ကလေးများကိုယ်တိုင် ဖန်တီးမည့် ကစားကွင်း

အထပ်မြင့် တိုက်နှစ်တိုက်ကြား အနံ ၁၅ ပေခန့်၊ အလျား ၃၀ ခန့်ရှိ မြေကွက်လပ်လေးတွင် အမှိုက်သရိုက်၊ တိုလီမုတ်စပစ္စည်းများက အခန့်သားနေရာယူလျက်။

ထိုနေရာတွင် သိပ်မကြာမီကာလအတွင်း ကစားကွင်းအဖြစ် မြင်တွေ့ရတော့မည်လော။

ဆယ်ကျော်သက် ကလေးငယ်များနေထိုင်ရာ အထပ်မြင့်တိုက်ခန်းများစွာ စီရရီတည်ရှိနေသော ရန်ကုန်မြို့၊ ကျောက်တံတားမြို့နယ်၊ လမ်း ၄၀ အလယ်ဘလောက်တွင် ၎င်းတို့ကစားရန် နေရာမရှိ။ ကစားကွင်းဟူ၍လည်း မရှိချေ။

ယင်းကြောင့် ထိုနေရာတွင် ကျယ်ကျယ်ဝန်းဝန်းကစားနိုင်မည့်နေရာတစ်ခုဖန်တီးရန် သူတို့ စုဝေးတိုင်ပင်ကြသည်။ အချင်းချင်းငြင်းခုံကြသည်။

နောက်ဆုံးတွင် နောက်ဖေးလမ်းကြားရှင်းကာ ကစားကွင်းဖော်ခြင်းက အကောင်းဆုံးဖြစ်မည်ဟု သူတို့ဆုံးဖြတ်လိုက်သည်။ ထို့အတွက် ကလေးငယ်များက Black Fire အမည်ပေးကာ အဖွဲ့ ဖွဲ့လိုက်ကြသည်။

ညစ်ပတ်နေသည့်တိုက်ကြား အမှိုက်များပရပွ၊ အဝတ်ကြိုးတန်းများ အပြည့်၊ သစ်သားတိုင်များပြည့်နေသည့် လမ်း ၄၀ အလယ်ဘလောက် နောက်ဖေးလမ်းကြားကို ဆယ်ကျော်သက်ကလေးများဦးဆောင်ကာ ကစားကွင်းအဖြစ် ဖန်တီးနေကြသည်။

ဆေးရောင်ခြယ်မည့်အရောင်ကအစ၊ ကစားကွင်းတွင်ထားမည့် ကစားစရာပစ္စည်းများအလယ်၊ ကစားကွင်း ထိန်းသိမ်းပုံ၊ ကုန်ကျစရိတ်များအဆုံး အသီးသီးဆွေးနွေးနေကြသည်။

နောက်ဖေးလမ်းကြားကို ရှင်းလင်းပြီးနောက် ကြမ်းပြင်ကို အဖြူရောင်ဆေးခြယ်လိုက်သည်။ နံရံကိုလည်း အဖြူရောင်ခြယ်ကာ အမည်းရောင်ဖြင့် အရုပ်မျိုးစုံရေးဆွဲထားသည်။ နေ၊ တိမ်၊ ကြယ်ပုံများနှင့် လူပုံများ ဆေးခြယ်ထားကြသည်။

“ဒီနေရာမှာ သားတို့ဆေးခြယ်ထားတာ။ ဒီအပြာရောင်က ဘယ်သူခြယ်သွားလည်းမသိဘူး။ ဒီဇိုင်းနာအသစ်ဆွဲထားတာ ကြယ်ပုံလေးက ညီတယ်နော်” ဟု ဆိုသူက အသက် ၁၂ နှစ်အရွယ် ဖြိုးမင်းလွင် ဖြစ်သည်။

ရန်ကုန်မြို့တွင် ကန်ထရိုက်အဆောက်အအုံများ၊ အထပ်မြင့်တိုက်များတည်ဆောက်မှု များလာချိန်မှစကာ ကလေးများ လွတ်လပ်ပေါ့ပါးစွာ ကစားရန် နေရာရှားပါးလာသည်။ အများပြည်သူ အပန်းဖြေနိုင်၊ ကလေးများဆော့ကစားနိုင်မည့် ပန်းခြံများများစားစားမရှိပေ။

