ရန်ကုန်စီးပွားရေးမျက်နှာစာ

ရန်ကုန်ရင်းနှီးမြှုပ်နှံမှုဖိတ်ခေါ်မှုသံသည် အမေရိကန်ဒေါ်လာသန်း ၅၀၀ ရင်းနှီးမြှုပ်နှံရန် ဆွဲဆောင်နိုင်ခဲ့ခြင်းဖြင့် မျက်နှာပန်းပွင့်ခဲ့ပြီဖြစ်သည်။

မေလ ၁၀ ရက်က Lotte Hotel Yangon တွင် ဒုတိယအကြိမ် ကျင်းပသည့် ရန်ကုန်ရင်းနှီးမြှုပ်နှံမှုဖိုရမ် ၂၀၁၉ တွင် ထန်းတစ်ပင်နည်းပညာဇုန်စီမံကိန်းအတွက် သန်း ၅၀၀ ရင်းနှီးမြှုပ်နှံရန် ဟောင်ကောင်၊ တိုင်ပေအပါအဝင် တရုတ်ကုမ္ပဏီသုံးခုတို့ MoU လက်မှတ်ရေးထိုးနိုင်ခဲ့သည်။ အဆိုပွဲတွင် ရင်းနှီးမြှုပ်နှံမှုပြုလုပ်ရန်အတွက် အခြားသောစီးပွားရေးလုပ်ငန်း ၁၉ ခုသည်လည်း MoU ရေးထိုးနိုင်ခဲ့ကြသည်။

မြန်မာ့ GDP ၏ လေးပုံတစ်ပုံရှိသည့် ရန်ကုန်မြို့တွင် ပြည်တွင်းပြည်ပရင်းနှီးမြှုပ်နှံမှုများ ဖိတ်ခေါ်သည့် ပွဲကို ၂၀၁၈ ခုနှစ်မှ စတင်ကျင်းပခဲ့ပြီး ယခုနှစ် ၂၀၁၉ တွင် ဒုတိယအကြိမ်မြောက် ကျင်းပခဲ့ခြင်းဖြစ်သည်။

NLD အစိုးရလက်ထက်တွင် မြန်မာ့စီးပွားရေးထင်သလောက် အလုပ်မဖြစ်သကဲ့သို့ ရင်းနှီးမြှုပ်နှံမှုများလည်း တစ်စတစ်စလျော့ကျလျက်ရှိသည်။ ပြည်တွင်းငြိမ်းချမ်းရေးလုပ်ငန်းစဉ်များ ထင်သလောက်ခရီးမပေါက်သည့် အခြေအနေတွင် ရခိုင်အရေးကိစ္စကြောင့် ဥရောပသမဂ္ဂ၏ တစ်ကျော့ပြန်ပိတ်ဆို့ရန် ဟန်ပြင်နေမှုများက ပြည်ပရင်းနှီးမြှုပ်နှံမှုဝင်ရောက်ခြင်းကို တုံ့ဆိုင်းစေသည်။

သို့သော်လည်း ပြည်တွင်းငြိမ်းချမ်းရေးလုပ်ငန်းစဉ်များကို ပထမဦးစားပေးအဖြစ် ဆောင်ရွက်ခဲ့သည့် NLD အစိုးရသည် ၎င်း၏ သက်တမ်းနှစ်နှစ်ကျော်ချိန်တွင်မူ မြန်မာ့စီးပွားရေးဘက်သို့ ခြေဦးလှည့်လာခဲ့သည်။

ပြီးခဲ့သည့် သမ္မတဦးသန်းစိန် အစိုးရလက်ထက် စီးပွားရေးအရှိန်ရစက တစ်နှစ်လျှင် ပြည်ပရင်းနှီးမြှုပ်နှံမှု အမေရိကန်ဒေါ်လာခြောက်ဘီလီယံ ဝင်ရောက်ရန်အထိ ရည်မှန်းချက်ထားခဲ့သည်။

NLD အစိုးရလက်ထက် စီးပွားရေးဘက်သို့ ပြန်လည်အာရုံစိုက်စ ၂၀၁၈ -၂၀၁၉ ဘဏ္ဍာတွင်မူ အမေရိကန်ဒေါ်လာ ၅ ဒသမ ၈ ဘီလီယံရရှိရန် သတ်မှတ်ဆောင်ရွက်လျက်ရှိသည့် မြန်မာနိုင်ငံရင်းနှီးမြှုပ်နှံမှုနှင့် ကုမ္ပဏီညွှန်ကြားမှုဦးစီးဌာန ညွှန်ကြားရေးမှူးချုပ် ဦးသန့်စင်လွင်က The Voice Journal သို့ပြောကြားသည်။

