မိုးပျံသောက

ဓာတ်ပုံ - မိုးကျော်လွင်

မြန်မာနိုင်ငံတွင် ပထမဆုံးတည်ဆောက်မည့် မိုးပျံလမ်းစီမံကိန်းကြီးသည် လက်လုပ်လက်စားများ၊ ကျူးကျော်များနှင့် လူဦးရေသိပ်သည်းဆများသော လှိုင်သာယာမြို့နယ်မှ စတင်တော့မည်ဖြစ်သည်။

မီဂါစီးတီးဖြစ်လာတော့မည့် ရန်ကုန်မြို့တွင် လူဦးရေများပြားလာမှုထက် ပိုမိုဆိုးရွားသော ယာဉ်ကြောကျပ်တည်းမှု ပြဿနာကို ဖြေရှင်းရန် ကြိုးစားရာမှ မီးပျံလမ်းစီမံကိန်း ပေါ်ထွက်လာခြင်းဖြစ်ပြီး ယင်းအတွက် ကျောမွဲတို့နေထိုင်ရာ လှိုင်သာယာသည် ပထမဦးဆုံးသော ပစ်မှတ် ဖြစ်လာခဲ့ရသည်။

“လမ်းတွေ ကျပ်တည်းနေရင် ဘယ်လိုသွားမလဲ။ ကောင်းကင်က သွားမလား။ မြေအောက်က သွားမလား” ဟူသည့် စကားသံသည် လှိုင်သာယာဒေသခံ တစ်ထောင်နီးပါးခန့်ရှိသည့် ခန်းမအတွင်း၌ ပျံ့လွင့်သွားသည်။

ရန်ကုန်မိုးပျံရထားလမ်းအကြောင်း လှိုင်သာယာဒေသခံများသို့ ရှင်းလင်းသည့် အခမ်းအနားတွင် မြန်မာ့မီးရထား (အောက်မြန်မာပြည်) အထွေထွေမန်နေဂျာ ဦးထွန်းအောင်သင်းက  ပြောကြား ခဲ့ခြင်းဖြစ်သည်။

ရန်ကုန်မိုးပျံရထားလမ်း (Yangon Urban Mass Rapid Transit – YUMRT) နှင့်ပတ်သက်၍ မြန်မာ့မီးရထား တာဝန်ရှိသူများ၊ လွှတ်တော် ကိုယ်စားလှယ်များနှင့် JICA (ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ) တို့က လှိုင်သာယာမြို့နယ် အောင်မြေသာယာစေတီဝင်းအတွင်းရှိ သာသနာ့ဗိမ္မာန်တွင် ဒေသခံများကို ဇွန်လ ၁ ရက်က စီမံကိန်းအကြောင်း ရှင်းလင်းပြောကြားခဲ့သည်။

စီမံကိန်းပြီးစီးပါက လှိုင်သာယာမှ ပါရမီ (တောင်ဥက္ကလာပ)သို့ ၃၅ မိနစ်ခန့်ဖြင့် အရောက်သွားနိုင်မည် ဖြစ်သည်။

မိုးပျံရထားလမ်း (Yangon Urban Mass Rapid Transit -YUMRT) ဆိုသည်မှာမော်တော်ယာဉ် ပြေးလမ်းမအထက် ၁၅ မီတာခန့်အမြင့်တွင် တည်ဆောက်၍ လျှပ်စစ်ဓာတ်အားအသုံးပြု ပြေးဆွဲခြင်း ဖြစ်သည်။

အဆိုပါစီမံကိန်းကို အပိုင်းနှစ် ပိုင်းခွဲခြားထားပြီး ပထမအပိုင်းဖြစ်သည့် လှိုင်သာယာမှ ပါရမီအထိ ၁၈ ကီလိုမီတာခန့်ကို စတင်တည်ဆောက်မည် ဖြစ်သည်။

