အမေရိက-တရုတ် ကုန်သွယ်ရေးစစ်ပွဲ အကျဉ်းချုပ် 

ယခုဆိုလျှင် အချိန်ကာလ တစ်နှစ်ခန့် ရှိသွားပြီဖြစ်သော အမေရိက-တရုတ်ကုန်သွယ်ရေးစစ်ပွဲမှာ အဆုံးသတ်တော့ မယောင်ရှိနေရာမှ အမေရိကန်သမ္မတ  ဒေါ်နယ်ထရမ့်က တရုတ်သွင်းကုန်များကို အခွန် ၂၅ ရာခိုင်နှုန်း တိုးကောက်ရန် ဆုံးဖြတ်လိုက်ရာ ပြန်လည်ပွဲဆူသွားတော့သည်။

ဒေါ်နယ်ထရမ့်က သောကြာနေ့ မေလ ၁၀ ရက်နေ့မှစတင်၍ တရုတ်သွင်းကုန်အမေရိကန်ဒေါ်လာဘီလီယံ ၂၀၀ ဖိုးအပေါ် ၁၀ ရာခိုင်နှုန်းအခွန်ကောက်ရာမှ ၂၅ ရာခိုင်နှုန်းအခွန်တိုးကောက်ရန် ဆုံးဖြတ်လိုက်ခြင်း ဖြစ်သည်။

တရုတ်သွင်းကုန်အပေါ် ဘာကြောင့်အခွန်မြှင့်

အမေရိကနှင့် တရုတ်တို့၏ နှစ်နိုင်ငံကုန်သွယ်ရေးတွင် အမေရိကဘက်က လိုငွေပြနေခဲ့သည်မှာ ၁၉၈၅ ခုနှစ်ကတည်းက ဖြစ်သည်။ နောက်ဆုံးအခြေအနေကို ပြောရမည်ဆိုပါက ၂၀၁၈ ခုနှစ်တွင် အမေရိက-တရုတ် နှစ်နိုင်ငံကုန်သွယ်ရေးတွင် အမေရိက၏ကုန်သွယ်ရေးလိုငွေမှာ အမေရိကန်ဒေါ်လာ ၄၁၉ ဘီလီယံထိ ရှိသည်။

ယင်းသို့ တရုတ်က ကုန်သွယ်ရေးတွင် အသာရနေရခြင်းမှာ တရုတ်၏ မျှတမှုမရှိသော ကုန်သွယ်ရေးလုပ်ထုံးလုပ်နည်းများကြောင့် ဖြစ်ကြောင်း အမေရိကက စွပ်စွဲပြောကြားခဲ့သည်။

ထို့ပြင် တရုတ်သည် အမေရိကထံမှာ ဉာဏပစ္စည်းမူပိုင်ခွင့်ချိုးဖောက်မှုများ ရှိကြောင်း အမေရိကကစွပ်စွဲထားသလို တရုတ်အစိုးရ၏ စီပွားရေးမူဝါဒများကို ပြောင်းလဲရန် အမေရိကက လိုလားလျက်ရှိသည်။

တရုတ်အစိုးရက ပြည်တွင်းစီးပွားရေး လုပ်ငန်းများကို ငွေကြေးထောက်ပံ့မှုများ ပေးခြင်းဖြင့် ပြည်တွင်းလုပ်ငန်းများကို မျက်နှာသာပေးနေသည့် မူဝါဒကိုပြောင်းလဲရန် အမေရိကက လိုလားနေခြင်း ဖြစ်သည်။

ထို့ပြင် နှစ်နိုင်ငံကုန်သွယ်ရာတွင် အမေရိကဘက် လိုငွေအမေရိကန်ဒေါ်လာ ၄၁၉ ဘီလီယံရှိနေရာ တရုတ်အနေနှင့် အမေရိကန်ကုန်စည်များကို ပိုမိုဝယ်ယူရန် အမေရိကန်အစိုးရက လိုလားသည်။

ယင်းကဲ့သို့သော အခြေအနေအောက်တွင် အမေရိကန်သမ္မတဒေါ်နယ်ထရမ့်က တရုတ်သွင်းကုန်များအပေါ် အခွန်တိုးမြှင့်ရန်ဆုံးဖြတ်လိုက်ခြင်းလည်း ဖြစ်သည်။

၂၀၁၈ ခုနှစ်တွင် အမေရိကသို့ တင်သွင်းနေသည့် တရုတ်ကုန်စည်များထဲမှ အမေရိကန်ဒေါ်လာ ၂၅၀ ဘီလီယံတန်ဖိုးပမာဏရှိသည့် ကုန်စည်များကို အခွန်တိုးမြှင့်လိုက်လေတော့သည်။