သို့သော်လည်း ပြည်ပရင်းနှီးမြှုပ်နှံမှုမှာ ထင်သလောက် ဝင်ရောက်မလာခဲ့။ တစ်နိုင်ငံလုံးအတိုင်းအတာအားဖြင့် ပြည်ပရင်းနှီးမြှုပ်နှံမှုဝင်ရောက်မှုသည် အမေရိကန်ဒေါ်လာ ၂ ဒသမ ၄ ဘီလီယံကျော်သာ ရှိသည်။

ရန်ကုန်သည် မြန်မာ့စီးပွားရေးမြို့တော်၊ နိုင်ငံ GDP ၏ လေးပုံတစ်ပုံကို ရှာဖွေပေးသည့် မြို့တော်၊ စီးပွားရေးမုဆိုးများ ကျက်စားရာမြေ၊ အာရှ၏ နောက်ဆုံးစီးပွားရေးဥပစာဟု တင်စားကြသည့် မြန်မာနိုင်သို့ ဝင်ရောက်ရန်အတွက် စီးပွားရေးတံခါးပေါက်၊ စီးပွားရေးအခွင့်အလမ်းတို့ အများဆုံးရှိရာ နယ်မြေလည်းဖြစ်ရာ ရန်ကုန်၏စီးပွားရေးသည် မြန်မာနိုင်ငံ၏ စီးပွားရေးဟုပင် ယေဘုယျတင်စားကြသည်။ ထို့ကြောင့် ရန်ကုန်တွင် ပြည်ပရင်းနှီးမြှုပ်နှံမှုဝင်ရောက်လျှင် တစ်နိုင်ငံလုံး၏ ရင်းနှီးမြှုပ်နှံမှုလည်းမြင့်တက်လာမည် ဖြစ်သည်။

ထို့ကြောင့် ရင်းနှီးမြှုပ်နှံမှုဖိုရမ်ကို ရန်ကုန်တွင် ကျင်းပသည်။

မတ်လ ၁၀ ရက်နှင့် ၁၁ ရက်နှစ်ရက်ကြာ ကျင်းပခဲ့သည့် ရန်ကုန်ရင်းနှီးမြှုပ်နှံမှုဖိုရမ်တွင် ရန်ကုန်တိုင်းဝန်ကြီးချုပ် ဦးဖြိုးမင်းသိန်း ရန်ကုန်တိုင်းအတွင်း ဆောင်ရွက်မည့် စီမံကိန်း ၈၀ ကို ထုတ်ဖော်ပြောကြားခဲ့သည်။

ရန်ကုန်စီမံကိန်း ၈၀

ဝန်ကြီးချုပ်ဦးဖြိုးမင်းသိန်းက ၎င်း၏ ရန်ကုန်စီမံကိန်း ၈၀ ကို Yangon Project Bank ဟု ကင်ပွန်းတပ်သည်။ MSDP ပါ Project Bank ကို ယူသုံးကာ စီမံကိန်း ၈၀ အကြောင်း တခမ်းတနားဖွင့်ဆိုသည်။ လုပ်ငန်းရှင်တို့အတွက် ရေကန်အသင့်၊ ကြာအသင့် အလွယ်တကူကြည့်ရူနိုင်ရန် ရည်ရွယ်သည်။

ရန်ကုန်စီမံကိန်း ၈၀ တွင် မိုးပျံလမ်းကြီးများ၊ မြို့သစ်စီမံကိန်းကြီးများ၊ စက်မှုဇုန်များ၊ တန်ဖိုးနည်း တန်ဖိုးသင့်နှင့် အဆင့်မြင့်အိမ်ရာစီမံကိန်းများ၊ သယ်ယူပို့ဆောင်ရေးလုပ်ငန်း၊ ဆိပ်ကမ်းလုပ်ငန်း၊ ပန်းခြံနှင့် ဈေးများ အဆင့်မြှင်တင်သည့် လုပ်ငန်းများအစရှိသဖြင့် လုပ်ငန်းမျိုးစုံပါဝင်သည်။

စီမံကိန်း ၈၀ တွင် ရန်ကုန်တိုင်းဒေသကြီးအစိုးရအစီအစဉ်ဖြင့် ဆောင်ရွက်မည့် စီမံကိန်းလုပ်ငန်းပေါင်း ၁၆ ခုပါဝင်သည်။ တိုင်းအစိုးရ၏ နာမည်ကျော်စီမံကိန်းတစ်ခုဖြစ်သည့် ရန်ကုန်မြို့သစ်စီမံကိန်းလည်း ပါဝင်သည်။

