ဗြိတိန်သည် မြန်မာ၏ မိတ်ဆွေသာ

မြန်မာနိုင်ငံဆိုင်ရာ ဗြိတိသျှသံအမတ်ကြီးအဖြစ် တာဝန်ထမ်းဆောင်ခဲ့သည်မှာ ယခုဆိုလျှင် တစ်နှစ်တာမျှရှိခဲ့ပါပြီ။ ထိုကာလအတွင်း အမျိုးစုံကွဲပြားနေသလို လှပတင့်တယ်လှသည့် ဤနိုင်ငံ၏ ပြည်နယ်အများစု၊ တိုင်းဒေသကြီးအများစုထံလည်း ကျွန်တော် ရောက်ရှိခဲ့ပြီးပါပြီ။ သဘာဝရှုခင်းတို့၏ တင့်မောသောအလှ၊ လှိုက်လှဲပျူငှာနွေးထွေးစွာ ကြိုဆိုမှုတို့ကြောင့် ကျွန်တော့်မှာ ရပ်သပ်ရှုမောမဆုံး ဖြစ်ခဲ့ရပါသည်။ မြို့ကိုဖြစ်စေ၊ ရွာကိုဖြစ်စေ၊ နေရပ်ကို စွန့်ခွာထွက်ပြေးခဲ့သူများ၏ စခန်းကိုဖြစ်စေ၊ မည်သည့်နေရာကိုပဲ ရောက်ရောက်၊ ချမ်းသာသူကဖြစ်စေ၊ ဆင်းရဲသူကဖြစ်စေ၊ မည်သူကပဲ နှုတ်ဆက် နှုတ်ဆက်၊ မုတ်သုန်ကာလဖြစ်စေ၊ ခြစ်ခြစ်တောက်ပူသော နေရောင်အောက်တွင်ဖြစ်စေ၊ မည်သည့် ရာသီပဲဖြစ်ဖြစ်၊ ဝေဆာသောအပြုံး၊ ပျူငှာသောဖော်ရွေမှုဖြင့် ကျွန်တော့်ကို အမြဲတစေ ကြိုဆိုခဲ့ကြပါသည်။ သို့ဖြစ်ပေရာ ကျွန်တော့်အတွေ့အကြုံမှာ လွန်စွာနှစ်ထောင်းအားရဖွယ် ကောင်းလှပါသည်။

မြန်မာနိုင်ငံတစ်ခွင်သွားခဲ့သော ကျွန်တော့်ခရီးစဉ်များတွင် မြန်မာနိုင်ငံအပေါ် ဗြိတိန်နိုင်ငံ၏အမြင်ကို လူအများက အမြဲတစေ စိတ်ဝင်စားနေတတ်ကြပါသည်။ ရခိုင်အရေးအခင်းကြောင့် မြန်မာနိုင်ငံကို ဗြိတိန်နိုင်ငံ (နှင့်တကွ ယေဘုယျပြောလျှင် အနောက်တိုင်း) က လက်လျှော့လိုက်ကြပြီဆိုခြင်းမှာ မှန်ပါသလောဟု အချို့က ကျွန်တော့်ကို ဝမ်းပမ်းတနည်း မေးတတ်ကြပါသည်။

ကျွန်တော့်အဖြေအလေးအနက်မှာမူ ‘မလျှော့ပါဘူးဗျာ’ ဟုသာ ဖြစ်လေသည်။

မလျှော့သည့်အပြင် ကျွန်တော်တို့သည် မြန်မာအစိုးရတစ်ရပ်အပေါ် ယခုလောက် ပံ့ပိုးမှုမျိုး တစ်ခါဖူးမျှမရှိခဲ့သေးသည်ဟုသာ မြင်မိရပါသည်။ ဒီမိုကရေစီရေးအတွက် ဒေါ်အောင်ဆန်းစုကြည်၏ ဆယ်စုနှစ်များနှင့်ချီသော အားကျိုးမာန်တက် ကြိုးပမ်းမှုကို ကျွန်တော်တို့ ထောက်ခံခဲ့ကြပါသည်။ သို့ရာတွင် သူ့အနာဂတ်အမြော်အမြင်မှာ လွန်ခဲ့သော သုံးနှစ်တာအတွင်းကသာ ဒီမိုကရေစီနည်းကျ ရွေးချယ်တင်မြှောက်သော အစိုးရအဖြစ်သို့ ပြောင်းလာခဲ့ပြီး ထိုအစိုးရကိုသာ ကျွန်တော်တို့ လက်တွေ့ဧကန် ထောက်ခံနိုင်ခဲ့ကြသည်မှာလည်း အမှန်ပင်။

