နိုင်ငံခြားဘဏ်ရွေးချယ်ရေးအတွက် အကြံပေးကုမ္ပဏီ ၄ ခု အဆိုပြုလွှာတင်

ရန်ကုန်၊ ဇူလိုင် ၁၀

ပြည်တွင်းတွင် ဘဏ်လုပ်ငန်းလုပ်ကိုင်ဆောင်ရွက်မည့် နိုင်ငံခြားဘဏ်များ ထပ်မံခွင့်ပြုရန် မြန်မာနိုင်ငံတော် ဗဟိုဘဏ်က စီစဉ်လျက်ရှိပြီး ယခုအခါ နိုင်ငံခြားဘဏ်များရွေးချယ်ရေးလုပ်ကိုင်ဆောင်ရွက်လိုကြောင်း အဆိုပြုလွှာတင်ထားသည့် အကြံပေးကုမ္ပဏီ ၄ ခုရှိကြောင်း မြန်မာနိုင်ငံတော်ဗဟိုဘဏ်က ဇူလိုင်လ ၉ ရက်နေ့တွင် သတင်းထုတ်ပြန်သည်။

အဆိုပါကုမ္ပဏီများမှာ Deloitte Touche Myanmar Vigour Advisory Limited ၊ PricewaterhouseCoopers (PWC) Myanmar Co., Ltd. ၊ EY UTW Advisory Limited နှင့် Roland Berger Co., Ltd. တို့ဖြစ်သည်။

နိုင်ငံခြားဘဏ်ရွေးချယ်ရေးအဖွဲ့သည် စံသတ်မှတ်ချက် ၁၅ ချက်ဖြင့် အဆိုပြုကုမ္ပဏီများကို စိစစ်ရွေးချယ်မည်ဖြစ်ကြောင်း ဇူလိုင်လ ၉ ရက်နေ့က ပြုလုပ်သည့် အဆိုပါအဖွဲ့၏ ငါးကြိမ်မြောက် အစည်းအဝေးတွင် အတည်ပြုထားပြီး နောက်တစ်ကြိမ်ကျင်းပမည့်အစည်းအဝေးတွင် နိုင်ငံခြားဘဏ်ရွေးချယ်ရေးအတွက် အကြံပေးကုမ္ပဏီကို အပြီးသတ်ရွေးချယ်မည်ဖြစ်ကြောင်း ဗဟိုဘဏ်၏ ထုတ်ပြန်ချက်တွင် ဖော်ပြထားသည်။

လက်ရှိ ပြည်တွင်းတွင် ဘဏ်ခွဲဖွင့်ခွင့်ရထားသော နိုင်ငံခြားဘဏ် ၁၃ ခုရှိပြီး ကိုယ်စားလှယ်ရုံးဖွင့်ထားသော နိုင်ငံခြားဘဏ်အပါအဝင် နိုင်ငံခြားငွေရေးကြေးရေးအဖွဲ့အစည်း ၅၁ ခုရှိကြောင်းနိုင်ငံခြားဘဏ်ရွေးချယ်ရေးအဖွဲထံမှ သိရသည်။

You may also like...

Leave a Reply

Your email address will not be published. Required fields are marked *