အခြေခံပညာကျောင်းများတွင် နို့တိုက်ကျွေးရန် သီးသန့်ရန်ပုံငွေချပေးနိုင်ခြင်းမရှိဟုဆို

ရန်ကုန်၊ မေ ၃၀

အခြေခံပညာကျောင်းများတွင် နို့တိုက်ကျွေးခြင်းလုပ်ငန်း (School Milk Program) လုပ်ဆောင်ရန်အတွက် သီးသန့်ရန်ပုံငွေ ချထားဆောင်ရွက်ပေးနိုင်ခြင်းမရှိသေးကြောင်း စိုက်ပျိုးရေးမွေးမြူရေးနှင့် ဆည်မြောင်းဝန်ကြီးဌာန၊ ဒုတိယဝန်ကြီးဦးလှကျော်က ပြောကြားသည်။

နို့တိုက်ကျွေးခြင်းလုပ်ငန်း (School Milk Program) ကို ပိုမိုထိရောက်အောင်မြင်ပြီး ရာနှုန်းပြည့်ဖော်ဆောင်သွားရန်မှာ ကြီးမားကျယ်ပြန့်သည့် လုပ်ငန်းစဉ်ဖြစ်သောကြောင့် သီးသန့်ရန်ပုံငွေချထား ဆောင်ရွက်ပေးနိုင်ခြင်းမရှိသေးကြောင်း မေလ ၃၀ ရက်က ပြုလုပ်သည့် ပြည်သူ့လွှတ်တော်အစည်းအဝေးတွင် ၎င်းက ပြောကြားခဲ့သည်။

နိုင်ငံဘဏ္ဍာငွေကျခံသုံးစွဲနိုင်မှုအကန့်အသတ်နှင့် ပြည်သူ့လှူဒါန်းမှုဖြင့် ဆောင်ရွက်နေရသည့် အဆိုပါလုပ်ငန်းစဉ်သည် ကုန်ကျစရိတ်အလွန်များပြားသောကြောင့် နိုင်ငံတော်အစိုးရအနေနှင့် ယခုလက်ရှိတွင် သီးသန့်ရန်ပုံငွေခွင့်ပြုပေးနိုင်မည်မဟုတ်ဘဲ အခြေခံပညာကျောင်းများကို ပံ့ပိုးထားသည့် ကျောင်းဖွံ့ဖြိုးတိုးတက်မှုအထောက်အကူပြုအစီအစဉ် (SISP)  ရန်ပုံငွေ၏ သာမန်ခေါင်းစဉ်အောက်တွင် အစားအစာ၊ ရိက္ခာခေါင်းစဉ်ဖြင့်သာ နွားနို့တိုက်ကျွေးလျက်ရှိကြောင်း ၎င်းက ဆိုသည်။

လက်ရှိတွင် မွေးမြူရေးနှင့် ကုသရေးဦးစီးဌာနနှင့် ကုမ္ပဏီများ၊ အလှူရှင်များတိုက်ကျွေးသည့် နွားနို့ပမာဏမှာ ကျောင်းသားတစ်ဦးလျှင် တစ်နေ့ပျမ်းမျှ ၂၅၀ မီလီမီတာဖြစ်ပြီး ယင်းအတွက် ခန့်မှန်းတန်ဖိုး ၄၀၀ ကျပ်နှုန်းဖြစ်ရာ ကျောင်းဖွင့်ရက်များတွင် ကျောင်းသားဦးရေပေါင်း သိန်း ငါးဆယ်နီးပါးကို တိုက်ကျွေးမည်ဆိုပါက ပညာသင်နှစ်တစ်နှစ်လျှင် စုစုပေါင်းကျပ်ဘီလီယံ ၃၆၀ ခန့် ကျသင့်မည်ဖြစ်သည်။

ပြည်တွင်းပြည်ပကုမ္ပဏီများ၊ မွေးမြူရေးလုပ်ငန်းအဖွဲ့ချုပ်များ၊ တစ်ဦးချင်းအလှူရှင်များနှင့် မွေးမြူရေးနှင့် ကုသရေးဦးစီးဌာနတို့ ပူးပေါင်း၍ နွားနို့တိုက်ကျွေးရေးလုပ်ငန်းကို ၂၀၁၂ – ၁၃ ခုနှစ်မှ စတင်ခဲ့ပြီး ၂၀၁၈ – ၁၉ပညာသင်နှစ်အထိ အခြေခံပညာကျောင်းတစ်သောင်းသုံးထောင်နီးပါးရှိ ကျောင်းသားပေါင်း ၂၆ သိန်းကျော်ကို နွားနို့တိုက်ကျွေးပြီးဖြစ်သည်။

ရှမ်းပြည်နယ် တောင်ပိုင်း၊ မောက်မယ်မဲဆန္ဒနယ်မှ ပြည်သူ့လွှတ်တော်ကိုယ်စားလှယ်ဦးစိုင်းငေါင်းဆိုင်ဟိန်း၏ မေးခွန်းနှင့်ပတ်သက်၍ ပညာရေးဝန်ကြီးဌာန၏ဖြေကြားချက်နှင့်အတူ ပေါင်းစပ်၍ ၎င်းက ပြန်လည်ဖြေဆိုခဲ့ခြင်း ဖြစ်သည်။

ရှမ်းပြည်နယ်တောင်ကြီး၊ မူဆယ်၊ လားရှိုး၊ နောင်ချိုအစရှိသည့် မြို့များတွင် နို့ထုတ်လုပ်သန့်စင်သည့် စက်များ တပ်ဆင်ကာ ပေါင်းတင်ပိုးသတ်ထားသည့် နွားနို့ များဖြန့်ဖြူးပေးလျက်ရှိသော်လည်း အခြေခံပညာကျောင်းများတွင် နို့တိုက်ကျွေးနိုင်ရန်မှာ ရန်ပုံငွေများစွာလိုအပ်ကြောင်းဦးစိုင်းငေါင်းဆိုင်ဟိန်းက ဆိုသည်။

မေထက်ဦးခင်

You may also like...

Leave a Reply

Your email address will not be published. Required fields are marked *