မြိတ်မြို့ ကန်ဖျားကုန်စိမ်းဈေးပြောင်းရွှေ့မှုကို ဈေးသူဈေးသားများ ကန့်ကွက်ဆန္ဒထုတ်ဖော်

မြိတ်၊ ဇူလိုင် ၁၀

မြိတ်မြို့ကန်ဖျားရပ်ရှိ ကိုယ်ထူကိုယ်ထ ကန်ဖျားကုန်စိမ်းဈေးကို မြို့ပြင်ရှိ ရှမ်းချောင်း ဈေးသစ်သို့ ပြောင်းရွှေ့ရန်ဆောင်ရွက်မှုကို ဈေးသူ ဈေးသားများက လက်မခံဘဲ ကန့်ကွက်ဆန္ဒထုတ်ဖော်ပွဲတစ်ရပ်ကို ယနေ့ ဇူလိုင်လ ၁၀ ရက်နေ့တွင် လူပေါင်း ၃ဝဝ ကျော်ဖြင့် လမ်းလျှောက်ဆန္ဒထုတ်ဖော်ခဲ့ကြသည်။

အဆိုပါဆန္ဒထုတ်ဖော်ထုတ်ပွဲတွင် ကန်ဖျားဈေးသူဈေးသားများဘဝကို အမေစု ကယ်တင်ပေးရေး၊ မြိတ်စည်ပင်၏ ပွင့်လင်းမြင်သာမှုမရှိခြင်းကို မှ စိစစ်အရေးယူရန်၊ ကိုယ်ထူကိုယ်ထ ဆောက်လုပ်ထားသည့်ကန်ဖျားဈေးကို အဓမ္မ အာဏာသုံးရွှေ့ပြောင်းခိုင်းခြင်းကို အမြန်ဆုံး ဖြေရှင်းပေးရေး၊ ဈေးသူဈေးသားများ၏ ဘဝကို ပျက်စီးစေရန်ရွှေ့ပြောင်းခိုင်းသည့် အမိန့်အာဏာကို ရုတ်သိမ်းပေးရန် ဆိုသည့် တောင်းဆိုကြွေးကြော်ချက် ၄ ချက်ဖြင့် မြိတ်မြို့ ကန်ဖျားဈေးမှ မြို့တွင်းသို့ လှည့်လည် ဆန္ဒထုတ်ဖော်ခဲ့ကြသည်။

ကန်ဖျားကုန်စိမ်းဈေးကို စည်ပင်မြေပေါ်တွင် ၂၀၀၄ ခုနှစ်မှ စတင်ဆောင်ရွက်ခဲ့ပြီး ၂၀၁၆ ခုနှစ်က ဆိုင်ခန်း ၁၂၃ ခန်းကို သိန်းတစ်ထောင်ကျာ် အကုန်အကျခံကာ ကိုယ်ထူကိုယ်ထဈေးရုံ တည်ဆောက်ခဲ့ကြောင်း ဈေးသူဈေးသားများထံမှ သိရသည်။

လက်ရှိဈေးနေရာကို ဇူလိုင်လ ၁၃ ရက်နေ့ နောက်ဆုံးထားပြောင်းရွှေ့ရန် စည်ပင်သာယာက
စာထုတ်ထားပြီး မလိုက်နာပါက တည်ဆဲဥပဒေဖြင့် အရေးယူမည်ဖြစ်ကြောင်း မြိတ်မြို့နယ်စည်ပင်သာယာရေးမှ တာဝန်ရှိသူတစ်ဦးက ဆိုသည်။

You may also like...

Leave a Reply

Your email address will not be published. Required fields are marked *