ဥယျာဉ်မှူး အလိုရှိသည်

မိုးဦးကာလ ရောက်ရှိလာပြီ။ သစ်ပင်စိုက်ပွဲတော်များ လာတော့မည်။ မကြာမီအချိန်အတွင်း နိုင်ငံအတွင်း သစ်ပင်စိုက်ပွဲတော်များဖြင့် စည်ကားတော့မည်။

သစ်ပင်စိုက်ပျိုးခြင်းမှာ လွယ်သလောက် သစ်ပင်ရှင်သန်အောင် ထိန်းသိမ်းစောင့်ရှောက်ခြင်းက ခက်ခဲလှသည်။ ထို့အတွက် သစ်ပင်များကို ထိန်းသိမ်းစောင့်ရှောက်နိုင်မည့် ဥယျာဉ်မှူး လိုအပ်ပေသည်။

မြန်မာနိုင်ငံသည် ကမ္ဘာပေါ်တွင် သစ်တောပြုန်းတီးမှု တတိယအမြောက် အများဆုံးနိုင်ငံဖြစ်သည်။ သစ်တောများပြန်လည်ထူထောင်ရေးအတွက် ကဏ္ဍမျိုးစုံဖြင့် သစ်ပင်စိုက်ပျိုးကြသည်။

စိုက်ပျိုးထားသည့် သစ်ပင်များရှင်သန်နိုင်ရေးအတွက် ဥယျာဉ်မှူးများ လိုအပ်လှသည်။

ချုံနွယ်ပိတ်ပေါင်းများကြားတွင် တစ်နှစ်သားအရွယ်အပင်များက လေယူရာကို ယိမ်းထိုးလျက်။ ပြုစုမည့်သူ၊ စောင့်ရှောက်မည့်သူဟူ၍ မရှိပေ။ ထိုမဟော်ဂနီနှင့် စိန်ပန်းပင်များက ချုံနွယ်ပိတ်ပေါင်းများကြားထဲတွင် အသက်ရှင်လျက်။

ထိုအပင်များက ဒဂုံမြို့သစ် (တောင်ပိုင်း) မြို့နယ်၊ (၂၆)ရပ်ကွက်၊ တောင်ဒဂုံပန်းခြံအနီး ပြည်ထောင်စုလမ်းမကြီးဘေးတွင် ၂၀၁၈ ခုနှစ်အတွင်းက သစ်တောဝန်ထမ်း၊ လွှတ်တော်ကိုယ်စား လှယ်များ၊ ပြည်သူလူထုပါဝင်ကာ စိုက်ပျိုးထားသည့်အပင်များ ဖြစ်သည်။

ထိုအပင်များကို ပြုစုသူများလည်း မရှိပေ။ သူ့ဘာသာ ရှင်သန်နေထိုင်ကြရသည်။ သို့ရာတွင် ထိုအပင်များကို ဂရုတစိုက်ပြုစုနိုင်ပါက ပို၍ကြီးမားသန်မာသည့် သစ်ပင်အရွယ်အစား ရနိုင်သည်။

မြန်မာနိုင်ငံတွင် မိုးရာသီကာလရောက်တိုင်း သစ်ပင်စိုက်ပျိုးရေးပွဲတော် လုပ်ကြသည်။ နှစ်စဉ်နှစ်တိုင်း စိုက်ပျိုးထားကြသည့် သစ်ပင်များ ယခုချိန်တွင် ရှင်သန်နေပါက မည်သို့ဖြစ်မည်နည်း။

“အပင်စိုက်တာက လွယ်တယ်။ စိုက်ပြီးတော့ ထိန်းသိမ်းရေးလုပ်မှ စိုက်သင့်တယ်။ စိုက်ပြီးသားကို ဒီအတိုင်းထားလိုက်လို့ရှိရင် အဲဒီအပင်က အပင် ၁၀၀ စိုက်ရင် လေး၊ ငါးပင်ပဲရှင်လိမ့်မယ်”ဟု မြန်မာ့အရုဏ်သစ်အဖွဲ့ ဥက္ကဋ္ဌ ဦးစိုးနိုင်က ဆိုသည်။

