မယ်ခွေ ပြန်လာမည်

အင်းဝခေတ်စာဆိုရှင် မယ်ခွေ၏ လက်ဆောင်ကဗျာကို အဋ္ဌမတန်း မြန်မာစာပြဋ္ဌာန်းစာအုပ်မှ ထုတ်ပယ်လိုက်သည်။

မည်သည့်အကြောင်းဖြင့် ထုတ်ပယ်ကြောင်း နိုင်ငံတော်သမ္မတရုံးရှင်းလင်းမှသာ သိကြရသည်။

ပယ်ဖျက်ရခြင်းမှာ ကဗျာစာသားများက ကလေးငယ်များဆေးလိပ်သောက်ချင်စိတ်ကို ဖြစ်ပေါ်၍ဟူ၏။

သို့သော်လည်း စာပေပညာရှင်များကမူ ကဗျာသည် ရသစာပေအမျိုးအစားသာဖြစ်သည့်အတွက် ရသအနေနှင့်သာ ခံစားသင့်ကြောင်း ဆိုကြသည်။

အင်းဝစာဆိုရှင် မယ်ခွေ၏လက်ဆောင်ကဗျာတွင်

‘မဝယ်ဘူး၊မယ်ခူးတဲ့ ဖက်စို။

မီးမကူ

နေပူမှာ မကင်အားလို့၊ ထားရတယ် အိပ်ရာအောက်မှာ မင်းသောက်ဖို့ကို’ဟူ၍ ရေးဖွဲ့ထားလေသည်။

‘ညှာအနား၊ ရှေ့သွားနှင့် ကိုက်လို့တို၊

မချိုတောင့်လိပ်ဆေး။’

ကဗျာစာသားအတိုင်းပင် ရှေးစာဆိုတစ်ဦး၏ ချစ်စရာကောင်းသော ကဗျာ လေးဖြစ်သဖြင့် ကဗျာကို ရေရွတ်လိုက်ချိန်တွင်ပင် ကြည်နူးစိတ်ချမ်းမြေ့မည်သာ။ ကဗျာတွင် သူ့ဂုဏ်၊ သူ့ရသ၊ သူ့ခေတ် သမိုင်းများ ပါဝင်ရေးဖွဲ့ထားခြင်းပေ။

ကဗျာကို သီကုံးထားပုံမှာပင် မေတ္တာဘွဲ့ကို ဖော်ညွှန်းကြောင်းသိသာထင်ရှားလှပေသည်။ လေးချိုးကဗျာ အမျိုးအစား ဖြစ်လေသည်။ အင်းဝရွှေမြို့တော်ကို တာဝန်ထမ်းဆောင်ရန်သွားမည့် ပျို့မောင်ထံလက်ဆောင်ဆက်သလိုက်မည့် ကိုယ်တိုင်ပြုလုပ်ထားသည့် ဆေးလိပ်ကို ဖော်ညွှန်းထားခြင်း ဖြစ်သည်။

ရှေးခေတ်မိန်းမပျိုလေးများ၏ ငယ်ချစ် မောင်ချစ်သူအပေါ် တန်ဖိုးထားကြောင်း ပြသမှုတစ်ခုပင်။

အဋ္ဌမတန်းကျောင်းပြဋ္ဌာန်းစာအုပ်တွင် ပါဝင်သည့် ထိုကဗျာတစ်ပုဒ်ကို မည်သို့ ဖြုတ်လိုက်သနည်း။ ကဗျာအကြောင်း ဝေဖန်မှုများ လူမှုကွန်ရက်ပေါ်တွင် ပျံနှံ့လာသည်။

မေတ္တာဖွဲ့ကဗျာလေးဖြစ်သော်လည်း ယနေ့ခေတ်ကာလတွင်မူ ထိုကဗျာကြောင့် ဆေးလိပ်သောက်သုံးမှုကို ဖြစ်စေနိုင်သည်ဆိုသော ရှုထောင့်မှတစ်ဆင့် ပြဋ္ဌာန်းစာအုပ်မှဖြုတ်လိုက်သည့် အဆင့်ထိ ဖြစ်လာခဲ့သည်။