ထို့ပြင်ယင်းကုန်စည်များထဲမှ အမေရိကန်ဒေါ်လာ ဘီလီယံ၂၀၀တန်ဖိုး ရှိသည့် ကုန်စည်များကို အခွန် ၁၀ ရာခိုင်နှုန်းကောက်ခံနေရာမှ ၂၀၁၉ ခုနှစ်နှစ်စပိုင်းတွင် ၂၅ ရာခိုင်နှုန်းထိ တိုးမြှင့်ရန်မူလက စီစဉ်ထားသော်လည်း နှစ်နိုင်ငံဆွေးနွေးညှိနှိုင်းမှုများ ပြုလုပ်နေခြင်းကြောင့် ဆိုင်းငံ့ထားခဲ့သည်။

သို့သော် ယင်းအစီအစဉ်ကို အမေရိကန်သမ္မတဒေါ်နယ်ထရမ့်က မေလ ၉ ရက်နေ့တွင် အကောင်အထည်ဖော်ရန် ဆုံးဖြတ်လိုက်ခြင်းဖြစ်သည်။

၂၀၁၈ ခုနှစ်တွင် တရုတ်က အမေရိကကို တင်ပို့သည့် ကုန်စည်ပမာဏမှာ စုစုပေါင်းအမေရိကန်ဒေါ်လာ ၅၃၉ ဘီလီယံရှိရာ ကျန်ရှိသည့် တရုတ်သွင်းကုန်အမေရိကန်ဒေါ်လာ ၃၂၅ ဘီလီယံတန်ဖိုးရှိသည့် ကုန်စည်များကိုလည်း မကြာမီ အခွန် ၂၅ ရာခိုင်နှုန်းတိုးမြှင့်မည်ဟု ဒေါ်နယ်ထရမ့်က ဆုံးဖြတ်ထားသည်။

တရုတ်ဘက်ကလည်း အမေရိကကို ပြန်လည်တုံ့ပြန်သည့်အနေနှင့် ၂၀၁၈ ခုနှစ်က အမေရိကန်ဒေါ်လာ ၁၁၀ ဘီလီယံတန်ဖိုးရှိသည့် အမေရိကန်သွင်းကုန်များကို အခွန်တိုးမြှင့်ကောက်ခံခဲ့သည်။

ဘယ်ကုန်စည်တွေ ထိခိုက်

၂၀၁၈ ခုနှစ်က စတင်ခဲ့သည့်  ကုန်သွယ်ရေးစစ်ပွဲကြောင့် ထိခိုက်ခဲ့သည့် တရုတ်ကုန်စည်များတွင် စက်ပစ္စည်းများမှအစ မော်တော်ဆိုင်ကယ်အထိ ပါဝင်သည်။

အမေရိကက ယခုနောက်ဆုံး တရုတ်သွင်းကုန်ဘီလီယံ ၂၀၀ တန်ဖိုးရှိကုန်စည်များကို အခွန် ၁၀ ရာခိုင်နှုန်းမှ ၂၅ ရာခိုင်နှုန်းတိုးမြှင့်လိုက်သည့် ကုန်စည်များတွင် ငါး၊ လက်ကိုင်အိတ်၊ အဝတ်အထည်နှင့် ဖိနပ်နှင့်ဆိုင်သည့် ကုန်စည်များ ပါဝင်သည်။

ထို့ပြင် အခွန် ၁၀ ရာခိုင်နှုန်းမှာ ၂၅ ရာခိုင်နှုန်းထိ တိုးမြှင့်ပေးဆောင်ရမည့် တရုတ်သွင်းကုန်များတွင် သစ်သားဖြင့် ပြုလုပ်သည့် ပရိဘောဂပစ္စည်းများ၊ သံ၊ သတ္တုဖြင့် ပြုလုပ်သည့် ပရိဘောဂပစ္စည်းများ၊ ကွန်ပျူတာပစ္စည်းအစိတ်အပိုင်းများ၊ ကားပစ္စည်းအစိတ်အပိုင်းများ၊ Vinyl ကြမ်းခင်းများ၊ တယ်လီဆက်သွယ်ရေးနှင့် ဆိုင်သည့်ပစ္စည်းများ ပါဝင်သည်။

တရုတ်ဘက်က ပြန်လည်အခွန်တိုးမြှင့်ခဲ့သည့် အမေရိကန်ကုန်စည်များတွင် ဓာတုဗေဒနှင့် ဆိုင်သည့်ပစ္စည်းများ၊ ဟင်းသီးဟင်းရွက်များနှင့် ဝီစကီအရက်များ ပါဝင်သည်။

