီး ဆန်တင်ချိန်တွင် မိုးရွာသည်နှင့် ကြုံကြိုက်ပြီး ဆန်အိတ်များသည် ခုနစ်မိနစ်ခန့် မိုးမိသွားခဲ့သည်ဟု ဆန်ကုန်သည်များက ဆိုကြသည်။ သင်္ဘောဝမ်းထဲသို့ မိုးရေများ ဝင်ရောက်သွားခဲ့သည်ဟုလည်း ဆိုကြသည်။ သင်္ဘောတင်ချိန်တွင် အချိန်တစ်လခွဲခန့်ကြာမြင့်သည်ဖြစ်ရာ ဤကိစ္စအတွက် ထောက်ပြသူများလည်းရှိသည်။ မြန်မာနိုင်ငံ၏ Logistics သည် နိုင်ငံတကာအဆင့် မရောက်သေးဘဲ ကုန်သွယ်ရေးတွင် အခက်အခဲများရှိနေသေးကြောင်း ထောက်ပြကြခြင်း ဖြစ်သည်။

သင်္ဘောပေါ်သို့ ဆန်တင်ရာတွင် ပွင့်လင်းရာသီ၌ တစ်နေ့လျှင် ဆန်တန်ချိန် ၁၅၀၀ ခန့်တင်နိုင်သော်လည်း မိုးတွင်း၌မူ ယင်းသို့ မတင်နိုင်ကြောင်း ပြည်ပပို့ဝါရင့်ဆန်လုပ်ငန်းရှင် ဦးမျိုးသူရအေးက ထောက်ပြသည်။ အကြောင်းမှာ မိုးရာသီ၌ လေထုထဲတွင် စိုထိုင်းဆမြင့်လာသည်နှင့် သင်္ဘောတင်ခြင်းကို ရပ်ဆိုင်းထားခြင်းကြောင့် အချိန်ကြာမြင့်ခြင်းဖြစ်နိုင်ကြောင်း ၎င်းက တွက်ဆပြသည်။

မြန်မာနိုင်ငံဆန်စပါးအသင်းချုပ် ဥက္ကဋ္ဌဦးရဲမင်းအောင်ကလည်း ယခု ဆန်ပြဿနာသည် ကာလရှည်သိုလှောင်ထားခြင်း (Long Storage) ပြဿနာပင်ဖြစ်သည်ဟု ယူဆကြောင်း ၎င်း၏ Facebook တွင် ဖော်ပြထားသည်။

မြန်မာ့ဆန်များကို သင်္ဘောတင်ချိန် မိုးမိသွားသော်လည်း အလုံးစုံပျက်စီးသွားခြင်းမဟုတ်ဟု ကုန်သည်အသိုင်းအဝန်းက ယူဆလျက်ရှိပြီး အဆိုပါဆန်များကို အိုင်ဗရီကို့စ်အရာရှိများက မဖျက်ဆီးရသေးဟု ဆိုကြသူများလည်းရှိသည်။ နိုင်ငံတကာမီဒီယာများတွင် ဖော်ပြထားသောဓာတ်ပုံများသည်လည်း မြန်မာ့ဆန်ဓာတ်ပုံများမဟုတ်ဟု ၎င်းတို့က ဆိုကြသည်။

ကုန်သည်များသည် အာမခံလျော်ကြေးရရှိရေးအတွက် တန်ချိန် ၁၈,၀၀၀ ဖျက်ဆီးလိုက်သည်ဟု ကြေညာခြင်းဖြစ်ကြောင်း မြန်မာ့ဆန်ကုန်သည်များက ယူဆလျက်ရှိသည်။ ထိုပြင် အာမခံ လျော်ကြေးရရေးအတွက် မီဒီယာကို ခုတုံးလုပ်၍ ပိုမိုခိုင်မာအောင်သက်သေထူနေကြခြင်းဖြစ်ကြောင်း ၎င်းတို့က ဆိုကြသည်။

အကြောင်းမှာ နိုင်ငံတကာကုန်သွယ်ရေးတွင် တင်ပို့သည့်ကုန်ပစ္စည်းများကို အာမခံထားကြခြင်းသည် လုပ်ရိုးလုပ်စဉ်သာဖြစ်ကြောင်း ကုန်သည်များက ဆိုကြသည်။