မြန်မာ့အရုဏ်သစ်လူမှု အဖွဲ့အစည်းသည် သစ်ပင်စိုက်ပျိုးခြင်း၊ လူမှုရေးကူညီရေးလုပ်ငန်းများ လုပ်ဆောင်နေသည့် အဖွဲ့ ဖြစ်သည်။

ရန်ကုန်-နေပြည်တော်အမြန်လမ်းမကြီး၊ ၃၉ မိုင်အနီး ပဲခူးရိုးမထဲတွင် ကျွန်းနှင့် မဂျန်ရှားအပင်နှစ်ထောင်ကျော် စိုက်ပျိုးထားကြောင်း မြန်မာ့အရုဏ်သစ်အဖွဲ့ဥက္ကဋ္ဌ ဦးစိုးနိုင်က ဆိုသည်။

အဆိုပါနေရာအနီးသည် တပ်မတော်ပိုင်နေရာများ ဖြစ်သည်။ ယင်းနေရာတွင် သစ်ပင်များကို တပ်မတော်နှင့် ပူးပေါင်းစိုက်ပျိုးခြင်းကြောင့် စိုက်ပျိုးသမျှ သစ်ပင်များကို တပ်မတော်ဘက်က ကြည့်ရှုပေးပြီး မြန်မာ့အရုဏ်သစ်အဖွဲ့က ပြန်လည်ကြည့်ရှုကြောင်း ၎င်းက ဆက်လက်ပြောကြားသည်။

တစ်နှစ်ကို သစ်ပင်ပျိုးပင်နှစ်ထောင်နှုန်းဖြင့် စိုက်ရာ လေးနှစ်စိုက်ပျိုးပြီးဖြစ်၍ သစ်ပင်ပေါင်းရှစ်ထောင်ကျော် စိုက်ပျိုးထားသည်။

၁၁၅ မိုင်အနီးရှိ ဘုန်းကြီးကျောင်းတွင် လွန်ခဲ့သည့် ၂၀၁၅ ခုနှစ်ခန့်က ပထမဦးဆုံး စိုက်ပျိုးထားသော အပင်များမှာ လက်ရှိတွင် ပင်ပျိုအရွယ်များရောက်နေပြီး အချို့သီးပင်စားပင်များမှာ အသီးသီးနေသည့် အရွယ်ပင် ရောက်နေကြောင်း ဦးစိုးနိုင်က ဆိုသည်။

ပဲခူးရိုးမတွင် သစ်တောများလုံးဝပြုန်းတီးသွားသဖြင့် ၂၀၁၆ ခုနှစ်မှစတင်ကာ အပင်ကြီးမရှိတော့ဘဲ ချုံနွယ်ပိတ်ပေါင်းများသာ ကြီးစိုးနေသော ၃၉ မိုင်အနီးတွင် သစ်ပင်များကို ပြန်လည်အစားထိုး စိုက်ပျိုးခဲ့ကြောင်း ၎င်းက ဆိုသည်။

ယင်းကြောင့် သစ်ပင်စိုက်ပျိုးရာတွင် သစ်ပင်အမျိုးအစား၊ နေရာရွေးချယ်မှုက အရေးကြီးဆုံးဖြစ်သည်။ ဘုန်းကြီးကျောင်းများတွင် စိုက်ပျိုးထားသည့် အပင်များမှာ ရှင်သန်နိုင်မှုအများဆုံး ဖြစ်သည်။

ပျိုးပင်စိုက်ပျိုးလျှင် စစိုက်သည့် နေ့မှစကာ တစ်လတစ်ခါ ပေါင်းရှင်းပေးရမည်။ မြေဆွ၊ မြေဩဇာထည့်ရသည်။ နွေရာသီတွင် မီးကာကွယ်ပေးရသည်။