ပထမပိုင်းကို မြို့နယ်ငါးမြို့နယ်ဖြစ်သည့် လှိုင်သာယာ-ပါရမီ(လှိုင်သာ ယာ၊ လှိုင်၊ မရမ်းကုန်း၊ ရန်ကင်းနှင့် တောင်ဥက္ကလာပ မြို့နယ်တို့ကို) ဆက်သွယ်တည်ဆောက်မည်ဖြစ်ကာ ၂၀၂၂ နောက်ပိုင်းတွင် စတင်တည်ဆောက်မည်ဖြစ်ပြီး ၂၀၂၇ ခုနှစ်တွင် စတင်အသုံးပြုနိုင်မည်ဖြစ်ကြောင်း မြန်မာ့မီးရထား (အောက်မြန်မာပြည်)ထံမှ သိရသည်။

ဒုတိယပိုင်းစီမံကိန်းတွင် ပါရမီ၊ တိုးကြောင်ကလေး၊ ထိုမှ ရန်ကုန်-မန္တလေး ရထားလမ်း (အထက်မြန်မာပြည်) အထိ ပြေးဆွဲရန်စီစဉ်ထားခြင်း ဖြစ်သည်။

ပထမပိုင်းစီမံကိန်းသည် ၁၈ ကီလို မီတာရှည်လျားပြီး အမေရိကန်ဒေါ်လာ ၁ ဒသမ ၅ ဘီလီယံကုန်ကျကာ ဂျပန်နိုင်ငံမှ နှစ်ရှည်ချေးငွေဖြင့် တည်ဆောက်မည် ဖြစ်ကြောင်း ဦးထွန်းအောင်သင်းက ရှင်းပြသည်။

ပထမပိုင်းစီမံကိန်းတွင် လမ်းချဲ့ခြင်း၊ တံတားများတည်ဆောက်ခြင်း၊ ဘူတာဝင်းတည်ဆောက်ရမည် ဖြစ်သည့်အပြင် လျှပ်စစ်ဓာတ်အားအသုံးပြုပြေးဆွဲခြင်းဖြစ်သည့်အတွက် ဓာတ်အားခွဲရုံတည်ဆောက်ရမည် ဖြစ်ကြောင်း မြန်မာ့မီးရထား (အောက်မြန်မာပြည်) ထံမှ သိရှိရသည်။

အဆိုပါစီမံကိန်းအတွက် ပြီးခဲ့သည့် ၂၀၁၈ ခုနှစ်တွင် လုပ်ငန်းလေ့လာခြင်းစတင်ခဲ့ခြင်းဖြစ်ပြီး လှိုင်သာယာ-ပါရမီ အရှေ့အနောက်တန်းနေသည့် မိုပျံမီးရထားလမ်းကို ရွေးချယ်ရခြင်းအတွက် အကြောင်းပြချက်များလည်း ရှိသည်။

JICA ၏လေ့လာချက်အရ ရန်ကုန်အရှေ့-အနောက် ဆက်သွယ်ထားသည့် လမ်းကြောင်းတွင် ယာဉ်ကြောပိတ်ဆို့မှု အများဆုံးအချိန်တွင် ယာဉ်စီးရေ ၁၁၂,၀၀၀ ခန့်ရှိသည်။ ယင်းတို့အနက် ၁၂ ရာခိုင်နှုန်းသာ ဘတ်စ်ကားဖြစ်ကြသည်။ အများစုမှာ ကိုယ်ပိုင်ကားမျိုးစုံ ဖြစ်သည်။

ယင်းစစ်တမ်းအရ ဘတ်စ်ကား ၁၂ ရာခိုင်နှုန်းသာ အသုံးပြုနိုင်သည့် ရန်ကုန်အရှေ့နှင့် အနောက် ဆက်သွယ် ထားသည့် မိုးပျံလမ်းစီမံကိန်းကို လှိုင်သာယာမြို့နယ်မှစတင်ပြေးဆွဲရန် ဆုံးဖြတ်ခဲ့ခြင်း ဖြစ်ကြောင်း JICA ၏ စစ်တမ်းကို ကိုးကား၍ အထွေထွေမန်နေဂျာ ဦးထွန်းအောင်သင်းက ရှင်းပြသည်။

