ယခင်လေယာဉ်မယ် ယခုမိဖုရား

Photo - The National

ယခုနှစ် မေ ၁ ရက်မှာ ထိုင်းနိုင်ငံအတွက် ထူးထူးခြားခြား သမိုင်းဝင်နေ့တစ်နေ့ ဖြစ်လာခဲ့သည်။ ယင်းနေ့တွင် နန်းတက်မင်္ဂလာအခမ်းအနားဖြင့် ထိုင်းဘုရင်ဖြစ်လာမည့် မဟာဝထီရာလာင်ကွန်းအတွက် မိဖုရားသစ်ကို တော်ဝင်အခမ်းအနားဖြင့် လက်ထပ်ခဲ့သည့်နေ့ပင် ဖြစ်သည်။

အသက် ၆၆ နှစ်အရွယ် ထိုင်းဘုရင်မဟာဝထီရာလောင်ကွန်းက လေယာဉ်မယ်လည်း ဖြစ်၊ ၎င်း၏ လုံခြုံရေးတပ်ဖွဲ့တွင် လက်ထောက်တပ်မှူးလည်းဖြစ်သည့် အသက် ၄၀ အရွယ် ဆုထီးထိဒကျိုင်ကို မိဖုရားအဖြစ် တရားဝင်တင်မြှောက်ခဲ့ခြင်းဖြစ်သည်။ သူမကို ပေးအပ်လိုက်သည့် မိဖုရားဘွဲ့အမည်မှာ ဆုထီးဝထီရာလောင်ကွန်းနာအယုဒ္ဓယ ဖြစ်သည်။

မိဖုရား၏ ဘ၀ဇာတ်ကြောင်း

ဆုထီးထိဒကျိုင်ကို ၁၉၇၈ ခုနှစ် ဇွန်လ ၃ ရက်နေ့တွင် မွေးဖွားရာ ယခုအသက် ၄၀ အရွယ်ရှိပြီဖြစ်သည်။ သူမသည် ထိုင်းနိုင်ငံဘန်ကောက်မြို့ရှိ Assumption တက္ကသိုလ်မှ ၂၀၀၀ ပြည့်နှစ်တွင် ဆက်ဆံရေးပညာဘာသာရပ်ဖြင့် ဘွဲ့ရရှိခဲ့သူဖြစ်ကြောင်း Thai Rath သတင်းစာက ဆိုသည်။

သူမသည် Thaiလေကြောင်းလိုင်းတွင် လေယာဉ်မယ်အဖြစ် အလုပ်လုပ်ကိုင်ခဲ့ပြီးနောက် ယင်းအချိန်က အိမ်ရှေ့မင်းသားဖြစ်သည့် ၀ထီရာလောင်ကွန်း၏ လုံခြုံရေးတပ်ဖွဲ့တွင် ဝင်ရောက်အမှုထမ်းခဲ့သည်။

၂၀၁၃ ခုနှစ်တွင် အိမ်ရှေ့မင်းသားဝထီရာလောင်ကွန်းက ၎င်း၏ လုံခြုံရေး တပ်ဖွဲ့တွင် သူမကို အထူးအရာရှိအဖြစ် ခန့်အပ်ခဲ့သည်။ ဘုရင် မဟာဝထီရာလောင်ကွန်းက မိဖုရားအဖြစ်တင်မြှောက်ချိန်တွင် သူမမှာ ဘုရင့်လုံခြုံရေးတပ်ဖွဲ့၏ လက်ထောက်တပ်မှူးရာထူး ထမ်းဆောင်နေသည်။ ဘုရင်လုံခြုံရေးတပ်ဖွဲ့တွင် တပ်မှူးရာထူးမှာ ဘုရင်ကိုယ်တိုယ်ပင်ဖြစ်ရာ သူမမှာ ဘုရင့်လုံခြုံရေးတပ်ဖွဲ့တွင် ဘုရင်ပြီးလျှင် ရာထူးအကြီးဆုံးဟု ဆိုနိုင်ပါသည်။