၂၀၁၆ ခုနှစ်တွင် ရန်ကုန်မြို့တော် စည်ပင်သာယာရေးကော်မတီနှင့် မြို့ပြအမွေအနှစ် အဆောက်အအုံများ ထိန်းသိမ်းစောင့်ရှောက်ရေးနှင့် အများပြည်သူဆိုင်ရာနေရာများ ဖန်တီးရေးလုပ်ဆောင်သည့် လူမှုအဖွဲ့အစည်း ဒို့အိမ်တို့ ပူးပေါင်း ကာ ရန်ကုန်မြို့ရှိ နောက်ဖေးလမ်းကြား ဥယျာဉ်ခုနစ်ခုကို ပြုပြင်ဖွင့်လှစ်ထားသည်။

ထိုနေရာများတွင် နံရံပန်းချီများ၊ ကစားကွင်းနေရာများ၊ သစ်ပင်ပန်းမန်များနှင့် အနားယူအပန်းဖြေရန် နေရာများ ထည့်သွင်းထားသည်။

ထိုနောက်ဖေးလမ်းကြားဥယျာဉ်တို့ အနီးအနားတွင်နေထိုင်သည့် ကလေးများကို ထိုသို့ပြုပြင်ထားခြင်းမရှိသည့်လမ်းတွင် နေထိုင်သည့် ကလေးငယ်များက အားကျကြသည်။ ထိုသို့ကစားကွင်းများ လိုချင်ကြသည်။

ထိုအားကျစိတ်မှတစ်ဆင့် Black Fire တို့ ဦးဆောင်လုပ်ဆောင်နေသော နောက်ဖေးလမ်းကြားဥယျာဉ်လေး ပေါ်ပေါက်လာခြင်းလည်း ဖြစ်သည်။

ရန်ကုန်မြို့တွင်း ပန်းခြံ ၆၁ ခုနှင့် ကလေးကစားကွင်း ၁၁၈ ခုရှိကြောင်း၊ ယင်းအပြင် ပန်းခြံနှင့် အားကစားကွင်းများ အဆင့်မြှင့်တင်ခြင်းကိုလည်း ဘဏ္ဍာနှစ်အလိုက် ဆောင်ရွက်လျက်ရှိကြောင်း ရန်ကုန်မြို့တော် စည်ပင်သာယာရေးကော်မတီဥက္ကဋ္ဌ ဦးမောင်မောင်စိုးက ပြောကြားထားသည်။

ရန်ကုန်မြို့တော် စည်ပင်သာယာရေးကော်မတီ၏ လုပ်ငန်းတာဝန်များတွင် ပန်းဥယျာဉ်၊ ပန်းခြံ၊ ကစားကွင်း၊ အပန်းဖြေနေရာများ တည်ဆောက်ခြင်းနှင့် ပြုပြင်ထိန်းသိမ်းခြင်းလုပ်ငန်းများ ပါဝင်သည်။

“နောက်ဖေးလမ်းကြား ( YCDC ထားသည့်ဥယျာဉ်) လုပ်သလို သမီးတို့ကို ကူညီပေးစေချင်တယ်။ သမီးတို့က အဝေးကြီး သွားဆော့ရတယ်။ အိမ်ကမလွှတ်တဲ့အခါလည်း ရှိတယ်။ အိမ်ကမသိတဲ့အခါလည်းရှိတယ်။ အမေတို့က အော်တယ်” ဟု အသက် ၁၃ နှစ်အရွယ် မသဲသဲက ဆိုသည်။

မသဲသဲမှာ Black Fire အဖွဲ့ဝင်လည်းဖြစ်၊ နောက်ဖေးလမ်းကြားဥယျာဉ်၏ စည်းကမ်းထိန်းသိမ်းရေးမှူး (၁) အဖြစ် တာဝန်ယူထားသူလည်းဖြစ်သည်။

ထို့ကြောင့် အနီးအနားတွင် ဆော့ကစားရန် နေရာလိုချင်သည့်စိတ်ဆန္ဒသည် နောက်ဆုံးတွင် နောက်ဖေးလမ်းကြားဥယျာဉ်လေး ပေါ်ပေါက်လာရေးအတွက် တွန်းအားဖြစ်စေခဲ့သည်။