ရန်ကုန်မြို့သစ်စီမံကိန်းကို အကောင်အထည်ဖော်ရန်အတွက် ရန်ကုန်မြို့သစ်ဖွံဖြိုးရေးကုမ္ပဏီလီမိတက် NYDC ကို တိုင်းဒေသကြီးနှင့် ပြည်နယ်များဖွံဖြိုးရေးအတွက် ဘတ်ဂျက်ချပေးသည့် ရန်ပုံငွေထဲမှ ကျပ် ၁၀ ဘီလီယံ (အမေရိကန်ဒေါ်လာ ၇ သန်း) ဖြင့် မတည်ရင်းနှီးတည်ထောင်ထားသည့် ကုမ္ပဏီဖြစ်သည်။ ယင်းကုမ္ပဏီကို ရန်ကုန်တိုင်းအစိုးရက ရာနှုန်းပြည့်ပိုင်ဆိုင်သည်။

NYDC ကုမ္ပဏီဒါရိုက်တာအဖွဲ့ BOD (Board of Director) တွင် ရန်ကုန်တိုင်းဝန်ကြီးနှစ်ဦးနှင့် FMI ကုမ္ပဏီများအုပ်စု ဥက္ကဋ္ဌဦးသိမ်းဝေအပါအဝင် ပြည်တွင်း၊ ပြည်ပစီးပွားရေးလုပ်ငန်းရှင်များသုံးဦး စုစုပေါင်းငါးဦး ပါဝင်သည်။

ဤစီမံကိန်းသည် ရန်ကုန်တိုင်းအစိုးရကို ပူဆူစေသော စီမံကိန်းဖြစ်သကဲ့သို့ ထောက်ပြဝေဖန်သူများ မျက်စေ့ဒေါက်ထောက်ကြည့်ရူနေရသည့် စီမံကိန်းလည်း ဖြစ်သည်။ NYDC Town Hall နှစ်ကြိမ်ကျင်းပခဲ့ပြီး ပြည်သူများ သိချင်သည့်မေးခွန်းများအတွက် အဖြေများကောင်းစွာထွက်မလာဘဲ မေးခွန်းများသာ ထပ်တိုးစေခဲ့သည့် စီမံကိန်းလည်းဖြစ်သည်။ အဓိကပါဝင်သည့် တရုတ် CCCC ကုမ္ပဏီသည်လည်း ဝေဖန်ခံရသည့် အဓိကအကြောင်းရင်းတစ်ခုအဖြစ် ဖြစ်တည်လျက်ရှိသည်။

ရန်ကုန်တိုင်းအစိုးရအစီအစဉ်ဖြင့် လုပ်ဆောင်မည့် စီမံကိန်းများတွင် ဒလမြို့ဖွံဖြိုးတိုးတက်ရေးစီမံကိန်း၊ စမ်းကြီးဝစီမံကိန်း၊ ဒဂုံအရှေ့စက်မှုဇုန်စီမံကိန်း၊ သက်မွေးပညာသင်တန်းကျောင်းများ၊ ငါး၊ ပုစွန်မွေးမြူရေးနှင့် ပြည်တော်သစ်အိမ်ရာစသည့် အိမ်ရာစီမံကိန်းများ ပါဝင်သည်။

အချို့စီမံကိန်းများသည် စာရွက်ပေါ်တွင်သာရှိပြီး ခန့်မှန်းမည်မျှကုန်ကျနိုင်သည်ကို မသိရှိသေးသကဲ့သို့ ရန်ကုန်မြို့သစ်စီမံကိန်းနှင့် ပြည်တော်သစ်အိမ်ရာစီမံကိန်းကဲ့သို့ စီမံကိန်းများမှာ စတင်လုပ်ကိုင်လျက်ရှိပြီဖြစ်သည်။

ရန်ကုန်စီမံကိန်း ၈၀ အနက် ရန်ကုန်မြို့တော်စည်ပင်သာယာရေးကော်မတီအစီအစဉ်ဖြင့် ဆောင်ရွက်မည့် စီမံကိန်း ၃၁ ခု ပါဝင်သည်။

အဓိကအားဖြင့် ရန်ကုန်မြို့တွင်းရှိ ဈေးနှင့် ပန်းခြံများအဆင့်မြှင့်တင်ရာတွင် ရင်းနှီးမြှုပ်နှံရန် ဖိတ်ခေါ်ထားခြင်းဖြစ်သည်။