သစ်ပင်တစ်ပင်ကောင်းမွန်စွာ ရှင်သန်ကြီးထွားရန် ယင်းလုပ်ငန်းများအတွက် အချိန်ငါးနှစ်ခန့်ပေးရမည် ဖြစ်သည်။ ပေါင်းမြက်ရှင်းပေးခြင်း၊ မြေဆွပေးခြင်းကို တစ်နှစ်တစ်ကြိမ်ဖြင့် သုံးနှစ်အချိန်ပေးလုပ်ရမည်ဖြစ်ကာ တောမီးမလောင်စေရန် မီးတားပေးခြင်းကို ၂ နှစ်ပြုလုပ်ရမည် ဖြစ်သည်။

တောထဲတွင် ပေါင်းမြက်ကျန်များကြောင့် တောမီးလောင်လျှင် ကူးစက်နိုင်၍ စိုက်ခင်းများကို မီးတားလမ်းပြုလုပ်ရန် လိုအပ်ခြင်းဖြစ်သည်။

တောထဲ စိုက်ပျိုးထားခြင်းမဟုတ်ဘဲ ကားလမ်းနံဘေးနှင့် ကိုယ့်ခြံပတ်ဝန်းကျင်တွင် သစ်ပင်စိုက်ပျိုးပါက တစ်နှစ်တစ်ကြိမ် ပေါင်းမြက်ရှင်းပေးပါက ကောင်းစွာရှင်သန်မည်ဖြစ်ကြောင်း ရန်ကုန်တိုင်းဒေသကြီး သစ်တောဦးစီးဌာန၊ ညွှန်ကြားရေးမှူးဦးသိန်းတိုးက ပြောကြားသည်။

“အကောင်းဆုံးက မိုးဦးကို မီအောင် စိုက်နိုင်ရင် ပေါင်းရှင်းတာလည်း သက်သာသွားမယ်။ အပင်က ပေါင်းထက်ပိုမြင့်သွားမယ်။ လွတ်သွားမယ်”ဟု ၎င်းက ဆိုသည်။

ရန်ကုန်တိုင်း ပုလဲမြို့သစ်၊ အနုပညာဆည်းဆာရိပ်တွင် ၂၀၁၈ ခုနှစ်က ကိုယ့်နာမည်ဖြင့် သစ်ပင်စိုက်ကြသည်။

ကမ္ဘာမြေစိမ်းလန်းစိုပြေရေးအထိမ်းအမှတ် ကမ္ဘာမြေကြီးကို အမွေပေးဖို့ သစ်ပင်စိုက်ကြစို့ဆိုသည့် ဆောင်ပုဒ်ဖြင့် ကဏ္ဍပေါင်းစုံမှ ပညာရှင်များအပါအဝင် အနုပညာရှင်များပါဝင်ကာ သစ်ပင်စိုက်ကြသည်။

“ကျွန်တော်တို့ စိုက်ထားတယ်။ ဒါပေမဲ့ ပြန်မကြည့်ဖြစ်ဘူးဗျ။ ဝေးလို့။ ဒါပေမဲ့ တစ်ခုရှိတာက ဘုန်ကြီးကျောင်းထဲ စိုက်တာမို့လို့ ကိုယ်စိုက်ခဲ့တဲ့နေရာက ဘုန်းကြီးကျောင်းဖြစ်နေတဲ့အတွက် ကြောင့်တော့ အဲဒီမှာ ကြည့်တဲ့သူတွေ ရှိတယ်”ဟု အဆိုပါသစ်ပင်စိုက်ပွဲတွင် ပါဝင်သူ JJ Express အဝေးပြေးယာဉ်လိုင်းမှ ဥက္ကဋ္ဌဦးမြင့်ဦးက ပြောကြားသည်။