“ကဗျာအမျိုးအစားကိုက မေတ္တာဖွဲ့ပဲ ဆေးလိပ်က ကြားခံပါတာ။ အသုံးခံပစ္စည်းဖြစ်တယ်”ဟု မြန်မာစာအဖွဲ့ဝင် ဆရာဦးမျိုးသန့်က ဆိုသည်။

ကဗျာဆိုသည်မှာ ရသစာပေအမျိုးအစားဖြစ်ရာ သုတဖြင့် မရောစေလိုကြောင်း ရန်ကုန်တက္ကသိုလ် မြန်မာစာဌာန တွဲဖက်ပါမောက္ခ(ငြိမ်း)လည်း ဖြစ်သူ ဆရာဦးမျိုးသန့်က ဆိုသည်။

လက်ရှိတွင် အမျိုးသားပညာရေးမဟာဗျူဟာစီမံကိန်း (၂၀၁၆ –  ၂၀၂၁) အရ ပညာရေးစနစ် ပြုပြင်ပြောင်းလဲရေးလုပ်နေကာ သင်ရိုးညွှန်းတန်းအသစ်များ ရေးဆွဲပြီး ပညာရေးအဆင့်မြှင့်တင်နေချိန် ဖြစ်သည်။

ယင်းအချိန်တွင် ပြဋ္ဌာန်းစာအုပ်များကို ပြုပြင်ရေးဆွဲကြသည်။ ခေတ်နှင့် လျော်ညီရာ သင်ကြားရေးစာများ ဖြည့်စွက်ကြသည်။

ထိုအချိန် အထက်တန်းသင်ရိုးညွှန်းတမ်းအသစ်ရေးဆွဲချိန်တွင် ဆေးလိပ် ဆန့်ကျင်ရေး လှုပ်ရှားမှုများပြုနေသည့် ဆရာဝန်မကြီးတစ်ဦး၏ ယူဆချက်ကြောင့် လက်ဆောင်ကဗျာကို ပြဋ္ဌာန်းစာအုပ်မှ ပယ်ဖျက်လိုက်ခြင်းဖြစ်ကြောင်း နိုင်ငံတော်သမ္မတပြောရေးဆိုခွင့်ရှိသူ ဦးဇော်ဌေးက ပြောကြားသည်။

မယ်ခွေ၏ လက်ဆောင်ကဗျာရိုက်ခတ်မှုသည် နိုင်ငံတော်သမ္မရုံးအထိ လှုပ်ခတ်သွားခဲ့သည်။

နိုင်ငံတော်သမ္မတရုံး ဖြေကြားချက်အရ ဆေးလိပ်ဆန့်ကျင်ရေးတက်တက်ကြွကြွလုပ်သူ၊ မီရုပ်ရှင်ဝေဖန်သူ ဆရာမကြီး၏ ကျန်းမာရေးရှုထောင့်အရ သုံးသပ်ချက် ကြောင့် လက်ဆောင်ကဗျာဖြုတ်ရန် ပညာရေးညွှန်ကြားရေးမှူးမှတစ်ဆင့် ပညာရေးဝန်ကြီးဌာနကို တင်ပြခဲ့သည်ဟုသိရသည်။

ထိုအချိန်တွင် လက်ဆောင်ကဗျာကို ဖြုတ်ပြီး အခြားကဗျာထည့်သွင်းရေးကို စဉ်းစားကြကြောင်း ဦးဇော်ဌေးက ဆိုသည်။

ကဗျာသင်ကြားရခြင်း၏ အခြေခံအကြောင်းအရင်းများကိုမူ ဆွေးနွေးပါသလော။

ပညာရေးဝန်ကြီးဌာန၏ ဆွေးနွေးချက်များတွင် မယ်ခွေ၏လက်ဆောင် ကဗျာနှင့်ခေတ်ပြိုင်ရေးသားထားသည့် ကဗျာကိုရှာဖွေရာတွင် ဦးကျော့သမီး ရေးသားထားသည့် အေးခွင့်မဖန် ကဗျာကို အစားထိုးထည့်သွင်းရန် ပညာရေးဝန်ကြီးဌာနအလုပ်အမှုဆောင်အစည်းဝေးတွင် ဆုံးဖြတ်လိုက်ခြင်းဖြစ်ကြောင်း နိုင်ငံတော်သမ္မတရုံးညွှန်ကြားရေးမှူးချုပ်ဦးဇော်ဌေးက ဆိုသည်။

