အတိုက်အခံမြို့တော်ဝန်ဖြစ်လာသည့် တူရကီမြူနီစီပယ်ရွေးကောက်ပွဲ

တူရကီနိုင်ငံမြို့တော် အစ္စဘူလ်မြူနီစီပယ်ရွေးကောက်ပွဲတွင် လက်ရှိသမ္မတအာဒိုဂန်၏ ပါတီ Justice and Development Party (AKP)  ပါတီက မြို့တော်ဝန်လောင်းအဖြစ်ဝင်ရောက်ယှဉ်ပြိုင်သူကို အတိုက်ခံ Republican People’s Party (CHP) ပါတီက ပြိုင်ဘက်အီမာမိုဂလူးဆိုသူက မဲအပြတ်အသတ်ဖြင့် အန်ိုင်ရရှိခဲ့သည်။

ယခုကျင်းပခဲ့သည့် မြို့တော်ဝန်ရွေးကောက်ပွဲမှာ နောက်တစ်ကြိမ်ပြန်လုပ်ရသည့် ရွေးကောက်ပွဲဖြစ်သည်။ ဧပြီလက ကျင်းပခဲ့သည့် မြို့တော်ဝန်ရွေးကောက်ပွဲရလဒ်ကို လက်ရှိသမ္မတအာဒိုဂန်က ကြိုက်နှစ်သက်ခြင်းမရှိသောကြောင့် ရလဒ်ကို ပယ်ဖျက်ရန် ရွေးကောက်ပွဲကော်မရှင်ရုံးချုပ်ကို ဖိအားပေးခဲ့ဖြင်းဖြစ်သည်။ ထို့ကြောင့် ယခုနောက်တစ်ကြိမ်ရွေးကောက်ပွဲပြန်လည်ကျင်းပရာ ပထမအကြိမ်ကအန်ိုင်ရရှိခဲ့သည်ထက် ပို၍ မဲအပြန်အသတ်ဖြင့် အတိုက်အခံကိုယ်စားလှယ်က န်ိုင်သွားတော့သည်။ ပထမအကြိမ် ဧပြီက ရွေးကောက်ပွဲတွင် အတိုက်အခံပါတီက မြို့တော်ဝန်လောင်းအီမာမိုဂလူးမှာ အာဏာရပါတီကမြို့တော်ဝန်လောင်းကို မဲအရေအတွက် ၁၃,၀၀၀ ခန့်အသာဖြင့် အနိုင်ရရှိခဲ့ခြင်းဖြစ်သည်။

ယင်းရလဒ်ကို လက်ရှိသမ္မတအာဒိုဂန်က လက်မခံဘဲရွေးကောက်ပွဲ မသမာမှုများရှိသည်ဟူသော အကြောင်းပြချက်ဖြင့် ရွေးကောက်ပွဲရလဒ်ကို ပယ်ဖျက်ပေးရန် ရွေးကောက်ပွဲကောက်မရှင်ကို ဖိအားပေးခဲ့သည်။ ထို့ကြောင့် အစ္စတန်ဘူလ်မြို့တော်ဝန်နေရာအတွက် နောက်တစ်ကြိမ်ရွေးကောက်ပွဲ ပြန်လည်ကျင်းပရာ အတိုက်အခံမြို့တော်ဝန်လောင်းက မဲအရေအတွက် ရှစ်သိန်းနီးပါးအသာဖြင့် အနိုင်ရရှိသွားခြင်းဖြစ်သည်။ ယခုရလဒ်မှာ အစ္စတန်ဘူလ်မြို့ကို လက်ရှိအာဏာရပါတီ AKP က ၂၅ နှစ်ကြာ အုပ်စိုးထားခြင်းကို အဆုံးသတ်သွားစေခြင်းဖြစ်သည်။