နေရာလေးတစ်ခု လုပ်လျှင်ကောင်းမည်ဟု မသဲသဲ စိတ်ကူးခဲ့သည်။

ထိုစိတ်ကူးများကို လမ်း ၄၀ ရှိ ကလေးများက အကောင်အထည်ဖော်ခြင်းပင်။ ကိုယ်တိုင်ကစားမည့်နေရာကို ကလေးငယ်များကိုယ်တိုင်ဖန်းတီးရခြင်းကြောင့် သူတို့ အားတက်နေကြသည်။ တက်ကြွနေကြသည်။ ငြင်းကြခုံကြနှင့် ကိုယ့်ဆန္ဒများကို ထုတ်ဖော်ဖွင့်ဟနေကြသည်။ ကိုယ်ဖြစ်ချင်တာကို ညှိနှိုင်းကြသည်။

ယင်းသို့ဖြင့် အမှိုက်ပုံများကြားက နောက်ဖေးလမ်းကြားလေးမှာ တဖြည်းဖြည်း ကစားကွင်းပုံပေါ်လာခဲ့သည်။

“တစ်ခါတလေ စိတ်ညစ်တဲ့အချိန် သွားရင်ပျော်တယ်။ အမေအော်တာတို့ ဘာတို့ဆို၊ ဒီကိုလာရင် ဒီမှာ အရုပ်တွေ ဘာတွေရှိတော့ ပျော်တယ်” ဟုနောက်ဖေးလမ်းကြား ကာကွယ်ရေးမှူးအဖြစ် တာဝန်ယူထားသူ အသက် ၁၃ နှစ်အရွယ် မင်းခန့်မောင်က ဆိုသည်။

အကြောင်းတစ်ခုခုကြောင့် မိဘဆူချိန်တွင် နောက်ဖေးလမ်းကြားတွင် ဆော့ကစားလိုက်၊ အရုပ်လေးများ ကြည့်လိုက်ဖြင့် စိတ်ညစ်မှုများ ပြေပျောက်သွားကြောင်း ၎င်းကဆိုခြင်းပင်။

ဆယ်ကျော်သက်ကလေးငယ် ၁၈ ဦး ပါဝင်သည့် Black Fire အဖွဲ့အဖြစ် မဖွဲ့စည်းမီက အဖွဲ့နှစ်ခုအဖြစ် သီးခြားစီရှိနေခဲ့ခြင်းဖြစ်ပြီး နောက်ဖေးလမ်းကြား နှစ်ခုတွင် နှစ်နေရာလုပ်ရန် အသီးသီးပြင်ဆင်ခဲ့ကြသည်။ ကျောက်တံတားမြို့နယ်၊ ၃၈ လမ်းနှင့် လမ်း ၄၀ ကြား အလယ်ဘလောက်နေရာ၊ လမ်း ၄၀ နှင့် ဗိုလ်အောင်ကျော်လမ်းကြားအလယ်ဘလောက်နေရာနှစ်ခုတွင် ကစားကွင်းလုပ်ရန် ပြင်ဆင်နေကြသည်။

“ဟိုဘက်မှာ (၃၈ လမ်းနှင့် လမ်း ၄၀ ကြားနေရာ) စလုပ်မယ်ဆိုတော့ ဒီဘက်လမ်းကြားကိုလည်း သမီးတို့က ဖြစ်စေချင်တာ ။ အဲဒါကြောင့်မလို့” ဟု Black Fire အဖွဲ့မှ ဒုတိယစည်းကမ်းထိန်းသိမ်းရေးမှူး မခင်စန္ဒာဦးက ဆိုသည်။

သူ့ဘက်ခြမ်း၊ ငါ့ဘက်ခြမ်းဟူ၍။

နောက်ဆုံးတွင် တစ်ဖက်ခြမ်းတွင် ကစားကွင်းနှင့် ပန်းပင်စိုက်မည်။ နောက်တစ်ဖက်ခြမ်းတွင် ကစားကွင်းနှင့် တိရစ္ဆာန်မွေးမြူကြမည်ဟု အမျိုးမျိုးငြင်းခုံနေကြပြီးနောက်ပိုင်း တစ်နေရာတည်းတွင်လုပ်ရန် သဘောတူညီချက်ရသွားသည်။
ထိုနေရာမှာ လက်ရှိပြင်ဆင်ဆေးခြယ်နေသည့် လမ်း ၄၀ နှင့် ဗိုလ်အောင်ကျော်လမ်းကြားနေရာဖြစ်သည်။

