အမှားကြာ အမှန်မဖြစ်ရေး

သိသော တတ်သောသူများသည် ကိုယ်သိသမျှ များများဝေမျှပြောဆိုမှသာ အမှားကြာပြီး အမှန်ဖြစ်ခြင်းအန္တရာယ်မှ မြန်မာနိုင်ငံကြီး လွတ်ကင်းမည်။

ပြောသင့်ပြောထိုက်လျှင် ပြောဆိုသင့်သည်။ ‘ဆိုရေးရှိက ဆိုအပ်လှ၏။’ ‘ဟုတ်မှန်၍ အများအကျိုးရှိလျှင် ပြောသင့်ပြောအပ်၏။’

သိသောသူတို့ တတ်သောသူတို့က မပြောကြ၊ မရေးကြလျှင် မသိသောသူတို့ ပြောသည်ရေးသည်တို့ အမှန်ဖြစ်လာလိမ့်မည်။ အမှားများလျှင် အမှန်ဖြစ်၊ အမှားကြာလျှင် အမှန်ဖြစ်သည်။ မြန်မာအများအပြား ကျင်လည်ဖတ်ရှုရေးသားနေကြသည့် Facebook သည် အကောင်းဆုံးဥပမာဖြစ်သည်။ အချက်အလက်အမှားများ၊ ဗဟုသုတအလွဲများကို ပြောဆိုဝေမျှနေကြရင်းဖြင့် ထိုအမှား၊ အလွဲများသည် အမှန်သဖွယ် ဖြစ်လာနေပြီ။ ‘ရေးထားသောစာ’ Written Word သည် ယခင်က လူတိုင်းမရေးနိုင်သည့်အတွက် အမှန်တရားနှင့်နီးစပ်သည်ဟု ယုံကြည်ခဲ့ကြသည့်အစွဲသည် Facebook ခေတ်တွင် ဒုက္ခပေးနေပြီ။

သိသူတတ်သူအများအပြားသည် နိုင်ငံရေးမပါသော ‘ပညာရပ်ပိုင်း’ ပင်လျှင် လူတို့ မျက်စိစပါးမွှေးစူးမည်စိုးသည့်အတွက် Facebook တွင် မရေးရဲကြ။ အချိန်မရှိ၍မဟုတ်၊ မတတ်၍မဟုတ်၊ မရေးချင်၍မဟုတ်ဘဲ ‘ဒီကောင် ဆရာကြီးလုပ်တယ်’ ဟု အမြင်ကတ်ခံရမည် စိုးသည့်အတွက် သိသမျှ မရေးသူများ များပြားလှသည်။ စင်စစ်ထိုသို့သောသူများ ရေးသားဝေမျှပါမှ လူတို့ မျက်စိနားပွင့်မည်။

မြန်မာတို့ အသိအမြင်ကြွယ်ဝလာစေရေးအတွက် ကျောင်းပညာရေးကိုချည်း အားကိုး၍ မရပါ။ အရွယ်ရောက်နေပြီဖြစ်သော၊ ကျောင်းမတက်တော့သော လူကြီးတို့ဖြင့် နိုင်ငံကိုလည်ပတ်နေကြရသည်။ ထိုလူကြီးတို့ သိရန် တတ်ရန် အချင်းချင်းဖလှယ်မှ၊ ဝေမျှမှရမည်။

ထို့ကြောင့် တကယ်သိသော တတ်သောသူတို့သည် Facebook တွင် များများရေးရန်လိုသည်။ ပညာပါရမီဖြည့်ရာလည်းရောက်သည်။

‘ဖတ်ဖန်သော်ငြား၊ ဖတ်ဖန်များက၊ သားမယားပင်၊ သိမြင်ကင်းကွာ၊ မလိမ္မာလည်း၊ စာပေစကား၊ နေ့တိုင်းကြားက၊ ထူးခြားလိမ္မာ၊ ရှိသည်သာတည့်’ ဟူသော ကျောင်းသုံးကဗျာမှ ကောက်နုတ်ချက်သည် သိပြီးတတ်ပြီး ရေးလိုစိတ် ဝေမျှလိုစိတ်ရှိသော်လည်း မျက်စိစပါးမွှေးစူးခံရမည်စိုးရိမ်သောကြောင့် ဝေမျှသင့်သလောက် မဝေမျှနိုင်သေးသူများအတွက် အားဆေးပင် ဖြစ်သည်။

သိသမျှ၊ တတ်သမျှတို့ကို ဝေမျှပြောဆိုရေးသားခြင်းသည် နိုင်ငံတည်ဆောက်ခြင်းပင်ဖြစ်သည်။ 

 

အယ်ဒီတာ
၂၅.၄.၂၀၁၉

You may also like...

Leave a Reply

Your email address will not be published. Required fields are marked *