အဆင့်မြှင့်တင်လိုသည့် ဈေး ၂၈ ခုအထိရှိပြီး ဗိုလ်ချုပ်အောင်ဆန်းဈေး၊ မင်္ဂလာဈေး၊ သိမ်ကြီးဈေးစသည့် ဈေးကြီးများအပြင် နန္ဒဝန်ဈေး၊ ဒဂုံအရှေ့အမှတ် (၂) ဈေးတို့အထိ ပါဝင်သည်။ ထို့အတူ မြကျွန်းသာ၊ မြိုင်ဟေဝန်နှင့် ပဒုမာပန်းခြုံတို့ကို အဆင့်မြင့်တင်သည့် လုပ်ငန်းများသည်လည်း YCDC က ဆောင်ရွက်မည့် စီမံကိန်း ၃၁ ခုအနက်ပါဝင်သည်။

ရန်ကုန်တိုင်းဒေသကြီးစည်ပင် (Ministry of Municipal Affairs) ကမူ ရန်ကုန်စည်ပင်ပြင်ပတွင်ရှိသည့် မြို့နယ် ၁၁ ခုတွင် စက်မှုဇုန်များတည်ဆောက်ရန် ဖိတ်ခေါ်ထားသည်။ ဤစီမံကိန်းများသည် စည်ပင်ပြင်ပမြို့နယ်များတွင် ရှိသောကြောင့် ရန်ကုန်မြို့တော်စည်ပင်သာယာရေးကော်မတီ (YCDC) က တာဝန်ယူလုပ်ကိုင်ခြင်းမရှိဘဲ ရန်ကုန်တိုင်းဒေသကြီးစည်ပင်က တာဝန်ယူထားသည်ကို တွေ့ရသည်။

ထိုပြင် ရန်ကုန်စီမံကိန်း ၈၀ တွင် ဆောက်လုပ်ရေးဝန်ကြီးဌာနက ဆောင်ရွက်မည့် စီမံကိန်း ၁၁v ခု ပါဝင်သည်။ ရန်ကုန်မိုးပျံလမ်းစီမံကိန်း (အတွင်းပတ်လမ်းနှင့် အပြင်ပတ်လမ်း) တို့လည်း ပါဝင်သည်။

ထိုပြင် လှည်းကူးမြို့နယ်ရှိ မြေ ၁၄၅၃ ဧကပေါ်တွင် အကောင်အထည်ဖော်မည် Eco Green City ကဲ့သို့ စီမံကိန်းကြီးများပါဝင်သည်။ ထိုပြင် တွံတေးမြို့နယ်ရှိ တန်ဖိုးသင့် တန်ဖိုးမျှအိမ်ရာစီမံကိန်းများတွင် ရင်းနှီးမြှုပ်နှံရန်လည်း ဖိတ်ခေါ်ထားသည်။

ပို့ဆောင်ရေးနှင့် ဆက်သွယ်ရေးဝန်ကြီးဌာနက ဆောင်ရွက်မည့် စီမံကိန်း ၁၁ခု တွင် မလွှကုန်းဘူတာ၊ အင်းစိန်ဘူတာ၊ ကြည့်မြင်တိုင်ဘူတာ စသည့် မီးရထားဘူတာရုံများ အဆင်မြှင့်တင်သည့် လုပ်ငန်းများနှင့် မြို့ပတ်ရထားလမ်းအဆင့်မြှင့်တင်သည့် လုပ်ငန်းတို့ ပါဝင်သည်။

ရန်ကုန်တိုင်းဒေသကြီးတွင် ရင်းနှီးမြှုပ်ရန်ဖိတ်ခေါ်ထားသည့် စီမံကိန်းများသည် ပညာရေးနှင့်ပတ်သက်သည့် လုပ်ငန်းတစ်ခုနှင့် မွေးမြူရေးလုပ်ငန်းတစ်ခုသာပါရှိကာ ကျန်စီမံကိန်း ၇၈ ခုသည် တည်ဆောက်ရေးအခြေပြုလုပ်ငန်းများသာ ဖြစ်သည်။

ဦးစားပေးကဏ္ဍ

ရန်ကုန်တိုင်းဒေသကြီး ဝန်ကြီးချုပ်ဦးဖြိုးမင်းသိန်း၏ ရင်းနှီးမြှုပ်နှံမှုဦးစားပေးကဏ္ဍထဲတွင် မည်သည့်လုပ်ငန်းများ ပါဝင်သနည်း။ Yangon Project Bank တွင် ပါရှိသည့် စီမံကိန်း ၈၀ သည် ဝန်ကြီးချုပ်၏ ဦးစားပေးအကောင်အထည်ဖော်မည့် လုပ်ငန်းများထဲတွင် ပါဝင်ပါ၏လော။