ထို့ကြောင့်လည်း ဗြိတိန်သံရုံးသည် ယခင်ကထက် ပိုကြီးလာခဲ့ခြင်းဖြစ်ပါသည်။ ယခုအခါ ဗြိတိန်သံရုံးသည် မြန်မာနိုင်ငံရှိ အကြီးဆုံးသံရုံးများအနက် တစ်ရုံးဖြစ်နေသလို ကမ္ဘာ၏ ဤမှာဘက်ခြမ်းတွင်လည်း အကြီးဆုံး ဗြိတိသျှသံရုံးများအနက် တစ်ရုံးဖြစ်နေပါသည်။

ထို့ကြောင့်လည်း ပညာရေးဝန်ကြီးဌာန၊ ကျန်းမာရေးဝန်ကြီးဌာန၊ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြန်ကြားရေးဝန်ကြီးဌာန၊ စီမံကိန်းနှင့် ဘဏ္ဍာရေးဝန်ကြီးဌာနတို့အပြင် အခြားဝန်ကြီးဌာနအသီးသီး၏ ပြုပြင်ပြောင်းလဲရေးလုပ်ငန်းများကို ဘဏ္ဍာငွေထောက်ပံ့ပြီး ကူညီပံ့ပိုးပေးရန် ကျွန်တော်တို့သည် ထူးထူးကဲကဲပင် ရင်းနှီးစွာ ပူးပေါင်းဆောင်ရွက်နေခြင်းဖြစ်ပါသည်။

ထို့ကြောင့်လည်း ဗြိတိန်နိုင်ငံ၏ နိုင်ငံတကာဖွံ့ဖြိုးရေးဌာန ယခင်ဝန်ကြီး ယခုနှစ်အစောပိုင်းတွင် လာရောက်ခဲ့စဉ်က မြန်မာနိုင်ငံအစိုးရကို ကူညီပံ့ပိုးရန် ကျွန်တော်တို့ နှစ်စဉ်သုံးစွဲခဲ့သည့် ဒေါ်လာသန်း ၂၀၀ အကြောင်းကို ကြားနာ သိရှိသွားနိုင်ခဲ့ခြင်းလည်းဖြစ်သည့်အပြင် ခေတ်သစ်ကျွန်ပြုခြင်း၊ လိင်ပိုင်းဆိုင်ရာ လူကုန်ကူးခြင်းတို့မှ ကာကွယ်စောင့်ရှောက်ပေးနိုင်ရန် အမျိုးသမီးငယ်များအား လေ့ကျင့်သင်ကြားပေးလျက်ရှိသည့် ဗြိတိန်နိုင်ငံ၏ စီမံကိန်းများကို မြင်တွေ့သွားနိုင်ခဲ့ခြင်းလည်း ဖြစ်ပါသည်။

ထိုမျှမကသေးပါ။ နှစ်နိုင်ငံကြားမှ ကုန်သွယ်ရေး၊ ရင်းနှီးမြှုပ်နှံမှုအချိတ်အဆက်များကို တိုးမြှင့်ဖော်ဆောင်သွားနိုင်ရေးအတွက် မြန်မာနိုင်ငံရင်းနှီးမြှုပ်နှံမှုကော်မရှင်ဥက္ကဋ္ဌ ဦးသောင်းထွန်းခေါင်းဆောင်သော မြန်မာ့စီးပွားရေးခေါင်းဆောင်တို့၏ အဆင့်မြင့်ကိုယ်စားလှယ်အဖွဲ့ကို မတ်လတွင် လန်ဒန်မြို့သို့ သွားရောက်ရန် ဗြိတိန်သံရုံးက စီစဉ်ခဲ့ခြင်းလည်း ဖြစ်ပြန်ပါသည်။

သို့ရာတွင် ဗြိတိန်၏ဝေဖန်ချက်ကရော မည်သို့ရှိပါသနည်း။ အမှန်တော့ လူအချို့ ပြောဆိုနေကြသလောက်မျှပင် မရှိလှပါချေ။ မြန်မာနိုင်ငံ၏ အချို့ဒေသများတွင် အကြမ်းဖက်မှု မြင့်မားနေဆဲဖြစ်လင့်ကစား လက်တွေ့တွင်မူ မြန်မာအစိုးရသည် နယ်ပယ်အများအပြား၌ တိုးတက်မှုများစွာ ရရှိနေသလို ထိုသို့တိုးတက်နေသည်ကိုလည်း ဗြိတိန်နိုင်ငံက ကောင်းစွာ သတိထားမိပါသည်။