“ပြောရရင်တော့ မီဒီယာကို ခုတုံးလုပ်။ Announce လုပ်။ Evidence ယူလိုက်တာ။ တစ်ကမ္ဘာလုံးပျံ့သွားရင် ခိုင်မာသွားပြီပေါ့။ သူ့ဘာသာ Insurance က တောင်းလိုက်လည်း ရတာကို ပိုခိုင်မာအောင်”ဟု ပြည်ပပို့ဆန်လုပ်ငန်းရှင် ဦးမျိုးသူရအေးက မှတ်ချက်ပြုသည်။

မြန်မာ့ဆန်အမည်းစက်များ

မြန်မာ့ဆန်ကို အိုင်ဗရီကို့စ်နိုင်ငံသို့ ယခုမှ တင်ပို့ခဲ့ခြင်း မဟုတ်။ ၂၀၀၉ ခုနှစ်က ဆိုလျှင် အနောက်အာဖရိကနှင့် အိုင်ဗရီကို့စ်နိုင်ငံသို့ ဆန်တန်ချိန်ရှစ်သိန်းခွဲကျော် တင်ပို့နိုင်ခဲ့သည်။

သို့သော်လည်း မြန်မာ့ဆန်သမိုင်းတွင် အမည်းစက်များလည်း ရှိနေသည်။ ယခုကဲ့သို့ အဖြစ်အပျက်များသည် ပြီးခဲ့သည့်နှစ်များအတွင်းကလည်း ဖြစ်ပေါ်ခဲ့သေးသည်။ ၂၀၀၉ ခုနှစ် ဖေဖော်ဝါရီလကဆိုလျှင် ဂါနာနိုင်ငံသို့ တင်ပို့သော ဆန်တန်ချိန် ၁၅,၀၀၀ ကျော်မှာ အရည်အသွေးမမီကြောင်း ငြင်းပယ်ခံခဲ့ရသည်။

၂၀၁၀ နိုဝင်ဘာလအတွင်း အရှေ့အလယ်ပိုင်းနိုင်ငံများသို့ တင်ပို့သော မြန်မာ့ဆန်တန်ချိန် ၆၀၀၀ မှာ အရည်အသွေးမမီသောကြောင့် ပြန်ပို့ခံခဲ့ရသေးသည်။ ၂၀၁၁ ခုနှစ် ဒီဇင်ဘာလအတွင်းကလည်း အိုင်ဗရီကို့စ်နိုင်ငံသို့ တင်ပို့သော ၂၅ မှတ်ဆန်မှာ အရည်အသွေးမမီသောကြောင့် ဆိပ်ကမ်းတွင် ချခွင့်မရခဲ့ပေ။

ဤသို့သော ပြဿနာများသည် မြန်မာ့ဆန်သမိုင်းတွင် ဖြစ်ပေါ်ခဲ့သော ပြဿနာများ ဖြစ်သည်။

လက်ရှိပြဿနာနှင့် သီးခြားဖြစ်သော ယခင်ပြဿနာများတွင်မူ ဆန်အဟောင်းများကြားတွင် အသစ်ပေါ်စဆန်ကွဲများကို ရောနှောကာတင်ပို့ခဲ့သည့် သာဓကများလည်း ရှိခဲ့သည်။ စိုထိုင်းဆ များသောကြောင့် အဝါဖောက်ကာ အရည်အသွေးမမီသည့် ပြဿနာများလည်း ကြုံခဲ့ဖူးသည်ဟု မြန်မာ့ဆန်ကုန်သည်များက ဆိုကြသည်။

ယှဉ်ပြိုင်မှုပြင်းထန်သည့် ဈေးကွက်

၂၀၁၅ ခုနှစ်မှစ၍ မြန်မာ့ဆန်သည် နိုင်ငံတကာဈေးကွက်တွင် ပြန်လည် ဦးမော့လာသည်။

၂၀၁၇ -၂၀၁၈ ဘဏ္ဍာနှစ်တွင် စံချိန်တင်သုံးသန်းကျော်တင်ပို့နိုင်ခဲ့ပြီး ယင်းအတွက်လည်း သမ္မတဦးဝင်းမြင့် ကိုယ်တိုင်က ၎င်း၏ မိန့်ခွန်းတွင် ဂုဏ်ယူစွာ ထုတ်ဖော်ပြောကြားခဲ့ရသည်။

ပြီးခဲ့သည့် နှစ်တွင် မြန်မာသည်ဆန်တင်ပို့မှုအများဆုံးနိုင်ငံဖြစ်လာပြီး အိမ်နီးချင်း ထိုင်း၊ အိန္ဒိယတို့နှင့် ယှဉ်ပြိုင်ရလျက်ရှိသည်။ ထို့ပြင် ဗီယက်နမ်၊ ကမ္ဘောဒီးယားတို့သည်လည်း မြန်မာနှင့် နိုင်ငံတကာဈေးကွက်ဝေစုကို အပြိုင်အဆိုင်လုနေရခြင်းဖြစ်သည်။