YBS ဘတ်စ်ကား၊ ရန်ကုန်မြို့သစ်စီမံကိန်းစသည့် ရန်ကုန်မြို့၏ နာမည်ကျော်စီမံကိန်းများကို အသက်သွင်းပဲ့ကိုင်ခဲ့သည့် ရန်ကုန်တိုင်းဝန်ကြီးဦးဖြိုးမင်းသိန်းသည် ၎င်း၏ ကျန်ရှိသည့် အစိုးရသက်တမ်းနှစ်နစ်တွင်လည်း သယ်ယူပို့ဆောင်ရေးနှင့် ဆောက်လုပ်ရေးအခြေပြုလုပ်ငန်းများကို လုပ်ကိုင်ရန်လည်း စိတ်အားထက်သန်လျက်ရှိသည်။

ရန်ကုန်သယ်ယူပို့ဆောင်ရေးစနစ်ဆိုးဟု နာမည်ကျော်ခဲ့သည့် မထသစနစ်ကို အပြီးတိုင်ဖျက်သိမ်းခဲ့ပြီးနောက် ဝန်ကြီးချုပ်ဦးဖြိုးမင်းသိန်း ဒုတိယအကြိမ်မြောက် မျက်စိကျသည့် လုပ်ငန်းမှာ လူပုဂ္ဂိုလ်တစ်ဦးချင်းပိုင်ဆိုင်လျက်ရှိသည့် ကုန်သေတ္တာယာဉ်များပြုပြင်ပြောင်းလဲရေး ဖြစ်သည်။

“ကုန်တင်မယ်ဆိုရင် ကုန်သေတ္တာကားရပ်တဲ့ နေရာမှာ ကားသွားငှားပြီး ကုန်တင်သလို ဖြစ်နေတယ်။ တစ်ကမ္ဘာလုံးမှာ မရှိတော့ဘူး ထင်တယ်။ ကျွန်တ်ာတို့ပဲ ကျန်တယ် ” ဟု ရန်ကုန်ရင်းနှီးမြှုပ်နှံဖိုရမ် ၂၀၁၉ ပွဲတွင် ဝန်ကြီးချုပ်ဦးဖြိုးမင်းသိန်းက ပြောကြားသည်။

ရန်ကုန်တိုင်းဒေသကြီး၏ အခြားသော ဦးစားပေးဆောင်ရွက်ချင်သည့် လုပ်ငန်းမှာမူ စက်မှုဇုန်နှင့် တန်ဖိုးနည်းအိမ်ရာများ ဖြစ်ကြောင်း ၎င်းက ဆက်လက်ပြောကြားသည်။

ရန်ကုန်တိုင်းဒေသကြီး၏ ဦးစားပေးရင်းနှီးမြှုပ်နှံမှုကဏ္ဍများသည်လည်း Yangon Project Bank တွင်ပါဝင်သည့် လုပ်ငန်းများဟု ဆိုနိုင်သည်။

ရန်ကုန် သို့မဟုတ် ရင်းနှီးမြှုပ်နှံမှုဝင်ပေါက်

ရန်ကုန်တိုင်းဝန်ကြီးချုပ်ဦးဖြိုးမင်းသိန်း၏ ရန်ကုန်စီမံကိန်း ၈၀ သည် မြန်မာနိုင်ငံရင်းနှီးမြှုပ်နှံမှုအပေါ် အကျိုးသက်ရောက်မှုရှိနိုင်ပါ၏လော။

မြန်မာနိုင်ငံရင်းနှီးမြှုပ်နှံမှုကော်မရှင် (MIC) မှ ခွင့်ပြုမိန့်ထုတ်ပေးထားသည့် လုပ်ငန်းပေါင်း ၁၇၀၀ ရှိသည့်အနက် လုပ်ငန်း ၁၀၀၀ သည် ရန်ကုန်တိုင်းအတွင်း တည်ရှိကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန ခေတ္တညွှန်ကြားရေးမှူးချုပ် ဦးသန့်စင်လွင်က ဆိုသည်။

ဆိုလိုသည်မှာ MIC သည် ရင်းနှီးမြှုပ်နှံမှုများခွင့်ပြုခဲ့ရာ၌ ရန်ကုန်တိုင်းသည် အဓိကကျသည့် အခန်းကဏ္ဍမှ ပါဝင်လျက်ရှိကြောင်း ဖော်ပြလိုရင်းဖြစ်သည်။ ရန်ကုန်သည် နိုင်ငံ့ GDP ၏ လေးပုံတစ်ပုံရှိသည်။ ရန်ကုန်စီးပွားရေးသည် မြန်မာ့စီးပွားရေးဟူ၍ပင် တင်စားနိုင်သည်။

ရန်ကုန်တိုင်းဒေသကြီးတွင် စက်မှုဇုန် ၂၉ ဇုန်နှင့် သီလဝါအထူးစီးပွားရေးဇုန် ရှိသည်။ ပြည်တွင်း၌ စက်မှုဇုန်အများဆုံးရှိသည့် တိုင်းဒေသကြီး ဖြစ်သည်။