သူမသည် ဘုရင့်တော်ဝင် ဂုဏ်ထူးဆောင်ဆုပေါင်း ၂၀ ကျော်ကို ရရှိပိုင်ဆိုင်ထားသူလည်းဖြစ်သည်။ ပထမဆုံးတော်ဝင်ဂုဏ်ထူးဆောင်ဆုကို နတ်ရွာစံသွားသည့် ဘုရင်ကြီးဘူမိဘောက ၂၀၁၂ ခုနှစ်တွင် ပေးအပ်ချီးမြင့်ခဲ့ခြင်းလည်းဖြစ်သည်။ သူမ၏ အိမ်ရှေ့မင်းသားဝထီရာလောင်ကွန်း၏ ကိုယ်ရံတော်တပ်ဖွဲ့တွင် တာဝန်ထမ်းဆောင်ရာတွင် ရိုးသားသစ္စာရှိမှု၊ တာဝန်ကျေမှု၊ နစ်မြှုပ်လုပ်ကိုင်မှု၊ စွန့်လွှတ်အနစ်နာခံမှုများကြောင့် ယင်းအချိန်က ဘုရင်ဖြစ်သည့် ဘူမိဘောက ဆင်ဖြူရှင်ဆုတံဆိပ်ကို ပေးအပ်ခဲ့ခြင်းဖြစ်သည်။ ယင်းဆုရရှိအပြီးတွင် သူမသည် ဒုဗိုလ်မှုးကြီးရာထူးကို ရရှိခဲ့သည်။

ဘုရင်သစ်မဟာဝထီရာလောင်ကွန်း ဖိဖုရားတင်မြောက်သည့် အခမ်းအနားမှာ ထိုင်းပြည်သူအများစုကို အံ့ဩမင်သက် သွားစေခဲ့သည်။ အကြောင်းမှာ ထိုင်းနန်းတော်သည် ယခင်က ဘုရင်ဝထီရာလောင်ကွန်းနှင့် သူမတို့၏အကြောင်းကို သိသိမှတ်မှတ်ထုတ်ပြန်ထားမှု မရှိသောကြောင့်ဖြစ်သည်။ ထို့ပြင် ဘုရင်ဝထီရာလောင်ကွန်းမှာလည်း ယခင်က အိမ်ထောင်သုံးဆက်ရှိသူဖြစ်သောကြောင့် ဖြစ်သည်။

မိဖုရားကံ ပါလာလေသလား

လက်ရှိ ဘုရင် မဟာဝထီရာလောင်ကွန်းမှာ ၁၉၇၇ ခုနှစ်က သူမ၏ မယ်တော်ဘက်မှ မောင်နှမဝမ်းကွဲတော်သူ ကီတီယာကာရာနှင့် လက်ထပ်ထိမ်းမြားခဲ့ပြီး သမီးတော်တစ်ပါးဖွားမြင်ခဲ့သည်။ နောက်ပိုင်းတွင် အိမ်ရှေ့မင်းသားဝထီရာလောင်ကွန်းမှာ ထိုင်းရုပ်ရှင်မင်းသမီးဖြစ်သူ ယုဝတီပိုပရာဆတ်ဆိုသူနှင့် အတူနေထိုင်ခဲ့ပြီး ကလေးငါးဦး ဖွားမြင်ခဲ့သည်။ သို့သော် ပထမမိဖုရားက ကွာရှင်းပေးရန်ငြင်းဆန်ခဲ့သော်လည်း ၁၉၉၃ ခုနှစ်တွင် တရားရုံးတွင်ကွာရှင်းခွင့်အတွက် အိမ်ရှေ့မင်းသားက ဦးတိုက်လျှောက်ထားခဲ့ပြီး ကွာရှင်းနိုင်ခဲ့သည်။

အိမ်ရှေ့မင်းသားဝထီရာလောင်ကွန်းမှာ ရုပ်ရှင်မင်းသမီးယုဝတီ ပိုပရာဆတ်နှင့် ၁၉၉၄ ခုနှစ်တွင် တရားဝင်လက်ထပ်ထိမ်းမြားခဲ့ပြီး နှစ်နှစ်အကြာ ၁၉၉၆ ခုနှစ်တွင် ယုဝတီမိဖုရားနှင့် သားတော် သမီးတော်များမှာ ဗြိတိန်နိုင်ငံသို့ ထွက်ပြေးခိုလှုံသွားခဲ့သည်။ အကြောင်းမှာ အိမ်ရှေ့မင်းသားက ယုဝတီမိဖုရားကို လေတပ်ဗိုလ်ချုပ်တစ်ဦးဖြစ်သည့် အန်နန်နှင့် ဖောက်ပြန်သည်ဟု စွပ်စွဲတော့မည့် အခြေအနေကို ရိပ်မိသောကြောင့်ဖြစ်သည်။ နောက်ပိုင်းတွင် မိဖုရားဟောင်းယုဝတီနှင့်အတူပါသွားသည့် သမီးတော်ကို အိမ်ရှေ့မင်းသားက ပြန်ခေါ်ခဲ့ပြီး မင်းသမီးအဖြစ် အပ်နှင်းခဲ့သည်။ သို့သော် မိဖုရားဟောင်း ယုဝတီနှင့် သားတော်တို့ကိုမူ တော်ဝင်အဆောင်အယောင်ဘွဲ့များ ပြန်လည်သိမ်းယူ၍ သံတမန်နိုင်ငံကူးလက်မှတ်ကိုလည်း ဖျက်သိမ်းပစ်ခဲ့သည်။ နောက်ပိုင်းတွင် ဖိဖုရားဟောင်းယုဝတီနှင့် သားတော်တို့မှာ အမေရိကသို့ ပြောင်းရွှေ့နေထိုင်ခဲ့သည်။