“ဆေးလိပ်ဆန့်ကျင်သူတွေ၊ အရက်ဆန့်ကျင်သူတွေက လမ်းတွေမှာ ဆေးလိပ်တွေ ရောင်းနေတာကို ဆေးလိပ်အခွန်တိုးကောက်ဖို့၊ စက်ရုံတွေပိတ်ဖို့ပဲ လုပ်သင့်တာ”ဟု ဆရာဦးမျိုးသန့်က ဆိုသည်။

ယင်းကြောင့် မြန်မာစာချစ်မြတ်နိုးသူများ၊ စာပေတန်ဖိုးထားသူများ၊ ရသစာပေကို ချစ်မြတ်နိုးသူများက အမျိုးမျိုး ဝေဖန်ပြောဆိုကြသည်။

ယင်းသို့ဆိုပါက နွေဦးကာလမြူထသောအခါ ကဗျာတွင်လည်း ထန်းရည်သမား၏ဘ၀ကို ဖော်ညွှန်းထားခြင်းဖြစ်ရာ ယင်းသို့ဆိုလျှင် ထိုကဗျာကိုရော မည်သို့လုပ်ဆောင်မည်နည်း။

ယင်းအပြင် အင်္ဂလိပ်စာလုံးတွင်  W ၊ Y ဆိုသည့်စကားလုံးများပါဝင်ကာ ထိုစားလုံးများသည် စိတ်ကြွဆေးနာမည်ဖြစ်၍ ဖြုတ်သင့်ကြောင်း နောက်ပြောင်ဝေဖန်ကြပြန်သည်။

အဋ္ဌမတန်းမြန်မာစာပြဋ္ဌာန်းစာအုပ်တွင် မယ်ခွေ၏လက်ဆောင်ကဗျာကို ထည့်သွင်းသင်ကြားလာသည်မှာ နှစ်ပေါင်း ၃၀ ပင်ကြာပြီဖြစ်သည်။

ထိုကဲ့သို့ နှစ်ပေါင်းများစွာကြာသင်ကြားခဲ့သော ရှေးစာဆိုရှင်၏ ကဗျာကို ယခုကဲ့သို့ လွယ်လွယ်ဖြုတ်၍ရလာပြီလော။

နှစ်ပေါင်း ၃၀ ကြာသင်ကြားခဲ့သော ထိုကဗျာကြောင့် ဆေးလိပ်သောက်လိုစိတ်ကို ဖြစ်စေသည်ဆိုသည်ကို မည်ကဲ့သို့ လေ့လာသိရှိသလော။

ထိုမေးခွန်းများအတွက် သက်ဆိုင်ရာဌာနဘက်ကဖြေရှင်းမှု ယနေ့တိုင် မရှိသေးပေ။

ဘာသာစကားတစ်ခု တတ်မြောက်ကျွမ်းကျင်ရန်အတွက် ကဗျာစာပေသည် အရေးကြီးသည်။ ဘာသာစကားလုံးကို ကျစ်ကျစ်လျစ်လျစ်ဖွဲ့စည်းထားသည့် ကဗျာများက ရသမြောက်ကာ စာပေဖွံ့ဖြိုးမှုကို တွန်းအားပေးစေသည်။

“ကဗျာသင်တဲ့ ရည်ရွယ်ချက်ကိုက ဘာသာစကားဖွံ့ဖြိုးစေဖို့နဲ့ မေတ္တာဖွဲ့ အတွက် သင်ကြားတာပဲ”ဟု ရန်ကုန်တက္ကသိုလ် မြန်မာစာဌာန၊ ပါမောက္ခ ဌာနမှူးဒေါက်တာအောင်မြင့်ဦးက ရှင်းလင်းဖွင့်ဆိုပြသည်။