သစ်ပင်စိုက်ပျိုးပြီးလျှင် စိုက်ပျိုးထားသည့် သစ်ပင်ကို ပြန်ဂရုစိုက်ဖြစ်လားဆိုသည့် တန်ပြန်တုံ့ပြန်မှုများလည်းရှိလာပြီ ဖြစ်ကြောင်း၊ နေရာရွေးချယ်စိုက်ပျိုးခြင်းကြောင့် သစ်ပင်ရှင်သန်မှုပိုများစေကြောင်း ၎င်းက ဆိုသည်။

“အန်ကယ်တို့အပင်က ရှင်ဖို့များတယ်။ များတယ်ဆိုတာက ဘုန်းကြီးကျောင်းဝင်းထဲမှာ ရှိလို့ စောင့်ရှောက်မယ့်သူ ရှိတယ်။ နွားစား၊ လူဆွဲနုတ်တာတွေလည်း မရှိနိုင်လို့”ဟု ၎င်းက ဆက်လက် ပြောကြားသည်။

သစ်ပင်စိုက်ပျိုးရာတွင် သစ်ပင်မရှိသည့် နေရာ တောပြုန်းသွားသည့် နေရာများကို စိုက်နိုင်လျှင် ပိုကောင်းဖြစ်သည်။ ယင်းအပြင် ကာလ၊ ဒေသနေရာဖြင့် ကိုက်ညီသည့်အပင်များ စိုက်ပျိုးရမည်ဖြစ်သည်။ ဒီရေအတက်အကျရှိသည့် နေရာများတွင် ဒီရေတောပင်စိုက်ရမည်။ တောင်ပေါ်ဒေသတွင် တောင်ပေါ်ဒေသဖြင့် ကိုက်ညီသည့် အပင်စိုက်ရမည်။ အပူပိုင်းဒေသများတွင် ကိုက်ညီသည့် အပင်များ စိုက်ပျိုးရမည် ဖြစ်ကြောင်း RECOFTC မြန်မာမှ မြန်မာဌာနေ ကိုယ်စားလှယ်ဒေါက်တာမောင်မောင်သန်းက ပြောကြားသည်။

ယင်းကြောင့် သစ်ပင်စိုက်ပျိုးရာတွင် စိုက်ပျိုးမည့် နေရာ၊ သစ်ပင်အမျိုးအစားရွေးချယ်နိုင်မှုလည်း အရေးကြီးသည်။

“သစ်ပင်စိုက်လာတာက ကောင်းတဲ့ ဘက်ကို လှည့်လာတာပဲ။ သူတို့ကိုယ်တိုင်  အသိတရားလေးနဲ့ သစ်ပင်စိုက်ဖို့လိုပြီလို့ ကိုယ်တိုင်ကိုယ်ကျခံစားလာကြတယ်”ဟု ရန်ကုန်တိုင်းဒေသကြီးသစ်တောဦးစီးဌာန၊ ညွှန်ကြားရေးမှူးဦးသိန်းတိုးက ပြောကြားသည်။

သစ်ပင်စိုက်ပျိုးခြင်းက လွယ်ကူကာ ထိန်းသိမ်းမှုက ခက်ခဲသည်။ စဉ်ဆက်မပြတ် ထိန်းသိမ်းစောင့်ရှောက်နိုင်ခြင်း မရှိခြင်းက သစ်ပင်များကြီးထွားရှင်သန်မှုကို အဟန့်အတားဖြစ်နေလေသည်။

“ထိန်းသိမ်းတာ အားနည်းကြတယ်။ကိုယ်စိုက်တဲ့အပင်ကို ကိုယ်မထိန်းသိမ်းကြဘူး။ စိုက်တုန်းတစ်ချက်ပဲ အာရုံ  ရှိကြတယ်”ဟု ဦးသိန်းတိုးက ဆိုသည်။

ယင်းကြောင့် မြန်မာနိုင်ငံအတွင်း စိုက်ထားသည့် သစ်ပင်များအတွက် ဥယျာဉ်မှူးများ အလိုရှိသည်။