ယခုမြို့တော်ဝန်ရွေးကောက်ပွဲရလဒ်မှာ လက်ရှိသမ္မတအာဒိုဂန်နှင့် သူ၏ပါတီ AKP တို့အတွက် အကြီးအကျယ်ရှုံးနိမ့်မှုဖြစ်သည်။ လွန်ခဲ့သော ၁၇ နှစ်နီးပါးကတည်းက အာဏာရယူထားသည့် သမ္မတအာဒိုဂန်အတွက် ယခုရှုံးနိမ့်မှုသည် ယခင်ကထက်ပိုမိုအားနည်းလာသည့် ကာလပင်ဖြစ်သည်။ တူရကီတွင် ဒီမိုကရေစီပြန်လည်ထွန်းကားလာခြင်းအဖြစ် အောင်ပွဲဆင်နေကြသည့် အနိုင်ရမြို့တော်ဝန်အီမာမိုဂလူးကို ထောက်ခံသူများအနေနှင့် ပျော်သင့်ပျော်ထိုက်သည့် ပွဲတစ်ခုပင် ဖြစ်သည်။

မြို့တော်ဝန်သစ်ကိုကြိုနေသည့် စိန်ခေါ်မှုများ

ယခုအခါအောင်ပွဲခံမှုများမှာ ပြီးဆုံးသွားပါပြီ။ မြို့တော်ဝန်အီမာမိုဂလူးနှင့် လက်ရှိသမ္မတအာဒိုဂန်၏ အတိုက်အခံတို့မှာ ရွေကောက်ပွဲအောင်နိုင်မှုကို လက်တွေ့ထိရောက်သော အုပ်ချုပ်နိုင်စွမ်းအဖြစ် ပြောင်းလဲပစ်ရန်အတွက် အတားအဆီများကြီးကြီးမားမားရှိနေပါသည်။ လက်ရှိအာဏာရသမ္မတအာဒိုဂန်နှင့် သူ၏ပါတီ AKP မှာ ယခုမြို့တော်ဝန်ရွေးကောက်ပွဲကိစ္စတွင် အတွက်မှားအချက်မှားများရှိခဲ့သော်လည်း လွယ်လွယ်နှင့် အလျှော့ပေးမည် မဟုတ်ပါ။

၎င်းတို့မှာ ဖိအားပေးခံရသည့်အခြေအနေအောက်တွင် ရောက်ရှိနေချိန်တွင်မူ အတိုက်အခံမြို့တော်ဝန်အီမာမိုဂလူး အခက်တွေ့စေနိုင်မည့် အရင်းအမြစ်များ သူတို့၏လက်တွင် ရှိနေပါသည်။ သမ္မတအာဒိုဂန်ကို ထောက်ခံသည့်သတင်းစာများ၏ အဆိုအရ မြို့တော်ဝန်အီမာမိုဂလူးကို အာဏာရအာဒိုဂန်အစိုးရက ပြစ်မှုများဖြင့် စွဲချက်တင်ရန်ကြိုးပမ်းဖွယ်ရှိသည်ဟုဆိုသည်။ သို့သော် ယင်းလုပ်ရပ်မှာ အစ္စတန်ဘူလ်မြို့နေ မဲဆန္ဒရှင်များ၏ ခုခံဆန်ကျင်မှုတိုးမြင့်သွားနိုင်သလို၊ အာဏာရပါတီ၏ တရားဝင်ဖြစ်မှုကိုလည်း ယုတ်လျော့သွားစေနိုင်သည်။ ရွေးကောက်ပွဲကို နောက်တစ်ကြိမ်ကျင်းပစေခဲ့ပြီး အနိုင်ရသူကို တရားစွဲဆိုမည်ဆိုသည့် စွန့်စားမှုကို လက်ရှိသမ္မတအာဒိုဂန်အနေဖြင့် လုပ်ချင်လိမ့်မည် မဟုတ်ပါ။