မိုးပျံရထားလမ်းစီမံကိန်းကြောင့် လှိုင်သာယာမြို့နယ်သည် လမ်းပန်းဆက်သွယ်ရေး ကောင်းမွန်သည့် မြို့နယ်တစ်ခုဖြစ်လာမည့်အပြင် မြန်မာနိုင်ငံ၏ ပထမဆုံးမိုးပျံရထားလမ်းတည်ရှိရာ မြို့နယ်အဖြစ် သမိုင်းတွင်မည် ဖြစ်သည်။

သို့သော်လည်း လှိုင်သာယာမြို့နယ်တွင် နေထိုင်သူအချို့ကမူ အဆိုပါစီမံကိန်းကြောင့် ရတက်ပွေလျက်ရှိသည်။ အကြောင်းမှာ စီမံကိန်းနှင့် မလွတ်ကင်းသည့် နေအိမ်မှ ဖယ်ရှားခံရမည် ဖြစ်သောကြောင့်ပင်။

မိုးပျံရထားလမ်းစီမံကိန်းနှင့် မလွတ်ကင်းသည့် နေရာများအတွက် ရန်ကုန်တိုင်းဒေသကြီးအစိုးရက မြေလျော်ကြေးသတ်မှတ်မည်ဖြစ်ကြောင်း မြန်မာ့မီးရထား (အောက်မြန်မာပြည်) ထံမှ သိရှိရသည်။

ထိုကြောင့်ပင် စီမံကိန်းနှင့်မလွတ်၍ ပြောင်းရွှေ့ရမည်ကို ဒေသခံများက  စိုးရိမ်နေကြခြင်းဖြစ်သည်။ လှိုင်သာယာမြို့နယ် အောက်ထိပ်တွင်နေထိုင်သည့် ဒေါ်သွယ်သွယ်ဦးကမူ စီမံကိန်းနှင့် မလွတ်ကင်း၍ ပြောင်းရွှေ့ရမည်ဆိုပါက ကျောင်းဖွင့်ရာသီကို ရှောင်ရှားရန်လိုလားသူ ဖြစ်သည်။

စီမံကိန်းဖြင့် မလွတ်ကင်းသဖြင့် ရွှေ့ပြောင်းရမည် ဆိုပါက ဇွန်၊ ဇူလိုင်လတွင် မပြောင်းရွှေ့လိုဘဲ ပွင့်လင်းရာသီကျောင်းပိတ်ချိန်တွင်သာ ပြောင်းရွှေ့ပေးနိုင်ရေး ရန်ကုန်မိုးပျံရထားလမ်း စတင်မိတ်ဆက်ပွဲတွင် ၎င်းက တောင်းဆိုသည်။

ထိုပြင် စီမံကိန်းနှင့်မလွတ်ကင်း၍ ပြောင်းရွှေ့ရမည်ဆိုပါက လျော်ကြေးငွေထက် နေစရာရလိုကြောင်း ဒေသခံအများစုက အဆိုပါမိတ်ဆက်ပွဲတွင် တောင်းဆိုခဲ့ကြသည်။ ဝါဝါဝင်းကုမ္ပဏီပိုင်မြေတွင် ရွှေ့ပြောင်းနေထိုင်သူ ဦးဝင်းရှိန်ကမူ လျှော်ကြေးငွေပေးကာ ရွှေ့ပြောင်းရမည်ကို လက်မခံသူ ဖြစ်သည်။

“ငွေပေးပြီးတော့ အားလုံးကို နှင်လိုက်သလိုများ ဖြစ်မလားဆိုတာကို စိုးရိမ်တယ်”ဟု ၎င်းက ဆိုသည်။