သစ်ပင်များရှင်သန်မှုကို မထိခိုက်စေအောင် ပေါင်ပင်များနုတ်ပေးခြင်း၊ မြေဆွပေးခြင်း၊ ကိုင်းချိုင်ခြင်း၊ ပင်ကျပ်နုတ်ခြင်းနှင့်  မြေဩဇာကျွေးခြင်းတို့ ပြုလုပ်ပေးရန် လိုအပ်သည်။

သစ်တောဦးစီးဌာနသည် သစ်ပင်စိုက်ပျိုးနိုင်ရန်အတွက် ပြည်သူလူထုထံ ပျိုးပင်များ ပေးဝေလျက်ရှိသည်။ သို့သော် ထိုအပင်များကို ထိန်းသိမ်းရန် ဘတ်ဂျက်သီးသန့်မရှိသဖြင့် ပြည်သူလူထုကပင် စိုက်ခင်းများကို ထိန်းသိမ်းပေးရန် ဦးသိန်းတိုးက မေတ္တာရပ်ခံလေသည်။

ပြီးခဲ့သည့် ၂၀၁၈ ခုနှစ်တွင် ရန်ကုန်တိုင်းဒေသကြီးအတွင်း သစ်တောဦးစီးဌာနနှင့် လူမှုအဖွဲ့အစည်းအသီးသီးတို့ ပူးပေါင်းကာ သစ်ပင်စိုက်ပွဲပေါင်း ၄၀ ကျော်ရှိကြောင်း ၎င်းက ဆိုသည်။

တစ်နိုင်ငံလုံအနေနှင့်မူ ၂၀၁၇ – ၂၀၁၈ ခုနှစ်အတွင်း စီးပွားရေးစိုက်ခင်း ၁၄,၉၇၀ ဧက၊ ရေဝေရေလဲစိုက်ခင်း ၂၂၅၀ ဧကနှင့် ဒီရေတောစိုက်ခင်း ၃၀၈၀ ဧကဖြင့် စုစုပေါင်း ၂၀,၃၀၀ ဧကစိုက်ပျိုးထားကြောင်း သစ်တောဦးစီးဌာနထံမှ သိရသည်။

ယင်းကြောင့် စိုက်သည့် အပင်ရှင်သန်ရေးလူတိုင်းတာဝန်သိစိတ်ဖြင့် ထိန်းသိမ်းပေးကြရန် သစ်တောပညာရှင်များက တောင်းဆိုကြသည်။

ယခင်က ပျိုးပင်များသာ စိုက်ပျိုးကြသော်လည်း ထိန်းသိမ်းမှုမရှိလျှင် အပင်ရှင်သန်နှုန်းနည်းပါးသဖြင့် နောက်ပိုင်း၌ သစ်ပင်ကြီးများကို စိုက်ပျိုးသည့်ပုံစံသို့ ပြောင်းလဲလာကြသည်။

ယင်းအပြင် လူမှုအဖွဲ့အစည်းများသည် လူတိုင်းသစ်ပင်စိုက်ချင်စိတ်ဖြစ်စေရန် သစ်ပင်တစ်ပင်ချင်းစီကို နာမည်တပ် သစ်ပင်တစ်ပင်စိုက်ပြီး ထိုသစ်ပင်ရှင်သန်ပါက စိုက်ပျိုးသူကို အလှူငွေအပိုထပ်ဆောင်း ချီးမြှင့်ခြင်းတို့ဖြင့် ဥယျာဉ်မှူးသစ်များပေါ်လာရေးနည်းလမ်းများ ကြံဆလာကြသည်။

မြန်မာ့အရုဏ်သစ်အဖွဲ့ကမူ အပင်ရေရှည်ကြီးထွားနိုင်ရန်အတွက် သစ်ပင်စိုက်လိုသူများထံမှ ပျိုးပင်တစ်ပင်လျှင် နှစ်ထောင်နှုန်းဖြင့် ကောက်ခံသည်။