ထို့သို့ သဘောတူညီချက်ရပြီးနောက်ပိုင်းတွင် အဖွဲ့ နှစ်ဖွဲ့မှ Black Fire အဖွဲ့အဖြစ်သို့ တစ်စုတစ်စည်းတည်း ပြောင်းလဲဖွဲ့စည်းခဲ့ခြင်းဖြစ်သည်။

သို့သော် ရန်ကုန်မြို့တော်စည်ပင်သာယာပိုင်သည့် နောက်ဖေးလမ်းကြား လမ်း ၄၀ နှင့် ဗိုလ်အောင်ကျော်လမ်းကြားရှိ နောက်ဖေးလမ်းကြားနေရာကို Black Fire အဖွဲ့က လွယ်လွယ်ဖြင့်ရရှိခြင်း မဟုတ်ပေ။

လမ်း ၄၀ လမ်းဘေးပတ်လည်ရှိ တိုက်နှစ်တိုက်ကြားတွင် လွတ်နေသည့် နောက်ဖေးလမ်းကြားထဲသို့ ဝင်ရာ လမ်းအဝနေရာကွက်လပ်တွင် ရေသန့်ဘူးရောင်းသည့် စီးပွားရေးလုပ်ငန်းတစ်ခု ရှိနေသည်။

ထိုနေရာတွင် ပိတ်ထားမှုကြောင့် နောက်ဖေးလမ်းကြားကိုရောက်ရန် အိမ်ထဲမှ ဖြတ်ရသည်။ အိမ်ရှေ့ကဝင်မှ နောက်ဖေးရောက်သည်။ ထိုမှဆက်သွားလျှင် နောက်ဖေးလမ်းကြားထဲရောက်သည်။

ဤနေရာတွင် မသဲသဲ၏ အခန်းကဏ္ဍသို့ ရောက်လာ၏။ နောက်ဖေးလမ်းကြားသို့ရောက်ရန် မသဲသဲအိမ်ရှေ့မှ တစ်ဆင့် ဖြတ်ခွင့်ပေးရန်ဖြစ်၏။

“သမီးတို့အိမ်က ဖြတ်ခွင့်ပေးတယ်” ဟု မသဲသဲက ဆိုသည်။

ထို့သို့အခြေအနေတွင် ကလေးများက နောက်ဖေးလမ်းကြားကစားကွင်းကို ဖြစ်အောင်လုပ်ကြသည်။ ၎င်းတို့ တက်ကြွစွာလုပ်ဆောင်နေသည့် ထိုလုပ်ငန်းစဉ်ကို အားပေးသူများလည်း ရှိသည်။ နောက်ဖေးလမ်းကြားပြုပြင်ရာတွင် လိုအပ်မည့်ငွေအနည်းငယ်ကို လှူဒါန်းသူများရှိသည်။

နောက်ဖေးလမ်းကြား ပြုပြင်ရာတွင် Black Fire အဖွဲ့က လိုအပ်သည်များကို အကူအညီပေးနိုင်ရန် Clean Yangon နှင့် အခြားသောအဖွဲ့များထံ ဆက်သွယ်ပေးထားကြောင်း Third Story Project အဖွဲ့မှ ဒေါ်အိပွင့်ရှီဇံက ဆိုသည်။

“သူတို့ကို ထပ်ပြီးတော့ လိုအပ်တာတွေအတွက် အဖွဲ့တွေနဲ့ ချိတ်ဆက်ပေးဖို့ လုပ်ထားတယ်” ဟု ၎င်းကဆိုသည်။

လက်ရှိတွင် နောက်ဖေးလမ်းကြား ပြင်ဆင်နေသည်မှာ လေး၊ ငါးရက်ခန့်ရှိနေပြီဖြစ်သည်။ လမ်းကြားသန့်ရှင်းရေးလုပ်ရင်း အနည်းငယ်ထိခိုက်မိသူလည်း ရှိသည်။ အလေးမ၍ ခါးနာသွားသူလည်း ရှိသည်။

“သမီးတို့က အတွေ့အကြုံမရှိဘူးလေ။ အတွေ့အကြုံရှိတဲ့သူတွေ ကူညီတော့ ကောင်းတာပေါ့” ဟု မသဲသဲက ဖွင့်ဟ ဆိုသည်။