ရန်ကုန်သည် လူဦးရေထူထပ်သည့်အလျောက် လုပ်သားဈေးကွက်ရှိခြင်း၊ မြန်မာနိုင်ငံ၏ အနိမ့်ဆုံးလုပ်ခလစာသည် တစ်ရက်လျှင် ကျပ် ၄၈၀၀ သတ်မှတ်ထားပြီး အိမ်နီးချင်းနိုင်များထက် လျော့နည်းခြင်းကြောင့် အာဆီယံဒေသအတွင်း လုပ်အားခချိုသာခြင်းစသည့် အချက်များက လုပ်သားအရင်းပြုလုပ်ငန်းရင်းနှီးမြှုပ်နှံသူများအတွက် မျက်စိကျရာဖြစ်သည်။

ရန်ကုန်မြို့တွင် နေထိုင်သည့် လူဦးရေခြောက်သန်းနီးပါးတွင် အများစုသည် အလုပ်လုပ်နိုင်သည့် အသက်အရွယ်တွင် ရှိနေခြင်းကလည်း လုပ်သားအခြေပြုစက်မှုလုပ်ငန်းများတွင် လာရောက်ရင်းနှီးမြှုပ်ရန် အခွင့်အလမ်းကောင်း ဖြစ်သည်။

“လုပ်ငန်းရှင်တွေ အများကြီး နိုင်ငံတကာကနေ လာကြတောတွေ ရှိပါတယ်။ အားလုံးဟာ ရန်ကုန်လေဆိပ်ကနေပြီးတော့ပဲ ဝင်ထွက်ကြတာ ဖြစ်ပါတယ်။ ရန်ကုန်ဟာ International Gate Way ဖြစ်တယ်”ဟု ရန်ကုန်တိုင်းဝန်ကြီးချုပ် ဦးဖြိုးမင်းသိန်းက ရန်ကုန်၏ အရေးပါမှုကို ဝံ့ကြွားစွာဆိုသည်။

သို့သော်လည်း ရန်ကုန်တိုင်းဝန်ကြီးချုပ်ဦးဖြိုးမင်းသိန်း အုပ်ချုပ်ရေးတာဝန်ယူစတွင် အထပ်မြင့်စီမံကိန်းများ ရပ်တန့်စေခဲ့ခြင်း၏ အကျိုးဆက်ကြောင့် ဆောက်လုပ်ရေးကဏ္ဍ အထိနာခြင်းမှသည် မြန်မာ့စီးပွားရေးအပေါ် ရိုက်ခတ်မှုကြီးမားခဲ့သည်။

လက်ရှိတွင်မူ ရန်ကုန်တိုင်းဝန်ကြီးချုပ်ဦးဖြိုးမင်းသိန်း၏ စီမံကိန်း ၈၀ ပေါ်ထွက်လာပြီဖြစ်သည်။

ထိုကြောင့် ရန်ကုန်တိုင်းဝန်ကြီးချုပ်၏ ရန်ကုန်စီမံကိန်း ၈၀ ကို ပြည်တွင်း၊ ပြည်ပရင်းနှီးမြှုပ်နှံသူများ မည်မျှစိတ်ဝင်စား၍ မည်မျှအကောင်အထည်ဖော်နိုင်သနည်းဆိုသည့် အချက်က မြန်မာ့တို့ မျှော်လင့်နေသည့် ပြည်ပရင်းနှီးမြှုပ်နှံမှုအိပ်မက်ကို အသက်ဆက်မည်ဖြစ်သည်။

ပြည်တွင်း၊ ပြည်ပရင်းနှီးမြှုပ်နှံမှုသည် လက်ရှိစီးပွားရေးကျဆင်းနေသော နိုင်ငံ့စီးပွားအပေါ် ကောင်းစွာသက်ရောက်မှုရှိရာ ရန်ကုန်ရင်းနှီးမြှုပ်နှံမှုသည် မည်မျှဆွဲဆောင်အားကောင်းသနည်းဆိုသည်ကိုလည်း စောင့်ကြည့်ရမည်ဖြစ်သည်။

စိန်ခေါ်မှုများနှင့် ရန်ကုန်

ရန်ကုန်သည် ဖော်ပြပါ အခွင့်အလမ်းကောင်းများရှိသကဲ့သို့ ရင်းနှီးမြှုပ်နှံသူများအတွက် စိန်ခေါ်မှုများကလည်း ဒုနှင့် ဒေး။

