မော်တော်ယာဉ်တင်သွင်းခွင့်မူဝါဒကြောင့် လုပ်ငန်းပိတ်သိမ်း၊ ကုမ္ပဏီဖျက်သိမ်းသည့် ကားကုမ္ပဏီ ၁၇၀ ကျော်

ရန်ကုန်၊ မေ ၁၀

တစ်နှစ်ပြီး တစ်နှစ်ပြောင်းလဲလာသည့် မော်တော်ယာဉ်တင်သွင်းခွင့်မူဝါဒသစ်ကြောင့် လုပ်ငန်းမကောင်းသဖြင့် မေလ ၈ ရက်အထိ လုပ်ငန်းပိတ်သိမ်း၊ ကုမ္ပဏီဖျက်သိမ်းခဲ့သည့် မော်တော်ယာဉ် အရောင်းစင်တာနှင့် အရောင်းပြခန်းလုပ်ကိုင်သော ကုမ္ပဏီ ၁၇၅ ခုရှိလာပြီဖြစ်ကြောင်း စီးပွားရေးနှင့်ကူးသန်းရောင်းဝန်ရေး ဝန်ကြီးဌာနမှ သိရသည်။

မော်တော်ယာဉ်အရောင်းစင်တာနှင့် အရောင်းပြခန်းဖွင့်လှစ်ရောင်းချခွင့် ပြုခဲ့သည့်အချိန်မှစ၍ လက်ရှိအချိန်အထိ လုပ်ငန်းပိတ်သိမ်းသည့် ကုမ္ပဏီ ၆၉ ခု၊ ဖျက်သိမ်းသည့် ကုမ္ပဏီ ၁၀၆ ခု၊ စုစုပေါင်း ၁၇၅ ခုရှိကြောင်း အဆိုပါဝန်ကြီးဌာနမှ သိရသည်။

ပြီးခဲ့သည့် သမ္မတဦးသိန်းစိန်အစိုးရလက်ထက်က ဘယ်မောင်း၊ ညာမောင်း မခွဲခြားဘဲ ပြည်ပမှ လွတ်လပ်စွာတင်သွင်းခွင့်ပြုခဲ့ချိန်တွင် ပြည်တွင်း၌ ယာဉ်အရောင်းစင်တာနှင့် အရောင်းပြခန်းများစွာဖွင့်လှစ်  လုပ်ကိုင်သည့် ကုမ္ပဏီများစွာရှိခဲ့ပြီး NLD အစိုးရလက်ထက်ပြောင်းလဲလိုက်သည့် ယာဉ်တင်သွင်းခွင့် မူဝါဒသစ်များကြောင့် အရောင်းအဝယ်မကောင်း ဖြစ်လာကြောင်း ဈေးကွက်အတွင်းမှ သိရသည်။

မြန်မာမော်တော်ယာဉ်ဈေးကွက်တွင် တစ်ပတ်ရစ်ဂျပန် ညာမောင်းယာဉ်များကို လူကြိုက်များသော်လည်း ညာမောင်းယာဉ်တင်သွင်းခွင့်ကို NLD အစိုးရ လက်ထက်တွင် ပိတ်ပင်ခဲ့ပြီး ဘယ်မောင်းများသာ တင်သွင်းခွင့်ပြုခြင်းနှင့် Model Year  တိုးမြှင့်သတ်မှတ်လိုက်ခြင်းကြောင့် ဈေးကွက်မကောင်းဖြစ်လာကာ ညာမောင်းယာဉ်ရောင်းချသည့်ကုမ္ပဏီများ ဖျက်သိမ်းကြခြင်းဖြစ်ကြောင်း စီးပွားရေးနှင့်ကူးသန်း ရောင်းဝန်ရေးဝန်ကြီးဌာန လက်ထောက်အမြဲတမ်းအတွင်းဝန်ဦးခင်မောင်လွင်က ပြောကြားသည်။

“အဓိကက ဘယ်မောင်းကားတင်သွင်းခွင့်ပြုလိုက်တဲ့ ပေါ်လစီနဲ့ ပတ် သက်တယ်။ ကားအရောင်းစင်တာတွေက တစ်ပတ်ရစ်ဂျပန်ကားကို အဓိကရောင်းကြတာ။ ဘယ်မောင်းကားတွေ ပိတ်လိုက်တော့ ဈေးကွက်အဆင်မပြေဖြစ်လာတယ်။ နောက်ပြီး ဆိုင်ခန်းမြေနေရာတွေကလည်း ငှားထားရတဲ့စရိတ်တွေလည်း ရှိတယ်”ဟု ၎င်းက ဆိုသည်။

ယာဉ်အရောင်းစင်တာများသည် တစ်ပတ်ရစ်ယာဉ်များကို အဓိကရောင်းချပြီး အရောင်းပြခန်းများသည် Brand  New ယာဉ်သစ်များကို ရောင်းချခြင်းဖြစ်ကာ အနာဂတ်ကားဈေးကွက်တွင် ယာဉ်တင်သွင်းခွင့်ပေါ်လစီနှင့် လိုက်လျောညီထွေသည့် ယာဉ်အရောင်းပြခန်းများသာ ဆက်လက်လုပ်ငန်းလည်ပတ်နိုင်ဖွယ်ရှိကြောင်း မော်တော်ယာဉ်လုပ်ငန်းရှင်များက ပြောကြားသည်။

You may also like...

Leave a Reply

Your email address will not be published. Required fields are marked *