ဦးထွန်းရှိန်၏ သဘောထားကို အငြိမ်းစားကျောင်းဆရာမ ဒေါ်သန်းကြွယ်က ထောက်ခံသည်။ ကျောင်းဆရာမအဖြစ် တာဝန်ကျရာနေရာတွင် တာဝန်ထမ်းဆောင်ပြီးနောက် ပင်စင်စားဘ၀တွင် နေထိုင်ရန် အိုးပိုင်အိမ်ပိုင်မရှိသည့်အတွက် လှိုင်သာယာမီးခွက်ဈေးအနီးရှိ ကျူးကျော်တဲကို ကျပ်ခုနှစ်သိန်းဖြင့် ဝယ်ယူကာ ခြေထောက်မသန်သည့် မိခင်နှင့်အတူ နှစ်ယောက်တည်း နေထိုင်နေရသူ ဖြစ်သည်။

ကျူးကျော်နေထိုင်သူများအနက် ရပ်ကွက်အတွင်း အမှန်တကယ်အိမ်ပိုင်ဆိုင်သူများလည်းရှိပြီး နေရာများကို ကျူးကာ အိမ်ဆောက်ပြီး တစ်ဆင့်ပြန်လည်ငှားရမ်းထားသူများလည်းရှိသောကြောင့် သေချာစိစစ်သင့်ကြောင်း ၎င်းက ဆိုသည်။ ထို့ပြင် လျော်ကြေးထက် အခြေအနေမပျက် နေထိုင်ရန်အတွက် မြေနေရာသာ လိုချင်ကြောင်း ၎င်းက ရှင်းပြသည်။

“စီမံကိန်းလုပ်ပြီးပါမှ ဆန္ဒပြနေကြရင် ဘယ်လိုလုပ်ကြမလဲ”ဟု  ၎င်းက ဆက်လက်ပြောကြားသည်။

အဆိုပါစီမံကိန်းသည် ရန်ကုန် – ပုသိမ်လမ်းမပေါ်တွင် တည်ဆောက်မည်ဖြစ်ရာ လမ်းချဲ့ရမည် ဖြစ်သည်။ လက်ရှိတွင်လည်း လမ်းချဲ့မှုများပြုလုပ်လျက်ရှိပြီး ယခုထက်ပို၍ လမ်းချဲ့ရမည်ဟုလည်း ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးဝင်းမောင်ကဆိုသည်။

ရန်ကုန်တိုင်းဝန်ကြီးချုပ် ဦးဖြိုးမင်းသိန်း မရှင်းနိုင်ခဲ့သည့် ရန်ကုန် – ပုသိမ် လမ်းမကြီး လမ်းဘေးဝဲယာရှိ ကျူးကျော်တဲများမှာမူ ဖျက်ရမည်ဖြစ်သည်။ ကျူးကျော်များတွင်လည်း စီးပွားဖြစ် အထပ်သားဆိုင်များ၊ စတီးပစ္စည်းအရောင်းဆိုင်၊ ပန်း အလှနှင့်ပျိုးပင်အရောင်ဆိုင်များ၊ လေထိုးကျွတ်ဖာဆိုင်များ ရှိသည်။ သို့သော်လည်း လှိုင်သာယာမြို့နယ်အတွင်း ကျူးကျော် မဟုတ်သူများမှာမူ မည်သည့်ထိခိုက်မှုမျှမရှိဟု ၎င်းကဆိုသည်။

ထို့ကြောင့် ရန်ကုန် – ပုသိမ်လမ်းမ ကြီးအနီးနေထိုင်သည့် ကျူးကျော်များမှာ ရတက်မအေးကြ။ ထိုသို့ ရတက်မအေးသူများတွင် ရန်ကုန်-ပုသိမ်လမ်းမကြီးဘေးတွင် ထမင်းဆိုင်ဖွင့်လှစ်ရောင်းချသည့် ဒေါ်မေသက်ခိုင်ဦးလည်း ပါဝင်သည်။

