သတိပေးရဦးမည့် လျှပ်စစ်ဓာတ်အားကိစ္စ

ထုတ်လုပ်ကုန်ကျစရိတ်များ ကာမိအောင် လျှပ်စစ်ဓာတ်အားခ အလွယ်ခေါ် မီတာခများ တိုးမြှင့်လိုက်ခြင်းသည် ပိုထွက်လာသောငွေများကို သုံးကာ လျှပ်စစ်ဓာတ်အား မရသေးသောဒေသများ လျှပ်စစ်ဓာတ်ရရန်၊ လျှပ်စစ်ဓာတ်အား ထုတ်လုပ်ဖြန့်ဖြူးမှုနှင့် ထုတ်လုပ်စွမ်းအား တိုးတက်စေရန်ဟူသော ရည်ရွယ်ချက်ကောင်းများဖြင့် ဆောင်ရွက်ခြင်းဖြစ်သည့်အတွက် ကြိုဆိုသော်လည်း ထပ်လောင်းသတိပေးစရာများရှိသည်။

လျှပ်စစ်ဓာတ်အားခ တိုးမြှင့်သည့်အတွက် ကုန်ဈေးနှုန်း တက်နိုင်ခြေ ရှိသည်၊ နိုင်ငံလုံးဆိုင်ရာ စီးပွားရေးအပေါ် သက်ရောက်နိုင်သည်။ ကမ္ဘာ့ဘဏ်အချက်အလက်အရ ၂၀၁၉ မတ်လတွင် ၇ ဒသမ ၉ ရာခိုင်နှုန်းရှိသော ငွေကြေးဖောင်းပွမှုနှုန်းကို ကိုင်တွယ်မည့်နည်း ကြိုတွက်ထားပြီး၊ ပြင်ဆင်ထားပြီး ဖြစ်ရမည်။ မည်သို့ပြင်ဆင်ထားသလဲ။ နိုင်ငံလုံးဆိုင်ရာ စီးပွားရေး Macroeconomy ပေါ် မည်သို့သက်ရောက်မလဲ။

အကျင့်ပျက်ခြစားသူ ဝန်ထမ်းအချို့နှင့် အမှန်တကယ်ကျသင့်သော မီတာခမပေးလိုသူများသည် အသစ်ပြင်ဆင်လိုက်သော နှုန်းထားစနစ်ကြောင့် ပွဲတော်တွေ့မသွားရန် အရေးကြီးသည်။ ထိုသို့ မီတာခိုးယူသူများ များပြားနေလျှင် မှန်မှန်ကန်ကန် ပေးဆောင်သူများသည် ခိုးယူသူများအတွက် စိုက်ထုတ်ပေးရသလိုဖြစ်မည်။

လက်ရှိ မြန်မာနိုင်ငံ၏ လျှပ်စစ်ဓာတ်အားထုတ်လုပ်စရိတ်သည် ရှိသင့်သည်ထက် ပိုမိုကုန်ကျနေသလားကို လေ့လာဆန်းစစ်ပြီး မကုန်သင့်သည် မကုန်အောင် ပြင်ဆင်ရင်းနှီးမြှုပ်နှံခြင်းဖြင့်လည်း ပြည်သူအပေါ် ဝန်ထုပ်ဝန်ပိုးကျစေလိမ့်မည်။

ဓာတ်အားထုတ်လုပ်သည့်နေရာနှင့် နောက်ဆုံးသုံးစွဲသည့် အိမ်၊ ရုံးတို့အကြား လျှပ်စစ်ဓာတ်ပို့ဆောင်ရာတွင် ဓာတ်အားလေလွင့်ခြင်း ကြီးမားသည့်အတွက် လျော့ပါးအောင်ကုစားနိုင်လျှင် နောက်ထပ်မထုတ်ရဘဲနှင့်ပင် လျှပ်စစ်ဓာတ်အားများစွာ ထွက်လာမည်။

လျှပ်စစ်ဓာတ်အား ဖူလုံခြင်းသည် သာမန်ပြည်သူတို့၏ ဘ၀အဆင့်မြင့်စေသလို ရင်းနှီးမြှုပ်နှံမည့်သူများ လာချင်စိတ်ကို ယိုဖိတ်စေသည့်အတွက် ထိုကဏ္ဍတွင် များများစားစား မြန်မြန်ဆန်ဆန် ရင်းနှီးမြှုပ်နှံနိုင်စေရမည်။

 

အယ်ဒီတာ
၂၇.၆.၂၀၁၉

You may also like...

Leave a Reply

Your email address will not be published. Required fields are marked *