မြေဈေးနှုန်းကြီးမြင့်ခြင်း၊ ကျူးကျော်ပြဿနာနှင့် စက်ရုံအလုပ်ရုံများအတွက် အဓိကကျလှသည့် လျှပ်စစ်စွမ်းအင်မလုံလောက်မှုကဲ့သို့ အားနည်းချက်များသည် ယနေ့တိုင်မဖြေရှင်းနိုင်သေးသည့် ပြဿနာဟောင်းများ ဖြစ်သည်။

ရန်ကုန်စည်ပင်ပြင်ပ ၁၁ မြို့နယ်တွင် စက်မှုဇုန်များတည်ထောင်ရန် ရင်းနှီးမြှုပ်နှံသူများကို တွင်တွင်ဖိတ်ခေါ်ကာ နေသော်လည်း စည်ပင်နယ်နိမိတ်အတွင်းရှိ စက်မှုဇုန် ၂၉ ကိုပင် ယနေ့အချိန်အထိ ရေ၊ မီး၊ လမ်းစသည့် အခြေခံအဆောက်အဦ ပြည့်စုံလုံလောက်စွာစီမံပေးနိုင်ခြင်း မရှိသေးချေ။

“ရှိတဲ့သူ ထွက်မပြေးရေးပါပဲ။ နောက်လာမည့် သူကတော့ စဉ်းစားနေကြပြီပေါ့။ အခုမြင်တဲ့အတိုင်းပဲ မီးမလာ ရေမလာ။ မပြည့်စုံတဲ့အခါကျတော့ မျက်နှာငယ်ရတာပေါ့ဗျ” ဟု ရွှေလင်ပန်းစက်မှုဇုန်ဥက္ကဋ္ဌဦးအေးသောင်းက ဆိုသည်။

ပြည်တွင်းတွင် လာရောက်ရင်းနှီးမြှုပ်နှံလိုသူများရှိပြီး ပြည်ပရင်းနှီးမြှုပ်နှံသူများကို တည်ဆဲဥပဒေများအတိုင်း အကာအကွယ်ပေးရန်နှင့် အစိုးရဝန်ကြီးဌာနများ၏ ရုံးလုပ်ငန်း၊ ခွင့်ပြုမိန့်များကို အွန်လိုင်းမှ ဆောင်ရွက်ပေးနိုင်ရန် လိုအပ်ကြောင်း ၎င်းက ဆက်လက်ပြောကြားသည်။

“သူများတွေ အွန်လိုင်းကနေ သွားနေပြီ ကျွန်တော်တို့မှာ တန်းစီပြီး ဘယ်နေ့ရမလဲ မျှော်နေရတဲ့ ကိစ္စတွေ မဖြစ်စေချင်တော့ဘူး။ ဖြစ်နိုင်ရင်တော့ မြန်မာနိုင်ငံရင်းနှီးမြှုပ်နှံမှုကော်မရှင်ရုံး (DICA) တောင် ရုံးမသွားရဘဲနဲ့ ဆောင်ရွက်ပေးနိုင်တယ်။ ကျန်တဲ့ ဝန်ကြီးဌာတွေကကော မဆောင်ရွက်ပေးနိုင်ဘူးလား” ဟု ဦးအေးသောင်းက ဆိုသည်။

လုပ်သားအခြေပြု စက်ရုံအလုပ်ရုံများတွင် အလုပ်ရှင်၊ အလုပ်သမားပြဿနာများကို ပြေလည်အောင်ဆောင်ရွက်ပေးရန်လည်း လိုအပ်ကြောင်း ၎င်းက ဆက်လက်ပြောကြားသည်။

ရင်နှီးမြှုပ်နှံမှုတိုးတက်ရန်အတွက် ပြည်တွင်း၌ ရေ၊ မီး၊ လမ်း၊ အဆောက်အအုံစသည့် အခြေခံအဆောက်အဦများ အားနည်းချက်အချို့ရှိနေသေးကြောင်း ပြည်ထောင်စုသမ္မတမြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် (UMFCCI) ဒုတိယဥက္ကဋ္ဌဒေါက်တာမောင်မောင်လေးက ဆိုသည်။

ထိုအခြေအနေများသည် ရန်ကုန်တွင် ရင်းနှီးမြှုပ်လိုသူများ ကျော်ဖြတ်ရမည့်အခက်အခဲနှင့် ထည့်သွင်းစဉ်းစားရမည့် စိန်ခေါ်မှုများပင်။

ရန်ကုန်တိုင်းဝန်ကြီးချုပ်ဦးဖြိုးမင်းသိန်းကမူ ရန်ကုန်၏ မပြည့်စုံမှုများသည် ရင်းနှီးမြှုပ်နှံသူများအတွက် အခက်အခဲနှင့် စိန်ခေါ်မှုများမဟုတ်ဘဲ အခွင့်အလမ်းများပင်ဖြစ်ကြောင်း မေလ ၁၀ ရက်တွင် ကျင်းပသည့် ရန်ကုန်ရင်းနှီးမြှုပ်နှံမှုဖိုရန်တွင် ပြောကြားခဲ့သည်။