မြန်မာစာကဗျာကို သင်ကြားရာတွင် မေတ္တာဖွဲ့ အခြေခံကဗျာများဆိုလျှင် မေတ္တာဖွဲ့ကို ဖော်ညွှန်းကာ သင်ကြားကြောင်း ဆရာမဒေါ်မြင့်မြင့်ဇော်က ဆိုသည်။

ဆရာမဒေါ်မြင့်မြင့်ဇော်မှာ လူမှုကွန်ရက် Facebook တွင် သင်ရိုးညွှန်းတမ်းပါ မြန်မာကဗျာများကို ဌာန်ကရိုဏ်းကျကျရွတ်ဆိုပြသော ဗီဒီယိုဖိုင်ကြောင့် သဘောကျနှစ်ခြိုက်သူများစွာ ရှိခဲ့သည်။

“အဲဒီကဗျာကို သင်ကြားတဲ့အခါမှာ မေတ္တာဖွဲ့အကြောင်းကို သင်ကြားရတာ ဖြစ်ပါတယ်။ ကဗျာကြောင့် ဆေးလိပ်သောက်စေတာမျိုးတွေ မဖြစ်ပေါ်ပါဘူး။ မိန်းကလေးတစ်ယောက်က သူ့ချစ်သူ အတွက် လုပ်ပေးတဲ့ မေတ္တာဖွဲ့လေး ဖြစ်တယ်”ဟု ၎င်းက ဆက်လက်ရှင်းပြသည်။

အထက်တန်းကျောင်းတွင် ထို ကဗျာအကြောင်း ကလေးများကို သင်ကြားရာတွင်လည်း ထိုသို့ ချစ်ခင်မြတ်နိုးတတ်သည့် မိန်းကလေးမျိုး လိုချင်ကြသည့်အတွေးများ ကလေးများတွင် ရှိကြောင်း၊ ဆေးလိပ်သောက်စေလိုသည့် စိတ် ဖြစ်ပေါ်ခြင်း မရှိကြောင်း ဒေါ်မြင့်မြင့်ဇော်က ဆိုသည်။

“ကလေးတွေအချင်းချင်းဆို အဲဒီလို မိန်းကလေးမျိုး လိုချင်တာမျိုးတောင် ရှိတယ်”ဟု ၎င်းက ဆိုသည်။

မည်သို့ပင်ဆိုစေကာမူ ကဗျာဆိုသည်မှာ ကရသစာပေအမျိုးအစားဖြစ်သည့်အတွက်ကြောင့် ရသကို ရသအဖြစ်သာ ခံစားရန် လိုအပ်လှပေသည်။

အင်းဝစာဆိုရှင်၏ ရည်ညွှန်းရာ မေတ္တာဘွဲ့ကဗျာ၏ တကယ့်အနှစ်သာရကို နှစ်ခြိုက်ခံစားမိသူများမှာ ကဗျာဖြုတ်လိုက်သဖြင့် ဝမ်းနည်းကြသည်။ နှမျောတသဖြစ်ကြသည်။

ယခုမူ ထိုသို့ဖြစ်ရန် မလိုတော့။

အဋ္ဌမတန်းသင်ခန်းစာတွင် ပယ်ဖျက်လိုက်သည့် မယ်ခွေ၏လက်ဆောင်ကဗျာကို စနစ်သစ် အခြေခံပညာအထက်တန်း ဒသမတန်း(Grade 10) သင်ရိုးညွှန်းတမ်းအသစ်တွင် ပြန်လည်ထည့်သွင်းမည်ဖြစ်ကြောင်း ပညာရေးဝန်ကြီးဌာနက ဇွန်လ ၁၂ ရက်နေ့တွင် ကြေညာလိုက်ပြီဖြစ်သည်။ မယ်ခွေ ပြန်လာတော့မည်။

ဥမ္မာလွင်

You may also like...

Leave a Reply

Your email address will not be published. Required fields are marked *