ဤသို့သောအခြေအနေတွင် အိုင်ဗရီကို့စ်က ဖျက်ဆီးလိုက်သော မြန်မာ့ဆန်ကိစ္စမှာ နိုင်ငံ၏ ကုန်သွယ်ရေးပုံရိပ်ကိုပါ ထိခိုက်စေသည်ဟု မြန်မာဆန်ကုန်သည်များက ယူဆလျက်ရှိသည်။

၂၀၁၇ – ၂၀၁၈ဘဏ္ဍာနှစ်တွင် ဆန်တန်ချိန် ၃ ဒသမ ၆ သန်းကျော်စံချိန်တင်တင်ပို့နိုင်ခဲ့သော်လည်း ဤပြဿနာမျိုး မပေါ်ပေါက်ခဲ့ဟု စီးပွားကူးသန်းလက်ထောက်အတွင်းဝန် ဦးခင်မောင်လွင်က ရှင်းပြသည်။

“အစ်ကိုတို့က အာဖရိကတင်ပို့တာ  မဟုတ်ဘူး။ တရုတ်လည်း ပို့တယ်။ ဥရောပလည်း ပို့တယ်”ဟု ၎င်းက ဆိုသည်။

မြန်မာ့ဆန်သည် အရည်အသွေးစစ်ဆေးမှုများကို ဖြတ်ကျော်ပြီးမှသာ ပြည်ပသို့ တင်ပို့ခြင်းဖြစ်ကြောင်း ၎င်းက ဆိုလိုခြင်းပင်ဖြစ်သည်။

ထိုအချက်ကို ဝါရင့်ဆန်ကုန်သည် ဦးမျိုးသူရအေး ကလည်း ထောက်ခံသည်။ မြန်မာသည် ဖွံ့ဖြိုးပြီးနိုင်ငံများ၏ စံနှုန်းများအတိုင်း ဥရောပသို့ပင် ဆန်တင်ပို့ နိုင်လျက်ရှိခြင်းကိုလည်း ၎င်းက ထောက်ပြသည်။ ဦးမျိုးသူရအေး ကိုယ်တိုင်သည်လည်း ဥရောပသို့ ဆန်တင်ပို့သူဖြစ်သည်။

မြန်မာဘက်မှ တင်ပို့သည့် ဆန်ကို အရည်အသွေးစစ်ဆေးသည့်အဖွဲ့မှာလည်း ဆွစ်ဇာလန်နိုင်ငံဂျီနီဗာမြို့ အခြေစိုက်ပြီး ကမ္ဘာတစ်ဝန်းလုံးတွင် ရုံးခွဲပေါင်း ၂၆၀၀ ကျော် ဝန်ထမ်း ၉၇,၀၀၀ ကျော်ဖြင့် လည်ပတ်နေသည့် SGS ဖြစ်သည်။

တုံ့ပြန်မှု

ပြည်တွင်းအသင်းအဖွဲ့များအကြားတွင် နာမည်ကောင်းဖြင့် ရပ်တည်နေသည့် မြန်မာ့နိုင်ငံဆန်စပါးအသင်းချုပ်ကမူ ဤကိစ္စသတင်း ထွက်လာပြီး မကြာမီတွင် ပြန်လည်ဖြေရှင်းမည်ဟု အသင်းချုပ်ဥက္ကဋ္ဌဦးရဲမင်းအောင်က ၎င်း၏ Facebook ပေါ်မှတစ်ဆင့် ပြည်သူများသို့ အသိပေးထားသည်။

ပြဿာနာ၏ အဓိကအကြောင်းရင်းမှာ ဆန်များကို ကာလရှည်ထားရှိမှုနှင့် နောက်တစ်ချက်မှာ End Buyer သို့ တိုက်ရိုက်မရောင်းချနိုင်ခဲ့မှုကြောင့်ဖြစ်သည်ဟု ဆိုသည်။ မြန်မာ့ဆန်ကို ဝယ်ယူခဲ့သည့် End Buyer မဟုတ်သော ရန်ကုန်အခြေစိုက် စင်ကာပူ Olam International  သည် ဆန်ဝယ်ယူပြီးနောက် အာဖရိကနိုင်ငံများသို့ လှည့်လည်၍ ဆန် ရောင်းချခဲ့ခြင်းဖြစ်သည်။ အချိန်ကာလကြာမြင့်သွားသောကြောင့် ပြဿနာပေါ်လာခြင်းဖြစ်သည်ဟု ဦးရဲမင်းအောင်က ၎င်း၏  Facebook တွင်ဖော်ပြထားသည်။