“လျှပ်စစ်မှာ ထုတ်လုပ်ရေးအပိုင်း၊ သွယ်တန်းရေးအပိုင်း၊ ဖြန့်ဖြူးရေးအပိုင်း ရှိပါတယ်။ ဒီကဏ္ဍနယ်ပယ်တွေ အကုန်လုံးကို ရင်းနှီးမြှုပ်နှံသူတွေ ဝင်ပါလို့ရတယ်”ဟု ၎င်းက ဖိတ်ခေါ်သည်။

“မြန်မာနိုင်ငံကို လျှပ်စစ်ကုမ္ပဏီတွေ ဘာလို့ စိတ်ဝင်စားလဲ မီးခဏခဏပျက်လို့ စိတ်ဝင်စားတယ်။ မီးမှန်နေရင် ဘယ်သူမှ စိတ်မဝင်စားဘူး”

ရင်းနှီးမြှုပ်နှံမူတိုးတက်ရန်အတွက် အဓိကကျသည်က စီးပွားရေးလုပ်ငန်းတစ်ခုစတင်ရန် မည်မျှလွယ်ကူသနည်းဆိုသည့် အချက်ပင်ဖြစ်ကြောင်း စီးပွားရေးလုပ်ငန်းရှင်များက ထောက်ပြဝေဖန်ကြသည်။

မြန်မာနိုင်ငံသည် ကမ္ဘာ့ဘဏ်မှ နှစ်စဉ်ထုတ်ပြန်သည့် East of Doing Business ၂၀၁၉ ခုနှစ်တွင် (စီးပွားရေးလုပ်ငန်းတစ်ခုစတင်ရန် လွယ်ကူသည့် နိုင်ငံစာရင်း) တွင် နိုင်ငံပေါင်း ၁၉၀ တွင် အဆင့် ၁၇၁ ဖြစ်သည်။ ပြီးခဲ့သည့် ၂၀၁၈ ခုနှစ်တွင်လည်း အဆင့်သက်မှတ်ချက် ၁၇၁ ဖြစ်သည့်အတွက် တိုးတက်လာခြင်း မရှိပေ။

ထိုအချက်က ပြည်ပမှ လာရောက်ရင်းနှီးမြှုပ်နှံလိုသူများအတွက် အဟန့်အတားတစ်ခု ဖြစ်သည်။

ရင်းနှီးမြှုပ်နှံမူတိုးတက်ချင်ပါက East of Doing Business အဆင့်သတ်မှတ်ချက်တက်ရန်လိုအပ်ကြောင်း ဒေါက်တာမောင်မောင်လေးက သုံးသပ်သည်။

လုပ်ငန်းရှင်များ၏ စီးပွားရေးလုပ်ငန်းများသည် စာအုပ်ထဲနှင့် အစည်းအဝေးထဲတွင်သာ အကောင်းနေပြောနေခြင်းထက် လက်တွေ့အလုပ်လုပ်နေသူများ မြေပြင်တွင် အဆင်ပြေရန်လိုအပ်ကြောင်းဟု ဦးအေးသောင်းက ထောက်ပြသည်။

East of Doing Business အဆင့်သတ်မှတ်ချက်၊ ရေ၊ မီးလမ်းအခြေခံအဆောက်ဦများတိုးတက်ရန်နှင့် ပြည်တွင်းရှိ ကြိုးနီစနစ်များလျှော့ချနိုင်မှသာ ပြည်ပရင်းနှီးမြှုပ်နှံမှုများတိုးတက်မည်ဖြစ်ကာ လက်ရှိအခင်းအကျင်းအတိုင်း ဆက်လက်တည်ရှိနေပါက ကျန်ရှိသည့် အစိုးရသက်တမ်းနှစ်နှစ်အတွင်း ရင်းနှီးမြှုပ်နှံမှုတိုးတက်လာရေးမှာ အစိုးရ၏ပြုပြင်ပြောင်းလဲမှုအပေါ်တွင်သာ မူတည်လျက်ရှိကြောင်း UMFCCI ဒုတိယဥက္ကဋ္ဌ ဒေါက်တာမောင်မောင်လေးက ယခုလိုဆိုသည်။

“ဥုံဖွဆိုပြီးတော့ ဖြစ်လာမှာ မဟုတ်ဘူး”

ပို့ပို့

You may also like...

Leave a Reply

Your email address will not be published. Required fields are marked *