ဒီမိုကရေစီလမ်းလျှောက်ရင်း လမ်းမပျောက်စေလို

မြန်မာနိုင်ငံသည် ဒီမိုကရေစီခရီးလမ်းကို လျှောက်လှမ်းခဲ့သည်မှာ ၂၀၁၁ က စတင်ရေတွက်လျှင် ရှစ်နှစ်ရှိခဲ့ပြီ။ ခရီးအတော်အတန်ပေါက်ခဲ့သည့်အတွက် ဂုဏ်ယူဖွယ်ရာဖြစ်သော်လည်း ပန်းတိုင်နှင့်လှမ်းနေသေးသည့်အတွက် ဒီမိုကရေစီသန္နိဋ္ဌာန် ခိုင်မာမှသာ လမ်းမပျောက်ဘဲ ဆက်လျှောက်နိုင်မည် ဖြစ်သည်။

ဒီမိုကရေစီဆိုသည်မှာ ပန်းတိုင် Ends ဖြစ်သကဲ့သို့ နည်းလမ်း Means လည်း ဖြစ်သည်။ ဒီမိုကရေစီပန်းတိုင်သို့ ဒီမိုကရေစီနည်းလမ်းဖြင့်သာ အရောက်သွားနိုင်သည်။ ဒီမိုကရေစီပန်းတိုင်သို့ ဒီမိုကရေစီနည်းလမ်းမဟုတ်သည့် အခြားဖြတ်လမ်းမရှိ။ ဒီမိုကရေစီလမ်းကမသွားလျှင် ဒီမိုကရေစီမဟုတ်သော ပန်းတိုင်သို့သာ ရောက်လိမ့်မည်။

ဒီမိုကရေစီနိုင်ငံဖြစ်လိုလျှင် ပြဿနာဖြေရှင်းရာ၊ နိုင်ငံတည်ဆောက်ရာတွင် ဒီမိုကရေစီနည်းလမ်းများ သုံးစွဲဖြေရှင်းရမည်။ မြန်မာတို့သည် ဒီမိုကရေစီနည်းလမ်းများ၊ အလေ့အကျင့်များနှင့် စိမ်းနေသေးသည့်အတွက် ပြဿနာပေါ်လာသည့်အခါတွင် ဒီမိုကရေစီမဟုတ်သော နည်းလမ်းများ၊ အလေ့အကျင့်များကို သုံးစွဲဖြေရှင်းသည့်ဘက်သို့ သတိမထားမိလျှင် ရောက်ရောက်သွားတတ်သည်ကို တွေ့ရသည်။ ဒီမိုကရေစီမဆန်သောနည်းများဖြင့် လတ်တလောပြဿနာကိုရှင်းပြီး ဒီမိုကရေစီဟူသော နောင်ကိစ္စကို နောင်မှရှင်းမည့်သဘောသည် မှန်ကန်သော နည်းလမ်းမဟုတ်၊ သဘောထားမဟုတ်။

ဒီမိုကရေစီနည်းလမ်းများကို သုံးစွဲပြီး ပြဿနာဖြေရှင်း၊ နိုင်ငံတည်ဆောက်ရာတွင် အခက်အခဲများ ကြုံရသည်ကို အာဏာရ အာဏာမဲ့ အသိုင်းအဝိုင်းစုံတို့ အားမရနိုင်၊ အလိုမကျနိုင်ဖြစ်လာကြသည်ကို တွေ့ရသည်။ အခက်အခဲများတွေ့ရခြင်းသည် ဒီမိုကရေစီနည်းလမ်းများ၏ ပျော့ကွက်ထက် ထိုနည်းလမ်းများကို သုံးစွဲသူ၏ အရည်အသွေးစသော တစ်ကိုယ်ရေ အားနည်းချက်၊ အဖွဲ့အစည်း၏ အားနည်းချက်ကြောင့်လည်း ဖြစ်နိုင်သည်ကိုမူ သတိမထားမိကြ။

ဒီမိုကရေစီနည်းလမ်းများသည် ဒီမိုကရေစီမဟုတ်သော နည်းလမ်းများလောက်မကောင်းဟု ထင်မှတ်လျက်နှင့် ဒီမိုကရေစီပန်းတိုင်သို့ ဦးတည်ချီတက်နေလျှင် လမ်းလျှောက်ရင်း လမ်းပျောက်သည်နှင့် တူလိမ့်မည်။

ဒီမိုကရေစီလမ်းကြောင်းတွင် မသွေမစောင်း လျှောက်လှမ်းသည်မှန်လျှင် ဒီမိုကရေစီအလေ့အကျင့်များ၊ နည်းနာများကို ခေါင်းဆောင်များကိုယ်တိုင်က ဒီမိုကရေစီသန္နိဋ္ဌာန်ဖြင့် စံနမူနာပြ သတိထားကျင့်သုံးပြခြင်းဖြင့် ဒီမိုကရေစီအလေ့အကျင့်များနှင့် စိမ်းနေသေးသည့် ပြည်သူအများကို လမ်းပြရန် တိုက်တွန်းပါသည်။ 

အယ်ဒီတာ
၁၆.၅.၂၀၁၉

You may also like...

Leave a Reply

Your email address will not be published. Required fields are marked *