ထို့ပြင် ယခုကဲ့သို့ ပြဿနာများ မဖြစ်ပေါ်ရေးအတွက် ကုန်သည်များဘက်မှလည်း အရည်အသွေးကို ပိုမိုဂရုစိုက်စိစစ်ကြရန်နှင့် အစိုးရကလည်း အစိုးရချင်း ချိတ်ဆက်ရောင်းဝယ်မှုကို ပိုမိုလုပ်ဆောင်ရန် ဦးရဲမင်းအောင်က အကြံပြုထားသည်။

မြန်မာနိုင်ငံမှ တင်ပို့သောဆန်သည် FOB (Free on Board) Yangon ဖြစ်သည်။ FOB သည် ကုန်ပစ္စည်းကို ရောင်းသူက သင်္ဘောပေါ်သို့ အရောက်ပို့ရမည်။ သင်္ဘောပေါ်သို့ ရောက်ရှိပြီး ကုန်ပစ္စည်း၏ ယိုယွင်းပျက်စီးမှုနှင့် ကုန်ကျစရိတ်သည် ရောင်းသူနှင့် မဆိုင်။ ဝယ်ယူသူနှင့်သာ သက်ဆိုင်ခြင်းဖြစ်သည်။

ထို့ကြောင့်ပင် အိုင်ဗရီကို့စ်က ဖျက်ဆီးသော မြန်မာ့ဆန်သည် ယေဘုယျအားဖြင့်ဆိုလျှင် မြန်မာနှင့် မဆိုင်။ သို့သော်လည်း ပုံရိပ်အားဖြင့် မြန်မာကို ထိခိုက်နေခြင်းဖြစ်သည်။ ထို့ကြောင့်လည်း ဝယ်ယူသူသည် အာမခံလျော်ကြေးရရန်အတွက် မြန်မာ့ဆန်များကို ဖျက်ဆီးသည်ဟု သတင်းလွှင့်ကြောင်း မြန်မာကုန်သည်များက ယူဆနေကြခြင်းဖြစ်သည်။

မြန်မာနိုင်ငံဆန်စပါးအသင်းချုပ်သည် ဤကိစ္စနှင့်ပတ်သက်၍ လာမည့် ဧပြီလ ၂၂ ရက်တွင် သတင်းစာရှင်းလင်းပွဲတစ်ရပ် ပြုလုပ်မည်ဖြစ်သည်။

ထို့ပြင်ဝန်ကြီးဌာနများ၊ မြန်မာနိုင်ငံဆန်စပါးအသင်းချုပ်နှင့် ကုန်သည်များပါဝင်သည့် အထူးအစည်းအဝေးတစ်ရပ်ကိုလည်း ဧပြီလ ၂၃ ရက်တွင် နေပြည်တော်၌ ပြုလုပ်မည်ဖြစ်ကြောင်း စီးပွား/ကူးသန်းဝန်ကြီးဌာန လက်ထောက်အတွင်းဝန်ဦးခင်မောင်လွင်က ဆိုသည်။

“ဒါဟာ ဘယ်သူအားနည်းချက်ကြောင့် ဖြစ်တာလဲဆိုတာ ကျွန်တော်တို့ စိစစ်သွားဖို့ ရှိပါတယ်။ နောင်ဒါမျိုးမဖြစ်အောင် ဘယ်လိုလုပ်ကြမလဲ ဆွေးနွေးကြမယ်”ဟု ၎င်းက ဆိုသည်။

မည်သို့ဆိုစေ အပြိုင်အဆိုင်ကြီးမားသော နိုင်ငံတကာကုန်သွယ်ရေးတွင် ယခုကိစ္စသည် အားနည်းချက်၊ အားသာချက်များဖြင့် ကစားရသည့် ကစားပွဲတစ်ခုသာဖြစ်ပြီး ကုန်သည်များအတွက် မထူးဆန်းဟု ပြည်ပပို့ဝါရင့်ဆန်ကုန်သည် ဦးမျိုးသူရအေးက ယခုကဲ့သို့ မှတ်ချက်ပြုသည်။

“နားလည်တဲ့သူအတွက်ကတော့ ဒါက Game (ကစားပွဲတစ်ခု) ပါပဲ”

ရဲနိုင်ဦး

You may also like...

Leave a Reply

Your email address will not be published. Required fields are marked *