ပညာရေးသင်ရိုးညွှန်းတမ်းကို အကြီးအကျယ် ပြုပြင်ပြောင်းလဲ လျက် ရှိနေပါသည်။ မကြာသေးခင်လများအတွင်း စီးပွားရေး ပြုပြင်ပြောင်းလဲမှုများစွာ ပြုလုပ်ခဲ့ပါသည်။ နိုင်ငံတစ်လွှားမှ နေရာဒေသအသီးသီးတွင်လည်း အာဟာရနှုန်းထားမှာ တိုးတက်ကောင်းမွန်လျက် ရှိနေပါသည်။ အသက်အရွယ်ကြီးရင့်သူအချို့မှာ ယခုအခါ အငြိမ်းစားလစာများ ရရှိနေကြပါပြီ။ မကြာသေးခင်က ပေါ်ပေါက်ခဲ့သော စီးပွားရေးပြုပြင်ပြောင်းလဲမှုအများအပြား၏ ရလဒ်အဖြစ် စီးပွားရေးမှာလည်း တိုးတက်လျက်ရှိပေသည်။ ထိုသို့ဖြစ်နေသည့်အတွက် ဗြိတိန်အစိုးရမှာ နှစ်ထောင်းအားရ ရှိလှပါသည်။ အကယ်တန္တု အဆိုပါ နယ်ပယ်အများအပြား၌ ဖော်ပြပါအပြောင်းအလဲများကို ဒီချုပ်အစိုးရက ဆက်လက်အားထုတ်ဖော်ဆောင်ရာတွင် ကူညီပံ့ပိုးရာ၌ ဗြိတိန်နိုင်ငံက တက်ကြွစွာ ပါဝင်ဆောင်ရွက်ခဲ့ပါသည်။ အားလုံးစုပေါင်းလိုက်လျှင် အဆိုပါအပြောင်းအလဲများသည် မြန်မာတစ်နိုင်ငံလုံးမှ လူထုအပေါ် ကောင်းသော အကျိုးသက်ရောက်မှုများ ရှိနေစေခဲ့ပါသည်။

ထိုက်သင့်သော လုပ်ငန်းစဉ်ကို လိုက်နာမှုလည်း မရှိ၊ ‘အပြစ်ရှိသည်ဟု သက်သေထင်ရှား မပြနိုင်သမျှ အပြစ်မရှိ’ ဟူသော သဘောတရားကိုလည်း မျက်ကွယ်ပြုထားခဲ့သည့်အမှုဖြင့် စစ်ဆေးစီရင်ခံခဲ့ရသည့် ရိုက်တာစာနယ်ဇင်းဆရာများကို သမ္မတကြီးက လွတ်ငြိမ်းချမ်းသာခွင့် ပေးခဲ့သည့်အတွက်လည်း ကျွန်တော်တို့ နှစ်ထောင်းအားရဖြစ်ရပါသည်။ သမ္မတကြီး၏ ဆောင်ရွက်ချက်သည် နိုင်ငံခြားရင်းနှီးမြှုပ်နှံမှုကို ဆွဲဆောင်ရာတွင် မရှိမဖြစ်လိုအပ်လှသည့် မြန်မာနိုင်ငံမှ တရားဥပဒေစိုးမိုးရေးကို အားကောင်းလာစေပါလိမ့်မည်။

သို့ဖြစ်ရာ မြန်မာလူထုအတွက် ကျွန်တော့် အဓိကသတင်းစကားမှာ ဗြိတိန်နိုင်ငံသည် မြန်မာနိုင်ငံ၏ မိတ်ဆွေသာဖြစ်ကြောင်းပင်။ တစ်စုံတစ်ရာ ဖုံးကွယ်ထားသည့်ကိစ္စ လုံးဝမရှိပါကြောင်းနှင့် မြန်မာနိုင်ငံအောင်မြင်သည်ကိုသာ ကျွန်တော်တို့ ရိုးရိုးသားသား မြင်ချင်ပါသည်။ ကျွန်တော်တို့သည် ဒေါ်အောင်ဆန်းစုကြည်ကို နှစ်ပေါင်း ၃၀ တိုင် အခိုင်မာဆုံး ထောက်ခံအားပေးခဲ့သူများအနက်မှ တစ်နိုင်ငံဖြစ်ပါသည်။ ထို့အတူ ကျွန်တော်တို့ အလိုချင်ဆုံးကား ဒေါ်အောင်ဆန်းစုကြည်၏ အိပ်မက်ဖြစ်လေသည့် ငြိမ်းချမ်းညီညွတ်သော မြန်မာနိုင်ငံကြီး အောင်မြင်စွာ ပေါ်ပေါက်လာရေးပင် ဖြစ်ပါတော့သတည်း။ 

 

မြန်မာနိုင်ငံဆိုင်ရာ
ဗြိတိန်သံအမတ်ကြီး ဒန်ချက်

You may also like...

Leave a Reply

Your email address will not be published. Required fields are marked *