ဝန်ကြီးချုပ်ဦးဖြိုးမင်းသိန်းက ကျူးကျော်များကို စမတ်ကတ်ထုတ်ပေးခဲ့သော်လည်း စီးပွားဖြစ် ကျူးကျော်ဟု သတ်မှတ်ခံရသည့် ဒေါ်မေသက်ခိုင်ဦးမှာ စမတ်ကတ် မရရှိခဲ့ပေ။ ထို့ကြောင့် လျော်ကြေးမရဘဲ ပြောင်းရွှေ့ခံရမည်ကို စိုးရိမ်လျက်ရှိသူ ဖြစ်သည်။

လှိုင်သာယာ (၁) ရက်ကွက်တွင် နေထိုင်သည့် ဦးလှဆွေဝင်းကမူ လျော်ကြေးအတွက် မစိုးရိမ်ပေ။ သူ့အိမ်သည်လည်း ဖျက်ခံရမည့်အထဲတွင် မပါ။ သို့သော်လည်း သူ့မြို့နယ်တွင် တည်ဆောက်မည့် မိုးပျံရထားလမ်းတွင် တည်ဆောက်မည့် ပစ္စည်းများအရည်အသွေးကောင်းရန်၊ လျှပ်စစ်ဓာတ်အား လုံလောက်မှုရှိရန်နှင့် စီးနင်းမည့်ခရီးသည် မရှိမည်ကို စိုးရိမ်လျက်ရှိသူဖြစ်သည်။

အလုံမြို့နယ် ထော်လီကွေ့မှ ပုဇွန်တောင်မြို့နယ်သို့ပြေးဆွဲသည့် လျှပ်စစ်ရထားနှင့် လှိုင်သာယာ-ဟင်္သာတ ပြေးဆွဲသည့် မီးရထားစီမံကိန်းကဲ့သို့ မအောင်မြင်မည်ကို စိုးရိမ်ကြောင်း ဦးလှဆွေဝင်းက ဖွင့်ဟသည်။

JICA အစီအစဉ်အရ လုပ်ဆောင်ခဲ့သည့် အလုံ-ပုဇွန်တောင် လျှပ်စစ်ရထား စီမံကိန်းဆိုလျှင် ကျပ် ၅ ဒသမ ၇ ဘီလီယံ နစ်နာခဲ့ခြင်းဖြစ်ကြောင်း မြန်မာ့မီးရထားက သတင်းထုတ်ပြန်ထားပြီးဖြစ်သည်။

“ကုမ္ပဏီက (မိုးပျံရတားတည်ဆောက်မည့် ကုမ္ပဏီ) မြန်မာနိုင်ငံကို လာရောက်ပေးပို့တဲ့ ပစ္စည်းတွေက အရည်အသွေးကောင်းရဲ့လား” ဟု ၎င်းက မြန်မာ့မီးရထား(အောက်မြန်မာပြည်)သို့ မေးခွန်းထုတ်သည်။

သို့သော်လည်း မိုးပျံရထားစီးနင်းမည့် ခရီးသည်ဦးရေကို JICA က စစ်တမ်း ကောက်ပြီးဖြစ်ကာ ပစ္စည်းအရည်အသွေးအတွက်လည်း ဂရုပြုဆောင်ရွက်ရမည်ဖြစ်ကြောင်း မြန်မာ့မီးရထား (အောက် မြန်မာပြည်) အထွေထွေမန်နေဂျာ ဦးထွန်းအောင်သင်းက ဆိုသည်။