၂၀၀၁ ခုနှစ်တွင် အိမ်ရှေ့မင်းသားဝထီရာလောင်ကွန်းမှာ တတိယမြောက်မိဖုရားအဖြစ် ဆရီရာဆမီဆူဝဒီဆိုသည့် မထင်မရှားအမျိုးသမီးကို မိဖုရားမြှောက်ခဲ့သည်။ ယင်းမိဖုရားနှင့် ၁၃ နှစ်ကြာ ပေါင်းသင်းနေထိုင်ခဲ့ပြီး သားတော်တစ်ပါးဖွားမြင်ခဲ့သည်။ သို့သော် မိဖုရား၏ဆွေမျိုးများက အဂတိလိုက်စားမှုစွပ်စွဲချက်များထွက်ပေါ်လာအပြီးတွင် မိဖုရှား၏ မိသားစုများကို ပေးအပ်ထားသည့် တော်ဝင်ဘွဲ့များကို ပြန်လည်ရုတ်သိမ်းရန် ၂၀၁၄ ခုနှစ်တွင် အိမ်ရှေ့မင်းသားက ထိုင်းပြည်ထဲရေးဝန်ကြီးဌာနကို စာရေးသားတောင်းဆိုခဲ့သည်။ နောက်ပိုင်းတွင် မိဖုရှားဆရီရာဆမီဆူဝဒီနှင့် ကွာရှင်းခဲ့သည်။ မိဖုရားဆူဝဒီကို ကွာရှင်းစရိတ် ထိုင်းဘတ်ငွေသန်း ၂၀၀ ပေးအပ်ခဲ့ရသည်။

ယခုမိဖုရားဖြစ်လာသော ဆုထီးထိဒကျိုင်မှာ Thai လေကြောင်းလိုင်းတွင် လေယာဉ်မယ်အဖြစ် အလုပ်လုပ်စဉ် အိမ်ရှေ့မင်းသားနှင့် စတင်တွေ့ဆုံခဲ့ဖွယ်ရှိသည်ဟု Daily Mail သတင်းစာကဆိုသည်။ အိမ်ရှေ့မင်းသားမှာ လိုင်စင်ရလေယာဉ်မှူးတစ်ဦးဖြစ်ပြီး တစ်ခါတစ်ရံ ယင်းလေကြောင်းလိုင်းက လေယာဉ်များကို မောင်းနှင်လေ့ရှိသူ ဖြစ်သည်။ သူမ လေကြောင်းလိုင်းတွင် မည်မျှကြာအောင် အလုပ်လုပ်ကြောင်း စသည့်အသေးစိတ်ကိုမူမသိရဘဲ ၂၀၁၀ ပြည့်နှစ်တွင် ကိုယ်ရံတော်တပ်ဖွဲ့တွင် ဒု-ဗိုလ်အဖြစ် တာဝန်ထမ်းဆောင်ခဲ့သည်။ ထို့နောက် ခြောက်လအကြာတွင် သူမမှာဗိုလ်အဖြစ် ရာထူးတိုးခံခဲ့ရပြီး ၂၀၁၂ ခုနှစ်တွင် ဆင်ဖြူရှင်ဆုတံဆိပ်ရရှိခဲ့အပြီး ဒု-ဗိုလ်မှူးကြီးအဖြစ် ရာထူးတိုး မြှင်ခြင်းခံခဲ့ရခြင်းဖြစ်သည်။ ထို့နောက် ဘုရင်ဖြစ်လာသော မဟာဝထီရာလောင်ကွန်း၏ မိဖုရားအဖြစ် မေလ ၁ ရက်နေ့တွင် တရားဝင်ရွေးကောက်ခြင်း ခံခဲ့ရပေတော့သည်။

Ref: Reuters, Daily Mail

ဉာဏကျော်

You may also like...

Leave a Reply

Your email address will not be published. Required fields are marked *