“အဲဒါက အလှူခံတာပေါ့နော်။ ကျွန်တော်တို့က အပင်နှစ်ထောင်စိုက်မယ်။ တစ်ပင်နှစ်ထောင် (ကျပ်)က ခြုံရှင်း၊ တောရှင်းတဲ့ စရိတ် ဖြစ်ပါတယ်”ဟု ယင်းအဖွဲ့ ဥက္ကဋ္ဌ ဦးစိုးနိုင်က ရှင်းပြသည်။

ထိုနည်းလမ်းဖြင့် သစ်ပင်များကို ထိန်းသိမ်းစိုက်ပျိုးခြင်းကြောင့် ရန်ကုန် – နေပြည်တော်အမြန်လမ်း ၃၉ မိုင်အနီး ပဲခူးရိုးမတွင် စိုက်ပျိုးထားသည့် ပျိုးပင်များမှာ ပင်ပျိုအရွယ်ရောက်နေပြီဖြစ်ကြောင်း ဦးစိုးနိုင်က ဆိုသည်။

“စိုက်ပျိုးထားတာနဲ့ဆိုရင် ၆၅ ရာခိုင်နှုန်း အောင်မြင်တယ်။ ပျက်စီးတဲ့ အပင်တချို့တစ်ဝက်ရှိတယ်”ဟု ၎င်းက ဆိုသည်။

လက်ရှိတွင် သစ်ပင်စိုက်ပျိုးမှုများလာသည်။ သို့ရာတွင် နောက်ပိုင်းသစ်ပင်များကို ထိန်းသိမ်းစောင့်ရှောက်ရသည့် ကုန်ကျစရိတ်လည်း ပိုကြီးကြောင်း၊ ယင်းကြောင့် ရေရှည်အစီအမံများ ချမှတ်ပြီးမှ သစ်ပင်စိုက်ပျိုးသင့်ကြောင်း ဦးစိုးနိုင်က ဆိုသည်။

မည်သို့ပင်ဖြစ်စေ မိုးရာသီကာလရောက်လျှင် သစ်ပင်စိုက်ပျိုးကြမည်။ ထို့အတွက် အသင့်ပြင်ထားသည့် နေရာများလည်းရှိသည်။ နေပြည်တော်ပုဗ္ဗ သီရိမြို့ YGW မိဘမဲ့ကျောင်းတွင် သစ်ပင်တစ်ထောင်စိုက်ပျိုးနိုင်ရန် ပန္နက်ရိုက်ကာ အသင့်ပြင်လျက်ရှိသည်။ YGW က သစ်ပင်များရှင်သန်အောင် တာဝန်ယူထားကြောင်း နေပြည်တော်တာဝန်ခံ ဆရာတော်ဦးတိက္ခသာရက မိန့်ကြားသည်။

“(သစ်ပင်) လာစိုက်ပေးတဲ့သူ လာစိုက်တယ်။ ထိန်းသိမ်းတာက ကျောင်းမှာရှိတဲ့ ဆရာ၊ ဆရာမ၊ ဘုန်းကြီး ကလေးများနဲ့ ဝိုင်းပြီးတော့ ရှင်သန်အောင် ထိန်းသိမ်းကြဖို့”ဟု ဆရာတော်က ဆိုသည်။

လာမည့် မိုးရာသီကာလအတွင်း သစ်ပင်စိုက်ပွဲတော်များ ကျင်းပရာတွင် သစ်ပင်ရှင်သန်ရေး ထိန်းသိမ်းရေးအပိုင်းကိုလည်း တစ်ဆက်တည်း တာဝန်ယူသင့်ပေရာ သစ်ပင်ပြုစုမည့် ဥယျာဉ်မှူးများအလိုရှိပေသည်။

ဥမ္မာလွင်

You may also like...

Leave a Reply

Your email address will not be published. Required fields are marked *