သို့သော်လည်း လျှပ်စစ်ဓာတ်အားအတွက်မူ ၎င်းကိုယ်တိုင် စိုးရိမ်ကြောင်း ဝန်ခံသည်။

အနောက်ပိုင်းတက္ကသိုလ်နှင့် ပုသိမ်မှ လျှပ်စစ်ဓာတ်အားလိုင်းနှစ်ခုကိုယူ၍ မိုးပျံရထားပြေးဆွဲရန် လျှပ်စစ်နှင့် စွမ်းအင်ဝန်ကြီးဌာနနှင့် သဘောတူညီချက်ရရှိထားကြောင်း အထွေထွေမန်နေဂျာ ဦးထွန်း အောင်သင်းက ရှင်းပြသည်။

အခြားသောတွေးဆစရာများအဖြစ် မိုးပျံလမ်းစီမံကိန်း စတင်တည်ဆောက်သည်နှင့် ပတ်ဝန်းကျင်တွင် နေထိုင်သူများအတွက် တည်ဆောက်ရေးလုပ်ငန်းများကြောင့် လေထု၊ ရေထုညစ်ညမ်းခြင်းနှင့် ဆူညံသံများ၊ တုန်ခါမှုများစသည့် ဆိုးကျိုးများ ရရှိနိုင်သေးကြောင်း E guard သဘာဝပတ်ဝန်းကျင်လေ့လာဆန်းစစ်ရေးဝန်ဆောင်မှုလုပ်ငန်း၏ မန်နေဂျင်းဒါရိုက်တာ ဦးအေးသီဟ ရှင်းပြသည်။

E guard သဘာဝပတ်ဝန်းကျင် လေ့လာဆန်းစစ်ရေးဝန်ဆောင်မှုလုပ်ငန်းသည် JICA နှင့်ပူးပေါင်းကာ EIA ၊ SIA လုပ်ငန်းများဆောင်ရွက်နေသည့် အဖွဲ့အစည်းဖြစ်သည်။

မည်သို့ပင်ဖြစ်စေ မိုးပျံရထားလမ်းသည် ၂၀၂၂ တွင်တည်ဆောက်ရေး စတင်တော့မည်ဖြစ်သည်။ မိုးပျံရထားကို ဒေသတွင်း အိမ်နီးချင်းထိုင်းနိုင်ငံ ဘန်ကောက်၊ အင်ဒိုနီးရှားနိုင်ငံနှင့် မလေး ရှားနိုင်ငံတို့တွင် အသုံးပြုလျက်ရှိနေပြီ ဖြစ်သည်။

မိုးပျံလမ်းစီမံကိန်း ပထမအဆင့်အတွက် ပါရမီလမ်းပေါ်ရှိ စီမံကိန်းနှင့် မလွတ်ကင်းသည့် အိမ်ရာများကို ဖျက်သိမ်းရာတွင်လည်းကောင်း၊ လှိုင်မြစ်ကို ဖြတ်ကူးရာတွင်လည်းကောင်း၊ လျှပ်စစ်ဓာတ်အားလိုအပ်ချက်အတွက်လည်းကောင်း စသည့်ဖြင့် ဖြေရှင်းရမည့် ပြဿနာများသည်ကား ရှိနေဆဲဖြစ်သည်။

ထို့ကြောင့် ရန်ကုန်မိုးပျံလျှပ်စစ်ရထား ၂၀၂၇ ခုနှစ် စတင်ပြေးဆွဲနိုင်မည်လားဆိုသည်ကို  မြန်မာ့မီးရထား (အောက် မြန်မာပြည်) အထွေထွေမန်နေဂျာ ဦးထွန်းအောင်သင်းက  ယခုကဲ့သို့ မှတ်ချက်ပြုသည်။

“မိသားစုတွေ စည်းစည်းလုံးလုံးနဲ့ ဆောင်ရွက်ရင် ၂၀၂၇ ဟာ ပြေးမလွတ်ပါဘူး”

ပို့ပို့

You may also like...

Leave a Reply

Your email address will not be published. Required fields are marked *