လျှောက်လမ်းအပါအဝင် နံရံများကို ဆေးခြယ်၊ ဆေးသုတ်၊ ရုပ်ပုံများရေး ဆွဲနေကြပြီဖြစ်သည်။ ယင်းနောက်ပိုင်းတွင် ကစားစရာပစ္စည်းထားမည်ဟု ပြုပြင် ထိန်းသိမ်းရေးမှူး မောင်ဖြိုးမင်းလွင်က ဆိုသည်။

“ဆေးသုတ်မယ်။ ဒီဇိုင်းဆွဲမှာ အဆင်ပြေတဲ့နေရာမှာ အဆင်ပြေတဲ့ ရုပ်ပုံတွေဆွဲမယ်။ ရှုခင်းပုံဆွဲမယ်” ဟု အသက် ၁၂ နှစ်အရွယ် ဒီဇိုင်နာ (၁) မခင်သော်တာဦးက ပြောကြားသည်။

ပြီးလျှင် ဒန်းနှင့် ပုခက်များ တပ်ဆင်မည်ဟုလည်း ပြုပြင်ထိန်းသိမ်းရေးမှူး မောင်ဖြိုးမင်းလွင်က တက်ကြွစွာ ဆိုသည်။

ယင်းနောက်ပိုင်း ကျန်သည်များကို ဆက်ဖြည့်ပြီး တဖြည်းဖြည်း လိုအပ်သည်များကို ဆက်လုပ်သွားမည်ဟု မောင်မင်းခန့်မောင်က ဆိုသည်။

သစ်ပင်၊ ပန်းပင်ရှိသည့် အိမ်မှ နောက်ဖေးလမ်းကြားအတွင်း သစ်ပင်စိုက်ပျိုးရန်အတွက် တောင်းယူကြရန် သူတို့ စဉ်းစားထားသည်။

“အိမ်ကနေ တောင်းပြီးတော့ ပန်းအိုးတွေလည်း ရှိတယ်။ ပန်းပင်စိုက်မယ်။ သစ်ခွပင်စိုက်မယ်” ဟု Black Fire အဖွဲ့မှ အသက် ၁၃ နှစ်အရွယ် စာရင်းကိုင် မနုယဉ်က ဆိုသည်။

နောက်ဖေးလမ်းကြားကစားကွင်း တဖြည်းဖြည်း ပီပြင်လာရန်အတွက် သူတို့တွင် ရင်းနှီးငွေ တစ်သောင်းကျပ်ရှိနေပြီ ဖြစ်သည်။ ယင်းအပြင် လိုအပ်သည်များဝယ်ရန်လည်း ကလေးများ ပိုက်ဆံစုထည့်ကြရန် စီစဉ်ထားသည်။

“ဒန်းဝယ်ဖို့ တစ်ယောက် ငါးရာ၊ တစ်ထောင်ထည့်ရင် ဝယ်နိုင်မှာ။ အစ်လည်းနီးပြီ။ မုန့်ဖိုးရမှာ” ဟု Black Fire အဖွဲ့ ဝင်များက ပျော်ရွှင်စွာ ဆိုကြလေသည်။

ရန်ကုန်မြို့၏ နောက်ဖေးလမ်းကြားတွင် ကလေးကစားကွင်းနေရာများ အလျှိုလျှိုပေါ်ထွက်လာရာတွင် ကလေးငယ်များကိုယ်တိုင် ဦးဆောင်သည့် နောက်ဖေးလမ်းဥယျာဉ်လည်း မကြာမီ ထွက်ပေါ်လာတော့မည်ဖြစ်သည်။

လာမည့်နှစ်ပတ်အတွင်း တိုက်နှစ်တိုက်၏ အနောက်ဘက်စာမျက်နှာရှိ ကလေးကစားကွင်းလေးတစ်ခုတွင် ဆယ်ကျော်သက်ကလေးငယ်များ အန္တရာယ်ကင်းကင်း လွတ်လပ်ပျော်ရွှင်စွာ ဆော့ကစားနိုင်တော့မည်ဖြစ်လေသည်။

 

ဥမ္မာလွင်

 

You may also like...

Leave a Reply

Your email address will not be published. Required fields are marked *