ထို့ပြင် လက်ရှိအမေရိကန်သမ္မတဒေါ်နယ်ထရမ့်၏ ပါတီဖြစ်သော ရီပတ်ဘလီကန်ပါတီ ကြီးစိုးသည့် နယ်မြေများမှ ထုတ်လုပ်သည့် ကုန်ပစ္စည်းများကို အဓိကပစ်မှတ်ထားသလို ပဲပိစပ်ကဲ့သို့သော အခြားနိုင်ငံများမှ ဝယ်ယူရရယူနိုင်သည့် ကုန်စည်များကို အဓိကပစ်မှတ်ထားခဲ့သည်။

ကုန်သွယ်ရေးစစ်ပွဲကြောင့် ကမ္ဘာ့ဈေးကွက်ကို ထိခိုက်ခြင်းရှိ၊ မရှိ

အမေရိက-တရုတ်ကုန်သွယ်ရေးစစ်ပွဲသည် ၂၀၁၈ ခုနှစ်တွင် ကမ္ဘာ့ဘဏ္ဍာရေးဈေးကွက် မသေချာမရေရာမှုများကို ဖြစ်စေသော အရေးပါသည့်အကြောင်းရင်းတစ်ရပ်ဖြစ်သည်။ ယင်းကဲ့သို့သော မသေချာမရေရာမှုများကြောင့်ကမ္ဘာတစ်ဝန်းရှိ ရင်းနှီးမြှုပ်နှံသူများ၏ ယုံကြည်မှုကို လျော့ကျသွားစေသည်။

၂၀၁၈ ခုနှစ်တွင် ဟောင်ကောင်ဟန်ဆန်စတော့ဈေးကွက်ညွှန်ကိန်း ၁၃ ရာခိုင်နှုန်းထိ ကျဆင်းသွားခဲ့ပြီး ရှန်ဟိုင်းစတော့ဈေးကွက်ညွှန်ကိန်းမှာ ၂၅ ရာခိုင်နှုန်းထိ ထိုးကျသွားခဲ့သည်။

သို့သော် အဆိုပါစတော့ဈေးကွက်နှစ်ခုစလုံးမှာ ၂၀၁၉ ခုနှစ်တွင်ပြန်လည်မြင့်တက်ခဲ့ပြီး ဟောင်ကောင်ဟန်ဆန် ဈေးကွက်မှာ ၁၂ ရာခိုင်နှုန်း၊ ရှန်ဟိုင်း စတော့ဈေးကွက်တွင် ၁၆ ရာခိုင်နှုန်းမြင့်တက်ခဲ့သည်။

Dow Jones စတော့ဈေးကွက်တွင် ၂၀၁၈ ခုနှစ်၌ ပျမ်းမျှ ၆ရာခိုင်နှုန်း နီးပါးကျဆင်းခဲ့သော်လည်း ၂၀၁၉ ခုနှစ်တွင် ၁၁ ရာခိုင်နှုန်းထိပြန်လည်မြင့်တက်လာခဲ့သည်။

အမေရိက-တရုတ်ကုန်သွယ်ရေးစစ်ပွဲသည့် ၂၀၁၈ ခုနှစ်နှောင်းပိုင်းကာလ ကမ္ဘာ့စီးပွားရေးတိုးတက်မှုကို သိသိသာသာထိခိုက်စေကြောင်း အပြည်ပြည်ဆိုင်ရာငွေကြေးရန်ပုံငွေအဖွဲ့ IMF က ပြောကြားခဲ့ပြီး ၂၀၁၉ ခုနှစ် ကမ္ဘာ့စီးပွာရေးတိုးတက်မှုနှုန်းကို လျော့ချသတ်မှတ်ခဲ့သည်။

ယင်းကုန်သွယ်ရေးစစ်ပွဲကြောင့် ကာယကံရှင်နိုင်ငံများအပြင် အခြားနိုင်ငံများကိုလည်း သွယ်ဝိုက်၍ ထိခိုက်စေမည်ဖြစ်သည်။ အထူးသဖြင့် အမေရိက၊ တရုတ်တို့နှင့် ကုန်သွယ်ဖက်နိုင်ငံများ၊ အဆိုပါ နိုင်ငံများ၏ ကုန်ထုတ်လုပ်ရေးကွင်းဆက်တွင် အဓိကပါဝင်နေသည့် န်ိုင်ငံများကို သွယ်ဝိုက်၍ထိခိုက်နိုင်မည်ဖြစ်သည်။

ဧကျော်

စာညွှန်း။       ။ Trade War: U.S – China trade battle in charts – BBC

You may also like...

Leave a Reply

Your email address will not be published. Required fields are marked *