ဖြစ်နိုင်ခြေပိုများသည့် လုပ်ရပ်မှာ သမ္မတအာဒိုဂန်အနေဖြင့် အစ္စတန်ဘူလ်မြို့တော်ဝန်တစ်ဦးသုံးစွဲနိုင်မည့် ငွေကြေးရင်းမြစ်ကို ကန့်သတ်မည့် အမိန့်ဒီကရီတစ်ရပ်ထုတ်ပြန်ခြင်းဖြစ်သည်။ အမေရိကန်ဒေါ်လာ ၅ သန်း ထက်ပိုသည့် စာချုပ်များကို လက်ခံရယူခြင်းမှ တားမြစ်ခြင်းမျိုးဖြစ်သည်။ ယင်သို့ လုပ်ခြင်းဖြင့် မြို့တော်ဝန်တွင် ငွေကြေးအသုံးစရိတ်ချို့တဲ့စေရန်ဖြစ်သည်။တကယ်တမ်းတွင်မူ ထိုထက်ပိုသည်။ ယင်းသို့လုပ်ခြင်းဖြင့် မြို့တော်ဝန်သစ် အီမာမိုဂလူးအနေဖြင့် စီးပွားရေးလုပ်ငန်းကြီးများ လက်ရှိအာဏာရပါတီ AKP မှအဝေးသို့ ထွက်သွားအောင်မလုပ်န်ိုင်စေရန် ဖြစ်သည်။

ထို့ပြင် မြို့တော်ဝန်သစ်အနေဖြင့် ယခင်က ရှိခဲ့သည့် အကျင့်ပျက်ခြစားမှုများကို စုံစမ်းစစ်ဆေးခြင်းမျိုး မလုပ်န်ိုင်စေရန် လက်ရှိသမ္မတအာဒိုဂန်က တားမြစ်နိုင်ဖွယ်ရှိသည်။ ယခင်မြို့တော်တာဝန်ရှိသူများနှင့် အစ္စလာမ်မစ်အစီအစဉ်ရှိသူများ၊ အစွန်းရောက်အစ္စလာမ်အယူအဆရှိသည့် အုပ်စုများ၏ အဆက်အစပ်များကို မြို့တော်ဝန်သစ်က စုံစမ်းစစ်ဆေးခြင်းမျိုးကို တားမြစ်ဖွယ်ရှိသည်။

အစ္စတန်ဘူလ်မြို့တော်ဝန်ရွေးကောက်ပွဲတွင် အတိုက်အခံများက အနိုင်ရရှိသွားသော်လည်း လက်ရှိအာဏာရပါတီ AKP ကိုဖြုတ်ချန်ိုင်ရန် အတိုက်အခံတို့ ရင်ဆိုင်ရမည့်ပြဿနာမှာ အချိန်ကာလဖြစ်သည်။ တူရကီနိုင်ငံတွင် ၂၀၁၄ ခုနှစ်မှ ယခု ၂၀၁၉ ခုနှစ်အထိ ဒေသဆိုင်ရာရွေးကောက်ပွဲ နှစ်ကြိမ်၊ သမ္မတရွေးကောက်ပွဲ နှစ်ကြိမ်၊ အထွေထွေရွေးကောက်ပွဲ သုံးကြိမ်၊ အခြေခံဥပဒေနှင့် ပတ်သက်သည့် လူထုဆန္ဒခံယူပွဲတစ်ကြိမ် ကျင်းပခဲ့ပြီးဖြစ်သည်။ သို့သော် ၂၀၂၃ ခုနှစ်အထိ နောက်ထပ်ရွေးကောက်ပွဲတစ်ကြိမ်မျှ ရှိမည် မဟုတ်ပေ။ လတ်တလောတွင် အာဏာရ AKP ပါတီအနေဖြင့် န်ိုင်ငံ့စီးပွားရေးအားနည်းနေမှု၊ အတိုက်အခံများအားကောင်းလာမှု၊ ပါတီတွင် ပဋိပက္ခများရှိနေမှု စသည့် ပြဿနာများ ကြုံတွေ့နေရသော်လည်း လက်ရှိသမ္မတအာဒိုဂန် ခြေကုပ်ပြန်လည်ရယူရန် အချိန်များစွာရှိနေသေးသည်ကို တွေ့ရပေတော့သည်။

စာညွှန်း။       ။ BBC

ဧကျော်

You may also like...

Leave a Reply

Your email address will not be published. Required fields are marked *